സമപ്രാ​യ​ക്കാ​രിൽനി​ന്നുള്ള സമ്മർദ​വും പ്രസം​ഗി​ക്കാ​നുള്ള പദവി​യും

¹ സമപ്രായക്കാരിൽനിന്നുള്ള സമ്മർദം ശക്തമായ ഒരു സ്വാധീ​ന​മാണ്‌—നന്മയ്‌ക്കാ​യാ​ലും തിന്മയ്‌ക്കാ​യാ​ലും. ക്രിസ്‌തീയ സൽപ്ര​വൃ​ത്തി​കൾക്കു നമ്മെ പ്രചോ​ദി​പ്പി​ക്കുന്ന ഒരു ക്രിയാ​ത്മക സ്വാധീ​നം യഹോ​വ​യു​ടെ സഹദാ​സ​ന്മാർക്ക്‌ നമ്മു​ടെ​മേ​ലുണ്ട്‌. (എബ്രാ. 10:24, 25) എങ്കിലും, ക്രിസ്‌തീയ തത്ത്വങ്ങൾക്കു വിരു​ദ്ധ​മായ ഒരു ഗതി സ്വീക​രി​ക്കാ​നുള്ള സമ്മർദം നമ്മു​ടെ​മേൽ ചെലു​ത്താൻ സാക്ഷി​ക​ള​ല്ലാത്ത കുടും​ബാം​ഗങ്ങൾ, സഹജോ​ലി​ക്കാർ, സഹപാ​ഠി​കൾ, അയൽക്കാർ, മറ്റു പരിച​യ​ക്കാർ എന്നിവർക്കു കഴിയും. അവർ, “ക്രിസ്‌തു​വിൽ [നമുക്കുള്ള] നല്ല നടപ്പിനെ ദുഷി”ച്ചു സംസാ​രി​ച്ചേ​ക്കാം. (1 പത്രൊ. 3:16) സമപ്രാ​യ​ക്കാ​രിൽനിന്ന്‌ ഇത്തരത്തി​ലുള്ള സമ്മർദം ഉണ്ടാകു​മ്പോൾപ്പോ​ലും പ്രസം​ഗി​ച്ചു​കൊ​ണ്ടി​രി​ക്കാ​നുള്ള തീരു​മാ​ന​ത്തിൽ ഉറച്ചു​നിൽക്കാൻ നമുക്ക്‌ എങ്ങനെ കഴിയും?

² കുടുംബാംഗങ്ങൾ: ചില​പ്പോൾ യഹോ​വ​യു​ടെ സാക്ഷി​യ​ല്ലാത്ത ഭർത്താ​വി​നോ പിതാ​വി​നോ, തന്റെ ഭാര്യ​യോ മക്കളോ പരസ്യ ശുശ്രൂ​ഷ​യിൽ ഏർപ്പെ​ടു​ന്ന​തിൽ താത്‌പ​ര്യ​മി​ല്ലാ​യി​രി​ക്കാം. മെക്‌സി​ക്കോ​യി​ലെ ഒരു കുടും​ബ​ത്തി​ന്റെ സാഹച​ര്യം അതായി​രു​ന്നു. ഒരാളു​ടെ ഭാര്യ​യും ഏഴു മക്കളും സത്യത്തിൽവന്നു. ആദ്യ​മൊ​ക്കെ അയാൾ എതിർപ്പു പ്രകടി​പ്പി​ച്ചി​രു​ന്നു, കാരണം ഭാര്യ​യും മക്കളും വീടു​തോ​റും പ്രസം​ഗി​ക്കു​ന്ന​തും ബൈബിൾ സാഹി​ത്യ​ങ്ങൾ വിതരണം ചെയ്യു​ന്ന​തും അദ്ദേഹ​ത്തിന്‌ ഇഷ്ടമല്ലാ​യി​രു​ന്നു. അത്‌ തങ്ങളുടെ നിലയ്‌ക്കും വിലയ്‌ക്കും ചേർന്നതല്ല എന്നായി​രു​ന്നു അദ്ദേഹ​ത്തി​ന്റെ പക്ഷം. എങ്കിലും, യഹോ​വയെ സേവി​ക്കാ​നും ശുശ്രൂ​ഷ​യിൽ ക്രമമാ​യി ഏർപ്പെ​ടാ​നും ഉള്ള തീരു​മാ​ന​ത്തിൽ ഭാര്യ​യും മക്കളും ഉറച്ചു​നി​ന്നു. കാല​ക്ര​മ​ത്തിൽ, സുവാർത്ത പ്രസം​ഗി​ക്കാ​നുള്ള ദൈവിക ക്രമീ​ക​ര​ണ​ത്തി​ന്റെ മൂല്യം അദ്ദേഹ​ത്തി​നു കാണാൻ കഴിഞ്ഞു. അദ്ദേഹ​വും യഹോ​വ​യ്‌ക്കു തന്നെത്തന്നെ സമർപ്പി​ച്ചു. സത്യം സ്വീക​രി​ക്കാൻ അദ്ദേഹ​ത്തി​നു 15 വർഷം വേണ്ടി​വന്നു. എന്നാൽ ആ കുടും​ബം പ്രസം​ഗി​ക്കാ​നുള്ള തങ്ങളുടെ പദവി​യിൽ ഉറച്ചു​നി​ന്നി​ല്ലാ​യി​രു​ന്നെ​ങ്കിൽ അദ്ദേഹം എന്നെങ്കി​ലും സത്യം സ്വീക​രി​ക്കു​മാ​യി​രു​ന്നോ?—ലൂക്കൊ. 1:74; 1 കൊരി. 7:16.

³ സഹജോലിക്കാർ: സഹജോ​ലി​ക്കാ​രോട്‌ സാക്ഷീ​ക​രി​ക്കാൻ ശ്രമി​ച്ചാൽ എല്ലാവ​രും നന്നായി പ്രതി​ക​രി​ച്ചെ​ന്നു​വ​രില്ല. ഒരു സഹോ​ദ​രി​ക്കു പിൻവ​രുന്ന അനുഭ​വ​മു​ണ്ടാ​യി. ലോകാ​വ​സാ​ന​ത്തെ​ക്കു​റിച്ച്‌ ഓഫീ​സിൽ വെച്ചു​ണ്ടായ ഒരു ചർച്ചാ​വേ​ള​യിൽ, മത്തായി 24-ാം അധ്യായം വായി​ച്ചു​നോ​ക്കാൻ സഹോ​ദരി നിർദേ​ശി​ച്ച​പ്പോൾ മറ്റുള്ളവർ അവരെ പരിഹ​സി​ച്ചു. എന്നിരു​ന്നാ​ലും ഏതാനും ദിവസം കഴിഞ്ഞ്‌, താൻ ആ ഭാഗം വായി​ച്ച​താ​യും അതിൽ വളരെ മതിപ്പു തോന്നി​യ​താ​യും ഒരു സഹജോ​ലി​ക്കാ​രി സഹോ​ദ​രി​യോട്‌ പറഞ്ഞു. അവർക്ക്‌ സഹോ​ദരി ഒരു പ്രസി​ദ്ധീ​ക​രണം നൽകി. തുടർന്ന്‌, അവർക്കും ഭർത്താ​വി​നും ഒരു ബൈബിൾ അധ്യയനം ക്രമീ​ക​രി​ച്ചു. ആദ്യ ദിവസത്തെ അധ്യയനം അവസാ​നി​ച്ചത്‌ വെളു​പ്പിന്‌ രണ്ടു മണിക്കാണ്‌. മൂന്നാ​മത്തെ അധ്യയ​ന​ത്തി​നു​ശേഷം അവർ യോഗ​ങ്ങൾക്കു ഹാജരാ​കാൻ തുടങ്ങി. താമസി​യാ​തെ അവർ പുകയി​ല​യു​ടെ ഉപയോ​ഗം ഉപേക്ഷി​ക്കു​ക​യും ശുശ്രൂ​ഷ​യിൽ പങ്കെടു​ത്തു തുടങ്ങു​ക​യും ചെയ്‌തു. തന്റെ പ്രത്യാശ മറ്റുള്ള​വ​രു​മാ​യി പങ്കു​വെ​ക്കാൻ ആ സഹോ​ദരി ശ്രമി​ച്ചി​ല്ലാ​യി​രു​ന്നെ​ങ്കിൽ അങ്ങനെ സംഭവി​ക്കു​മാ​യി​രു​ന്നോ?

⁴ സഹപാഠികൾ: സ്‌കൂ​ളി​ലാ​യി​രി​ക്കെ സമപ്രാ​യ​ക്കാ​രിൽനി​ന്നുള്ള സമ്മർദം അനുഭ​വ​പ്പെ​ടു​ന്ന​തും സുവാർത്ത പങ്കു​വെ​ച്ചാൽ കൂട്ടു​കാർ തങ്ങളെ കളിയാ​ക്കു​മോ എന്നു ഭയപ്പെ​ടു​ന്ന​തും സാക്ഷി​ക​ളായ ചെറു​പ്പ​ക്കാ​രെ സംബന്ധി​ച്ചി​ട​ത്തോ​ളം അസാധാ​ര​ണമല്ല. ഐക്യ​നാ​ടു​ക​ളി​ലുള്ള ഒരു ക്രിസ്‌തീയ ചെറു​പ്പ​ക്കാ​രി ഇങ്ങനെ പറഞ്ഞു: “സമപ്രാ​യ​ക്കാ​രോട്‌ സാക്ഷീ​ക​രി​ച്ചാൽ അവർ എന്നെ കളിയാ​ക്കു​മോ എന്നു ഞാൻ ഭയപ്പെ​ട്ടി​രു​ന്നു.” അതു​കൊണ്ട്‌ അവൾ സ്‌കൂ​ളി​ലും വയൽസേവന പ്രദേ​ശ​ത്തും സമപ്രാ​യ​ക്കാ​രോട്‌ സാക്ഷീ​ക​രി​ക്കാ​നുള്ള അവസരങ്ങൾ ഒഴിവാ​ക്കി​യി​രു​ന്നു. സമപ്രാ​യ​ക്കാ​രിൽനി​ന്നുള്ള സമ്മർദത്തെ ചെറു​ത്തു​നിൽക്കാൻ നിങ്ങൾക്ക്‌ എങ്ങനെ കഴിയും? യഹോ​വ​യിൽ ആശ്രയി​ക്കു​ക​യും അവന്റെ അംഗീ​കാ​രം തേടു​ക​യും ചെയ്യുക. (സദൃ. 29:25) ശുശ്രൂ​ഷ​യിൽ ബൈബിൾ ഉപയോ​ഗി​ക്കാ​നുള്ള നിങ്ങളു​ടെ പ്രാപ്‌തി​യിൽ അഭിമാ​നി​ക്കുക. (2 തിമൊ. 2:15) മേൽപ്ര​സ്‌താ​വിച്ച ചെറു​പ്പ​ക്കാ​രി, തന്റെ സഹപാ​ഠി​ക​ളോ​ടു സംസാ​രി​ക്കാ​നുള്ള ആഗ്രഹം തന്നിൽ വളർത്തേ​ണമേ എന്ന്‌ യഹോ​വ​യോ​ടു പ്രാർഥി​ച്ചു. അങ്ങനെ അവൾ സ്‌കൂ​ളിൽവെച്ച്‌ അനൗപ​ചാ​രി​ക​മാ​യി സാക്ഷീ​ക​രി​ക്കാൻ തുടങ്ങു​ക​യും നല്ല ഫലങ്ങൾ ലഭിക്കു​ക​യും ചെയ്‌തു. പെട്ടെ​ന്നു​തന്നെ പരിച​യ​മുള്ള എല്ലാവ​രോ​ടും അവൾ സാക്ഷീ​ക​രി​ക്കാൻ തുടങ്ങി. അവൾ പറയുന്നു: “സഹപാ​ഠി​കൾക്ക്‌ ഒരു ഭാവി പ്രത്യാശ ആവശ്യ​മാണ്‌, അവർ അത്‌ ആഗ്രഹി​ക്കു​ക​യും ചെയ്യുന്നു. അവരെ സഹായി​ക്കാൻ യഹോവ നമ്മെ ഉപയോ​ഗി​ക്കു​ക​യാണ്‌.”

⁵ അയൽക്കാർ: സാക്ഷികൾ ആയിരി​ക്കു​ന്ന​തി​നാ​ലും നമ്മുടെ വിശ്വാ​സ​ങ്ങളെ പ്രതി​യും നമ്മോട്‌ ഇഷ്ടക്കേ​ടുള്ള അയൽക്കാ​രോ പരിച​യ​ക്കാ​രോ ഉണ്ടായി​രി​ക്കാം. അവർ എന്തു ചിന്തി​ക്കു​മെന്ന്‌ നിങ്ങൾ ഭയപ്പെ​ടു​ന്നെ​ങ്കിൽ സ്വയം ഇങ്ങനെ ചോദി​ക്കുക: ‘നിത്യ​ജീ​വ​നി​ലേക്ക്‌ നയിക്കുന്ന സത്യം അവർക്ക്‌ അറിയാ​മോ? അത്‌ അവരുടെ ഹൃദയ​ങ്ങ​ളിൽ എത്തിക്കു​ന്ന​തി​നാ​യി എനിക്ക്‌ എന്തു ചെയ്യാൻ കഴിയും?’ അയൽക്കാ​രോട്‌ അൽപ്പാൽപ്പ​മാ​യി സാക്ഷീ​ക​രി​ച്ചാൽ നല്ല ഫലം ഉണ്ടാകു​മെന്ന്‌ ഒരു സർക്കിട്ട്‌ മേൽവി​ചാ​രകൻ പറയുന്നു. ആത്മാർഥ ഹൃദയരെ കണ്ടെത്തു​ന്ന​തിൽ തുടരാ​നുള്ള ശക്തിക്കും ജ്ഞാനത്തി​നു​മാ​യി യഹോ​വ​യോട്‌ അപേക്ഷി​ക്കുക.—ഫിലി. 4:13.

⁶ നമ്മെ എതിർക്കു​ന്ന​വ​രു​ടെ ആഗ്രഹ​ങ്ങൾക്ക്‌ വഴങ്ങു​ന്നത്‌ അവരെ സന്തോ​ഷി​പ്പി​ച്ചേ​ക്കാം. എന്നാൽ, അത്‌ അവർക്കോ നമുക്കോ പ്രയോ​ജനം ചെയ്യു​മോ? യേശു​വിന്‌ എതിർപ്പു നേരി​ട്ടത്‌ സ്വന്ത ജനത്തിൽനി​ന്നാ​യി​രു​ന്നു. തന്റെ അർധസ​ഹോ​ദ​ര​ന്മാ​രു​ടെ കടുത്ത ശകാരം​പോ​ലും അവനു സഹി​ക്കേ​ണ്ടി​വന്നു. എന്നിരു​ന്നാ​ലും ദൈവം തനിക്കു നൽകിയ നിയമ​ന​ത്തോട്‌ പറ്റിനിൽക്കു​ന്ന​തിൽ തുടർന്നാൽ മാത്രമേ തനിക്ക്‌ അവരെ സഹായി​ക്കാൻ കഴിയൂ എന്ന്‌ യേശു​വിന്‌ അറിയാ​മാ​യി​രു​ന്നു. അങ്ങനെ, യേശു ‘പാപി​ക​ളാൽ തനിക്കു നേരിട്ട . . . വിരോ​ധം സഹിച്ചു.’ (എബ്രാ. 12:2, 3) നാമും അതു​പോ​ലെ​തന്നെ ചെയ്യണം. രാജ്യ സന്ദേശം ഘോഷി​ക്കാ​നുള്ള നിങ്ങളു​ടെ പദവിയെ പരമാ​വധി ഉപയോ​ഗ​പ്പെ​ടു​ത്താൻ ദൃഢചി​ത്ത​രാ​യി​രി​ക്കുക. അങ്ങനെ ചെയ്‌താൽ, “നീ നിന്നെ​യും നിന്റെ പ്രസംഗം കേൾക്കു​ന്ന​വ​രെ​യും രക്ഷിക്കും.”—1 തിമൊ. 4:16.