നമു​ക്കൊ​രി​ക്ക​ലും ഇത്രമാ​ത്രം ആത്മീയ സമൃദ്ധി​യു​ണ്ടാ​യി​രു​ന്നി​ട്ടില്ല!

¹ “നമു​ക്കൊ​രി​ക്ക​ലും ഇത്രമാ​ത്രം സമൃദ്ധി​യു​ണ്ടാ​യി​രു​ന്നി​ട്ടില്ല!” എന്നു തങ്ങൾക്കു പറയാൻ കഴിയുന്ന ദിവസ​ത്തി​നു​വേണ്ടി മിക്ക ആളുക​ളും വാഞ്‌ഛി​ക്കു​ന്നു. അവരുടെ മനസ്സിൽ, ആ ദിവസം വരുന്നത്‌ ‘ആശ്വസി​ക്കാ​നും തിന്നാ​നും കുടി​ക്കാ​നും ആനന്ദി​ക്കാ​നും’ കഴിയു​ന്ന​വി​ധം ഭൗതിക കാര്യങ്ങൾ സമൃദ്ധ​മാ​യി ഉണ്ടാകു​മ്പോ​ഴാണ്‌. (ലൂക്കൊ. 12:19) പ്രത്യുത, നമുക്ക്‌ യാതൊ​രു നന്മയ്‌ക്കും കുറവി​ല്ലെന്ന്‌ ഒരു ആത്മീയ അർഥത്തിൽ ഇപ്പോൾ പറയാൻ കഴിയും. (സങ്കീ. 34:10) അതെങ്ങനെ?

² “യഹോ​വ​യു​ടെ അനു​ഗ്ര​ഹ​ത്താൽ സമ്പത്തു​ണ്ടാ​കു​ന്നു” എന്ന്‌ സദൃശ​വാ​ക്യ​ങ്ങൾ 10:22 പ്രഖ്യാ​പി​ക്കു​ന്നു. അത്തരം ദൈവ​പ്രീ​തി അനുഭ​വി​ക്കു​ന്ന​വർക്ക്‌, ദൈവം “നമുക്കു സകലവും ധാരാ​ള​മാ​യി അനുഭ​വി​പ്പാൻ തരു”ന്നുവെന്നു വാസ്‌ത​വ​ത്തിൽ പറയാൻ കഴിയും. (1 തിമൊ. 6:17) ഇതു നമ്മെ ഭൂമി​യി​ലെ ഏറ്റവും സമ്പന്നരായ ആളുക​ളാ​ക്കി​ത്തീർക്കു​ന്നു!

³ നമ്മുടെ അനു​ഗ്ര​ഹ​ങ്ങളെ എണ്ണൽ: നമ്മിൽ കുറച്ചു പേർക്കു മാത്രമേ ഭൗതി​ക​വ​സ്‌തു​ക്കൾ സമൃദ്ധ​മാ​യു​ള്ളു. എങ്കിലും, നാം അനുഗൃ​ഹീ​ത​രാണ്‌, എന്തു​കൊ​ണ്ടെ​ന്നാൽ നാം നമ്മുടെ അനുദിന ആവശ്യങ്ങൾ സംബന്ധിച്ച്‌ അമിത​മാ​യി ഉത്‌ക​ണ്‌ഠ​യു​ള്ള​വരല്ല. നമുക്ക്‌ ഏതു സംഗതി​ക​ളാണ്‌ ആവശ്യ​മെന്ന്‌ യഹോ​വ​യ്‌ക്ക്‌ അറിയാം, അവ പ്രദാനം ചെയ്യു​മെന്ന്‌ അവൻ വാഗ്‌ദാ​നം ചെയ്യുന്നു. (മത്താ. 6:31-33) അവൻ നൽകുന്ന ഉറപ്പ്‌ വാസ്‌ത​വ​ത്തിൽ വിലതീ​രാത്ത മനസ്സമാ​ധാ​നം നമുക്കു പ്രദാനം ചെയ്യുന്നു.

⁴ എന്നാൽ നമ്മുടെ ആത്മീയ അനു​ഗ്ര​ഹങ്ങൾ അതിലു​മേ​റെ​യാണ്‌. നമ്മുടെ ജീവിതം യഹോ​വ​യിൽനി​ന്നുള്ള ആത്മീയ ആഹാരത്തെ ആശ്രയി​ച്ചി​രി​ക്കു​ന്നു. (മത്താ. 4:4) നാം തൃപ്‌തി​യാ​വോ​ളം തിന്നു കുടി​ക്കു​മ്പോൾ ആത്മീയ ഉപജീ​വ​ന​ത്തി​നാ​യി ലൗകിക ഉറവി​ട​ങ്ങ​ളി​ലേക്കു നോക്കു​ന്നവർ വിശന്നു​വ​ല​യു​ന്നു. (യെശ. 65:13) നിത്യ​ജീ​വ​നി​ലേക്കു നയിക്കുന്ന പരിജ്ഞാ​ന​ത്തി​ന്റെ തീർന്നു​പോ​കാത്ത വിതരണം ‘വിശ്വ​സ്‌ത​നായ അടിമ’ നമുക്കു ലഭ്യമാ​ക്കു​ന്നു.—മത്താ. 24:45; യോഹ. 17:3.

⁵ നമ്മുടെ വിലപ്പെട്ട ലോക​വ്യാ​പക സാഹോ​ദ​ര്യം ഭൂമി​യു​ടെ എല്ലാ ഭാഗത്തു​മുള്ള സ്‌നേ​ഹ​സ​മ്പ​ന്ന​രായ സഹോ​ദരീ സഹോ​ദ​രൻമാ​രു​ടെ ഊഷ്‌മള കൂട്ടായ്‌മ നമുക്കു പ്രദാനം ചെയ്യുന്നു. (യോഹ. 13:35) പ്രാ​ദേ​ശിക സഭ നമുക്ക്‌ ആശ്വാ​സ​വും നവോൻമേ​ഷ​വും കണ്ടെത്താൻ കഴിയുന്ന ഒരു സമാധാന സങ്കേത​മാണ്‌. പലതര​ത്തി​ലുള്ള പ്രശ്‌ന​ങ്ങളെ തരണം ചെയ്യാൻ നമ്മെ സഹായി​ച്ചു​കൊണ്ട്‌ മൂപ്പൻമാർ നമ്മുടെ ദേഹി​കളെ കാവൽ ചെയ്യുന്നു. (എബ്രാ. 13:17) സഹോ​ദ​ര​ങ്ങ​ളോ​ടു നാം അടുക്കു​ന്നത്‌ സ്ഥിരോ​ത്സാ​ഹി​ക​ളാ​യി നിൽക്കാൻ നമ്മെ ശക്തി​പ്പെ​ടു​ത്തുന്ന പ്രോ​ത്സാ​ഹന കൈമാ​റ്റ​ത്തി​നി​ട​യാ​ക്കു​ന്നു—റോമ. 1:11, 12.

⁶ നമ്മുടെ ജോലി​യും ഒരു അനു​ഗ്ര​ഹ​മാണ്‌. ലൗകിക ജോലി​കൾ പലതും ക്ഷീണി​പ്പി​ക്കു​ന്ന​വ​യും തൃപ്‌തി​ക​ര​മ​ല്ലാ​ത്ത​വ​യു​മാണ്‌. സുവാർത്ത പങ്കുവ​യ്‌ക്കു​ന്നതു മറ്റുള്ള​വർക്ക്‌ ആനന്ദവും നമുക്കു​തന്നെ സന്തോ​ഷ​വും കൈവ​രു​ത്തു​ന്നു. (പ്രവൃ. 20:35) നമ്മുടെ മുഴു കഠിനാ​ധ്വാ​ന​ത്തി​നും തക്ക നന്മ അനുഭ​വി​ക്കാൻ നമുക്കു യഥാർഥ​ത്തിൽ കഴിയു​ന്നു.—സഭാ. 2:24.

⁷ സർവോ​പരി, നമുക്കു ഭാവിയെ സംബന്ധിച്ച്‌ അത്ഭുത​ക​ര​മായ ഒരു പ്രത്യാ​ശ​യുണ്ട്‌. (റോമ. 12:12) നമ്മുടെ പ്രിയ​പ്പെ​ട്ട​വ​രോ​ടൊ​പ്പം സന്തോ​ഷ​ത്തി​ലും സമാധാ​ന​ത്തി​ലും എന്നേക്കും ജീവി​ക്കാൻ പോകുന്ന നീതി​നി​ഷ്‌ഠ​മായ പൂർണ​ത​യുള്ള ഒരു പുതിയ ലോക​ത്തി​നു​വേണ്ടി നാം നോക്കി​പ്പാർത്തി​രി​ക്കു​ന്നു! ഈ ലോക​ത്തി​നു വാഗ്‌ദാ​നം ചെയ്യാ​നുള്ള എന്തി​നെ​ക്കാ​ളും വില​യേ​റിയ ഒരു നിധി​യാണ്‌ ഈ പ്രത്യാശ.—1 തിമൊ. 6:19.

⁸ നമുക്ക്‌ എങ്ങനെ വിലമ​തി​പ്പു പ്രകടി​പ്പി​ക്കാൻ കഴിയും? യഹോവ നമുക്കു​വേണ്ടി ചെയ്‌തി​ട്ടു​ള്ള​തിന്‌ നമു​ക്കൊ​രി​ക്ക​ലും പകരം നൽകാൻ കഴിയില്ല. പിൻവ​രുന്ന കാര്യങ്ങൾ ചെയ്‌തു​കൊണ്ട്‌ നമ്മുടെ വിലമ​തി​പ്പു പ്രകടി​പ്പി​ക്കാൻ മാത്രമേ കഴിയൂ: (1) അവന്റെ അനർഹ ദയയ്‌ക്ക്‌ എല്ലാ ദിവസ​വും അവനോ​ടു നന്ദി പറയുക (എഫെ. 5:20), (2) അനുസ​ര​ണ​മു​ള്ള​വ​രാ​യി​രു​ന്നു​കൊണ്ട്‌ നമ്മുടെ സ്‌നേഹം പ്രകടി​പ്പി​ക്കുക (1 യോഹ. 5:3), (3) സുവാർത്ത പ്രസം​ഗി​ച്ചു​കൊണ്ട്‌ അവന്റെ നാമം വിശു​ദ്ധ​മാ​ക്കുക (സങ്കീ. 83:18), (4) പൂർണ​ഹൃ​ദ​യ​ത്തോ​ടെ​യുള്ള നമ്മുടെ സഹകര​ണ​ത്തി​ലൂ​ടെ ക്രിസ്‌തീയ സഭയെ പിന്തു​ണ​യ്‌ക്കുക.—1 തിമൊ. 3:15.

⁹ ഭൂമി​യി​ലെ ഏറ്റവും സന്തുഷ്ട ജനമാ​യി​രി​ക്കു​ന്ന​തിന്‌ നമുക്കു സകല കാരണ​വു​മുണ്ട്‌. (സങ്കീ. 144:15ബി) നമ്മുടെ മനോ​ഭാ​വ​വും നടത്തയും സേവന​വും ആത്മീയ പറുദീ​സ​യിൽ നമുക്ക​നു​ഭ​വ​പ്പെ​ടുന്ന ആനന്ദത്തെ പ്രതി​ഫ​ലി​പ്പി​ക്കട്ടെ. നമു​ക്കൊ​രി​ക്ക​ലും ഇത്രമാ​ത്രം സമൃദ്ധി​യു​ണ്ടാ​യി​രു​ന്നി​ട്ടില്ല!