നിങ്ങൾ ധൈര്യ​ത്തോ​ടെ പ്രസം​ഗി​ക്കു​ന്നു​വോ?

¹ പത്രൊസിനെയും യോഹ​ന്നാ​നെ​യും എതിരാ​ളി​കൾ അറസ്റ്റു ചെയ്യു​ക​യും ഭീഷണി​പ്പെ​ടു​ത്തു​ക​യും ചെയ്‌തി​ട്ടും അവർ രാജ്യ​സ​ന്ദേശം ധൈര്യ​ത്തോ​ടെ ഘോഷി​ക്കു​ന്ന​തിൽ തുടർന്നു. (പ്രവൃ. 4:17, 21, 31) ധൈര്യ​ത്തോ​ടെ പ്രസം​ഗി​ക്കു​ക​യെ​ന്നാൽ ഇന്ന്‌ എന്താണ്‌ അർഥമാ​ക്കു​ന്നത്‌?

² ധൈര്യത്തോടെ സാക്ഷീ​ക​രി​ക്കൽ: “ധൈര്യ​മുള്ള” എന്നതിന്റെ ഒരു പര്യായം “ഭയമി​ല്ലാത്ത” എന്നാണ്‌. “നിർഭ​യ​ത്വ​വും മനക്കരു​ത്തും സഹിഷ്‌ണു​ത​യും” പ്രകട​മാ​ക്കു​ന്ന​തിൽ “ഉറച്ച നിലപാട്‌ സ്വീക​രി​ക്കു​ന്ന​തി​നെ” അത്‌ അർഥമാ​ക്കു​ന്നു. ക്രിസ്‌ത്യാ​നി​കളെ സംബന്ധി​ച്ചി​ട​ത്തോ​ളം, ധൈര്യ​ത്തോ​ടെ പ്രസം​ഗി​ക്കുക എന്നാൽ, മറ്റുള്ള​വ​രു​മാ​യി സുവാർത്ത പങ്കു​വെ​ക്കാൻ ഉചിത​മായ അവസരം ലഭ്യമാ​കു​മ്പോ​ഴെ​ല്ലാം നിർഭയം സംസാ​രി​ക്കുക എന്നാണ്‌. (പ്രവൃ. 4:20; 1 പത്രൊ. 3:15) സുവാർത്ത സംബന്ധിച്ച്‌ നാം ലജ്ജിക്കു​ന്നില്ല എന്നാണ്‌ അതിന്റെ അർഥം. (സങ്കീ. 119:46; റോമ. 1:16; 2 തിമൊ. 1:8) അതു​കൊണ്ട്‌, രാജ്യ​സു​വാർത്ത പ്രസം​ഗി​ക്കാ​നുള്ള നിയോ​ഗം ഈ അന്ത്യകാ​ലത്ത്‌ നിറ​വേ​റ്റു​ന്ന​തിന്‌ ആവശ്യ​മായ ഒരു ഗുണമാണ്‌ ധൈര്യം. കണ്ടുമു​ട്ടുന്ന എല്ലാവ​രോ​ടും സുവാർത്ത പങ്കു​വെ​ക്കാൻ അതു നമ്മെ പ്രേരി​പ്പി​ക്കു​ന്നു.—പ്രവൃ. 4:30; 1 കൊരി. 9:23.

³ സ്‌കൂളിൽ ധൈര്യം: ഭയമോ ലജ്ജാശീ​ല​മോ നിമിത്തം സഹപാ​ഠി​ക​ളോ​ടു സാക്ഷീ​ക​രി​ക്കാൻ നിങ്ങൾക്ക്‌ ബുദ്ധി​മു​ട്ടു തോന്നു​ന്നു​ണ്ടോ? ചില അവസര​ങ്ങ​ളിൽ സാക്ഷീ​ക​രി​ക്കു​ന്നത്‌ അത്ര എളുപ്പ​മ​ല്ലാ​യി​രി​ക്കാം; ചില​പ്പോൾ അത്‌ ഒരു വെല്ലു​വി​ളി​തന്നെ ആയിരി​ക്കാം. എന്നിരു​ന്നാ​ലും, മറ്റുള്ള​വ​രോ​ടു പ്രസം​ഗി​ക്കാ​നുള്ള ധൈര്യ​ത്തി​നാ​യി നിങ്ങൾ യഹോ​വ​യോട്‌ അപേക്ഷി​ക്കു​ന്നെ​ങ്കിൽ അവൻ നിങ്ങൾക്കു ശക്തി പകരും. (സങ്കീ. 138:3) യഹോ​വ​യു​ടെ സാക്ഷി​യാ​യി നിങ്ങ​ളെ​ത്തന്നെ തിരി​ച്ച​റി​യി​ക്കാ​നും പരിഹാ​സത്തെ ചെറു​ത്തു​നിൽക്കാ​നും ധൈര്യം നിങ്ങളെ സഹായി​ക്കും. അങ്ങനെ, സ്‌കൂ​ളി​ലെ നിങ്ങളു​ടെ പ്രസംഗം അത്‌ ശ്രദ്ധി​ക്കു​ന്ന​വ​രു​ടെ ജീവൻ രക്ഷി​ച്ചേ​ക്കാം.—1 തിമൊ. 4:16.

⁴ തൊഴിൽസ്ഥലത്ത്‌ ധൈര്യം: തൊഴിൽസ്ഥ​ലത്ത്‌ യഹോ​വ​യു​ടെ സാക്ഷി​ക​ളിൽ ഒരാളാ​യാ​ണോ നിങ്ങൾ അറിയ​പ്പെ​ടു​ന്നത്‌? സഹജോ​ലി​ക്കാ​രു​ടെ പക്കൽ സുവാർത്ത എത്തിക്കാ​നുള്ള ഏക മാധ്യമം നിങ്ങളാ​യി​രി​ക്കാം. കൂടാതെ, ക്രിസ്‌തീയ യോഗ​ങ്ങൾക്കും കൺ​വെൻ​ഷ​നു​കൾക്കും പോകാ​നുള്ള അവധിക്ക്‌ അപേക്ഷി​ക്കാ​നും ധൈര്യം നിങ്ങളെ സഹായി​ക്കും.

⁵ പരിശോധനയിൻ കീഴിൽ ധൈര്യം: എതിർപ്പു​കളെ അഭിമു​ഖീ​ക​രി​ക്കു​മ്പോ​ഴും ധൈര്യം അത്യന്താ​പേ​ക്ഷി​ത​മാണ്‌. (1 തെസ്സ. 2:1, 2) ഭീഷണി​യോ പരിഹാ​സ​മോ നേരി​ട്ടുള്ള പീഡന​മോ ഉണ്ടാകു​മ്പോൾ നമ്മുടെ വിശ്വാ​സം മുറു​കെ​പ്പി​ടി​ക്കാൻ അതു നമ്മെ സഹായി​ക്കു​ന്നു. (ഫിലി. 1:27, 28) യഹോ​വ​യാം ദൈവ​ത്തി​ന്റെ നിലവാ​ര​ങ്ങ​ളോ​ടുള്ള നമ്മുടെ വിശ്വ​സ്‌ത​ത​യിൽ വിട്ടു​വീഴ്‌ച ചെയ്യാ​നുള്ള സമ്മർദം ഉണ്ടാകു​മ്പോൾ ഉറച്ചു​നിൽക്കാൻ അതു നമുക്കു ശക്തി പകരുന്നു. മറ്റുള്ളവർ പ്രശ്‌ന​മു​ണ്ടാ​ക്കു​മ്പോൾ നമ്മുടെ ശാന്തത നിലനി​റു​ത്താൻ അതു നമ്മെ പ്രാപ്‌ത​രാ​ക്കു​ന്നു.—റോമ. 12:18.

⁶ വ്യക്തിപരമായി എന്തെല്ലാം പ്രശ്‌ന​ങ്ങളെ അഭിമു​ഖീ​ക​രി​ച്ചാ​ലും, സുവാർത്ത ധൈര്യ​ത്തോ​ടെ ഘോഷി​ക്കു​ന്ന​തിൽ നമുക്കു വ്യാപൃ​ത​രാ​യി​രി​ക്കാം.—എഫെ. 6:18-20.