യോഗ​ങ്ങൾക്കു ഹാജരാ​കാൻ മറ്റുള്ള​വരെ സഹായി​ക്കു​ക

¹ “സമീപ പ്രദേ​ശ​ത്തുള്ള സുഹൃ​ത്തു​ക്ക​ളിൽ ആരെങ്കി​ലും . . . യോഗ​ങ്ങൾക്കു ഹാജരാ​കാൻ ആഗ്രഹി​ക്കു​ന്നെ​ങ്കിൽ, അവർക്ക്‌ ഊഷ്‌മ​ള​മായ സ്വാഗതം.” 1880 നവംബർ ലക്കം സീയോ​ന്റെ വീക്ഷാ​ഗോ​പു​ര​ത്തിൽ (ഇംഗ്ലീഷ്‌) ഈ അറിയിപ്പ്‌ വന്നതു മുതൽ ബൈബിൾ പ്രബോ​ധനം സ്വീക​രി​ക്കു​ന്ന​തി​നാ​യി കൂടി​വ​രാൻ യഹോ​വ​യു​ടെ സാക്ഷികൾ ആളുകളെ ഉത്സാഹ​പൂർവം ക്ഷണിച്ചി​ട്ടുണ്ട്‌. (വെളി. 22:17) സത്യാ​രാ​ധ​ന​യു​ടെ ഒരു അനിവാ​ര്യ ഘടകമാണ്‌ ഇത്‌.

² ഹാജരാകുന്നത്‌ മർമ​പ്ര​ധാ​നം: സഭയോ​ടൊ​ത്തു സഹവസി​ക്കു​ന്നത്‌ അനു​ഗ്ര​ഹങ്ങൾ കൈവ​രു​ത്തു​ന്നു. നമ്മുടെ അത്ഭുത​വാ​നാം ദൈവ​മായ യഹോ​വ​യു​മാ​യി നാം ഉറ്റ ബന്ധത്തി​ലേക്കു വരുന്നു. സഭയിൽ, “യഹോ​വ​യാൽ ഉപദേ​ശി​ക്കപ്പെ”ടാനാണ്‌ നാം കൂടി​വ​രു​ന്നത്‌. (യെശ. 54:13) നമ്മെ ദൈവ​ത്തി​ലേക്ക്‌ അടുപ്പി​ക്കു​ക​യും “ദൈവ​ത്തി​ന്റെ ആലോചന” ബാധക​മാ​ക്കാൻ ആവശ്യ​മായ പ്രാ​യോ​ഗിക സഹായം നൽകു​ക​യും ചെയ്യുന്ന ബൈബിൾ പഠിപ്പി​ക്ക​ലു​ക​ളു​ടെ തുടർച്ച​യായ ഒരു പരിപാ​ടി യഹോ​വ​യു​ടെ സംഘടന ക്രമീ​ക​രി​ച്ചി​രി​ക്കു​ന്നു. (പ്രവൃ. 20:27; ലൂക്കൊ. 12:42) ദൈവ​വ​ചനം പഠിപ്പി​ക്കു​ന്ന​തിൽ പ്രാവീ​ണ്യം നേടാൻ യോഗങ്ങൾ വ്യക്തി​പ​ര​മായ പരിശീ​ലനം നൽകുന്നു. സഹമനു​ഷ്യ​രു​മാ​യും യഹോ​വ​യു​മാ​യി പോലും നല്ലൊരു ബന്ധം ആസ്വദി​ക്കു​ന്ന​തിൽ തുടരു​ന്ന​തിന്‌ തിരു​വെ​ഴു​ത്തു​ക​ളിൽ നിന്നുള്ള ഓർമി​പ്പി​ക്ക​ലു​കൾ നമ്മെ സഹായി​ക്കു​ന്നു. യഹോ​വയെ സ്‌നേ​ഹി​ക്കു​ന്ന​വ​രു​മാ​യുള്ള സഹവാസം നമ്മുടെ വിശ്വാ​സത്തെ ബലപ്പെ​ടു​ത്തു​ന്നു.—റോമ. 1:11, 12.

³ നേരിട്ടു ക്ഷണിക്കുക: ആദ്യ അധ്യയനം മുതൽതന്നെ ഓരോ ബൈബിൾ വിദ്യാർഥി​യെ​യും യോഗ​ങ്ങൾക്കു ക്ഷണിക്കുക. യോഗ​സ​മയം വ്യക്തമാ​ക്കുന്ന ഒരു നോട്ടീസ്‌ വിദ്യാർഥിക്ക്‌ നൽകാ​വു​ന്ന​താണ്‌. കഴിഞ്ഞ യോഗ​ത്തിൽ നിങ്ങൾക്കു പ്രോ​ത്സാ​ഹനം നൽകിയ ഒരു ആശയം പങ്കു​വെ​ച്ചു​കൊ​ണ്ടും അടുത്ത യോഗ​ത്തിൽ ചർച്ച ചെയ്യാൻ പോകുന്ന ഒരു വിഷയത്തെ കുറിച്ചു പരാമർശി​ച്ചു​കൊ​ണ്ടും വിദ്യാർഥി​യു​ടെ താത്‌പ​ര്യം ഉണർത്തുക. രാജ്യ​ഹാൾ എങ്ങനെ​യുള്ള ഒരു സ്ഥലമാ​ണെന്നു വിവരി​ക്കുക. അവിടെ എങ്ങനെ എത്തി​ച്ചേ​രാ​മെന്ന്‌ വിദ്യാർഥിക്ക്‌ പറഞ്ഞു​കൊ​ടു​ക്കു​ക​യും ചെയ്യുക.

⁴ വിദ്യാർഥി ഉടനടി ഹാജരാ​കു​ന്നി​ല്ലെ​ങ്കിൽപ്പോ​ലും ക്ഷണിച്ചു​കൊ​ണ്ടി​രി​ക്കുക. നമ്മുടെ സംഘട​ന​യു​ടെ പ്രവർത്ത​നത്തെ കുറിച്ച്‌ വിശദീ​ക​രി​ക്കു​ന്ന​തിന്‌ ഓരോ വാരത്തി​ലും അൽപ്പ സമയം ചെലവ​ഴി​ക്കുക. ദൈവ​ത്തി​ന്റെ ഇഷ്ടം ചെയ്യുന്നു ലഘുപ​ത്രി​ക​യും യഹോ​വ​യു​ടെ സാക്ഷികൾ—ആ പേരിനു പിന്നിലെ സംഘടന എന്ന വീഡി​യോ​യും ഉപയോ​ഗി​ക്കുക. നമ്മെ കുറി​ച്ചും നമ്മുടെ യോഗ​ങ്ങളെ കുറി​ച്ചും ഒരു ധാരണ കിട്ടാൻ അതു വിദ്യാർഥി​യെ സഹായി​ക്കും. വിദ്യാർഥി മറ്റു പ്രസാ​ധ​ക​രു​മാ​യി പരിച​യ​ത്തി​ലാ​കാൻ തക്കവണ്ണം അധ്യയ​ന​ത്തിന്‌ അവരെ​യും കൂടെ കൊണ്ടു​പോ​കുക. പ്രാർഥ​ന​യിൽ, സംഘട​ന​യ്‌ക്കാ​യി യഹോ​വ​യ്‌ക്കു നന്ദി പറയു​ക​യും സംഘട​ന​യോ​ടൊ​ത്തു സഹവസി​ക്കേ​ണ്ട​തി​ന്റെ പ്രാധാ​ന്യം എടുത്തു​പ​റ​യു​ക​യും ചെയ്യുക.

⁵ നമ്മോടൊപ്പം കൂടി​വ​രു​ന്ന​തിന്‌ പുതി​യ​വരെ സഹായി​ക്കു​ന്ന​തിൽ മടി വിചാ​രി​ക്ക​രുത്‌. യഹോ​വ​യോ​ടുള്ള അവരുടെ വിലമ​തിപ്പ്‌ വർധി​ക്കു​ന്ന​ത​നു​സ​രിച്ച്‌, പഠിക്കു​ന്നതു ബാധക​മാ​ക്കാ​നും ദൈവ​ത്തി​ന്റെ ഐക്യ​മുള്ള സംഘട​ന​യു​ടെ ഭാഗമാ​യി​ത്തീ​രാ​നും അവർ പ്രേരി​ത​രാ​കും.—1 കൊരി. 14:25.