നാം പ്രസം​ഗി​ക്കു​ന്നതു സുവാർത്ത​യാണ്‌

¹ “നന്മ സുവി​ശേ​ഷി​ക്കുന്ന”വർ ആയിരി​ക്കുക എന്നത്‌ നമ്മെ സംബന്ധി​ച്ചി​ട​ത്തോ​ളം എത്ര ശ്രേഷ്‌ഠ​മായ ഒരു പദവി​യാണ്‌! (റോമ. 10:15) ഉത്‌ക​ണ്‌ഠ​യി​ലും നിരാ​ശ​യി​ലും ആണ്ടു​പോ​യി​രി​ക്കു​ന്ന​വ​രു​മാ​യി പങ്കു​വെ​ക്കാൻ നമുക്ക്‌ നവോ​ന്മേ​ഷ​ദാ​യ​ക​മായ ഒരു സന്ദേശ​മുണ്ട്‌. മെച്ചപ്പെട്ട ഒന്നിനെ കുറി​ച്ചുള്ള ‘സുവാർത്ത’യാണു നാം പറയു​ന്ന​തെന്നു തിരി​ച്ച​റി​യു​ന്ന​തിന്‌ നമുക്ക്‌ അവരെ എങ്ങനെ സഹായി​ക്കാൻ കഴിയും?—യെശ. 52:7.

² ക്രിയാ​ത്മ​ക​മായ ഒരു സന്ദേശം തയ്യാറാ​കുക: ശുശ്രൂ​ഷ​യിൽ ആയിരി​ക്കെ കെട്ടു​പണി ചെയ്യുന്ന കാര്യ​ങ്ങ​ളിൽ നാം ശ്രദ്ധ കേന്ദ്രീ​ക​രി​ക്കു​ന്നെ​ങ്കിൽ നമ്മുടെ സംഭാ​ഷ​ണ​ങ്ങൾക്ക്‌ അനുകൂ​ല​മായ ഫലമു​ണ്ടാ​കും. അതു​കൊണ്ട്‌, അവതരണം തയ്യാറാ​കു​ക​യും സമർപ്പി​ക്കാൻ പോകുന്ന പ്രസി​ദ്ധീ​ക​ര​ണങ്ങൾ പരി​ശോ​ധി​ക്കു​ക​യും ചെയ്യു​മ്പോൾ, സന്ദേശ​ത്തി​ന്റെ ക്രിയാ​ത്മക വശങ്ങൾക്കു നാം പ്രത്യേക ശ്രദ്ധ നൽകേ​ണ്ട​തുണ്ട്‌. ഉത്സാഹ​ത്തോ​ടും ഉത്തമ​ബോ​ധ്യ​ത്തോ​ടും​കൂ​ടെ നാം നമ്മുടെ ബൈബിൾ അധിഷ്‌ഠിത പ്രത്യാശ മറ്റുള്ള​വർക്കു പകർന്നു കൊടു​ക്കു​ന്നെ​ങ്കിൽ, പ്രോ​ത്സാ​ഹ​ജ​ന​ക​മായ ഫലങ്ങൾ പ്രതീ​ക്ഷി​ക്കാൻ കഴിയും.—സദൃ. 25:11.

³ മോശ​മാ​യി​ക്കൊ​ണ്ടി​രി​ക്കുന്ന ലോകാ​വ​സ്ഥകൾ തങ്ങളെ ബാധി​ച്ചി​രി​ക്കുന്ന വിധത്തെ കുറിച്ച്‌ ആളുകൾ പറയു​മ്പോൾ നാം സഹാനു​ഭൂ​തി​യു​ള്ള​വ​രാ​ണെ​ങ്കി​ലും, മനുഷ്യ​രു​ടെ പ്രശ്‌ന​ങ്ങൾക്ക്‌ ഏക പരിഹാ​രം ദൈവ​രാ​ജ്യ​മാ​ണെന്നു നാം അവർക്കു കാണി​ച്ചു​കൊ​ടു​ക്കണം. യഹോ​വ​യു​ടെ ആസന്നമായ “പ്രതി​കാ​ര​ദി​വസ”ത്തെക്കു​റിച്ച്‌ ചർച്ച ചെയ്യു​മ്പോൾ പോലും, അത്‌ യഥാർഥ​ത്തിൽ “സൗമ്യർക്ക്‌ സുവാർത്ത” ആയിരി​ക്കു​ന്നത്‌ എങ്ങനെ​യെന്നു നാം പറഞ്ഞു​കൊ​ടു​ക്കേ​ണ്ട​തുണ്ട്‌. (യെശ. 61:1, 2, NW) യഹോവ ചെയ്യു​ന്ന​തെ​ല്ലാം ആത്യന്തി​ക​മാ​യി അതിമ​ഹ​ത്തായ സന്തോ​ഷ​ത്തി​ലും സത്‌ഫ​ല​ങ്ങ​ളി​ലും കലാശി​ക്കും എന്ന്‌ നമ്മുടെ ശ്രോ​താ​ക്കൾക്ക്‌ ഉറപ്പു​കൊ​ടു​ക്കാൻ നമുക്കു കഴിയും.

⁴ യഥാർഥ സന്തോ​ഷ​ത്തോ​ടെ സത്യം അവതരി​പ്പി​ക്കുക: നമ്മുടെ പ്രസന്ന​മായ മുഖഭാ​വ​വും വാക്കു​ക​ളി​ലൂ​ടെ പ്രകട​മാ​കുന്ന ഉറച്ച ബോധ്യ​വും കാണു​മ്പോൾ, ആളുകൾ ശ്രദ്ധി​ക്കാൻ കൂടുതൽ ചായ്‌വു​ള്ള​വ​രാ​യി​ത്തീ​രും. ശുഭാ​പ്‌തി വിശ്വാ​സ​ത്തോ​ടു​കൂ​ടിയ ഒരു വീക്ഷണ​മാ​ണു നമ്മിൽ പ്രതി​ഫ​ലി​ക്കു​ന്ന​തെ​ങ്കിൽ, “ആശയിൽ സന്തോഷി”ക്കുന്നവ​രാണ്‌ നാം എന്ന്‌ നമ്മുടെ ശ്രോ​താ​ക്കൾ മനസ്സി​ലാ​ക്കും. (റോമ. 12:12) തന്നിമി​ത്തം, അവർ സുവാർത്ത​യോട്‌ അനുകൂ​ല​മാ​യി പ്രതി​ക​രി​ക്കാൻ കൂടുതൽ ചായ്‌വ്‌ കാട്ടി​യേ​ക്കാം. തീർച്ച​യാ​യും, നമ്മുടെ ശുശ്രൂ​ഷ​യു​ടെ എല്ലാ വശങ്ങളി​ലും ക്രിയാ​ത്മ​ക​വും സന്തോ​ഷ​നിർഭ​ര​വു​മായ ഒരു മനോ​ഭാ​വം എല്ലായ്‌പോ​ഴും പ്രകട​മാ​ക്കു​ന്ന​തി​നു തക്ക കാരണം നമുക്കുണ്ട്‌.

⁵ സുവാർത്ത​യു​ടെ ശുശ്രൂ​ഷകർ എന്ന നിലയിൽ വെറുതെ വിവരം അറിയി​ക്കു​ന്ന​തി​ലു​മ​ധി​കം നാം ചെയ്യുന്നു. ഇപ്പോ​ഴ​ത്തെ​യും ഭാവി​യി​ലെ​യും മെച്ചപ്പെട്ട ജീവിതം സംബന്ധിച്ച ഉറച്ച പ്രത്യാശ സുവാർത്താ പ്രസം​ഗ​ത്തി​ലൂ​ടെ നാം ആളുകൾക്കു പകർന്നു​കൊ​ടു​ക്കു​ന്നു. (1 തിമൊ. 4:8) നാം ഓരോ വ്യക്തി​യെ​യും സമീപി​ക്കു​മ്പോൾ, നമ്മുടെ വാക്കു​ക​ളി​ലൂ​ടെ പ്രതി​ഫ​ലി​ക്കുന്ന ക്രിയാ​ത്മക മനോ​ഭാ​വം സുവാർത്ത സ്വീക​രി​ക്കാൻ അവരെ സഹായി​ക്കും. നാം എന്ത്‌, എങ്ങനെ പറയുന്നു എന്നതിനു ശ്രദ്ധ നൽകി​ക്കൊണ്ട്‌, നാം പ്രസം​ഗി​ക്കുന്ന സുപ്ര​ധാ​ന​മായ സുവാർത്ത സ്വീക​രി​ക്കാൻ ആത്മാർഥ​ഹൃ​ദ​യരെ നമുക്കു പ്രോ​ത്സാ​ഹി​പ്പി​ക്കാം!