നമ്മുടെ ‘സന്തുഷ്ട​ദൈ​വ​മായ’ യഹോ​വയെ അനുക​രി​ക്കു​ക

¹ ആളുകൾ സന്തുഷ്ട​രാ​യി​രി​ക്കാൻ യഹോവ തീർച്ച​യാ​യും ആഗ്രഹി​ക്കു​ന്നു. മനുഷ്യ​വർഗ​ത്തി​നാ​യി അവൻ കരുതി​വെ​ച്ചി​രി​ക്കുന്ന അത്ഭുത​ക​ര​മായ അനു​ഗ്ര​ഹ​ങ്ങ​ളെ​ക്കു​റിച്ച്‌ അവന്റെ വചനത്തിൽനി​ന്നു വായി​ക്കു​ന്നതു നമ്മെ പുളകം​കൊ​ള്ളി​ക്കു​ന്നു. (യെശ. 65:21-25) “ധന്യനായ [“സന്തുഷ്ട​നായ,” NW] ദൈവ​ത്തി​ന്റെ മഹത്വ​മുള്ള സുവി​ശേഷം” ആളുക​ളു​മാ​യി പങ്കു​വെ​ക്കു​ന്ന​തിൽ നാം സന്തോഷം കണ്ടെത്തു​ന്നു​വെന്ന്‌ അവർ തിരി​ച്ച​റി​യേ​ണ്ട​തുണ്ട്‌. (1 തിമൊ. 1:11) രാജ്യ​സ​ന്ദേ​ശ​ത്തെ​ക്കു​റി​ച്ചു നാം സംസാ​രി​ക്കുന്ന വിധം സത്യ​ത്തോ​ടുള്ള നമ്മുടെ സ്‌നേ​ഹ​വും നാം സംസാ​രി​ക്കുന്ന വ്യക്തി​ക​ളി​ലുള്ള ആത്മാർഥ താത്‌പ​ര്യ​വും പ്രതി​ഫ​ലി​പ്പി​ക്കണം.—റോമ. 1:14-16.

² തീർച്ചയായും പ്രസന്ന​മായ ഒരു മനോ​ഭാ​വം നിലനി​റു​ത്തു​ക​യെ​ന്നതു ചില​പ്പോ​ഴൊ​ക്കെ ബുദ്ധി​മു​ട്ടാണ്‌. ചില പ്രദേ​ശ​ങ്ങ​ളിൽ രാജ്യ​ദൂ​തി​നോ​ടു പ്രതി​ക​രി​ക്കു​ന്നവർ വളരെ കുറവാണ്‌. കൂടാതെ നമ്മുടെ വ്യക്തി​പ​ര​മായ ജീവി​ത​ത്തി​ലും പ്രയാ​സ​ക​ര​മായ സാഹച​ര്യ​ങ്ങൾ ഉണ്ടാ​യേ​ക്കാം. സന്തോഷം നിലനി​റു​ത്താൻ, നമ്മുടെ പ്രദേ​ശ​ത്തുള്ള ആളുകൾ രാജ്യ​സു​വാർത്ത കേൾക്കു​ക​യും അതിന്റെ അർഥം ഗ്രഹി​ക്കു​ക​യും ചെയ്യേ​ണ്ടത്‌ സുപ്ര​ധാ​ന​മാ​ണെന്ന കാര്യം നാം ഓർക്കണം. (റോമ. 10:13, 14, 17) അത്തരം കാര്യങ്ങൾ പരിചി​ന്തി​ക്കു​ന്നത്‌ രക്ഷയ്‌ക്കാ​യുള്ള യഹോ​വ​യു​ടെ കരുണാർദ്ര​മായ കരുത​ലു​ക​ളെ​ക്കു​റി​ച്ചു സന്തോ​ഷ​പൂർവം ആളുക​ളോ​ടു സംസാ​രി​ക്കു​ന്ന​തിൽ തുടരാൻ നമ്മെ സഹായി​ക്കും.

³ ക്രിയാത്മകവശങ്ങളിൽ ശ്രദ്ധ​കേ​ന്ദ്രീ​ക​രി​ക്കുക: നാം എന്തു പറയുന്നു എന്നതി​ലും ശ്രദ്ധപു​ലർത്തേ​ണ്ട​തുണ്ട്‌. ആളുക​ളു​ടെ മനസ്സിൽ തങ്ങിനിൽക്കുന്ന ഒരു പ്രശ്‌ന​മോ വാർത്ത​യോ പരാമർശി​ച്ചു​കൊണ്ട്‌ സംഭാ​ഷണം ആരംഭി​ച്ചേ​ക്കാ​മെ​ങ്കി​ലും മനസ്സിനെ വിഷമി​പ്പി​ക്കുന്ന കാര്യ​ങ്ങൾതന്നെ വീണ്ടും​വീ​ണ്ടും പറഞ്ഞു​കൊ​ണ്ടി​രി​ക്ക​രുത്‌. “സദ്‌വാർത്ത അറിയി​ക്കുക” എന്നതാണു നമ്മുടെ നിയമനം. (യെശ. 52:7, പി.ഒ.സി. ബൈബിൾ; റോമ. 10:15) ശോഭ​ന​മായ ഒരു ഭാവി സംബന്ധി​ച്ചുള്ള ദൈവ​ത്തി​ന്റെ വാഗ്‌ദാ​ന​ങ്ങ​ളിൽ അധിഷ്‌ഠി​ത​മായ ഒരു സന്ദേശ​മാണ്‌ ഈ സദ്‌വാർത്ത. (2 പത്രൊ. 3:13) അക്കാര്യം മനസ്സിൽപ്പി​ടി​ച്ചു​കൊണ്ട്‌ തിരു​വെ​ഴു​ത്തു​കൾ ഉപയോ​ഗിച്ച്‌ ‘ഹൃദയം തകർന്ന​വരെ മുറി​കെ​ട്ടാൻ’ ശ്രമി​ക്കുക. (യെശ. 61:1, 2) പ്രസന്ന​മായ ഒരു മനോ​ഭാ​വ​വും ക്രിയാ​ത്മ​ക​മായ സമീപ​ന​വും ഉള്ളവരാ​യി​രി​ക്കാൻ അതു നമ്മെ​യെ​ല്ലാം സഹായി​ക്കും.

⁴ പ്രസംഗപ്രവർത്തനത്തിൽ ഏർപ്പെ​ടു​മ്പോൾ നമുക്കുള്ള സന്തോ​ഷ​വും ഉത്സാഹ​വു​മെ​ല്ലാം ആളുകൾ ശ്രദ്ധി​ക്കു​മെ​ന്ന​തിൽ യാതൊ​രു സംശയ​വു​മില്ല. അതു​കൊണ്ട്‌ നമ്മുടെ പ്രദേ​ശ​ത്തു​ള്ള​വ​രു​മാ​യി രാജ്യ​ത്തി​ന്റെ സുവാർത്ത പങ്കു​വെ​ക്കവേ എല്ലായ്‌പോ​ഴും നമുക്കു നമ്മുടെ ‘സന്തുഷ്ട​ദൈ​വ​മായ’ യഹോ​വ​യു​ടെ അതേ മാനസി​ക​ഭാ​വം പ്രതി​ഫ​ലി​പ്പി​ക്കാം.