യഹോ​വ​യു​ടെ അനു​ഗ്രഹം നമ്മെ സമ്പന്നരാ​ക്കു​ന്നു

¹ കിട്ടുന്ന ശമ്പളത്തി​ന്റെ അടിസ്ഥാ​ന​ത്തി​ലാണ്‌ മിക്ക​പ്പോ​ഴും വ്യക്തി​ക​ളു​ടെ വിജയം അളക്കു​ന്നത്‌. അതു​കൊ​ണ്ടാണ്‌ പണമു​ള്ള​വരെ ആളുകൾ ഏറ്റവും സന്തുഷ്ട​രും സംതൃ​പ്‌ത​രു​മാ​യി വീക്ഷി​ക്കു​ന്നത്‌. എന്നാൽ അങ്ങനെ വിചാ​രി​ക്കു​ന്ന​വർക്കു തെറ്റു​പ​റ്റി​യി​രി​ക്കു​ന്നു. (സഭാ. 5:12) ഭൗതി​ക​മാ​യി “ധനിക​ന്മാ​രാ​കു​വാൻ ആഗ്രഹി​ക്കു​ന്നവർ”ക്ക്‌ നിലനിൽക്കുന്ന സന്തോ​ഷ​മില്ല. (1 തിമൊ. 6:9) എന്നാൽ, യഹോ​വ​യു​ടെ ദാസന്മാർ യഥാർഥ​ത്തിൽ സന്തുഷ്ട​രും ലോക​ത്തി​ലെ ഏറ്റവും സമ്പന്നരു​മാണ്‌. (സദൃ. 10:22; വെളി. 2:9) എങ്ങനെ?

² നമ്മുടെ സമ്പത്തിന്റെ തെളിവ്‌: ദൈവ​വ​ച​ന​മായ ബൈബി​ളി​നെ​ക്കു​റിച്ച്‌ നമുക്ക്‌ സമൃദ്ധ​മായ ആത്മീയ ഉൾക്കാ​ഴ്‌ച​യും ഗ്രാഹ്യ​വു​മുണ്ട്‌. നമ്മുടെ നിത്യ പ്രയോ​ജ​ന​ത്തി​നാ​യി, തന്റെ ഭൗമിക സംഘടന മുഖാ​ന്തരം യഹോവ തന്നെക്കു​റി​ച്ചും തന്റെ പുത്ര​നെ​ക്കു​റി​ച്ചും നമ്മെ തുടർച്ച​യാ​യി പഠിപ്പി​ക്കു​ന്നു. യഹോ​വ​യോട്‌ അടുത്തു​വ​രാ​നും അവനു​മാ​യി ഉറ്റബന്ധം ആസ്വദി​ക്കാ​നും സൂക്ഷ്‌മ പരിജ്ഞാ​നം നമ്മെ സഹായി​ക്കു​ന്നു. (യാക്കോ. 4:8) നന്മതി​ന്മ​കളെ വിവേ​ചി​ച്ച​റി​യു​ന്ന​തും ദൈവ​നി​യ​മങ്ങൾ അനുസ​രി​ക്കു​ന്ന​തും ചില രോഗ​ങ്ങ​ളിൽനി​ന്നും അപകട​ങ്ങ​ളിൽനി​ന്നും നമുക്കു സംരക്ഷ​ണ​മേ​കു​ന്നു. ആവശ്യ​മാ​യ​തെ​ല്ലാം യഹോവ നൽകു​മെന്ന ഉറപ്പ്‌ നമുക്കുണ്ട്‌, അത്‌ ദൈവിക സംതൃ​പ്‌തി​യി​ലും മനസ്സമാ​ധാ​ന​ത്തി​ലും കലാശി​ക്കു​ന്നു.—മത്താ. 6:33.

³ ദൈവാത്മാവിന്റെ ഫലം നട്ടുവ​ളർത്തു​ന്ന​തി​നാൽ ആത്മീയ സഹോ​ദ​ര​വർഗ​ത്തി​നു​ള്ളിൽ നാം സമാധാ​ന​വും ഐക്യ​വും ആസ്വദി​ക്കു​ന്നു. സ്‌നേ​ഹ​ത്തി​ന്റെ ശക്തമായ ബന്ധത്തി​ലൂ​ടെ ഏകീക​രി​ക്ക​പ്പെ​ട്ട​വ​രായ നമുക്ക്‌ അനർഥങ്ങൾ സംഭവി​ക്കു​മ്പോൾ ദൈവ​മോ സഹോ​ദ​ര​ങ്ങ​ളോ ഉപേക്ഷി​ക്കു​ക​യില്ല എന്ന ബോധ്യ​മുണ്ട്‌.—ഗലാ. 6:10.

⁴ നമ്മുടെ ജീവി​ത​ത്തിന്‌ യഥാർഥ അർഥവും ഉദ്ദേശ്യ​വു​മുണ്ട്‌. സുവാർത്ത​യു​ടെ ആഗോള പ്രസം​ഗ​വേ​ല​യിൽ പങ്കെടു​ക്കു​ന്നത്‌ ഒരു ഉത്തമ പദവി​യാ​യി നാം വീക്ഷി​ക്കു​ന്നു. ദൈവ​വു​മാ​യി ഒരു നല്ല ബന്ധത്തി​ലേക്കു വരാനും നിർമ​ലാ​രാ​ധ​ന​യിൽ നമ്മോ​ടൊത്ത്‌ അവനെ സേവി​ക്കാ​നും മറ്റുള്ള​വരെ സഹായി​ക്കു​ന്നത്‌ നമുക്കു നിലനിൽക്കുന്ന സന്തോഷം നേടി​ത്ത​രു​ന്നു. ശുശ്രൂ​ഷ​യെന്ന നമ്മുടെ അമൂല്യ​നി​ധി യഹോ​വ​യ്‌ക്ക്‌ ബഹുമതി കരേറ്റു​ക​യും അവന്റെ നാമവി​ശു​ദ്ധീ​ക​ര​ണത്തെ പിന്തു​ണ​ച്ച​തി​ലുള്ള സംതൃ​പ്‌തി നമുക്കു കൈവ​രു​ത്തു​ക​യും ചെയ്യുന്നു. നമ്മുടെ ഭാവി​പ്ര​ത്യാ​ശ സാക്ഷാ​ത്‌ക​രി​ക്ക​പ്പെ​ടും എന്ന തിരി​ച്ച​റി​വോ​ടെ ക്രിയാ​ത്മ​ക​മായ മനോ​ഭാ​വം നിലനി​റു​ത്താൻ നമുക്കു സാധി​ക്കു​ന്നു.

⁵ വിലമതിപ്പ്‌ പ്രകട​മാ​ക്കൽ: നമ്മെ ലോക​ത്തി​ലെ ഏറ്റവും സമ്പന്നരാ​ക്കുന്ന യഹോ​വ​യു​ടെ അനു​ഗ്ര​ഹ​ങ്ങ​ളോട്‌ നമുക്ക്‌ എന്നെന്നും വിലമ​തി​പ്പു​ള്ളവർ ആയിരി​ക്കാം. (സദൃ. 22:4) നമുക്കു​ള്ള​തി​നെ​ക്കു​റി​ച്ചു ധ്യാനി​ക്കാൻ ഓരോ ദിവസ​വും സമയ​മെ​ടു​ക്കു​ന്നത്‌ യഹോ​വ​യു​ടെ ഉദാര​മായ സ്‌നേ​ഹ​ത്തി​നു നന്ദി കരേറ്റാ​നും അവന്‌ അനന്യ​ഭക്തി അർപ്പി​ക്കു​ന്ന​തിൽ തുടരാ​നും നമ്മെ പ്രേരി​പ്പി​ക്കു​ന്നു.