“ഞാൻ ഉറച്ചു​നിൽക്കു​ന്നു! ഞാൻ ഉറച്ചു​നിൽക്കു​ന്നു! ഞാൻ ഉറച്ചു​നിൽക്കു​ന്നു!”

¹ നാസി കൂട്ട​ക്കൊ​ലയെ അതിജീ​വിച്ച ഒരു വിശ്വസ്‌ത ക്രിസ്‌ത്യാ​നി​യു​ടെ ആ വാക്കുകൾ, നാസി​ക​ളു​ടെ ക്രൂര പീഡന​ങ്ങൾക്കു മധ്യേ​യും തങ്ങളുടെ വിശ്വാ​സ​ത്തിൽ ഉറച്ചു​നിന്ന ജീവി​ച്ചി​രി​ക്കു​ന്ന​വ​രും മരിച്ച​വ​രു​മായ ആയിര​ക്ക​ണ​ക്കി​നു സാക്ഷി​ക​ളു​ടെ ദൃഢനി​ശ്ച​യത്തെ പ്രതി​ധ്വ​നി​പ്പി​ക്കു​ന്നു. (എഫെ. 6:11, 13) അവരുടെ ധൈര്യ​ത്തി​ന്റെ​യും വിജയ​ത്തി​ന്റെ​യും പുളക​പ്ര​ദ​മായ കഥ യഹോ​വ​യു​ടെ സാക്ഷികൾ നാസി ആക്രമ​ണ​ത്തി​നെ​തി​രെ ഉറച്ചു​നിൽക്കു​ന്നു എന്ന ഹൃദ​യോ​ദ്ദീ​പ​ക​മായ വീഡി​യോ​യിൽ അടങ്ങി​യി​രി​ക്കു​ന്നു. ഈ വീഡി​യോ കാണു​ന്ന​തി​നും തങ്ങളുടെ അഭി​പ്രാ​യ​ങ്ങ​ളും വികാ​ര​ങ്ങ​ളും അന്യോ​ന്യം പങ്കു​വെ​ക്കു​ന്ന​തി​നും എല്ലാ സഹോ​ദ​ര​ങ്ങ​ളെ​യും പ്രോ​ത്സാ​ഹി​പ്പി​ക്കു​ന്നു.

² പിൻവരുന്ന ചോദ്യ​ങ്ങൾ നിങ്ങളു​ടെ ചിന്തയെ ഉദ്ദീപി​പ്പി​ക്കട്ടെ: (1) നാസി​കൾക്കെ​തി​രെ യഹോ​വ​യു​ടെ സാക്ഷികൾ ധീരമായ നിലപാട്‌ സ്വീക​രി​ക്കാ​നു​ണ്ടായ കാരണങ്ങൾ ഏവ? (2എ) അഭിവാ​ദ്യം ചെയ്യു​ന്ന​തി​നോ​ടു ബന്ധപ്പെട്ട്‌ എന്തു വിരുദ്ധ വീക്ഷണങ്ങൾ നിലനി​ന്നി​രു​ന്നു, എന്തു​കൊണ്ട്‌? (2ബി) അത്‌ സാക്ഷി​ക​ളു​ടെ കുടും​ബ​ങ്ങളെ എങ്ങനെ ബാധിച്ചു? (3) എത്ര സാക്ഷി​കളെ തടങ്കൽപ്പാ​ള​യ​ങ്ങ​ളി​ലേക്ക്‌ അയച്ചു, അവിടെ അവർ എങ്ങനെ തിരി​ച്ച​റി​യി​ക്ക​പ്പെട്ടു, രഹസ്യ​പ്പോ​ലീസ്‌ അവരോട്‌ എങ്ങനെ പെരു​മാ​റി? (4) നമ്മുടെ സഹോ​ദ​രങ്ങൾ സ്വാത​ന്ത്ര്യ​ത്തി​നാ​യി എന്തു വില കൊടു​ക്കാൻ തയ്യാറാ​യില്ല? (5എ) ഹിറ്റ്‌ല​റി​ന്റെ ഭരണകാ​ലത്തെ കൊടും​ക്രൂ​ര​ത​കൾക്കെ​തി​രെ യഹോ​വ​യു​ടെ സാക്ഷികൾ എങ്ങനെ, എപ്പോൾ ധീരമാ​യി സംസാ​രി​ച്ചു? (5ബി) ഹിറ്റ്‌ലർ എങ്ങനെ പ്രതി​ക​രി​ച്ചു? (6) യഹോ​വ​യു​ടെ ജനത്തിന്റെ ഏകീകൃത നിലപാട്‌ അവർക്കും മറ്റുള്ള​വർക്കും ശാരീ​രി​ക​മാ​യും ആത്മീയ​മാ​യും ജീവര​ക്ഷാ​ക​ര​മെന്നു തെളി​ഞ്ഞത്‌ എങ്ങനെ? (7) ഒരു തടങ്കൽപ്പാ​ള​യ​ത്തിൽ വെച്ച്‌ ഏതു രാജ്യ​ഗീ​ത​മാണ്‌ എഴുതി​യത്‌? (8) നമുക്ക്‌ എന്തുതന്നെ സംഭവി​ച്ചേ​ക്കാ​മെ​ങ്കി​ലും, യഹോ​വ​യോ​ടുള്ള നമ്മുടെ ദൃഢവി​ശ്വ​സ്‌തത കാത്തു​സൂ​ക്ഷി​ക്കാൻ വിശ്വസ്‌ത സ്‌ത്രീ​പു​രു​ഷ​ന്മാ​രു​ടെ​യും യുവജ​ന​ങ്ങ​ളു​ടെ​യും ഏതു ദൃഷ്ടാ​ന്തങ്ങൾ നിങ്ങളെ പ്രചോ​ദി​പ്പി​ക്കു​ന്നു? (വാർഷി​ക​പു​സ്‌തകം 1999-ന്റെ 144-7 പേജു​ക​ളും കാണുക.) (9) ഈ വീഡി​യോ കണ്ടശേഷം, യഹോ​വ​യു​ടെ സാക്ഷി​ക​ളിൽ ഒരാളെന്ന നിലയിൽ ലോക​ത്തി​ന്റെ ഭാഗമ​ല്ലാ​തി​രി​ക്കു​ന്നതു സംബന്ധിച്ച്‌ നിങ്ങൾക്ക്‌ എന്തു തോന്നു​ന്നു?

³ ഉറച്ചുനിൽക്കുന്നു വീഡി​യോ​യിൽ ചിത്രീ​ക​രി​ച്ചി​രി​ക്കുന്ന യഹോ​വ​യു​ടെ സാക്ഷി​ക​ളു​ടെ ധീരവും പ്രോ​ത്സാ​ഹ​ജ​ന​ക​വു​മായ മാതൃ​ക​യ്‌ക്ക്‌ അസഹി​ഷ്‌ണുത, സമപ്രാ​യ​ക്കാ​രിൽ നിന്നുള്ള സമ്മർദം എന്നിവ​യെ​യും മനസ്സാക്ഷി സംബന്ധ​മായ പ്രശ്‌ന​ങ്ങ​ളെ​യും അഭിമു​ഖീ​ക​രി​ക്കാൻ യുവജ​ന​ങ്ങളെ, സാക്ഷികൾ അല്ലാത്ത​വരെ പോലും, സഹായി​ക്കാ​നാ​കും. നിങ്ങൾ സെക്കൻഡറി സ്‌കൂ​ളി​ലോ ഹൈസ്‌കൂ​ളി​ലോ പഠിക്കുന്ന ഒരു യുവാ​വോ യുവതി​യോ ആണെങ്കിൽ, നിങ്ങളു​ടെ അധ്യാ​പ​കർക്ക്‌ ക്ലാസ്സിൽ ഈ വിവരങ്ങൾ ഉപയോ​ഗി​ക്കു​ന്ന​തിന്‌ അവസരം നൽകാൻ നിങ്ങൾക്കാ​കു​മോ? ഒരുപക്ഷേ, ഈ വീഡി​യോ​യു​ടെ ഒരു കോപ്പി അവർക്കു കൊടു​ത്തിട്ട്‌ ഇത്‌ അധികം അറിയ​പ്പെ​ടാത്ത ഒരു ചരിത്ര വിവരണം അല്ലെങ്കിൽ ധാർമിക പാഠം ഉൾക്കൊ​ള്ളുന്ന ഒരു ഡോക്യു​മെ​ന്ററി ആണെന്നു വിശദീ​ക​രി​ക്കുക.

⁴ ശരിയായതിനുവേണ്ടി ഉറച്ചു​നിൽക്കു​ക​വഴി ദൈവത്തെ പ്രസാ​ദി​പ്പി​ക്കാൻ ദിവ്യ പഠിപ്പി​ക്കൽ നമുക്ക്‌ ആത്മീയ കരു​ത്തേ​കു​ന്നത്‌ എങ്ങനെ​യെന്നു കാണി​ക്കുന്ന ഒരു ശ്രേഷ്‌ഠ​മായ ഉപകര​ണ​മാണ്‌ ഉറച്ചു​നിൽക്കു​ന്നു വീഡി​യോ. (1 കൊരി. 16:13) സത്യത്തിൽ താത്‌പ​ര്യ​മുള്ള എല്ലാവ​രു​മാ​യും അതു പങ്കു​വെ​ക്കുക.