‘പരി​ശോ​ധി​ക്ക​പ്പെട്ട്‌ യോഗ്യ​രെന്നു തെളി​യു​ന്നു’—എങ്ങനെ?

¹ യഹോ​വ​യു​ടെ സംഘടന വളർന്നു​കൊ​ണ്ടി​രി​ക്കു​ക​യാണ്‌. അതു​കൊണ്ട്‌ ഇപ്പോൾ കൂടുതൽ ശുശ്രൂ​ഷാ​ദാ​സ​ന്മാ​രെ ആവശ്യ​മുണ്ട്‌. ഇതുവരെ ശുശ്രൂ​ഷാ​ദാ​സ​ന്മാ​രാ​യി നിയമി​ക്ക​പ്പെ​ട്ടി​ട്ടി​ല്ലാത്ത, കൗമാ​ര​പ്രാ​യ​ക്കാർ ഉൾപ്പെ​ടെ​യുള്ള മിക്ക സഹോ​ദ​ര​ങ്ങൾക്കും സഭയിൽ സേവി​ക്കാൻ ആഗ്രഹ​മുണ്ട്‌. കൂടു​ത​ലായ ഉത്തരവാ​ദി​ത്വ​ങ്ങൾ ലഭിക്കു​മ്പോൾ, തങ്ങളെ​ക്കൊണ്ട്‌ പ്രയോ​ജ​ന​മുണ്ട്‌ എന്ന തോന്നൽ അവർക്ക്‌ ഉണ്ടാകു​ന്നു. ഇത്‌ സംതൃ​പ്‌തി കൈവ​രു​ത്തു​ന്നു. ‘പരി​ശോ​ധി​ക്ക​പ്പെട്ട്‌ യോഗ്യ​രെന്നു തെളി​യു​ന്നു’വോ എന്നതിനെ ആശ്രയി​ച്ചി​രി​ക്കും അവരുടെ തുടർന്നുള്ള പുരോ​ഗതി. (1 തിമൊ. 3:10, NW) അതെങ്ങ​നെ​യാ​ണു സാധി​ക്കു​ന്നത്‌?

² മൂപ്പന്മാർ വഹിക്കുന്ന പങ്ക്‌: ഒരു സഹോ​ദ​രനെ, 1 തിമൊ​ഥെ​യൊസ്‌ 3:8-13-ൽ പട്ടിക​പ്പെ​ടു​ത്തി​യി​രി​ക്കുന്ന യോഗ്യ​ത​ക​ളു​ടെ അടിസ്ഥാ​ന​ത്തിൽ അളക്കു​ന്ന​തി​ന്റെ ഭാഗമാ​യി, ഉത്തരവാ​ദി​ത്വ​ങ്ങൾ ഏറ്റെടു​ക്കാ​നുള്ള അയാളു​ടെ പ്രാപ്‌തി​യും മൂപ്പന്മാർ കണക്കി​ലെ​ടു​ക്കും. മാസി​ക​ക​ളും സാഹി​ത്യ​ങ്ങ​ളും വിതരണം ചെയ്യൽ, മൈക്കു​കൾ കൈകാ​ര്യം ചെയ്യൽ, രാജ്യ​ഹാ​ളി​ന്റെ പരിപാ​ലനം എന്നിവ​യോ​ടു ബന്ധപ്പെട്ട കാര്യ​ങ്ങ​ളിൽ സഹായി​ക്കാൻ അവർ ആ വ്യക്തിയെ നിയമി​ച്ചേ​ക്കാം. വ്യക്തി തന്റെ നിയമ​ന​ങ്ങ​ളോട്‌ എങ്ങനെ പ്രതി​ക​രി​ക്കു​ന്നു എന്നും അവ എങ്ങനെ നിർവ​ഹി​ക്കു​ന്നു എന്നും മൂപ്പന്മാർ നിരീ​ക്ഷി​ക്കും. ആശ്രയ​യോ​ഗ്യത, സമയനിഷ്‌ഠ, ശുഷ്‌കാ​ന്തി, എളിമ, മനസ്സൊ​രു​ക്കം, മറ്റുള്ള​വ​രു​മാ​യി പൊരു​ത്ത​പ്പെട്ടു പോകാ​നുള്ള കഴിവ്‌ എന്നീ ഗുണങ്ങൾ ആ വ്യക്തി​യിൽ ഉണ്ടോ എന്ന്‌ അവർ നോക്കും. (ഫിലി. 2:20) വസ്‌ത്ര​ധാ​ര​ണ​ത്തി​ന്റെ​യും ചമയത്തി​ന്റെ​യും കാര്യ​ത്തിൽ വ്യക്തി മാതൃ​കാ​യോ​ഗ്യ​നാ​ണോ? അയാൾ ഉത്തരവാ​ദി​ത്വ​ബോ​ധം ഉള്ളവനാ​ണോ? അയാളു​ടെ ‘നല്ലനട​പ്പിൽ ജ്ഞാനല​ക്ഷ​ണ​മായ സൌമ്യത’ കാണാൻ അവർ ആഗ്രഹി​ക്കു​ന്നു. (യാക്കോ. 3:13) സഭയെ സേവി​ക്കാ​നുള്ള തന്റെ ആഗ്രഹം വ്യക്തി പ്രവർത്ത​ന​ത്തി​ലൂ​ടെ പ്രകട​മാ​ക്കു​ന്നു​ണ്ടോ? വയൽ ശുശ്രൂ​ഷ​യിൽ തീക്ഷ്‌ണ​ത​യോ​ടെ പങ്കുപ​റ്റി​ക്കൊണ്ട്‌ “സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ” എന്ന യേശു​വി​ന്റെ കൽപ്പന അയാൾ അനുസ​രി​ക്കു​ന്നു​ണ്ടോ?—മത്താ. 28:19, 20; 1991 മേയ്‌ 1 ലക്കം വീക്ഷാ​ഗോ​പു​ര​ത്തി​ന്റെ 10-20 പേജുകൾ കാണുക.

³ ശുശ്രൂ​ഷാ​ദാ​സ​നാ​യി നിയമി​ക്ക​പ്പെ​ടു​ന്ന​തിന്‌ ബൈബിൾ ഒരു നിർദിഷ്ട പ്രായ​പ​രി​ധി വെക്കു​ന്നി​ല്ലെ​ങ്കി​ലും അത്തരം സഹോ​ദ​ര​ന്മാ​രെ “ശുശ്രൂഷ ചെയ്യുന്ന പുരു​ഷ​ന്മാർ” എന്നാണു ബൈബിൾ വിളി​ക്കു​ന്നത്‌. പ്രത്യേ​കിച്ച്‌, ഭാര്യ​യും കുട്ടി​ക​ളും ഉണ്ടായി​രി​ക്കാ​നുള്ള സാധ്യത കൂടി നൽകി​യി​രി​ക്കു​ന്ന​തി​നാൽ അവർ കൗമാ​ര​പ്രാ​യ​ത്തി​ന്റെ തുടക്ക​ത്തി​ലോ മധ്യത്തി​ലോ ഉള്ളവരാ​യി​രി​ക്കാൻ തീർച്ച​യാ​യും സാധ്യ​ത​യില്ല. (1 തിമൊ. 3:12, 13, NW) ഈ പുരു​ഷ​ന്മാർ ‘യൗവന​മോ​ഹ​ങ്ങൾക്ക്‌’ വശംവ​ദ​രാ​കു​ന്നവർ ആയിരി​ക്ക​രുത്‌. മറിച്ച്‌, അവർ ഗൗരവ​മാ​ന​സ​രും ദൈവ​ത്തി​നും മനുഷ്യർക്കും മുമ്പാകെ നല്ല നടത്തയും ശുദ്ധ മനസ്സാ​ക്ഷി​യും ഉള്ളവരും ആയിരി​ക്കണം.—2 തിമൊ. 2:22.

⁴ സ്വതസ്സി​ദ്ധ​മായ കഴിവിന്‌ അതി​ന്റേ​തായ പ്രയോ​ജ​നങ്ങൾ ഉണ്ടെങ്കി​ലും ഒരുവന്റെ മനോ​ഭാ​വ​മാണ്‌ ഏറ്റവും പ്രാധാ​ന്യം അർഹി​ക്കുന്ന സംഗതി. ദൈവത്തെ സ്‌തു​തി​ക്കാ​നും തന്റെ സഹോ​ദ​ര​ങ്ങളെ സേവി​ക്കാ​നും ഒരു സഹോ​ദരൻ വിനയ​പൂർവം ആഗ്രഹി​ക്കു​ന്നു​വോ? എങ്കിൽ സഭയിൽ പുരോ​ഗതി കൈവ​രി​ക്കാ​നുള്ള അയാളു​ടെ ശ്രമങ്ങളെ യഹോവ അനു​ഗ്ര​ഹി​ക്കു​ക​തന്നെ ചെയ്യും.