അന്ത്യം സമീപി​ക്കവേ സാക്ഷീ​ക​രണം തീവ്ര​മാ​ക്കൽ

¹ കൊയ്‌ത്തു​കാ​ലം സന്തോ​ഷ​ത്തി​ന്റെ സമയമാണ്‌, അതേസ​മയം കഠിനാ​ധ്വാ​ന​ത്തി​ന്റെ​യും. വിളവു ശേഖരി​ക്കു​ന്ന​തി​നുള്ള സമയം പരിമി​ത​മാണ്‌. അതു​കൊണ്ട്‌ പണിക്കാർ തങ്ങളുടെ പ്രവർത്ത​ന​ത്തിൽ അലസരാ​ക​രുത്‌.

² ആലങ്കാ​രി​ക​മാ​യി സംസാ​രി​ക്കവേ, “ലോകാ​വ​സാന”ത്തെ യേശു കൊയ്‌ത്തു​കാ​ല​ത്തോട്‌ ഉപമിച്ചു. (മത്താ. 13:39) നാം ജീവി​ക്കു​ന്നത്‌ ഈ വ്യവസ്ഥി​തി​യു​ടെ സമാപ​ന​ത്തി​ങ്ക​ലാണ്‌. “ഭൂലോ​ക​ത്തിൽ ഒക്കെയും പ്രസംഗി”ച്ചുകൊണ്ട്‌ സാക്ഷ്യം കൊടു​ക്കാൻ ഇനി അവശേ​ഷി​ക്കുന്ന സമയം പരിമി​ത​മാണ്‌. (മത്താ. 24:14) അന്ത്യം പൂർവാ​ധി​കം അടുത്തു​വ​രവേ, ശുശ്രൂ​ഷ​യി​ലുള്ള നമ്മുടെ പങ്കു നാം കൂടുതൽ വർധി​പ്പി​ക്കേ​ണ്ട​തുണ്ട്‌. എന്തു​കൊണ്ട്‌? യേശു വിശദീ​ക​രി​ച്ചു: “കൊയ്‌ത്തു വളരെ ഉണ്ടു സത്യം, വേലക്കാ​രോ ചുരുക്കം.”—മത്താ. 9:37, 38; റോമ. 12:11.

³ അത്‌ അടിയ​ന്തി​ര​ത​യോ​ടെ നിവർത്തി​ക്കുക: യേശു തന്റെ മഹത്തായ പ്രസം​ഗ​വേല ആരംഭി​ച്ച​പ്പോൾ, അവന്‌ തന്റെ നിയമിത പ്രവർത്തനം പൂർത്തീ​ക​രി​ക്കു​ന്ന​തിന്‌ വെറും മൂന്നര വർഷമേ ഉണ്ടായി​രു​ന്നു​ള്ളൂ. “ഞാൻ . . . ദൈവ​രാ​ജ്യം സുവി​ശേ​ഷി​ക്കേ​ണ്ട​താ​കു​ന്നു; ഇതിനാ​യി​ട്ട​ല്ലോ എന്നെ അയച്ചി​രി​ക്കു​ന്നത്‌” എന്നു പറഞ്ഞു​കൊണ്ട്‌ വർധിച്ച അടിയ​ന്തി​ര​ത​യോ​ടെ അവൻ പ്രസം​ഗി​ച്ചു.—ലൂക്കൊ. 4:43.

⁴ സമാന​മായ ഒരു അടിയ​ന്തി​രതാ ബോധം യേശു തന്റെ ശിഷ്യ​ന്മാ​രിൽ ഉൾനട്ടു. (മർക്കൊ. 13:32-37) അതു​കൊ​ണ്ടാണ്‌ “അവർ ദിന​മ്പ്രതി ദൈവാ​ല​യ​ത്തി​ലും വീടു​തോ​റും വിടാതെ ഉപദേ​ശി​ക്ക​യും യേശു​വി​നെ ക്രിസ്‌തു എന്നു സുവി​ശേ​ഷി​ക്ക​യും ചെയ്‌തു​കൊ​ണ്ടി​രു”ന്നത്‌. (പ്രവൃ. 5:42) പ്രാധാ​ന്യം കുറഞ്ഞ പ്രവർത്ത​ന​ങ്ങൾക്ക്‌ അവർ തങ്ങളുടെ ജീവി​ത​ത്തിൽ മുൻഗണന നൽകി​യില്ല. എണ്ണത്തിൽ കുറവാ​യി​രു​ന്നെ​ങ്കി​ലും “ആകാശ​ത്തിൻകീ​ഴെ സകലസൃ​ഷ്ടി​ക​ളു​ടെ​യും ഇടയിൽ” സുവാർത്ത പ്രസം​ഗി​ക്കു​ന്ന​തിൽ അവർ വിജയി​ച്ചു.—കൊലൊ. 1:23.

⁵ “എല്ലാറ​റി​ന്റെ​യും അവസാനം സമീപി​ച്ചി​രി​ക്കുന്ന”തിനാൽ ഇപ്പോൾ നമുക്കും സമാന​മായ അടിയ​ന്തി​രതാ ബോധം നട്ടുവ​ളർത്തു​ന്ന​തി​നു കൂടു​ത​ലായ കാരണ​മുണ്ട്‌. (1 പത്രൊ. 4:7) ഈ വ്യവസ്ഥി​തി​യു​ടെ അന്ത്യത്തി​നാ​യി യഹോവ ഒരു ദിവസ​വും മണിക്കൂ​റും നിശ്ചയി​ച്ചി​ട്ടുണ്ട്‌. (മത്താ. 24:36) അതിനു മുമ്പു ശേഷി​ച്ചി​രി​ക്കുന്ന സമയത്ത്‌ പ്രസം​ഗ​വേല പൂർത്തി​യാ​കും. അതു​കൊ​ണ്ടാണ്‌ സുവാർത്ത​യു​മാ​യി കൂടുതൽ കൂടുതൽ ആളുകളെ സമീപി​ക്കാ​നുള്ള നമ്മുടെ ഉദ്യമ​ങ്ങളെ നാം തുടർന്നും തീവ്ര​മാ​ക്കു​ന്നത്‌.

⁶ അന്ത്യം സമീപി​ക്കവേ, സാക്ഷീ​കരണ വേലയി​ലുള്ള പങ്കു വർധി​പ്പി​ക്കു​ന്ന​തി​ലൂ​ടെ, യേശു​വി​നെ​പ്പോ​ലെ പിൻവ​രുന്ന പ്രകാരം യഹോ​വ​യോ​ടു പറയു​ന്ന​തി​ന്റെ സംതൃപ്‌തി നമുക്കും ആസ്വദി​ക്കാ​നാ​കും: ‘നീ ഞങ്ങൾക്കു ചെയ്‌വാൻ തന്ന പ്രവൃത്തി ഞങ്ങൾ തികെ​ച്ചി​രി​ക്കു​ന്നു.’—യോഹ. 17:4.