“ദൈവ​ത്തി​ന്നു സകലവും സാദ്ധ്യം”

¹ ക്രിസ്‌തീയ സഭയുടെ മുഖ്യ​വേല ലോക​വ്യാ​പ​ക​മാ​യി രാജ്യ സന്ദേശം പ്രസം​ഗി​ക്കുക എന്നതാണ്‌. (മത്താ. 24:14) അത്‌ ബൃഹത്തായ ഒരു വേലയാണ്‌. അതിന്‌ നമുക്ക്‌ ഇപ്പോൾ ഉള്ളതി​നെ​ക്കാൾ കൂടുതൽ വിഭവങ്ങൾ ആവശ്യ​മു​ള്ള​താ​യി പല നിരീ​ക്ഷ​കർക്കും തോന്നു​ന്നു. മറ്റു ചിലരെ സംബന്ധി​ച്ചി​ട​ത്തോ​ളം ഈ നിയമനം നിറ​വേ​റ്റുക എന്നത്‌ ഏതാണ്ട്‌ അചിന്ത​നീ​യ​മാണ്‌, കാരണം നാം പരിഹാ​സ​ത്തി​നും എതിർപ്പി​നും പീഡന​ത്തി​നും വിധേ​യ​രാ​കു​ന്നു. (മത്താ. 24:9; 2 തിമൊ. 3:12) ഈ വേല നിർവ​ഹി​ക്കാൻ സാധ്യമേ അല്ലെന്നാണ്‌ സംശയ​വാ​ദി​കൾ പറയു​ന്നത്‌. എന്നിരു​ന്നാ​ലും, യേശു പറഞ്ഞു: “ദൈവ​ത്തി​ന്നു സകലവും സാദ്ധ്യം.”—മത്താ. 19:26.

² അനുകരിക്കാൻ ക്രിയാ​ത്മക ദൃഷ്ടാ​ന്തങ്ങൾ: ‘ഒരു മുഴു വ്യവസ്ഥി​തി​ക്കും എതിരെ ഒറ്റ വ്യക്തി’ എന്ന നിലയി​ലാ​യി​രു​ന്നു യേശു തന്റെ ശുശ്രൂഷ ആരംഭി​ച്ചത്‌. അതിൽ വിജയി​ക്കു​ന്ന​തിൽനിന്ന്‌ അവനെ തടയാൻ ശ്രമിച്ച എതിരാ​ളി​കൾ അവനോ​ടു മോശ​മാ​യി പെരു​മാ​റി, ഒടുവിൽ അവർ അവനെ പീഡി​പ്പി​ച്ചു കൊല്ലുക പോലും ചെയ്‌തു. എന്നിരു​ന്നാ​ലും, അവസാനം യേശു ആത്മവി​ശ്വാ​സ​ത്തോ​ടെ ഇപ്രകാ​രം പ്രഖ്യാ​പി​ച്ചു: “ഞാൻ ലോകത്തെ ജയിച്ചി​രി​ക്കു​ന്നു.” (യോഹ. 16:33) ശരിക്കും അവിശ്വ​സ​നീ​യ​മായ നേട്ടം​തന്നെ!

³ യേശുവിന്റെ ശിഷ്യ​ന്മാർ ക്രിസ്‌തീയ ശുശ്രൂ​ഷ​യിൽ അതേ ധൈര്യ​വും ഉത്സാഹ​വും പ്രകട​മാ​ക്കി. അനേകർക്കും ചാട്ടവാ​റു​കൊ​ണ്ടോ വടി​കൊ​ണ്ടോ ഉള്ള അടി കിട്ടി. പലരും ജയിലിൽ അടയ്‌ക്ക​പ്പെട്ടു, വധിക്ക​പ്പെട്ടു. എന്നിട്ടും, “തിരു​നാ​മ​ത്തി​ന്നു വേണ്ടി അപമാനം സഹിപ്പാൻ യോഗ്യ​രാ​യി എണ്ണപ്പെ​ടു​ക​യാൽ അവർ സന്തോ​ഷി​ച്ചു.” (പ്രവൃ. 5:41) അത്തരം പ്രതി​കൂല സാഹച​ര്യ​ങ്ങ​ളിൽ പോലും “ഭൂമി​യു​ടെ അററ​ത്തോ​ള​വും” സുവാർത്ത പ്രസം​ഗി​ക്കുക എന്ന, അസാധ്യ​മെന്നു തോന്നി​യേ​ക്കാ​വുന്ന വേല അവർ നിർവ​ഹി​ച്ചു.—പ്രവൃ. 1:8; കൊലൊ. 1:23.

⁴ നമ്മുടെ നാളിൽ വിജയി​ക്കാ​നാ​വുന്ന വിധം: തികച്ചും പ്രതി​കൂ​ല​മെന്നു തോന്നി​യി​രുന്ന സാഹച​ര്യ​ങ്ങ​ളിൽ നാമും രാജ്യ പ്രസം​ഗ​വേല ഉത്സാഹ​പൂർവം ഏറ്റെടു​ത്തി​രി​ക്കു​ന്നു. നമ്മുടെ വേല നിറു​ത്തി​ക്കു​ന്ന​തി​നാ​യി നിരോ​ധ​ന​ങ്ങ​ളും പീഡന​ങ്ങ​ളും തടവും അക്രമാ​സ​ക്ത​മായ മറ്റു ശ്രമങ്ങ​ളും ഉണ്ടെങ്കി​ലും നാം വിജയി​ക്കു​ന്നു. ഇത്‌ എങ്ങനെ​യാ​ണു സാധ്യ​മാ​യി​രി​ക്കു​ന്നത്‌? “സൈന്യ​ത്താ​ലല്ല. ശക്തിയാ​ലു​മല്ല, എന്റെ ആത്മാവി​നാ​ല​ത്രേ എന്നു സൈന്യ​ങ്ങ​ളു​ടെ യഹോവ അരുളി​ച്ചെ​യ്യു​ന്നു.” (സെഖ. 4:6) യഹോ​വ​യു​ടെ പിന്തുണ ഉള്ളതി​നാൽ യാതൊ​ന്നി​നും നമ്മുടെ വേലയെ തടയാ​നാ​വില്ല!—റോമ. 8:31.

⁵ നാം പ്രസം​ഗി​ക്കു​മ്പോൾ അധൈ​ര്യ​മോ ഭയമോ തോന്നാ​നോ നാം കഴിവി​ല്ലാ​ത്ത​വ​രാ​ണെന്നു ചിന്തി​ക്കാ​നോ യാതൊ​രു കാരണ​വു​മില്ല. (2 കൊരി. 2:16, 17) രാജ്യ​സു​വാർത്ത വ്യാപി​പ്പി​ക്കു​ന്ന​തിൽ മുന്നേ​റാൻ നമുക്കു ശക്തമായ കാരണങ്ങൾ ഉണ്ട്‌. യഹോ​വ​യു​ടെ സഹായ​ത്താൽ “അസാദ്ധ്യ​മാ​യതു” നാം നിറ​വേ​റ്റും!—ലൂക്കൊ. 18:27.