നിങ്ങളു​ടെ പ്രദേ​ശ​ത്തുള്ള ബധിരരെ കണ്ടെത്തു​ന്ന​തിൽ ശുഷ്‌കാ​ന്തി കാട്ടുക

¹ “വരിക . . . ഇച്ഛിക്കു​ന്നവൻ ജീവജലം സൌജ​ന്യ​മാ​യി വാങ്ങട്ടെ” എന്ന ക്ഷണം യഹോവ വെച്ചു​നീ​ട്ടു​ന്നു. (വെളി. 22:17) ഇന്ന്‌ ഈ ആഹ്വാ​ന​ത്തോ​ടു പ്രതി​ക​രി​ച്ചു​കൊ​ണ്ടി​രി​ക്കു​ന്ന​വ​രിൽ അനേകം ബധിര​രും ഉൾപ്പെ​ടു​ന്നു. തത്‌ഫ​ല​മാ​യി, കഴിഞ്ഞ 13 വർഷം​കൊണ്ട്‌ ഐക്യ​നാ​ടു​ക​ളി​ലെ ബ്രാഞ്ചി​നു കീഴിൽ 27 ആംഗ്യ​ഭാ​ഷാ സഭകളും 43 ആംഗ്യ​ഭാ​ഷാ കൂട്ടങ്ങ​ളും രൂപീ​ക​രി​ച്ചി​രി​ക്കു​ന്നു.

² ലോകമെമ്പാടുമായി പല രാജ്യ​ങ്ങ​ളി​ലും, ആംഗ്യ​ഭാ​ഷാ സഭകളും കൂട്ടങ്ങ​ളും തങ്ങളുടെ നിയമിത പ്രദേ​ശ​ത്തുള്ള ബധിര​രെ​യും കേൾവി​ത്ത​ക​രാ​റു​ള്ള​വ​രെ​യും കണ്ടെത്തി അവരോ​ടു പ്രസം​ഗി​ക്കാൻ മുഴു ശ്രമവും ചെയ്യുന്നു. അവർ വമ്പിച്ച വിജയം ആസ്വദി​ച്ചു​കൊ​ണ്ടി​രി​ക്കു​ന്നു. ഇതുവരെ കണ്ടുമു​ട്ടാൻ കഴിഞ്ഞി​ട്ടി​ല്ലാത്ത അനേകം ബധിരർ ഇന്ത്യയി​ലുണ്ട്‌. അവർക്കും സാക്ഷ്യം നൽകേ​ണ്ട​തുണ്ട്‌. രാജ്യ​ത്തു​ട​നീ​ളം കേൾവി​ത്ത​ക​രാ​റുള്ള ലക്ഷക്കണ​ക്കിന്‌ ആളുകൾ ഉള്ളതി​നാൽ, തീർച്ച​യാ​യും, ഈ അസാധാ​രണ വയലിൽ വികസ​ന​ത്തി​ന്റെ വർധിച്ച സാധ്യ​ത​യുണ്ട്‌!

³ നിങ്ങൾക്ക്‌ എങ്ങനെ സഹായി​ക്കാ​നാ​കും? ആംഗ്യ​ഭാഷ ഉപയോ​ഗി​ക്കുന്ന ആരെ​യെ​ങ്കി​ലും നിങ്ങൾ പൊതു​സ്ഥ​ല​ങ്ങ​ളിൽ വെച്ചു കണ്ടിട്ടു​ണ്ടോ? ബധിര​നായ ഒരു കുടും​ബാം​ഗ​മുള്ള ആരെങ്കി​ലും നിങ്ങളു​ടെ ജോലി​സ്ഥ​ല​ത്തോ സ്‌കൂ​ളി​ലോ ഉള്ളതായി നിങ്ങൾക്ക്‌ അറിയാ​മോ? അനുദിന പ്രവർത്ത​ന​ങ്ങ​ളിൽ ഏർപ്പെ​ടവേ ബധിരരെ കണ്ടെത്തു​ന്ന​തിൽ ശുഷ്‌കാ​ന്തി കാട്ടുക. എന്നാൽ, അവർക്കു രാജ്യ സാക്ഷ്യം ലഭിക്കു​ന്നു​വെന്നു നിങ്ങൾക്ക്‌ എങ്ങനെ ഉറപ്പു​വ​രു​ത്താൻ കഴിയും?

⁴ സാക്ഷ്യം നൽകൽ: ഒരു പയനിയർ സഹോ​ദരി തന്റെ പ്രദേ​ശത്ത്‌ അനേകം ബധിരരെ കണ്ടുമു​ട്ടി. ഒരു ദിവസം അടുത്തുള്ള സൂപ്പർമാർക്ക​റ്റിൽവെച്ച്‌ ഒരു ബധിര യുവതി ഒരു സാധനം കണ്ടെത്താൻ സഹായി​ക്കാ​മോ എന്നെഴു​തിയ ഒരു കുറി​പ്പു​മാ​യി സഹോ​ദ​രി​യെ സമീപി​ച്ചു. അവളെ സഹായി​ച്ച​ശേഷം, ആ പ്രദേ​ശ​ത്തുള്ള ബധിരരെ സഹായി​ക്കു​ന്ന​തിന്‌ ആംഗ്യ​ഭാഷ പഠിക്കാൻ തനിക്ക്‌ ആഗ്രഹ​മുണ്ട്‌ എന്ന്‌ എഴുതിയ ഒരു കുറിപ്പ്‌ പയനിയർ അവളെ കാണിച്ചു. “നിങ്ങൾ ബധിരരെ സഹായി​ക്കാൻ ആഗ്രഹി​ക്കു​ന്നത്‌ എന്തു​കൊ​ണ്ടാണ്‌?” എന്ന്‌ ആ യുവതി എഴുതി ചോദി​ച്ചു. “ഞാൻ യഹോ​വ​യു​ടെ സാക്ഷി​ക​ളിൽ ഒരാളാണ്‌. ബൈബിൾ മനസ്സി​ലാ​ക്കാൻ ബധിരരെ സഹായി​ക്കു​ന്ന​തി​നു ഞാൻ ആഗ്രഹി​ക്കു​ന്നു. എന്നെ ആംഗ്യ​ഭാഷ പഠിപ്പി​ക്കു​ക​യാ​ണെ​ങ്കിൽ ഞാൻ നിങ്ങളെ ബൈബിൾ പഠിപ്പി​ക്കാം” എന്ന്‌ സഹോ​ദരി എഴുതി കാണിച്ചു. “അവൾ സമ്മതം മൂളി​യ​പ്പോൾ എനിക്കു​ണ്ടായ സന്തോഷം നിങ്ങൾക്കു സങ്കൽപ്പി​ക്കാ​നാ​വില്ല” എന്ന്‌ ആ സഹോ​ദരി പറയുന്നു. ആറ്‌ ആഴ്‌ച​ത്തേക്ക്‌ സഹോ​ദരി എല്ലാ വൈകു​ന്നേ​ര​വും അവളുടെ വീട്ടിൽ പോയി. സഹോ​ദരി ആംഗ്യ​ഭാഷ പഠിച്ചു; ആ ബധിര യുവതി​യാ​കട്ടെ, സത്യം പഠിച്ചു സ്‌നാ​പ​ന​വു​മേറ്റു!

⁵ നിങ്ങളുടെ പ്രദേ​ശ​ത്തുള്ള ബധിരർക്ക്‌ ആത്മീയ സഹായം നൽകാൻ പറ്റിയ ആരും നിങ്ങളു​ടെ സഭയിൽ ഇല്ലെങ്കി​ലോ? നിങ്ങൾക്ക്‌ എങ്ങനെ സഹായി​ക്കാ​നാ​കും? മറ്റു കുടും​ബാം​ഗ​ങ്ങ​ളു​മാ​യി സംസാ​രി​ക്കു​ന്ന​തിന്‌ എന്തു​കൊണ്ട്‌ മടങ്ങി​ച്ചെ​ന്നു​കൂ​ടാ? പ്രാ​ദേ​ശി​ക​മാ​യി ഏത്‌ ആംഗ്യ​ഭാ​ഷ​യാണ്‌ അവർ ഉപയോ​ഗി​ക്കു​ന്ന​തെന്ന്‌ അറിയുക. കൂടുതൽ ഫലപ്രദർ ആയിത്തീ​രു​ന്ന​തി​നു ചില പ്രസാ​ധകർ പ്രാ​ദേ​ശിക ആംഗ്യ​ഭാഷ പഠിക്കു​ക​പോ​ലും ചെയ്‌തി​രി​ക്കു​ന്നു. (പ്രവൃ. 16:9, 10) യഹോ​വ​യു​ടെ അനു​ഗ്ര​ഹ​വും നമ്മുടെ ആത്മാർഥ ശ്രമവും ഉണ്ടെങ്കിൽ അനേകം നല്ല ഫലങ്ങൾ കൈവ​രും.

⁶ നിങ്ങളുടെ പ്രദേ​ശ​ത്തുള്ള ബധിരരെ കണ്ടെത്തു​ന്ന​തിൽ ശുഷ്‌കാ​ന്തി കാട്ടു​ക​വഴി, ജീവജലം സൗജന്യ​മാ​യി വാങ്ങാ​നുള്ള അവസരം അവർക്കു തുറന്നു കൊടു​ക്കാൻ നിങ്ങൾക്കാ​കും.—മത്താ. 10:11.