അവർ അതു ചെയ്യു​ന്നത്‌ എന്തു​കൊണ്ട്‌?

¹ ‘ദൈവ​ത്തി​ന്റെ ആലയ​ത്തെ​ക്കു​റി​ച്ചുള്ള എരിവു അവനെ തിന്നു​ക​ള​യു​മെന്ന്‌’ യേശു​വി​നെ​ക്കു​റി​ച്ചു മുൻകൂ​ട്ടി​പ്പ​റ​യ​പ്പെട്ടു. (സങ്കീ. 69:9) യഹോ​വ​യു​ടെ സത്യാ​രാ​ധ​ന​യ്‌ക്കാ​യുള്ള യേശു​വി​ന്റെ തീക്ഷ്‌ണത ശുശ്രൂഷ ഒന്നാമതു വെക്കാൻ അവനെ പ്രേരി​പ്പി​ച്ചു. (ലൂക്കൊ. 4:43; യോഹ. 18:37) സത്യത്തി​നു സാക്ഷ്യം വഹിക്കാ​നുള്ള അതേ തീക്ഷ്‌ണത യഹോ​വ​യു​ടെ സാക്ഷി​ക​ളു​ടെ ശുശ്രൂ​ഷ​യിൽ ഇന്നു പ്രതി​ഫ​ലി​ച്ചി​രി​ക്കു​ന്നു. കഴിഞ്ഞ സേവന​വർഷം ശരാശരി 6,45,509 പേർ ലോക​വ്യാ​പ​ക​മാ​യി ഓരോ മാസവും പയനിയർ സേവന​ത്തി​ന്റെ ഏതെങ്കി​ലും രൂപങ്ങ​ളിൽ പങ്കുപറ്റി. ദൈവ​ത്തി​നുള്ള നമ്മുടെ സമർപ്പ​ണ​ത്തി​ന്റെ വീക്ഷണ​ത്തിൽ, ഒരു സഹായ​പ​യ​നി​യ​റോ നിരന്ത​ര​പ​യ​നി​യ​റോ ആയി സേവി​ക്കാൻവേണ്ടി നമ്മുടെ സാഹച​ര്യ​ങ്ങളെ ക്രമീ​ക​രി​ക്കാൻ കഴിയു​മോ​യെന്നു നാമോ​രോ​രു​ത്ത​രും പ്രാർഥ​നാ​പൂർവം പര്യാ​ലോ​ചി​ക്കണം.—സങ്കീ. 110:3; സഭാ. 12:1; റോമ. 12:1.

² സ്വാർഥ​പ​ര​മായ ഒരു ഭൗതി​കത്വ വ്യവസ്ഥി​തി​യിൽ ജീവി​ക്കുന്ന ലോക​ക്കാ​രായ അനേകർക്ക്‌, പണപര​മായ പ്രയോ​ജ​ന​ങ്ങ​ളും മഹത്ത്വ​വും കൈവ​രു​ത്താത്ത ശുശ്രൂ​ഷ​യിൽ ആരെങ്കി​ലും എന്തു​കൊ​ണ്ടു കഠിനാ​ധ്വാ​നം ചെയ്യണ​മെന്നു മനസി​ലാ​ക്കാൻ ബുദ്ധി​മു​ട്ട​നു​ഭ​വ​പ്പെ​ടു​ന്നു. പയനി​യർമാർ അതു ചെയ്യു​ന്നത്‌ എന്തു​കൊണ്ട്‌? തങ്ങൾ ഒരു ജീവര​ക്ഷാ​കര വേലയിൽ ഏർപ്പെ​ട്ടി​രി​ക്കു​ന്നു​വെന്ന്‌ അവർക്ക​റി​യാം. യഹോ​വ​യോ​ടും സഹമനു​ഷ്യ​രോ​ടു​മുള്ള ആഴമായ സ്‌നേ​ഹ​ത്താൽ പ്രചോ​ദി​ത​രായ അവർക്ക്‌ ജീവൻ രക്ഷിക്കാൻ സഹായി​ക്കു​ന്ന​തി​നുള്ള ശക്തമായ, വ്യക്തിഗത കടപ്പാടു തോന്നു​ന്നു. (റോമ. 1:14-16; 1 തിമൊ. 2:4; 4:16) ഒരു പയനിയർ ദമ്പതികൾ ഇപ്രകാ​രം പറഞ്ഞു​കൊണ്ട്‌ അതു നന്നായി സംക്ഷേ​പി​ച്ചു: “എന്തു​കൊ​ണ്ടാണ്‌ ഞങ്ങൾ പയനി​യ​റിങ്‌ ചെയ്യു​ന്നത്‌? പയനി​യ​റിങ്‌ ചെയ്‌തി​രു​ന്നി​ല്ലെ​ങ്കിൽ ഞങ്ങൾക്കത്‌ യഹോ​വ​യു​ടെ മുമ്പാകെ എന്നെങ്കി​ലും ന്യായീ​ക​രി​ക്കാ​നാ​കു​മാ​യി​രു​ന്നോ?”

³ പയനി​യ​റിങ്‌ ആരംഭി​ക്കാ​നുള്ള തന്റെ തീരു​മാ​ന​ത്തെ​ക്കു​റി​ച്ചു മറ്റൊരു സഹോ​ദരി ഇങ്ങനെ എഴുതി: “ഞാനും ഭർത്താ​വും ഏക വരുമാ​നം​കൊ​ണ്ടു ജീവി​ക്കാൻ ആസൂ​ത്ര​ണങ്ങൾ ചെയ്‌തു, അത്യാ​വ​ശ്യ​മ​ല്ലാ​ത്ത​തെ​ല്ലാം ഒഴിവാ​ക്കു​ന്ന​തി​നെ അതർഥ​മാ​ക്കി. എന്നാൽ ദാരി​ദ്ര്യ​ത്തി​ലേ​ക്കോ അപര്യാ​പ്‌ത​ത​യി​ലേ​ക്കോ ഒരിക്ക​ലും കൈവി​ട്ടു​ക​ള​യാ​തെ യഹോവ ഞങ്ങളെ സമൃദ്ധ​മാ​യി അനു​ഗ്ര​ഹി​ച്ചു. . . . ജീവി​ക്കു​ന്ന​തി​നു ഞാൻ ഒരു യഥാർഥ കാരണം കണ്ടെത്തി​യി​രി​ക്കു​ന്നു—സത്യ​ദൈ​വ​മായ യഹോവ തന്നെ അന്വേ​ഷി​ക്കു​ന്ന​വ​രിൽനിന്ന്‌ അകലെ​യ​ല്ലെന്നു മനസ്സി​ലാ​ക്കാൻ ആത്മീയാ​വ​ശ്യ​മു​ള്ള​വരെ സഹായി​ക്കുക.” കാലത്തി​ന്റെ അടിയ​ന്തി​രത മനസ്സി​ലാ​ക്കി, എന്നേക്കും നിലനിൽക്കുന്ന ആത്മീയ നിധികൾ സ്വരൂ​പി​ക്കാൻ ഉത്സാഹ​പൂർവം പരതുന്ന പയനി​യർമാർ ജീവി​ത​ത്തി​ലെ അവശ്യ​കാ​ര്യ​ങ്ങൾകൊ​ണ്ടു സംതൃ​പ്‌ത​രാണ്‌.—1 തിമൊ. 6:8, 18, 19.

⁴ വ്യക്തി​പ​ര​മായ സാഹച​ര്യ​ങ്ങൾ അനുവ​ദി​ക്കു​ന്നെ​ങ്കിൽ, ലോക​വ്യാ​പ​ക​മാ​യി പയനി​യ​റിങ്‌ നടത്തുന്ന ലക്ഷക്കണ​ക്കി​നു സഹോ​ദ​രീ​സ​ഹോ​ദ​രൻമാ​രോ​ടൊ​പ്പം നിങ്ങൾക്കും ചേരരു​തോ? അങ്ങനെ നിങ്ങൾക്കും അവരുടെ അതേ സന്തോഷം അനുഭ​വി​ക്കാ​വു​ന്ന​താണ്‌.