കൊയ്‌ത്തിൽ പൂർണ​മാ​യി പങ്കെടു​ക്കു​ക

¹ യഹോവയുടെ പുരാ​ത​ന​കാ​ലത്തെ പ്രവാ​ച​ക​ന്മാ​രും യേശു​ക്രി​സ്‌തു​വും ഒരു കൂട്ടി​ച്ചേർക്കൽ വേലയെ കുറിച്ചു പറയു​ക​യു​ണ്ടാ​യി. (യെശ. 56:8; യെഹെ. 34:11; യോഹ. 10:16) ലോക​വ്യാ​പ​ക​മാ​യി രാജ്യ​സു​വാർത്ത പ്രസം​ഗി​ക്കവേ ആ വേല നിറ​വേ​റ്റ​പ്പെ​ട്ടു​കൊ​ണ്ടി​രി​ക്കു​ക​യാണ്‌. (മത്താ. 24:14) ദൈവത്തെ സേവി​ക്കു​ന്ന​വ​രും സേവി​ക്കാ​ത്ത​വ​രും തമ്മിലുള്ള വ്യത്യാ​സം വളരെ പ്രകട​മാ​യി​ക്കൊ​ണ്ടി​രി​ക്കു​ന്നു. (മലാ. 3:18) നമ്മെ സംബന്ധിച്ച്‌ അത്‌ എന്തർഥ​മാ​ക്കു​ന്നു?

² വ്യക്തിപരമായ ഒരു ഉത്തരവാ​ദി​ത്വം: പൗലൊ​സി​ന്റെ ദൃഷ്ടാ​ന്ത​ത്തിൽനി​ന്നു നമുക്കു ചിലതു പഠിക്കാ​നാ​കും. ക്രിസ്‌തീയ ശുശ്രൂ​ഷ​യ്‌ക്കു നേതൃ​ത്വം വഹിക്കു​ന്ന​തിൽ അവൻ പൂർണ​മാ​യി ഉൾപ്പെ​ട്ടി​രു​ന്നു. പ്രസം​ഗി​ക്കാ​നുള്ള ഒരു കടപ്പാട്‌ തനിക്കു​ള്ള​താ​യി അവൻ തിരി​ച്ച​റി​ഞ്ഞു. അതു മുഖാ​ന്തരം എല്ലാവർക്കും സുവാർത്ത കേൾക്കു​ന്ന​തി​നും രക്ഷ പ്രാപി​ക്കു​ന്ന​തി​നും അവസരം ലഭിക്കു​മാ​യി​രു​ന്നു. ഇത്‌ അവർക്കു​വേണ്ടി ഇടവി​ടാ​തെ അധ്വാ​നി​ക്കാൻ അവനെ പ്രേരി​പ്പി​ച്ചു. (റോമ. 1:14-17) മനുഷ്യ​വർഗം ഇന്ന്‌ അഭിമു​ഖീ​ക​രി​ക്കുന്ന വിപത്‌ക​ര​മായ സാഹച​ര്യ​ത്തി​ന്റെ വീക്ഷണ​ത്തിൽ, നമ്മുടെ നിയമിത പ്രദേ​ശ​ത്തു​ള്ള​വ​രോട്‌ പ്രസം​ഗി​ക്കു​ന്ന​തിന്‌ നമുക്കു വർധിച്ച ഉത്തരവാ​ദി​ത്വം തോ​ന്നേ​ണ്ട​തല്ലേ?—1 കൊരി. 9:16.

³ അടിയന്തിരതയോടെ പ്രവർത്തി​ക്കു​ന്ന​തി​നുള്ള സമയം: അന്വേ​ഷി​ച്ചു ചെന്ന്‌ രക്ഷപ്പെ​ടു​ത്തുന്ന ഒരു പ്രവർത്ത​ന​ത്തോട്‌ പ്രസം​ഗ​വേ​ലയെ താരത​മ്യം ചെയ്യാൻ കഴിയും. ഏറെ വൈകും​മുമ്പ്‌ ആളുകളെ കണ്ടെത്തി സഹായി​ക്കണം. സമയം ചുരു​ങ്ങി​യി​രി​ക്കു​ന്നു. ജീവൻ അപകട​ത്തി​ലാണ്‌! “യജമാ​ന​നോ​ടു കൊയ്‌ത്തി​ലേക്കു വേലക്കാ​രെ അയക്കേ​ണ്ട​തി​ന്നു യാചി​പ്പിൻ” എന്ന്‌ യേശു തന്റെ ശിഷ്യ​ന്മാ​രെ ഉദ്‌ബോ​ധി​പ്പി​ച്ച​തിൽ അതിശ​യ​മില്ല.—മത്താ. 9:38.

⁴ നമ്മുടെ കാലത്തി​ന്റെ അടിയ​ന്തി​രത തിരി​ച്ച​റിഞ്ഞ്‌ പല രാജ്യ​പ്ര​വർത്ത​ക​രും ഈ ജീവര​ക്ഷാ​കര വേലയി​ലെ തങ്ങളുടെ പങ്ക്‌ വർധി​പ്പി​ച്ചി​രി​ക്കു​ന്നു. ഹിരോ​ഹിസ എന്ന ഒരു കൗമാ​ര​പ്രാ​യ​ക്കാ​രന്റെ കാര്യം എടുക്കുക. ഇളയ നാലു കൂടപ്പി​റ​പ്പു​ക​ളും മാതാ​പി​താ​ക്ക​ളിൽ ഒരാൾ മാത്ര​വു​മുള്ള ഒരു കുടും​ബ​ത്തി​ന്റെ ഭാഗമാണ്‌ അവൻ. വെളു​പ്പിന്‌ 3 മണിക്ക്‌ എഴു​ന്നേറ്റു പത്രം വിതരണം ചെയ്‌തു​കൊണ്ട്‌ അവൻ തന്റെ കുടും​ബത്തെ സാമ്പത്തി​ക​മാ​യി പിന്തു​ണ​ച്ചി​രു​ന്നു. എന്നാൽ, ശുശ്രൂ​ഷ​യിൽ കൂടുതൽ ചെയ്യാൻ അവൻ ആഗ്രഹി​ച്ചു. അതു​കൊണ്ട്‌ അവൻ സാധാരണ പയനി​യ​റിങ്‌ തുടങ്ങി. ഒരിക്ക​ലും ആവർത്തി​ക്ക​പ്പെ​ടു​ക​യി​ല്ലാത്ത ഈ വേലയിൽ കൂടുതൽ പൂർണ​മാ​യി പങ്കെടു​ക്കു​ന്ന​തിന്‌ നിങ്ങൾക്ക്‌ എന്തെങ്കി​ലും മാർഗം ഉണ്ടോ?

⁵ “കാലം ചുരു​ങ്ങി​യി​രി​ക്കു​ന്നു.” (1 കൊരി. 7:29) അതു​കൊണ്ട്‌, ഇന്നു ഭൂമി​യിൽ നിർവ​ഹി​ക്ക​പ്പെ​ടുന്ന ഏറ്റവും സുപ്ര​ധാന വേലയായ രാജ്യ സുവാർത്താ പ്രസം​ഗ​ത്തി​ലും ശിഷ്യ​രാ​ക്ക​ലി​ലും നമ്മുടെ കഴിവി​ന്റെ പരമാ​വധി നമുക്കു ചെയ്യാം. ഈ ശുശ്രൂ​ഷയെ യേശു ഒരു കൊയ്‌ത്തു വേല​യോട്‌ ഉപമിച്ചു. (മത്താ. 9:35-38) കൊയ്‌ത്തിൽ പൂർണ​മാ​യി പങ്കെടു​ക്കു​ക​വഴി, വെളി​പ്പാ​ടു 7:9, 10-ൽ വിവരി​ച്ചി​രി​ക്കുന്ന ആരാധ​ക​രു​ടെ ഒരു മഹാപു​രു​ഷാ​ര​ത്തി​ന്റെ ഭാഗമാ​യി​ത്തീ​രു​ന്ന​തിന്‌ ആരെ​യെ​ങ്കി​ലും സഹായി​ക്കു​ന്ന​തി​നു നമുക്കു കഴി​ഞ്ഞേ​ക്കാം.