“നമുക്കു യഹോ​വ​യു​ടെ മന്ദിര​ത്തി​ലേക്കു പോകാം”

¹ “നമുക്കു യഹോ​വ​യു​ടെ മന്ദിര​ത്തി​ലേക്കു പോകാം” എന്ന ക്ഷണത്തോ​ടു ദാവീദ്‌ അത്യാ​കാം​ക്ഷ​യോ​ടെ പ്രതി​ക​രി​ച്ചു. (സങ്കീ. 122:1, NW) ആലയം പ്രതി​നി​ധാ​നം ചെയ്‌ത യഹോ​വ​യു​ടെ “മന്ദിരം” സത്യ​ദൈ​വത്തെ ആരാധി​ക്കു​ന്ന​തിന്‌ ആഗ്രഹ​മു​ണ്ടാ​യി​രുന്ന ആളുകൾ ഒരുമി​ച്ചു കൂടുന്ന സ്ഥലമാ​യി​രു​ന്നു. അതു സുരക്ഷി​ത​ത്വ​ത്തി​ന്റെ​യും സമാധാ​ന​ത്തി​ന്റെ​യും ഒരു സങ്കേത​മാ​യി​രു​ന്നു. ഇന്ന്‌, ദൈവ​ത്തി​ന്റെ “മന്ദിരം” “സത്യത്തി​ന്റെ തൂണും അടിസ്ഥാ​നവു”മായ ലോക​വ്യാ​പക ക്രിസ്‌തീയ സഭയാണ്‌. (1 തിമൊ. 3:15) രക്ഷയ്‌ക്കു​ളള എല്ലാ കരുത​ലു​ക​ളും ഈ സരണി വഴി ലഭ്യമാ​ക്കി​യി​രി​ക്കു​ന്നു. അക്കാര​ണ​ത്താൽ, ദൈവ​രാ​ജ്യ ഭരണത്തിൻ കീഴിൽ വാഗ്‌ദത്തം ചെയ്യപ്പെട്ട അനു​ഗ്ര​ഹങ്ങൾ ആസ്വദി​ക്കാൻ ആഗ്രഹി​ക്കുന്ന “സകല ജാതി​യും അതി​ലേക്കു ഒഴുകി​ച്ചെല്ലേ”ണ്ടതുണ്ട്‌.—യെശ. 2:2.

² ഈ “മന്ദിരം” 229 ദേശങ്ങ​ളി​ലെ 69,000-ത്തിലധി​കം സഭകൾ ഉൾക്കൊ​ള​ളു​ന്ന​താണ്‌. തീക്ഷ്‌ണ​ത​യു​ളള നാല്‌പ്പതു ലക്ഷത്തി​ല​ധി​കം പ്രവർത്തകർ “വരിക! . . . ഇച്ഛിക്കു​ന്നവൻ ജീവജലം സൌജ​ന്യ​മാ​യി വാങ്ങട്ടെ” എന്ന ക്ഷണം വെച്ചു​നീ​ട്ടി​ക്കൊ​ണ്ടു ലോക​ത്തി​നു ചുററു​മു​ളള രാജ്യ​ഹാ​ളു​ക​ളു​ടെ വാതി​ലു​കൾ തുറന്നി​രി​ക്കു​ക​യാണ്‌. (വെളി. 22:17) അനേകർ ഈ ദൂതു കേട്ടിട്ടു വിലമ​തി​പ്പോ​ടെ പ്രതി​ക​രി​ച്ചി​ട്ടുണ്ട്‌. മററു​ചി​ലർ അറിഞ്ഞി​ട്ടുണ്ട്‌ എന്നാൽ ക്രിസ്‌തീയ സഭയു​മാ​യി സഹവസി​ച്ചു​കൊ​ണ്ടു യഹോ​വ​യു​ടെ ഭവനത്തി​ലേക്ക്‌ അവർ ഇതുവ​രെ​യും വന്നിട്ടില്ല. അത്തരക്കാർക്കു സഭയിൽ മാത്രം കണ്ടെത്തുന്ന കരുത​ലു​കൾക്കു സംതൃ​പ്‌ത​മാ​ക്കാൻ കഴിയുന്ന ഒരു “ആത്മീയ ദാരി​ദ്ര്യ”മുണ്ട്‌. (മത്താ. 5:3) ഈ വ്യവസ്ഥി​തി​യു​ടെ നാശം സത്വരം സമീപി​ച്ചു​വ​രവെ നാം ദുർഘ​ട​സ​മ​യ​ങ്ങ​ളി​ലാണ്‌ ജീവി​ക്കു​ന്നത്‌. ഉദാസീ​ന​ത​യോ മടിയോ ആപത്‌ക്ക​ര​മാം​വി​ധം താമസി​ച്ചു​പോ​കാൻ ഇടയാ​ക്കി​യേ​ക്കാം. അവിടത്തെ സ്ഥാപന​ത്തോട്‌ അടുത്തു​കൊണ്ട്‌ ആളുകൾ “ദൈവ​ത്തോ​ടു അടുത്തു​ചെല്ലാ”ൻ എത്തിപ്പി​ടി​ക്കേ​ണ്ടത്‌ അടിയ​ന്തി​ര​മാണ്‌. (യാക്കോ. 4:8) നമുക്ക്‌ അവരെ എങ്ങനെ സഹായി​ക്കാൻ കഴിയും?

³ താത്‌പ​ര്യ​ത്തെ സ്ഥാപന​ത്തി​ലേക്കു തിരി​ക്കുക: താത്‌പ​ര്യ​ക്കാ​രായ വ്യക്തി​ക​ളു​മാ​യു​ളള നമ്മുടെ പ്രാരംഭ സമ്പർക്കം​മു​തൽ നാം അവരുടെ ശ്രദ്ധയെ സ്ഥാപന​ത്തി​ലേക്കു തിരി​ക്കേ​ണ്ട​തുണ്ട്‌. തിരു​വെ​ഴു​ത്തു​കൾ കണ്ടെത്താ​നോ അടിസ്ഥാന ഉപദേ​ശങ്ങൾ വിശദീ​ക​രി​ക്കാ​നോ നമുക്കു വ്യക്തി​പ​ര​മാ​യി കഴി​ഞ്ഞേ​ക്കു​മെ​ങ്കി​ലും അത്തരം പരിജ്ഞാ​ന​ത്തി​ന്റെ ഉറവ്‌ നാം അല്ല. നമ്മൾ പഠിച്ചി​ട്ടു​ളള എല്ലാം “തക്കസമ​യത്തു ഭക്ഷണം” വിതരണം ചെയ്യുന്ന അടിമ​വർഗ്ഗ​ത്തി​ലൂ​ടെ പ്രദാനം ചെയ്യുന്ന സ്ഥാപന​ത്തിൽനി​ന്നു വന്നിട്ടു​ള​ള​താണ്‌. (മത്താ. 24:45-47) തുടക്കം​മു​തൽ തന്നെ, ശുദ്ധാ​രാ​ധ​ന​യിൽ നാമോ നമ്മുടെ പ്രാ​ദേ​ശിക സഭയോ മാത്രമല്ല അതിലും വളരെ കൂടുതൽ ഉൾപ്പെ​ട്ടി​രി​ക്കു​ന്നു​വെന്നു പുതി​യവർ തിരി​ച്ച​റി​യേണ്ട ആവശ്യ​മുണ്ട്‌; യഹോ​വ​യു​ടെ നടത്തി​പ്പിൻ കീഴിൽ പ്രവർത്തി​ക്കുന്ന സംഘടി​ത​വും, ദിവ്യാ​ധി​പ​ത്യ​പ​ര​വും ലോക​വ്യാ​പ​ക​വു​മായ ഒരു സമൂഹ​മുണ്ട്‌ എന്നുതന്നെ.

⁴ നമുക്കു ലഭിക്കുന്ന നിർദ്ദേ​ശങ്ങൾ നമ്മെ വഴികാ​ട്ടു​ക​യും പഠിപ്പി​ക്കു​ക​യും ചെയ്യു​മെന്നു വാഗ്‌ദത്തം ചെയ്‌ത യഹോ​വ​യിൽ നിന്ന്‌ ആരംഭി​ക്കു​ന്നു. (സങ്കീ. 32:8; യെശ. 54:13) ഈ പ്രബോ​ധനം പ്രാഥ​മി​ക​മാ​യി നമ്മുടെ സാഹി​ത്യ​ത്തി​ലൂ​ടെ പരസ്യ​മാ​ക്കു​ന്നു. അതു ജീവര​ക്ഷാ​ക​ര​മായ പ്രബോ​ധ​ന​ത്തി​ന്റെ ഒരു ഉറവാ​ണെന്നു തിരി​ച്ച​റി​ഞ്ഞു​കൊണ്ട്‌, സാഹി​ത്യ​ത്തോട്‌ ഒരു ഉയർന്ന വിലമ​തി​പ്പു വളർത്തി​യെ​ടു​ക്കാൻ താത്‌പ​ര്യ​ക്കാ​രെ സഹായി​ക്കാൻ നമുക്കു കഴിയു​മെ​ങ്കിൽ അവർ അതു പെട്ടെന്ന്‌ അവഗണി​ച്ചു​ക​ള​യാ​തെ അതിലെ ദൂതു വായി​ക്കാ​നും ബാധക​മാ​ക്കാ​നും വളരെ​ക്കൂ​ടു​തൽ സാധ്യ​ത​യുണ്ട്‌. നാം എല്ലായ്‌പോ​ഴും ഈ സാഹി​ത്യ​ത്തെ അതി​നോട്‌ ആദരവ്‌ നട്ടുവ​ളർത്തുന്ന ഒരു വിധത്തിൽ അവതരി​പ്പി​ക്കു​ക​യും ഉപയോ​ഗി​ക്കു​ക​യും ചെയ്യേ​ണ്ട​തുണ്ട്‌. ഇതു സ്ഥാപനത്തെ വിലമ​തി​ക്കാ​നും അതിന്റെ കരുത​ലു​ക​ളിൽ ആശ്രയി​ക്കാ​നും പുതി​യ​വരെ പഠിപ്പി​ക്കു​ന്നു.

⁵ പ്രബോ​ധനം നിരന്തരം പ്രദാനം ചെയ്യുന്ന ഒരു കേന്ദ്ര യോഗ​സ്ഥലം സമുദാ​യ​ത്തിൽ ഉണ്ട്‌ എന്നു പുതി​യവർ അറിയട്ടെ. അവർക്കു രാജ്യ​ഹാ​ളി​ന്റെ മേൽവി​ലാ​സ​വും യോഗ സമയങ്ങ​ളും കൊടു​ക്കുക. നമ്മുടെ യോഗ​ങ്ങ​ളും അവർ ഒരുപക്ഷേ കഴിഞ്ഞ​കാ​ലത്തു സംബന്ധി​ച്ചി​ട്ടു​ളള മതപര​മായ കൂടി​വ​ര​വു​ക​ളും തമ്മിലു​ളള വ്യത്യാ​സം വിശദീ​ക​രി​ക്കുക. എല്ലാവർക്കും സ്വാഗ​ത​മുണ്ട്‌; പണശേ​ഖ​ര​ണ​മോ അതിനു​വേണ്ടി വ്യക്തി​പ​ര​മായ അഭ്യർത്ഥ​ന​ക​ളോ ഇല്ല. നിയമിത ശുശ്രൂ​ഷകർ പരിപാ​ടി​കൾ നിർവ്വ​ഹി​ക്കവെ അഭി​പ്രാ​യങ്ങൾ പറഞ്ഞു​കൊ​ണ്ടും പരിപാ​ടി​യി​ലെ ഭാഗങ്ങ​ളിൽ ഭാഗവാ​ക്കാ​യി​ക്കൊ​ണ്ടും പങ്കെടു​ക്കു​ന്ന​തിന്‌ എല്ലാവർക്കും അവസര​മുണ്ട്‌. കുടും​ബ​ങ്ങൾക്കു സ്വാഗ​ത​മുണ്ട്‌; നമ്മുടെ ബൈബിൾ ചർച്ചയിൽ കുട്ടികൾ ഉൾപ്പെ​ടു​ന്നു. നമ്മുടെ ശുശ്രൂ​ഷകർ പ്രത്യേക സ്ഥാനവ​സ്‌ത്ര​ങ്ങ​ളോ പുറങ്കു​പ്പാ​യ​ങ്ങ​ളോ ധരിക്കു​ന്നില്ല. രാജ്യ​ഹാൾ ആസ്വാ​ദ്യ​മാം​വണ്ണം മോടി​പി​ടി​പ്പി​ച്ചി​രി​ക്കു​ന്നു, എന്നാൽ മെഴു​കു​തി​രി​ക​ളോ കൊത്തു​പ​ണി​ക​ളോ പ്രതി​മ​ക​ളോ ഇല്ല. ഹാജരാ​കു​ന്നവർ മുഖ്യ​മാ​യും പ്രാ​ദേ​ശിക അയൽപ​ക്കത്തെ നിവാ​സി​ക​ളാണ്‌.

⁶ താത്‌പ​ര്യം ക്രമേണ ബൈബി​ള​ദ്ധ്യ​യ​ന​ങ്ങ​ളി​ലേക്കു തിരി​ക്കുക: ബൈബി​ള​ദ്ധ്യ​യ​ന​ത്തി​ന്റെ പ്രാഥ​മിക ഉദ്ദേശ്യം ദൈവ​വ​ച​ന​ത്തി​ലെ സത്യം പഠിപ്പി​ക്കുക എന്നതാണ്‌. അതു വിദ്യാർത്ഥി​യിൽ യഹോ​വ​യു​ടെ സ്ഥാപന​ത്തോട്‌ ഒരു വിലമ​തി​പ്പു കെട്ടു​പണി ചെയ്യു​ക​യും അതിന്റെ ഭാഗമാ​യി​ത്തീ​രേ​ണ്ട​തി​ന്റെ ജീവത്‌പ്ര​ധാ​ന​മായ ആവശ്യം സംബന്ധിച്ച്‌ അയാളെ ജാഗ്ര​ത​യു​ള​ള​വ​നാ​ക്കു​ക​യും ചെയ്യേ​ണ്ട​തുണ്ട്‌. ഒന്നാം നൂററാ​ണ്ടിൽ യേശു​വും അവിടത്തെ ശിഷ്യൻമാ​രും നടത്തിയ മഹത്തായ വേല ആത്മാർത്ഥ​രാ​യ​വരെ ആകർഷി​ക്കു​ക​യും പ്രവർത്ത​ന​ത്തി​നു​വേണ്ടി ഒരു കേന്ദ്ര ഭരണസം​ഘ​ത്തിൻ കീഴിൽ അവരെ കൂട്ടി​ച്ചേർക്കു​ക​യും ചെയ്‌തു. നല്ല പ്രതി​ക​ര​ണ​മു​ണ്ടാ​യി​രുന്ന സമുദാ​യ​ങ്ങ​ളിൽ ക്രമമായ പരിശീ​ല​ന​വും പ്രബോ​ധ​ന​വും കൊടു​ക്കു​ന്ന​തി​നു​വേണ്ടി സഭകൾ രൂപം കൊണ്ടി​രു​ന്നു. സഹവസി​ച്ചി​രു​ന്നവർ ആത്മീയ​മാ​യി ബലിഷ്‌ഠ​രാ​ക്ക​പ്പെട്ടു, പീഡന​കാ​ല​ഘ​ട്ട​ങ്ങ​ളിൽ സഹിച്ചു​നിൽക്കാൻ അവരെ സഹായി​ച്ചു​കൊ​ണ്ടു​തന്നെ. (എബ്രാ. 10:24, 25; 1 പത്രൊ. 5:8-10) “എല്ലാം പിന്നെ​യും ക്രിസ്‌തു​വിൽ ഒന്നായി​ച്ചേർക്ക” എന്നതാണു നമ്മുടെ നാളിൽ യഹോ​വ​യു​ടെ ഉദ്ദേശ്യം. (എഫെ. 1:9, 10) അതിന്റെ ഫലമായി, ഒരു ലോക​വ്യാ​പക “സഹോ​ദ​ര​വർഗ്ഗം” നമുക്കുണ്ട്‌.—1 പത്രൊ. 2:17.

⁷ പ്രതി​വാര ബൈബി​ള​ദ്ധ്യ​യ​ന​ത്തിൽ സ്ഥാപനത്തെ വിലമ​തി​ക്കു​ന്ന​തി​നും രക്ഷയ്‌ക്കു​വേ​ണ്ടി​യു​ളള കരുത​ലിൽനി​ന്നു പ്രയോ​ജനം നേടു​ന്ന​തി​നും വിദ്യാർത്ഥി​യെ സഹായി​ക്കുന്ന നിർദ്ദേ​ശങ്ങൾ ഉൾപ്പെ​ടു​ത്തണം. സ്ഥാപന​ത്തെ​ക്കു​റി​ച്ചോ അതിന്റെ പ്രവർത്ത​ന​ത്തെ​ക്കു​റി​ച്ചോ എന്തെങ്കി​ലും പറയു​ന്ന​തി​നോ വിവരി​ക്കു​ന്ന​തി​നോ ഓരോ ആഴ്‌ച​യും ഏതാനും മിനി​ററ്‌ എടുക്കുക. സഹായ​ക​മായ സംസാ​രാ​ശ​യങ്ങൾ 1984 നവംബർ 1 വാച്ച്‌ട​വ​റൽ നിങ്ങൾക്കു കാണാൻ കഴിയും. യഹോ​വ​യു​ടെ സാക്ഷികൾ ഇരുപ​താം നൂററാ​ണ്ടിൽ, യഹോ​വ​യു​ടെ സാക്ഷികൾ—ലോക​വ്യാ​പ​ക​മാ​യി ഐക്യ​ത്തിൽ ദൈവ​ത്തി​ന്റെ ഇഷ്ടം ചെയ്യുന്നു എന്നീ ലഘുപ​ത്രി​കകൾ സ്ഥാപന​ത്തി​ന്റെ പ്രമുഖ ഘടകങ്ങ​ളും അവ നമു​ക്കെ​ങ്ങെനെ പ്രയോ​ജനം ചെയ്‌തേ​ക്കു​മെ​ന്നും ചർച്ച​ചെ​യ്യു​ന്നു. യഹോ​വ​യു​ടെ സാക്ഷികൾ—ആ പേരിനു പിന്നിലെ സ്ഥാപനം എന്ന വീഡി​യോ കാണു​ന്ന​തി​നു ബൈബിൾ വിദ്യാർത്ഥി​കൾക്കു വേണ്ടി ക്രമീ​ക​രി​ക്കു​ന്നെ​ങ്കിൽ, അത്‌ എന്താണ്‌ പൂർത്തീ​ക​രി​ച്ചു​കൊ​ണ്ടി​രി​ക്കു​ന്ന​തെന്ന്‌ അവർക്കു​തന്നെ കാണാൻ കഴിയും. വാർഷി​ക​പു​സ്‌ത​ക​ത്തി​ലെ ചില വിശിഷ്ട റിപ്പോർട്ടു​കൾക്കും അനുഭ​വ​ങ്ങൾക്കും നമ്മു​ടേ​തിൽനി​ന്നു വ്യത്യ​സ്‌ത​മായ രാജ്യ​ങ്ങ​ളി​ലും സംസ്‌ക്കാ​ര​ങ്ങ​ളി​ലും ഉളള വേലയു​ടെ വിജയത്തെ കാണി​ച്ചു​കൊ​ടു​ക്കാൻ കഴിയും. മററു പ്രസി​ദ്ധീ​ക​ര​ണ​ങ്ങ​ളും ഉപയോ​ഗി​ക്കാൻ കഴിയും. കുറച്ചു​നാൾകൊണ്ട്‌, നാം വീടു​തോ​റും പോകു​ന്ന​തെ​ന്തു​കൊണ്ട്‌, നമ്മുടെ യോഗ​ങ്ങ​ളു​ടെ ഉദ്ദേശ്യം, നാം നമ്മുടെ വേലയെ സാമ്പത്തി​ക​മാ​യി എങ്ങനെ സഹായി​ക്കു​ന്നു, നമ്മുടെ പ്രവർത്ത​ന​ത്തി​ന്റെ ലോക​വ്യാ​പ​ക​മായ വ്യാപ്‌തി എന്നിങ്ങ​നെ​യു​ളള കാര്യങ്ങൾ പടിപ​ടി​യാ​യി വിശദീ​ക​രി​ച്ചു​കൊ​ടു​ക്കുക.

⁸ പുതി​യവർ മററു സാക്ഷി​ക​ളു​മാ​യി പരിച​യ​ത്തി​ലാ​കു​ന്നതു സഭയെ സംബന്ധി​ച്ചു​ളള അവരുടെ സങ്കല്‌പത്തെ വിശാ​ല​മാ​ക്കി​ക്കൊണ്ട്‌ ഒരു ഉത്തേജി​പ്പി​ക്കുന്ന ഫലം ഉണ്ടാകാൻ ഇടയാ​ക്കും. ആ ഉദ്ദേശ്യ​ത്തിൽ, ഇടയ്‌ക്കി​ട​യ്‌ക്ക്‌ അദ്ധ്യയ​ന​ത്തിന്‌ ഇരിക്കാൻ മററു പ്രസാ​ധ​കരെ ക്ഷണിക്കുക. വിദ്യാർത്ഥി​യു​ടേ​തി​നു സമാന​മായ പശ്ചാത്ത​ല​മോ അഭിരു​ചി​ക​ളോ ഉളള ഒരാൾക്കു അയാളു​ടെ കാഴ്‌ച​പ്പാ​ടി​നു പുതിയ മാനങ്ങൾ കൈവ​രു​ത്താൻ കഴിയും. വെറുതെ ഒന്നു പരിച​യ​പ്പെ​ടു​ന്ന​തിന്‌ ഒരുപക്ഷേ ഒരു മൂപ്പനു നിങ്ങ​ളോ​ടൊ​പ്പം വരാൻ കഴിയും. അദ്ധ്യയനം സന്ദർശി​ക്കാൻ സർക്കി​ട്ട്‌മേൽവി​ചാ​ര​ക​നെ​യോ ഭാര്യ​യെ​യോ ക്രമീ​ക​രി​ക്കു​ന്നതു ഒരു യഥാർത്ഥ അനു​ഗ്ര​ഹ​മെന്നു തെളി​ഞ്ഞേ​ക്കും. അടുത്തു താമസി​ക്കുന്ന സാക്ഷികൾ ഉണ്ടെങ്കിൽ ബൈബിൾ വിദ്യാർത്ഥി​ക​ളു​മാ​യി പരിച​യ​ത്തി​ലാ​കു​ന്നതു വിദ്യാർത്ഥി​ക്കു സഭാ​യോ​ഗ​ങ്ങൾക്കു ഹാജരാ​കു​ന്ന​തി​നു കൂടു​ത​ലായ പ്രോ​ത്സാ​ഹനം നൽകും.

⁹ യോഗ​ങ്ങൾക്കു വരാൻ പുതി​യ​വരെ പ്രോ​ത്സാ​ഹി​പ്പി​ക്കുക: യോഗ​ങ്ങൾക്കു ഹാജരാ​കു​ന്നത്‌ എത്ര പ്രധാ​ന​മാ​ണെന്നു പുതി​യവർ തിരി​ച്ച​റി​യേണ്ട ആവശ്യ​മുണ്ട്‌. അവരുടെ താത്‌പ​ര്യ​ത്തെ ഉത്തേജി​പ്പി​ക്കാൻ ശ്രമി​ക്കുക. വീക്ഷാ​ഗോ​പുര അദ്ധ്യയ​ന​ത്തിൽ പരിചി​ന്തി​ക്കുന്ന ലേഖനങ്ങൾ ചൂണ്ടി​ക്കാ​ണി​ക്കുക. വരാൻപോ​കുന്ന പരസ്യ​പ്ര​സം​ഗ​ങ്ങ​ളു​ടെ തലക്കെ​ട്ടു​കൾ പരാമർശി​ക്കുക. ദിവ്യാ​ധി​പ​ത്യ​ശു​ശ്രൂ​ഷാ സ്‌കൂ​ളി​ലും സഭാപു​സ്‌ത​ക​ദ്ധ്യ​യ​ന​ത്തി​ലും പഠിക്കേണ്ട ഭാഗങ്ങ​ളു​ടെ സവി​ശേ​ഷാ​ശ​യങ്ങൾ വിവരി​ക്കുക. ഈ യോഗ​ങ്ങ​ളിൽനി​ന്നു നിങ്ങൾ പഠിക്കു​ന്ന​തി​നെ​ക്കു​റി​ച്ചും ഹാജരാ​കേണ്ട ആവശ്യ​മു​ണ്ടെന്നു നിങ്ങൾക്കു തോന്നു​ന്ന​തെ​ന്തു​കൊ​ണ്ടെ​ന്ന​തി​നെ​ക്കു​റി​ച്ചും നിങ്ങളു​ടെ​തന്നെ അഭി​പ്രാ​യങ്ങൾ പ്രകടി​പ്പി​ക്കുക. നിങ്ങൾക്കു സാധി​ക്കു​മെ​ങ്കിൽ യാത്രാ​ക്ര​മീ​ക​രണം വാഗ്‌ദാ​നം ചെയ്യുക. യോഗ​ത്തി​നു​മു​മ്പു ഫോണിൽ വിളി​ക്കു​ന്നതു ഹാജരാ​കാൻ കൂടു​ത​ലായ പ്രചോ​ദനം നൽകി​യേ​ക്കും.

¹⁰ ഒരു ബൈബിൾ വിദ്യാർത്ഥി ഒരു യോഗ​ത്തി​നു വരു​മ്പോൾ അദ്ദേഹ​ത്തി​നു സ്വാഗ​ത​മു​ള​ള​താ​യി തോന്നി​ക്കുക. അദ്ദേഹത്തെ മൂപ്പൻമാ​രുൾപ്പെടെ മററു​ള​ള​വർക്കു പരിച​യ​പ്പെ​ടു​ത്തി​ക്കൊ​ടു​ക്കുക. അദ്ദേഹം പരസ്യ​പ്ര​സം​ഗ​ത്തി​നു ഹാജരാ​കു​ന്നു​വെ​ങ്കിൽ അദ്ദേഹത്തെ പ്രസം​ഗ​കനു പരിച​യ​പ്പെ​ടു​ത്തി​ക്കൊ​ടു​ക്കുക. രാജ്യ​ഹാ​ളി​നു ചുററു​പാ​ടും അദ്ദേഹത്തെ കാണി​ക്കുക. പുസ്‌തക, മാസിക കൗണ്ടറു​ക​ളു​ടെ​യും സംഭാ​വ​ന​പ്പെ​ട്ടി​കൾ, ലൈ​ബ്രറി, വാർഷി​ക​വാ​ക്യം എന്നിവ​യു​ടെ​യും ഉദ്ദേശ്യം വിശദീ​ക​രി​ക്കുക. ഹാൾ ആരാധ​ന​യു​ടെ ഒരു ഭവനം മാത്രമല്ല അതു പ്രസം​ഗ​വേല പ്രാ​ദേ​ശി​ക​മാ​യി സംഘടി​പ്പി​ച്ചി​രി​ക്കുന്ന ഒരു കേന്ദ്ര​വും കൂടെ​യാണ്‌ എന്ന്‌ അദ്ദേഹം അറിയാൻ ഇടവരു​ത്തുക.

¹¹ നമ്മുടെ യോഗങ്ങൾ എങ്ങനെ നിർവ്വ​ഹി​ക്ക​പ്പെ​ടു​ന്നു​വെന്നു വിശദീ​ക​രി​ക്കുക. നമ്മൾ ഉപയോ​ഗി​ക്കുന്ന പ്രസി​ദ്ധീ​ക​ര​ണങ്ങൾ വിദ്യാർത്ഥി​യെ കാണി​ക്കുക. ബൈബി​ളാ​ണു നമ്മുടെ പ്രമുഖ പഠനപു​സ്‌തകം എന്നു ചൂണ്ടി​ക്കാ​ണി​ക്കുക. കൊച്ചു​കു​ട്ടി​ക​ളുൾപ്പെടെ എല്ലാവർക്കും പങ്കെടു​ക്കാൻ കഴിയും. നമ്മുടെ പാട്ടു​പു​സ്‌ത​ക​ത്തി​ലെ എല്ലാ സംഗീ​ത​വും ഈണവും നമ്മുടെ ആരാധ​ന​യിൽ ഉപയോ​ഗി​ക്കു​ന്ന​തി​നു​വേണ്ടി യഹോ​വ​യു​ടെ സാക്ഷികൾ രചിച്ച​താ​ണെന്നു വിശദീ​ക​രി​ക്കുക. ഹാജരാ​കുന്ന ആളുക​ളി​ലെ പശ്ചാത്ത​ല​ങ്ങ​ളി​ലു​ളള വൈവി​ദ്ധ്യ​ങ്ങ​ളി​ലേക്കു ശ്രദ്ധ​കൊ​ണ്ടു​വ​രിക. സൗഹൃ​ദ​ത്തി​ന്റെ​യും അതിഥി​പ്രി​യ​ത്തി​ന്റെ​യും ആത്മാവി​നെ​ക്കു​റി​ച്ചു ക്രിയാ​ത്മ​ക​മായ അഭി​പ്രാ​യങ്ങൾ നടത്തുക. ഈ ദയാപൂർവ്വ​ക​മായ, ആത്മാർത്ഥ താത്‌പ​ര്യം ആയിരി​ക്കും വീണ്ടും വരുന്ന​തി​നു വിദ്യാർത്ഥി​യെ പ്രേരി​പ്പി​ക്കുന്ന ശക്തമായ ഘടകങ്ങ​ളി​ലൊന്ന്‌.

¹² ചിലർ പിന്നാക്കം നിൽക്കു​ന്നത്‌ എന്തു​കൊ​ണ്ടാ​യി​രി​ക്കും: പലപ്പോ​ഴും, നിങ്ങൾ ഇതെല്ലാം ചെയ്‌തി​ട്ടും, ചിലർ സ്ഥാപന​ത്തോ​ടു കൂടുതൽ അടുത്തു​വ​രാൻ മനസ്സി​ല്ലാ​ത്ത​വ​രാണ്‌. പെട്ടെന്ന്‌ ഉപേക്ഷി​ച്ചു​ക​ള​യ​രുത്‌. അവരുടെ സ്ഥാനത്തു നിങ്ങളാ​യി​രി​ക്കാൻ ശ്രമി​ക്കുക. ഈ സമയം​വ​രെ​യും, ചില പ്രത്യേക അവസര​ങ്ങ​ളി​ലൊ​ഴി​കെ മതപര​മായ ചടങ്ങു​കൾക്കു ഹാജരാ​കേണ്ട ആവശ്യം ഒരുപക്ഷേ അവർക്കു യഥാർത്ഥ​ത്തിൽ തോന്നി​യി​ട്ടി​ല്ലാ​യി​രി​ക്കാം. കുടും​ബ​ത്തി​ലെ അംഗങ്ങ​ളോ അടുത്ത സുഹൃ​ത്തു​ക്ക​ളോ അവരു​ടെ​മേൽ സമ്മർദ്ദം ചെലു​ത്തു​ന്നു​ണ്ടാ​വാം. അയൽക്കാർ നടത്തുന്ന തരംതാ​ഴ്‌ത്തു​ന്ന​തരം അഭി​പ്രാ​യങ്ങൾ അവരെ വിഷാ​ദി​പ്പി​ക്കു​ന്നു​ണ്ടാ​വാം. കൂടാതെ, അവർ തീർച്ച​യാ​യും സാമൂ​ഹി​ക​വും വിനോ​ദ​പ​ര​വു​മായ അനുധാ​വ​ന​ങ്ങ​ളോ​ടു ബന്ധപ്പെട്ട വിവിധ ശൈഥി​ല്യ​ങ്ങൾക്ക്‌ വിധേ​യ​വു​മാ​യി​രി​ക്കാം. ഇവയെ പർവ്വത​സ​മാ​ന​മായ പ്രതി​ബ​ന്ധ​ങ്ങ​ളാ​യി അവർ വീക്ഷി​ക്കു​ന്നു​ണ്ടാ​വാം. കാര്യ​ങ്ങളെ ഉചിത​മായ വീക്ഷണ​ത്തിൽ കാണു​ന്ന​തി​നും “പ്രാധാ​ന്യ​മേ​റിയ കാര്യങ്ങൾ തിട്ട​പ്പെ​ടു​ത്തു”ന്നതിനും നിങ്ങൾ അവരെ സഹായി​ക്കേണ്ട ആവശ്യ​മുണ്ട്‌.—ഫിലി. 1:10. NW.

¹³ സ്ഥിരോൽസാ​ഹം കാണി​ക്കു​ന്ന​തി​നു തിരു​വെ​ഴു​ത്തു​പ​ര​മായ കാരണങ്ങൾ നൽകുക. നമ്മുടെ ഒരുമി​ച്ചു​ളള സഹവാ​സ​ത്തിൽനി​ന്നു ലഭിക്കുന്ന പ്രോ​ത്സാ​ഹ​ന​വും ആത്മീയ കെട്ടു​പ​ണി​ചെ​യ്യ​ലും നമു​ക്കെ​ല്ലാ​വർക്കും അടിയ​ന്തി​ര​മാ​യി ആവശ്യ​മാ​ണെന്ന്‌ ഊന്നി​പ്പ​റ​യുക. (റോമ. 1:11, 12) പിന്നാക്കം നിൽക്കു​ന്ന​തി​നു കുടുംബ എതിർപ്പ്‌ ഒരു പ്രബല​മായ കാരണ​മ​ല്ലെന്നു യേശു വ്യക്തമാ​ക്കി. (മത്താ. 10:34-39) യേശു​വി​ന്റെ ശിഷ്യൻമാ​രാ​ണെന്നു പരസ്യ​മാ​യി തിരി​ച്ച​റി​യി​ക്കു​ന്ന​തിൽ ലജ്ജിക്ക​രു​തെന്നു പൗലോസ്‌ നമ്മെ പ്രോ​ത്സാ​ഹി​പ്പി​ച്ചു. (2 തിമൊ. 1:8, 12-14) വ്യക്തി​പ​ര​മായ അനുധാ​വ​ന​ങ്ങ​ളും ശൈഥി​ല്യ​ങ്ങ​ളും നിയ​ന്ത്രി​ക്കേ​ണ്ട​തുണ്ട്‌; അല്ലാത്ത​പക്ഷം അവ ഒരു കെണി ആയിത്തീ​രു​ന്നു. (ലൂക്കൊ. 21:34-36) യഹോ​വ​യു​ടെ അനു​ഗ്രഹം അർഹി​ക്കു​ന്നവർ പൂർണ്ണ ദേഹി​യോ​ടെ​യു​ള​ളവർ ആയിരി​ക്കേ​ണ്ട​തുണ്ട്‌, ഒരിക്ക​ലും അർദ്ധഹൃ​ദയർ അല്ല. (കൊലൊ. 3:23, 24) അത്തരം ബൈബിൾ തത്ത്വങ്ങ​ളോ​ടു​ളള വിലമ​തി​പ്പു പടിപ​ടി​യാ​യി ഉപദേ​ശി​ക്കു​ന്നത്‌ ആത്മീയ​മാ​യി പുരോ​ഗ​മി​ക്കു​ന്ന​തി​നു​ളള മാർഗ്ഗം അവർക്ക്‌ തുറന്നു​കൊ​ടു​ത്തേ​ക്കാം.

¹⁴ വാതി​ലു​കൾ തുറക്ക​പ്പെ​ട്ടി​രി​ക്കു​ന്നു: യഹോ​വ​യു​ടെ സത്യാ​രാ​ധ​ന​യ്‌ക്കു​ളള മന്ദിരം മറെറ​ല്ലാ​റ​റി​നും മീതെ ഉയർന്നി​രി​ക്കു​ന്നു. “വരുവിൻ, നമുക്കു യഹോ​വ​യു​ടെ പർവ്വത​ത്തി​ലേക്കു . . . കയറി​ച്ചെ​ല്ലാം; . . . അവൻ നമുക്കു തന്റെ വഴികളെ ഉപദേ​ശി​ച്ചു​ത​രി​ക​യും നാം അവന്റെ പാതക​ളിൽ നടക്കയും ചെയ്യും” എന്ന ക്ഷണം ലോക​ത്തി​നു​ചു​റ​റും 229 ദേശങ്ങ​ളിൽ മുഴങ്ങി​ക്കൊ​ണ്ടി​രി​ക്കു​ന്നു. (യെശ. 2:3) പുതി​യ​വ​രു​ടെ ക്രിയാ​ത്മ​ക​മായ പ്രതി​ക​ര​ണ​ത്തി​നു അവരുടെ ജീവനെ രക്ഷിക്കാൻ കഴിയും. അവരുടെ താത്‌പ​ര്യം യഹോ​വ​യു​ടെ സ്ഥാപന​ത്തി​ലേക്കു തിരി​ക്കു​ന്നതു നമുക്ക്‌ അവരെ സഹായി​ക്കാൻ കഴിയുന്ന ഏററവും നല്ല മാർഗ്ഗ​ങ്ങ​ളി​ലൊ​ന്നാണ്‌.