നല്ല ശ്രോ​താവ്‌ ആയിരി​ക്കു​വിൻ

¹ ഏകാഗ്രമായി ശ്രദ്ധി​ക്ക​ണ​മെ​ങ്കിൽ നല്ല ആത്മശി​ക്ഷണം ആവശ്യ​മാണ്‌. അതു​പോ​ലെ, കേൾക്കുന്ന കാര്യ​ങ്ങ​ളിൽനിന്ന്‌ പഠിക്കാ​നും പ്രയോ​ജനം അനുഭ​വി​ക്കാ​നു​മുള്ള ആഗ്രഹ​വും ഉണ്ടായി​രി​ക്കണം. അതു​കൊ​ണ്ടാണ്‌ ‘നിങ്ങൾ എങ്ങനെ കേൾക്കു​ന്നു എന്നു സൂക്ഷി​ച്ചു​കൊ​ള്ളാൻ’ യേശു ഉദ്‌ബോ​ധി​പ്പി​ച്ചത്‌.—ലൂക്കൊ. 8:18.

² സഭായോഗങ്ങൾക്കും സമ്മേള​ന​ങ്ങൾക്കും കൺ​വെൻ​ഷ​നു​കൾക്കും നാം ഹാജരാ​കു​മ്പോൾ ഇതു വിശേ​ഷാൽ ബാധക​മാണ്‌. നാം നന്നായി ശ്രദ്ധി​ക്കേണ്ട അവസര​ങ്ങ​ളാണ്‌ ഇവ. (എബ്രാ. 2:1) ഈ ക്രിസ്‌തീയ കൂടി​വ​ര​വു​ക​ളിൽ നല്ല ശ്രോ​താ​വാ​യി​രി​ക്കാൻ നിങ്ങളെ സഹായി​ക്കുന്ന ഏതാനും ആശയങ്ങൾ താഴെ കൊടു​ത്തി​രി​ക്കു​ന്നു.

◼ യോഗ​ങ്ങ​ളു​ടെ മൂല്യം വിലമ​തി​ക്കുക. ‘വിശ്വസ്‌ത ഗൃഹവി​ചാ​രക’നിലൂടെ ‘യഹോവ നമ്മെ പഠിപ്പി​ക്കുന്ന’ ഒരു സുപ്ര​ധാന വിധമാണ്‌ ഇത്‌.—ലൂക്കൊ. 12:42; യെശ. 54:13, NW.

◼ മുന്നമേ തയ്യാറാ​കുക. ചർച്ച ചെയ്യ​പ്പെ​ടാൻ പോകുന്ന വിവരങ്ങൾ അവലോ​കനം ചെയ്യു​ക​യും യോഗ​ങ്ങൾക്കു പോകു​മ്പോൾ ബൈബി​ളും പഠിക്കാൻ പോകുന്ന പ്രസി​ദ്ധീ​ക​ര​ണ​ങ്ങ​ളു​ടെ വ്യക്തിഗത പ്രതി​ക​ളും കൂടെ​ക​രു​തുക.

◼ യോഗ​സ​മ​യത്ത്‌ ശ്രദ്ധ കേന്ദ്രീ​ക​രി​ക്കാൻ പ്രത്യേക ശ്രമം ചെയ്യുക. അടുത്തി​രി​ക്കു​ന്ന​വ​രോട്‌ സംസാ​രി​ക്കു​ക​യോ സദസ്സി​ലുള്ള മറ്റുള്ളവർ ചെയ്യുന്ന കാര്യങ്ങൾ നോക്കി​യി​രി​ക്കു​ക​യോ ചെയ്യരുത്‌. യോഗ​ത്തി​നു ശേഷം എന്തു ചെയ്യണം എന്നിങ്ങ​നെ​യുള്ള വ്യക്തി​പ​ര​മായ കാര്യങ്ങൾ ചിന്തി​ച്ചു​കൊണ്ട്‌ ശ്രദ്ധ പതറാ​നും അനുവ​ദി​ക്ക​രുത്‌.

◼ കേൾക്കുന്ന കാര്യങ്ങൾ അപഗ്ര​ഥി​ക്കുക. സ്വയം ഇങ്ങനെ ചോദി​ക്കുക: ‘ഇത്‌ എനിക്ക്‌ ബാധക​മാ​കു​ന്നത്‌ എങ്ങനെ? ഞാൻ ഇത്‌ എപ്പോൾ ബാധക​മാ​ക്കും?’

◼ പ്രധാന ആശയങ്ങ​ളു​ടെ​യും തിരു​വെ​ഴു​ത്തു​ക​ളു​ടെ​യും ഹ്രസ്വ​മായ കുറി​പ്പു​ക​ളെ​ടു​ക്കുക. ചർച്ച ചെയ്യ​പ്പെ​ടുന്ന ആശയങ്ങ​ളിൽ ശ്രദ്ധ കേന്ദ്രീ​ക​രി​ക്കാ​നും പിന്നീ​ടുള്ള ഉപയോ​ഗ​ത്തി​നാ​യി മുഖ്യ ആശയങ്ങൾ ഓർത്തി​രി​ക്കാ​നും ഇത്‌ നിങ്ങളെ സഹായി​ക്കും.

³ ശ്രദ്ധിച്ചിരിക്കാൻ കുട്ടി​കളെ പഠിപ്പി​ക്കുക: കുട്ടി​കൾക്ക്‌ ആത്മീയ പ്രബോ​ധനം ആവശ്യ​മാണ്‌. (ആവ. 31:12) പുരാതന കാലങ്ങ​ളിൽ, ദൈവ​ജ​ന​ത്തി​നി​ട​യി​ലെ ‘കേട്ടു ഗ്രഹി​പ്പാൻ പ്രാപ്‌തി​യുള്ള എല്ലാവ​രും’ ന്യായ​പ്ര​മാ​ണം വായി​ക്കു​മ്പോൾ ഏകാ​ഗ്ര​ത​യോ​ടെ ശ്രദ്ധി​ക്ക​ണ​മാ​യി​രു​ന്നു. (നെഹെ. 8:1-3) മാതാ​പി​താ​ക്കൾ യോഗ​ങ്ങ​ളിൽ പങ്കുപ​റ്റു​ക​യും നന്നായി ശ്രദ്ധി​ച്ചി​രി​ക്കു​ക​യും ചെയ്യു​ന്നെ​ങ്കിൽ കുട്ടി​ക​ളും അങ്ങനെ​തന്നെ ചെയ്യാൻ ചായ്‌വ്‌ ഉള്ളവരാ​യി​രി​ക്കും. കുട്ടി​കൾക്കു വേണ്ടി കളിപ്പാ​ട്ട​ങ്ങ​ളോ ചായം അടിക്കു​ന്ന​തി​നുള്ള പുസ്‌ത​ക​ങ്ങ​ളോ മറ്റോ കൊണ്ടു​വ​രു​ന്നത്‌ ബുദ്ധിയല്ല. അനാവ​ശ്യ​മാ​യി ടോയ്‌ലെ​റ്റിൽ പോകു​ന്ന​തും അവരുടെ ശ്രദ്ധയെ തടസ്സ​പ്പെ​ടു​ത്തും. “ബാലന്റെ ഹൃദയ​ത്തോ​ടു ഭോഷ​ത്വം പററി​യി​രി​ക്കുന്ന”തിനാൽ, കുട്ടികൾ അടങ്ങി​യി​രുന്ന്‌ യോഗ​പ​രി​പാ​ടി​കൾ ശ്രദ്ധി​ക്കു​ന്നു​വെന്ന്‌ ഉറപ്പു വരുത്താൻ മാതാ​പി​താ​ക്കൾ ആത്മാർഥ​മാ​യി ശ്രമി​ക്കണം.—സദൃ. 22:15.

⁴ നല്ല ശ്രോ​താ​ക്കൾ ആയിരി​ക്കു​ന്ന​തി​ലൂ​ടെ നാം യഥാർഥ​ത്തിൽ ജ്ഞാനി​ക​ളാ​ണെ​ന്നും ‘വിദ്യാ​ഭി​വൃ​ദ്ധി​പ്രാ​പി​പ്പാൻ’ ആഗ്രഹി​ക്കു​ന്ന​വ​രാ​ണെ​ന്നും തെളി​യി​ക്കു​ക​യാ​ണു ചെയ്യു​ന്നത്‌.—സദൃ. 1:5.