നമ്മുടെ പേരിനു പിമ്പിലെ സ്ഥാപന​ത്തി​ലേക്കു വിദ്യാർഥി​കളെ നയിക്കൽ

¹ “200-ലധികം ഭാഷക​ളിൽ പ്രസം​ഗി​ക്കുന്ന ഒരു സന്ദേശ​മാ​ണിത്‌. 210-ലധികം രാജ്യ​ങ്ങ​ളിൽ കേൾക്കുന്ന ഒരു സന്ദേശ​മാ​ണിത്‌. ആളുകളെ കണ്ടെത്താ​വു​ന്നി​ട​ങ്ങ​ളി​ലെ​ല്ലാം വ്യക്തി​പ​ര​മാ​യി നൽകുന്ന ഒരു സന്ദേശ​മാ​ണിത്‌. ലോകം അറിഞ്ഞി​ട്ടു​ള്ള​തി​ലേ​ക്കും​വെച്ച്‌ ഏറ്റവും വലിയ പ്രസം​ഗ​പ്ര​സ്ഥാ​ന​ത്തി​ന്റെ ഭാഗമായ, ഭൂവ്യാ​പ​ക​മാ​യി ലക്ഷങ്ങളെ ഏകീക​രി​ക്കുന്ന ഒരു സന്ദേശ​മാ​ണിത്‌. നൂറി​ല​ധി​കം വർഷമാ​യി യഹോ​വ​യു​ടെ സാക്ഷികൾ ഈ വേല നിർവ​ഹി​ക്കു​ന്ന​തി​നു സംഘടി​പ്പി​ക്ക​പ്പെ​ട്ടി​രി​ക്കു​ന്നു!”

² യഹോ​വ​യു​ടെ സാക്ഷികൾ—ആ പേരിനു പിമ്പിലെ സ്ഥാപനം എന്ന വീഡി​യോ​യു​ടെ ആഖ്യാനം തുടങ്ങു​ന്നത്‌ അപ്രകാ​ര​മാണ്‌. പിൻവ​രുന്ന ചോദ്യ​ങ്ങൾക്ക്‌ അതു തുടർന്ന്‌ ഉത്തരം നൽകുന്നു: യഹോ​വ​യു​ടെ സാക്ഷികൾ യഥാർഥ​ത്തിൽ ആരാണ്‌? അവരുടെ പ്രവർത്തനം എങ്ങനെ സംഘടി​പ്പി​ക്ക​പ്പെ​ടു​ന്നു? നയിക്ക​പ്പെ​ടു​ന്നു? സാമ്പത്തി​ക​മാ​യി പിന്താ​ങ്ങ​പ്പെ​ടു​ന്നു? “ബൈബി​ളിൽ വിശ്വാ​സം കെട്ടു​പ​ണി​ചെ​യ്യാൻ തങ്ങളുടെ അയൽക്കാ​രെ സഹായി​ക്കു​ന്ന​തിന്‌ യഹോ​വ​യു​ടെ സാക്ഷികൾ ലോക​വ്യാ​പ​ക​മാ​യി ഒരു സ്ഥാപന​മെന്ന നിലയിൽ പരിശീ​ലി​പ്പി​ക്ക​പ്പെ​ട്ടി​രി​ക്കു​ന്നു” എന്ന വസ്‌തുത അതു കാഴ്‌ച​ക്കാ​രു​ടെ മനസ്സിൽ പതിപ്പി​ക്കു​ന്നു. നമ്മുടെ പേരിനു പിമ്പിലെ സ്ഥാപനത്തെ സ്വയം തിരി​ച്ച​റി​യാൻ അത്‌ അവരെ പ്രോ​ത്സാ​ഹി​പ്പി​ക്കു​ന്നു. ഈ വീഡി​യോ കണ്ടതി​നെ​ത്തു​ടർന്നു പഠിച്ചു​കൊ​ണ്ടി​രുന്ന ഒരു സ്‌ത്രീ സന്തോ​ഷ​ത്തി​ന്റെ​യും വിലമ​തി​പ്പി​ന്റെ​യും കണ്ണീ​രൊ​ഴു​ക്കി​ക്കൊ​ണ്ടു പറഞ്ഞു: “സത്യ​ദൈ​വ​മായ യഹോ​വ​യു​ടെ സ്ഥാപനം ഇതുത​ന്നെ​യാ​ണെന്ന ആർക്കെ​ങ്കി​ലും തിരി​ച്ച​റി​യാ​തി​രി​ക്കാ​നാ​കു​മോ?”—1 കൊരി​ന്ത്യർ 14:24, 25, താരത​മ്യം ചെയ്യുക.

³ മറ്റൊരു സ്‌ത്രീ ദീർഘ​കാ​ല​മാ​യി ഇടവിട്ടു ബൈബിൾ പഠിച്ചി​രു​ന്നു, എന്നാൽ ത്രിത്വം ഒരു വ്യാജ പഠിപ്പി​ക്ക​ലാ​ണെന്ന വസ്‌തുത അവർക്ക്‌ അംഗീ​ക​രി​ക്കാൻ കഴിഞ്ഞില്ല. പിന്നീട്‌ അവരെ​യും ഭർത്താ​വി​നെ​യും നമ്മുടെ വീഡി​യോ കാണിച്ചു. അവതര​ണ​ത്തിൽ ഇരുവർക്കും വളരെ മതിപ്പു​ള​വാ​യി. അതേ രാത്രി​യിൽത്തന്നെ അതു രണ്ടുതവണ കണ്ടു. അടുത്ത അധ്യയ​ന​ത്തിൽ, ഭാര്യ ഒരു സാക്ഷി​യാ​കാ​നുള്ള ആഗ്രഹം പ്രകടി​പ്പി​ച്ചു. ത്രിത്വ വിശ്വാ​സ​ത്തിൽ താൻ ശ്രദ്ധ​കേ​ന്ദ്രീ​ക​രി​ക്കു​ക​യാ​യി​രു​ന്നെ​ന്നും നമ്മുടെ സ്ഥാപന​ത്തെ​യും അതിലെ ആളുക​ളെ​യും നിരീ​ക്ഷി​ക്കാൻ പരാജ​യ​പ്പെ​ട്ടെ​ന്നും അവർ പറഞ്ഞു. താൻ ദൈവ​ത്തി​ന്റെ യഥാർഥ സ്ഥാപനം കണ്ടെത്തി​യെന്നു വീഡി​യോ​യിൽനിന്ന്‌ അവർ തിരി​ച്ച​റി​ഞ്ഞു. വീടു​തോ​റു​മുള്ള പ്രസംഗം ഉടൻതന്നെ ആരംഭി​ക്കാൻ അവർ ആഗ്രഹി​ച്ചു. സ്‌നാ​പ​ന​മേൽക്കാത്ത ഒരു പ്രസാ​ധി​ക​യാ​യി​ത്തീ​രു​ന്ന​തി​നുള്ള അനിവാ​ര്യ പടികൾ ഏതെല്ലാ​മാ​ണെന്ന്‌ അവരോ​ടു വിശദീ​ക​രി​ച്ചു കഴിഞ്ഞ​പ്പോൾ അവർ പറഞ്ഞു: “അതു വേഗമാ​കട്ടെ.” തന്റെ സഭയിൽനി​ന്നു രാജി​വെച്ച ശേഷം അവർ വയൽസേ​വനം ആരംഭി​ക്കു​ക​യും ത്രിത്വം ഖണ്ഡിക്കു​ന്ന​തിൽ വിദഗ്‌ധ​യാ​യി​ത്തീ​രു​ക​യും ചെയ്‌തു.

⁴ ബൈബിൾ വിദ്യാർഥി​കൾ യഹോ​വ​യു​ടെ സ്ഥാപനത്തെ തിരി​ച്ച​റി​യു​ക​യും അതോ​ടൊ​പ്പം സഹവസി​ക്കു​ക​യും ചെയ്യു​മ്പോൾ അവർ മെച്ചപ്പെട്ട ആത്മീയ പുരോ​ഗതി വരുത്തു​ക​യും കൂടുതൽ വേഗത്തിൽ പക്വത​യി​ലേക്കു വളരു​ക​യും ചെയ്യു​ന്നു​വെ​ന്നതു നന്നായി സ്ഥിരീ​ക​രി​ക്ക​പ്പെ​ട്ടി​രി​ക്കു​ന്നു. പെന്ത​ക്കോ​സ്‌തിൽ 3,000 പേർ സ്‌നാ​പ​ന​മേറ്റ ശേഷം, “അവർ അപ്പൊ​സ്‌ത​ല​ന്മാ​രു​ടെ ഉപദേശം കേട്ടും കൂട്ടായ്‌മ ആചരി​ച്ചും”കൊണ്ടി​രു​ന്നു. (പ്രവൃ. 2:42) അതുതന്നെ ചെയ്യാൻ ഇന്നു നാം വിദ്യാർഥി​കളെ സഹായി​ക്കേ​ണ്ടത്‌ അനിവാ​ര്യ​മാണ്‌. നമുക്കത്‌ എങ്ങനെ ചെയ്യാ​നാ​കും?

⁵ ഉത്തരവാ​ദി​ത്വം ഏറ്റെടു​ക്കുക: ബൈബിൾ വിദ്യാർഥി​യെ ദൈവ​സ്ഥാ​പ​ന​ത്തി​ലേക്കു നയിക്കു​ന്നതു തന്റെ ഉത്തരവാ​ദി​ത്വ​മാ​ണെന്നു ശിഷ്യ​രാ​ക്കുന്ന എല്ലാവ​രും തിരി​ച്ച​റി​യണം. (1 തിമൊ. 4:16) പുതി​യ​യാൾ ഓരോ അധ്യയന സെഷ​നെ​യും തന്റെ സമർപ്പണം ജലസ്‌നാ​പ​ന​ത്താൽ ലക്ഷ്യ​പ്പെ​ടു​ത്തുന്ന സന്തുഷ്ട ദിനത്തി​ലേ​ക്കുള്ള ഒരു ചവിട്ടു​പ​ടി​യാ​യി വീക്ഷി​ക്കണം. സ്‌നാപന വേളയിൽ അദ്ദേഹ​ത്തോ​ടു ചോദി​ക്കുന്ന ചോദ്യ​ങ്ങ​ളിൽ ഒന്ന്‌ ഇതാണ്‌: “നിങ്ങളു​ടെ സമർപ്പ​ണ​വും സ്‌നാ​പ​ന​വും, നിങ്ങളെ ദൈവാ​ത്മ​ന​ട​ത്തി​പ്പുള്ള സ്ഥാപന​വു​മാ​യുള്ള സഹവാ​സ​ത്തിൽ യഹോ​വ​യു​ടെ സാക്ഷി​ക​ളിൽ ഒരുവ​നാ​യി തിരി​ച്ച​റി​യി​ക്കു​ന്നു​വെന്നു നിങ്ങൾ മനസ്സി​ലാ​ക്കു​ന്നു​വോ?” അതു​കൊണ്ട്‌, സത്യ​ക്രി​സ്‌തീയ സഭയോ​ടൊ​ത്തു സജീവ​മാ​യി സഹവസി​ക്കാ​തെ ദൈവത്തെ സേവി​ക്കാ​നാ​വി​ല്ലെന്ന്‌ അദ്ദേഹം തിരി​ച്ച​റി​യേ​ണ്ടതു പ്രധാ​ന​മാണ്‌.—മത്താ. 24:45-47; യോഹ. 6:68; 2 കൊരി. 5:20.

⁶ യഹോ​വ​യു​ടെ സാക്ഷി​ക​ളു​ടെ പിമ്പി​ലുള്ള സാർവ​ദേ​ശീയ സ്ഥാപന​ത്തെ​യും പ്രാ​ദേ​ശിക സഭയെ​യും കുറിച്ച്‌ വിദ്യാർഥി​യെ പഠിപ്പി​ക്കു​ന്ന​തിൽ തുടരുക. ആദ്യത്തെ ബൈബി​ള​ധ്യ​യ​ന​ത്തിൽ തുടങ്ങി ഓരോ സെഷനി​ലും ഇതു ചെയ്യുക. ആദ്യം മുതൽത്തന്നെ വിദ്യാർഥി​യെ യോഗ​ങ്ങൾക്കു ക്ഷണിക്കുക, ക്ഷണിച്ചു​കൊ​ണ്ടേ​യി​രി​ക്കുക.—വെളി. 22:17.

⁷ പ്രദാനം ചെയ്‌തി​രി​ക്കുന്ന ഉപകര​ണങ്ങൾ ഉപയോ​ഗി​ക്കുക: ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രി​ക​യും നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം പുസ്‌ത​ക​വു​മാ​ണു ഭവന ബൈബി​ള​ധ്യ​യ​നങ്ങൾ നടത്തു​ന്ന​തിന്‌ ഉപയോ​ഗി​ക്കാ​വുന്ന നമ്മുടെ ഏറ്റവും മെച്ചപ്പെട്ട പ്രസി​ദ്ധീ​ക​ര​ണങ്ങൾ. സഭയു​മാ​യുള്ള സഹവാ​സ​ത്തി​ന്റെ ആവശ്യത്തെ അവ രണ്ടും എടുത്തു​കാ​ണി​ക്കു​ന്നു. ആവശ്യം ലഘുപ​ത്രി​ക​യു​ടെ 5-ാമത്തെ പാഠത്തി​ന്റെ അവസാ​ന​ഭാ​ഗം പ്രസ്‌താ​വി​ക്കു​ന്നു: “നിങ്ങൾ യഹോ​വ​യെ​ക്കു​റി​ച്ചു പഠിച്ചു​കൊ​ണ്ടി​രി​ക്കണം, അവന്റെ വ്യവസ്ഥകൾ അനുസ​രി​ച്ചു​കൊ​ണ്ടി​രി​ക്കു​ക​യും വേണം. യഹോ​വ​യു​ടെ സാക്ഷി​ക​ളു​ടെ സ്ഥലത്തെ രാജ്യ​ഹാ​ളിൽ നടക്കുന്ന യോഗ​ങ്ങൾക്കു ഹാജരാ​കു​ന്നത്‌ അങ്ങനെ ചെയ്യാൻ നിങ്ങളെ സഹായി​ക്കും.” യോഗ​ങ്ങൾക്കു ഹാജരാ​കാൻ പരിജ്ഞാ​നം പുസ്‌തകം വിദ്യാർഥി​യെ ആവർത്തി​ച്ചു പ്രോ​ത്സാ​ഹി​പ്പി​ക്കു​ന്നു. 5-ാം അധ്യായം, 22-ാം ഖണ്ഡിക ഈ ക്ഷണം വെച്ചു​നീ​ട്ടു​ന്നു: “ദൈവത്തെ ‘ആത്മാ​വോ​ടും സത്യ​ത്തോ​ടും കൂടെ’ ആരാധി​ക്കു​ന്ന​തിൽ തങ്ങളോ​ടു ചേരാൻ അവർ [യഹോ​വ​യു​ടെ സാക്ഷികൾ] നിങ്ങളെ ഊഷ്‌മ​ള​മാ​യി പ്രോ​ത്സാ​ഹി​പ്പി​ക്കു​ന്നു. (യോഹ​ന്നാൻ 4:24)” 12-ാം അധ്യായം, 16-ാം ഖണ്ഡിക പ്രസ്‌താ​വി​ക്കു​ന്നു: “നിങ്ങൾ ഈ പഠനം തുടരു​ക​യും യഹോ​വ​യു​ടെ സാക്ഷി​ക​ളു​ടെ യോഗ​ങ്ങൾക്കു ഹാജരാ​കു​ന്നതു നിങ്ങളു​ടെ ശീലമാ​ക്കു​ക​യും ചെയ്യു​മ്പോൾ നിങ്ങളു​ടെ വിശ്വാ​സം ഇതിലും ബലിഷ്‌ഠ​മാ​ക്ക​പ്പെ​ടു​മെ​ന്നു​ള്ള​തി​നു സംശയം വേണ്ട.” 16-ാം അധ്യായം, 20-ാം ഖണ്ഡിക പറയുന്നു: “യഹോ​വ​യു​ടെ സാക്ഷി​ക​ളു​ടെ യോഗ​ങ്ങൾക്കു ഹാജരാ​കു​ന്നതു നിങ്ങളു​ടെ ശീലമാ​ക്കുക.” അതു കൂട്ടി​ച്ചേർക്കു​ന്നു: “ഇതു കാര്യം ഗ്രഹി​ക്കാ​നും അനന്തരം ജീവി​ത​ത്തിൽ ദൈവ​പ​രി​ജ്ഞാ​നം ബാധക​മാ​ക്കാ​നും നിങ്ങളെ സഹായി​ക്കും. ലോക​വ്യാ​പക ക്രിസ്‌തീയ സഹോ​ദ​ര​വർഗ​ത്തി​ന്റെ ഭാഗമാ​യി​രി​ക്കു​ന്നതു യഹോ​വ​യോ​ടു പറ്റിനിൽക്കു​ന്ന​തി​നു നിങ്ങളെ സഹായി​ക്കും.” ദൈവ​ജ​ന​ത്തി​നി​ട​യിൽ ഒരുവൻ എങ്ങനെ യഥാർഥ സുരക്ഷി​ത​ത്വം കണ്ടെത്തു​ന്നു​വെന്ന്‌ 17-ാം അധ്യായം വളരെ വിശദ​മാ​യി ചർച്ച​ചെ​യ്യു​ന്നു. മറ്റുള്ള​വ​രോ​ടൊ​പ്പം നാം പഠിക്കവെ, ആ വിഷയ​ഭാ​ഗ​ങ്ങൾക്ക്‌ ഊന്നൽ കൊടു​ക്കേ​ണ്ടതു നമ്മുടെ ഉത്തരവാ​ദി​ത്വ​മാണ്‌.

⁸ തന്റെ ഇഷ്ടം നിറ​വേ​റ്റാ​നാ​യി യഹോവ ഇന്ന്‌ ഉപയോ​ഗി​ക്കുന്ന ഏക ദൃശ്യ​സ്ഥാ​പ​ന​വു​മാ​യി വ്യക്തി​കളെ പരിച​യ​ത്തി​ലാ​ക്കാൻ പ്രസി​ദ്ധീ​ക​രി​ച്ചി​ട്ടുള്ള ഒരു ഉത്തമ ഉപകര​ണ​മാണ്‌ യഹോ​വ​യു​ടെ സാക്ഷികൾ—ലോക​വ്യാ​പ​ക​മാ​യി ഐക്യ​ത്തിൽ ദൈ​വേഷ്ടം ചെയ്യുന്നു എന്ന ലഘുപ​ത്രിക. നമ്മുടെ ശുശ്രൂഷ, യോഗങ്ങൾ, സ്ഥാപനം എന്നിവ​യെ​ക്കു​റിച്ച്‌ ഇതിലുൾക്കൊ​ള്ളുന്ന വിശദ​മായ വിവരങ്ങൾ ദൈവത്തെ ആരാധി​ക്കു​ന്ന​തിൽ നമ്മോ​ടൊ​പ്പം സഹവസി​ക്കാൻ വായന​ക്കാ​രനെ പ്രോ​ത്സാ​ഹി​പ്പി​ക്കും. ബൈബി​ള​ധ്യ​യനം സ്ഥിരമാ​കു​ന്ന​തോ​ടെ സ്വന്തമാ​യി വായി​ക്കു​ന്ന​തിന്‌ ഈ ലഘുപ​ത്രി​ക​യു​ടെ ഒരു പ്രതി നാം വിദ്യാർഥി​ക്കു കൊടു​ക്ക​ണ​മെന്നു ശുപാർശ ചെയ്യ​പ്പെ​ട്ടി​രി​ക്കു​ന്നു. കഴിഞ്ഞ​കാ​ലത്തു ചെയ്‌തി​രു​ന്ന​തു​പോ​ലെ അദ്ദേഹ​വു​മാ​യി അതു പഠിക്കേണ്ട ആവശ്യ​മില്ല.

⁹ നമ്മുടെ പേരിനു പിമ്പിലെ സ്ഥാപന​ത്തി​ലേക്കു വിദ്യാർഥി​കളെ നയിക്കു​ന്ന​തി​നുള്ള ഉത്തമ ഉപകര​ണ​ങ്ങ​ളാണ്‌ സൊ​സൈറ്റി ഉത്‌പാ​ദി​പ്പി​ച്ചി​ട്ടുള്ള ചില വീഡി​യോ​കൾ. (1) പുതി​യ​ലോക സമുദാ​യം പ്രവർത്ത​ന​ത്തിൽ, യഹോ​വ​യു​ടെ സ്ഥാപന​ത്തി​ന്റെ പ്രവർത്ത​ന​ങ്ങ​ളി​ലെ സുഗമ​വും ഫലപ്ര​ദ​വും സ്‌നേ​ഹ​പൂർവ​ക​വു​മായ ആത്മാവി​നെ പകർത്തി​യെ​ടുത്ത 1954-ലെ ഫിലി​മി​ന്റെ പുനര​വ​ലോ​കനം; (2) ഭൂമി​യു​ടെ അറുതി​ക​ളി​ലേക്ക്‌, വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളി​ന്റെ 50-ാം വാർഷി​കം രേഖ​പ്പെ​ടു​ത്തിയ അത്‌ ലോക​വ്യാ​പക പ്രസംഗ വേലയിൽ മിഷന​റി​മാർക്ക്‌ ഉണ്ടായി​രു​ന്നി​ട്ടുള്ള ഫലം പ്രകട​മാ​ക്കു​ന്നു; (3) യഹോ​വ​യു​ടെ സാക്ഷികൾ നാസി ആക്രമ​ണ​ത്തി​നെ​തി​രെ ഉറച്ചു​നിൽക്കു​ന്നു, അത്‌ ഹിറ്റ്‌ല​റു​ടെ മൃഗീയ പീഡന​ത്തിൻ മധ്യേ​യുള്ള സാക്ഷി​ക​ളു​ടെ ധൈര്യ​ത്തി​ന്റെ​യും വിജയ​ത്തി​ന്റെ​യും പുളക​പ്ര​ദ​മായ കഥ പറയുന്നു; (4) ദിവ്യ​പ്ര​ബോ​ധ​ന​ത്താൽ ഏകീകൃ​തർ, പൂർവ യൂറോപ്പ്‌, തെക്കേ അമേരിക്ക, ആഫ്രിക്ക, ഏഷ്യ എന്നിവി​ട​ങ്ങ​ളി​ലെ സാർവ​ദേ​ശീയ കൺ​വെൻ​ഷ​നു​ക​ളിൽ പ്രകട​മായ സമാധാ​ന​പൂർണ​മായ ഐക്യം പരി​ശോ​ധി​ക്കു​ന്നു; (5) യഹോ​വ​യു​ടെ സാക്ഷികൾ—ആ പേരിനു പിമ്പിലെ സ്ഥാപനം എന്നിവ അവർ കാണു​ന്നതു നല്ലതാ​യി​രി​ക്കും. അവസാ​നത്തെ ഈ രണ്ടെണ്ണം ഇന്ത്യയിൽ ലഭ്യമാണ്‌, അവ സഭ മുഖാ​ന്തരം ഓർഡർ ചെയ്യാ​വു​ന്ന​താണ്‌. എന്നാൽ അനേകം സഹോ​ദ​ര​ങ്ങൾക്ക്‌ മറ്റു മൂന്നെ​ണ്ണ​ത്തി​ന്റെ പ്രതികൾ വിദേ​ശ​ത്തു​നി​ന്നു ലഭിച്ചി​ട്ടുണ്ട്‌. സ്ഥാപന​ത്തി​ലേക്കു ബൈബിൾ വിദ്യാർഥി​കളെ വഴിന​യി​ക്കാൻ അവ നന്നായി ഉപയോ​ഗി​ക്കാൻ കഴിയും.

¹⁰ യോഗങ്ങൾ സംബന്ധിച്ച്‌ ക്രമാ​നു​ഗത ലക്ഷ്യങ്ങൾ വയ്‌ക്കുക: ഭവന ബൈബി​ള​ധ്യ​യ​ന​ത്തിൽ ലഭിക്കുന്ന സ്വകാര്യ പഠിപ്പി​ക്ക​ലും സഭാ​യോ​ഗ​ങ്ങ​ളിൽ ലഭിക്കുന്ന ക്ലാസ്സ്‌റൂം ചർച്ചക​ളും നമുക്ക്‌ ആവശ്യ​മാ​ണെന്നു വിദ്യാർഥി​ക​ളോ​ടു വിശദീ​ക​രി​ക്കേ​ണ്ട​താണ്‌. (യോഹ. 6:45) പുതിയ വ്യക്തി തിരു​വെ​ഴു​ത്തു​ക​ളെ​യും സ്ഥാപന​ത്തെ​യും സംബന്ധി​ച്ചുള്ള തന്റെ ഗ്രാഹ്യ​ത്തിൽ തത്തുല്യ​മായ പുരോ​ഗതി നേടേ​ണ്ട​താണ്‌. ആ ലക്ഷ്യം നേടു​ന്ന​തിന്‌ യോഗ​ങ്ങൾക്കു സംബന്ധി​ക്കു​ക​യ​ല്ലാ​തെ മറ്റു മാർഗ​മില്ല. (എബ്രാ. 10:23-25) വ്യക്തിയെ ഉടൻതന്നെ സഭാ​യോ​ഗ​ങ്ങൾക്കു ക്ഷണിച്ചു​തു​ട​ങ്ങുക. ക്രമമായ ഒരു ഭവന​ബൈ​ബി​ള​ധ്യ​യനം ഉണ്ടായി​രി​ക്കു​ന്ന​തി​നു മുമ്പു​പോ​ലും പുതിയ താത്‌പ​ര്യ​ക്കാ​രിൽ ചിലർ യോഗ​ങ്ങൾക്കു സംബന്ധി​ച്ചു തുടങ്ങു​ന്നു. തീർച്ച​യാ​യും, ക്രമമാ​യി ഹാജരാ​യി​രു​ന്നു​കൊണ്ട്‌ നാംതന്നെ ഉചിത​മായ ദൃഷ്ടാന്തം വെക്കണം.—ലൂക്കൊ. 6:40; ഫിലി. 3:17.

¹¹ ആദ്യമാ​യി യോഗ​ത്തിൽ സംബന്ധി​ക്കു​മ്പോൾ വിദ്യാർഥിക്ക്‌ അതു സുഖ​പ്ര​ദ​മാ​യി അനുഭ​വ​പ്പെ​ടേ​ണ്ട​തി​നു യോഗ​ങ്ങ​ളെ​യും അവ നടത്ത​പ്പെ​ടുന്ന വിധ​ത്തെ​യും സംബന്ധിച്ച്‌ ആവശ്യ​മായ വിവരങ്ങൾ പങ്കു​വെ​ക്കുക. പുതിയ സ്ഥലങ്ങളിൽ ആദ്യമാ​യി പോകു​മ്പോൾ ചിലയാ​ളു​കൾക്കു വളരെ വിമ്മിട്ടം അനുഭ​വ​പ്പെ​ടു​ന്ന​തു​കൊണ്ട്‌, വിദ്യാർഥി തന്റെ ആദ്യ യോഗ​ത്തി​നു ഹാജരാ​കു​മ്പോൾ രാജ്യ​ഹാ​ളി​ലേക്ക്‌ അദ്ദേഹ​ത്തോ​ടൊ​പ്പം പോകു​ന്നതു പ്രയോ​ജ​ന​പ്ര​ദ​മാ​യി​രു​ന്നേ​ക്കാം. അദ്ദേഹം സഭാം​ഗ​ങ്ങളെ കണ്ടുമു​ട്ടു​മ്പോൾ നിങ്ങൾ ഒപ്പമു​ണ്ടെ​ങ്കിൽ അദ്ദേഹ​ത്തി​നു അത്ര വിമ്മിട്ടം തോന്നു​ക​യില്ല. സന്ദർശ​കനു സ്വാഗ​ത​വും സ്വാസ്ഥ്യ​വും അനുഭ​വ​പ്പെ​ടാൻ ഇടയാ​ക്കി​ക്കൊണ്ട്‌ എല്ലാ​പ്ര​കാ​ര​ത്തി​ലും ഒരു നല്ല ആതി​ഥേ​യ​നാ​യി​രി​ക്കുക.—മത്താ. 7:12; ഫിലി. 2:1-4.

¹² ആദ്യ അവസര​ത്തിൽത്തന്നെ ഒരു പ്രത്യേക സമ്മേള​ന​ദി​ന​ത്തി​ലോ സർക്കിട്ട്‌ സമ്മേള​ന​ത്തി​നോ ഡിസ്‌ട്രി​ക്‌ററ്‌ കൺ​വെൻ​ഷ​നോ സംബന്ധി​ക്കാൻ വിദ്യാർഥി​യെ പ്രോ​ത്സാ​ഹി​പ്പി​ക്കുക. ഒരുപക്ഷേ അദ്ദേഹത്തെ നിങ്ങളു​ടെ യാത്രാ ക്രമീ​ക​ര​ണ​ങ്ങ​ളിൽ ഉൾപ്പെ​ടു​ത്താ​വു​ന്ന​താണ്‌.

¹³ ഹൃദയം​ഗ​മ​മായ വിലമ​തിപ്പ്‌ ഉൾനടുക: നമ്മുടെ ശുശ്രൂഷ നിർവ​ഹി​ക്കാൻ സംഘടി​തർ പുസ്‌ത​ക​ത്തി​ന്റെ 96-ാം പേജ്‌ വിശദീ​ക​രി​ക്കു​ന്നു: “യഹോ​വ​യു​ടെ സ്ഥാപന​ത്തോ​ടുള്ള നിങ്ങളു​ടെ അഗാധ​മായ സ്വന്തം വിലമ​തിപ്പ്‌ താൽപ്പ​ര്യ​ക്കാ​രു​മാ​യുള്ള നിങ്ങളു​ടെ സംഭാ​ഷ​ണ​ങ്ങ​ളിൽ പ്രതി​ഫ​ലി​ക്കു​ന്നു​വെ​ങ്കിൽ വിലമ​തി​പ്പിൽ വളരു​ന്നത്‌ അവർക്കു കൂടുതൽ അനായാ​സ​മാ​യി​രി​ക്കും, യഹോ​വയെ അറിയു​ന്ന​തിൽ ഏറെ പുരോ​ഗതി വരുത്തു​ന്ന​തിന്‌ അവരെ പ്രേരി​പ്പി​ക്കു​ക​യും ചെയ്യും.” നിങ്ങളു​ടെ പ്രാ​ദേ​ശിക സഭയെ​ക്കു​റിച്ച്‌ എല്ലായ്‌പോ​ഴും ക്രിയാ​ത്മ​ക​മാ​യി സംസാ​രി​ക്കുക, ഒരിക്ക​ലും നിഷേ​ധാ​ത്മ​ക​മാ​യി സംസാ​രി​ക്ക​രുത്‌. (സങ്കീ. 84:10; 133:1, 3ബി) ബൈബി​ള​ധ്യ​യ​ന​ത്തിൽ നിങ്ങൾ നടത്തുന്ന പ്രാർഥ​ന​ക​ളിൽ സഭയെ​യും അതുമാ​യി വിദ്യാർഥി ക്രമമാ​യി സഹവസി​ക്കേ​ണ്ട​തി​ന്റെ ആവശ്യ​ത്തെ​യും പരാമർശി​ക്കുക.—എഫെ. 1:15-17.

¹⁴ ദൈവ​ജ​ന​ത്തി​നി​ട​യിൽ കാണുന്ന ഹൃദ്യ​മായ സുഹൃ​ദ്‌ബ​ന്ധ​ത്തോ​ടും ആത്മീയ സുരക്ഷി​ത​ത്വ​ത്തോ​ടു​മുള്ള ഹൃദയം​ഗ​മ​മായ വിലമ​തിപ്പ്‌ പുതി​യവർ വളർത്തി​യെ​ടു​ക്കാൻ നാം തീർച്ച​യാ​യും ആഗ്രഹി​ക്കു​ന്നു. (1 തിമൊ. 3:15; 1 പത്രൊ. 2:17; 5:9) ദൈവ​വ​ച​ന​ത്തി​ന്റെ പഠിതാ​ക്കളെ നമ്മുടെ പേരിനു പിമ്പിലെ സ്ഥാപന​ത്തി​ലേക്കു നയിക്കാൻ യഹോ​വ​യു​ടെ സാക്ഷികൾ എന്നനി​ല​യിൽ നമ്മാലാ​വു​ന്ന​തെ​ല്ലാം ചെയ്യാം.

[3-ാം പേജിലെ ആകർഷ​ക​വാ​ക്യം]

വിദ്യാർഥികൾ സ്ഥാപനത്തെ സ്വയം തിരി​ച്ച​റി​യു​മ്പോൾ കൂടുതൽ വേഗത്തിൽ ആത്മീയ പുരോ​ഗതി വരുത്തു​ന്നു

[4-ാം പേജിലെ ആകർഷ​ക​വാ​ക്യം]

വിദ്യാർഥികളെ യോഗ​ങ്ങൾക്കു ക്ഷണിക്കാൻ വൈക​രുത്‌