‘അടിയ​ന്തി​ര​ത​യോ​ടെ വചനം പ്രസം​ഗി​ക്കുക’

¹ “അടിയ​ന്തി​രം” എന്നു രേഖ​പ്പെ​ടു​ത്തിയ എന്തെങ്കി​ലും ലഭിക്കു​ന്നെ​ങ്കിൽ നിങ്ങൾ അതിനെ എങ്ങനെ വീക്ഷി​ക്കും? “അടിയ​ന്തി​രം” എന്ന വാക്കിന്റെ അർഥം “സത്വര ശ്രദ്ധ നൽകേ​ണ്ടത്‌” എന്നാണ്‌. അതു​കൊണ്ട്‌ നല്ല കാരണ​ത്തോ​ടെ തന്നെയാണ്‌ അപ്പൊ​സ്‌ത​ല​നായ പൗലൊസ്‌ ‘അടിയ​ന്തി​ര​ത​യോ​ടെ വചനം പ്രസം​ഗി​ക്കാൻ’ ക്രിസ്‌ത്യാ​നി​കളെ ഉദ്‌ബോ​ധി​പ്പി​ച്ചത്‌. (2 തിമൊ. 4:2, NW) ഈ വേലയ്‌ക്ക്‌ സത്വര ശ്രദ്ധ നൽകി​ക്കൊണ്ട്‌ നിങ്ങൾ അതി​നോ​ടു പ്രതി​ക​രി​ക്കു​ന്നു​വോ?

² ചില സഹോ​ദ​രങ്ങൾ ക്രിസ്‌ത്യാ​നി​ക​ളെന്ന നിലയി​ലുള്ള ‘തങ്ങളുടെ ഉത്തരവാ​ദി​ത്വം അവഗണി​ക്കാ’നുള്ള ഒരു ചായ്‌വ്‌ പ്രകട​മാ​ക്കു​ന്നു​ണ്ടെന്ന റിപ്പോർട്ട്‌ പൗലൊ​സി​നു ലഭിച്ചി​രി​ക്കാം. (റോമ. 12:11, NW) അതു​കൊ​ണ്ടു​തന്നെ, വേലയിൽനി​ന്നു ലഭിച്ച നല്ല ഫലങ്ങളും മറ്റുള്ള​വരെ സഹായി​ക്കു​ന്ന​തിൽ നിന്ന്‌ അവർക്കു​ണ്ടായ സന്തോ​ഷ​വും പരിമി​ത​മാ​യി​രു​ന്നു.

³ ശുശ്രൂ​ഷ​യോ​ടുള്ള യേശു​വി​ന്റെ മനോ​ഭാ​വം: തന്റെ ശുശ്രൂഷ നിറ​വേ​റ്റു​ന്നത്‌ യേശു​വി​നെ സംബന്ധി​ച്ചി​ട​ത്തോ​ളം എത്ര ആനന്ദദാ​യ​ക​മാ​യി​രു​ന്നു! അവൻ പറഞ്ഞു: “എന്നെ അയച്ചവന്റെ ഇഷ്ടം ചെയ്‌തു അവന്റെ പ്രവൃത്തി തികെ​ക്കു​ന്നതു തന്നെ എന്റെ ആഹാരം.” യേശു​വി​ന്റെ മാതൃക അവന്റെ ശിഷ്യ​ന്മാ​രെ പ്രചോ​ദി​പ്പി​ച്ചു. ‘നിലങ്ങൾ കൊയ്‌ത്തി​ന്നു വെളു​ത്തി​രി​ക്കു​ന്നു’ എന്നു പറഞ്ഞു​കൊണ്ട്‌ അവൻ അവർക്കു പ്രോ​ത്സാ​ഹ​ന​മേകി. (യോഹ. 4:34, 35) “കൊയ്‌ത്തി​ന്റെ യജമാ​ന​നോ​ടു കൊയ്‌ത്തി​ലേക്കു വേലക്കാ​രെ അയക്കേ​ണ്ട​തി​ന്നു യാചി​പ്പിൻ” എന്ന ശിഷ്യ​ന്മാ​രോ​ടുള്ള യേശു​വി​ന്റെ വാക്കു​ക​ളിൽ ശുശ്രൂ​ഷ​യി​ലു​ട​നീ​ളം അവൻ പ്രകട​മാ​ക്കിയ അടിയ​ന്തി​ര​താ​ബോ​ധം വ്യക്തമാ​യി​രു​ന്നു. (മത്താ. 9:38) സുവാർത്ത പ്രസം​ഗി​ക്കുക എന്നതാണ്‌ തന്റെ നിയോ​ഗം എന്ന്‌ യേശു​വിന്‌ അറിയാ​മാ​യി​രു​ന്നു. അതിൽ നിന്നു തന്നെ പിന്തി​രി​പ്പി​ക്കാൻ യാതൊ​ന്നി​നെ​യും അനുവ​ദി​ക്കു​ക​യില്ല എന്ന്‌ അവൻ ദൃഢനി​ശ്ചയം ചെയ്‌തി​രു​ന്നു.

⁴ നമ്മെ സംബന്ധി​ച്ചെന്ത്‌? പ്രസം​ഗ​വേ​ല​യിൽ കൂടു​ത​ലാ​യി ഏർപ്പെ​ടേ​ണ്ട​തി​ന്റെ ആവശ്യം ഇന്നു പൂർവാ​ധി​കം അടിയ​ന്തി​ര​മാണ്‌. ലോക​ത്തി​ന്റെ പല ഭാഗങ്ങ​ളി​ലും വയലുകൾ കൊയ്‌ത്തി​നു വിളഞ്ഞി​രി​ക്കു​ക​യാണ്‌. നല്ല സാക്ഷ്യം കൊടു​ത്തു​ക​ഴി​ഞ്ഞി​രി​ക്കു​ന്നു എന്നു തോന്നുന്ന ദേശങ്ങ​ളിൽ പോലും ഓരോ വർഷവും ആയിരങ്ങൾ സ്‌നാ​പ​ന​മേൽക്കു​ന്നുണ്ട്‌. ഈ വ്യവസ്ഥി​തി​യു​ടെ അന്ത്യം സത്വരം സമീപി​ക്കവെ, “കർത്താ​വി​ന്റെ വേലയിൽ ധാരാളം” ചെയ്യാ​നുണ്ട്‌. (1 കൊരി. 15:58, NW) രാജ്യ​സ​ന്ദേശം മറ്റുള്ള​വ​രു​മാ​യി പങ്കിടു​ന്ന​തി​നു നാം തീവ്ര ശ്രമം നടത്തേ​ണ്ടതു മുമ്പെ​ന്ന​ത്തെ​ക്കാ​ളും പ്രധാ​ന​മാണ്‌.

⁵ വീടു​ക​ളും അതു​പോ​ലെ​തന്നെ ആളുകളെ കണ്ടെത്താ​വുന്ന മറ്റിട​ങ്ങ​ളും സന്ദർശി​ച്ചു​കൊണ്ട്‌, സുവാർത്ത അവരുടെ പക്കൽ എത്തിക്കു​ന്ന​തിൽ നമുക്കു ദത്തശ്ര​ദ്ധ​രാ​യി​രി​ക്കാം. പ്രസം​ഗ​വേ​ല​യിൽ നമ്മുടെ പരമാ​വധി ചെയ്യു​മ്പോൾ രാജ്യ​ത്തിന്‌ നമ്മുടെ ജീവി​ത​ത്തിൽ ഒന്നാം സ്ഥാനം കൊടു​ക്കു​ക​യാ​ണെന്ന്‌ നാം വ്യക്തമാ​ക്കു​ക​യാ​യി​രി​ക്കും ചെയ്യുക. (മത്താ. 6:33) സുവാർത്ത അടിയ​ന്തി​ര​ത​യോ​ടെ പ്രസം​ഗി​ക്കു​ന്ന​തി​ലുള്ള വിശ്വ​സ്‌തത, നമുക്കു വളരെ​യ​ധി​കം സന്തോഷം കൈവ​രു​ത്തും.