ആവശ്യം അധിക​മു​ള്ളി​ടത്തു സേവി​ക്കാൻ നിങ്ങൾക്കു സാധി​ക്കു​മോ?

¹ കൂടുതൽ രാജ്യ ഘോഷ​ക​രു​ടെ ആവശ്യ​മു​ള്ളി​ട​ത്തേക്കു മാറി​ത്താ​മ​സി​ക്കു​ന്ന​തി​നെ കുറിച്ച്‌ നിങ്ങൾ എപ്പോ​ഴെ​ങ്കി​ലും ചിന്തി​ച്ചി​ട്ടു​ണ്ടോ? “കടന്നു​വന്നു ഞങ്ങളെ സഹായിക്ക” എന്ന ക്ഷണം ലഭിക്കു​ന്നെ​ങ്കിൽ അപ്പൊ​സ്‌ത​ല​നായ പൗലൊ​സി​നെ പോലെ നിങ്ങൾ പ്രതി​ക​രി​ക്കു​മോ? (പ്രവൃ. 16:9, 10) അനേകം സഭകളി​ലും, ആത്മീയ പക്വത​യുള്ള കുടും​ബ​ങ്ങ​ളു​ടെ​യോ പ്രദേശം പ്രവർത്തി​ച്ചു തീർക്കു​ന്ന​തിന്‌ പയനി​യർമാ​രു​ടെ​യോ സഭയിൽ നേതൃ​ത്വം വഹിക്കു​ന്ന​തിന്‌ യോഗ്യ​രായ മൂപ്പന്മാ​രു​ടെ​യോ ശുശ്രൂ​ഷാ ദാസന്മാ​രു​ടെ​യോ സഹായം ആവശ്യ​മുണ്ട്‌. വലിയ കാർഷിക മേഖല​യിൽ അങ്ങിങ്ങാ​യി ചിതറി​ക്കി​ട​ക്കുന്ന ഒറ്റപ്പെട്ട പട്ടണങ്ങ​ളാ​യി​രി​ക്കാം പ്രവർത്തന പ്രദേ​ശ​മാ​യി​ട്ടു​ള്ളത്‌. ഏറ്റവും അടുത്ത രാജ്യ​ഹാൾ ഒരുപക്ഷേ കിലോ​മീ​റ്റ​റു​കൾ അകലെ​യാ​യി​രി​ക്കും. ലൗകിക തൊഴി​ലി​നുള്ള സാധ്യത വിരള​മാ​യി​രി​ക്കാം. കാലാവസ്ഥ എല്ലായ്‌പോ​ഴും അത്ര നല്ലതാ​യി​രി​ക്ക​ണ​മെ​ന്നില്ല. ഇത്തരത്തി​ലുള്ള ഒരു വെല്ലു​വി​ളി ഏറ്റെടു​ക്കാൻ നിങ്ങൾ മനസ്സൊ​രു​ക്കം കാണി​ക്കു​മോ? ഇതിൽ വിജയി​ക്കാൻ നിങ്ങൾക്ക്‌ എങ്ങനെ കഴിയും?

² വിശ്വാസവും ആശ്രയ​ത്വ​വും ആവശ്യം: ദൈവ​ത്തി​ന്റെ മാർഗ​നിർദേ​ശ​പ്ര​കാ​രം അബ്രാം തന്റെ സ്വന്ത പട്ടണമായ ഊർ വിട്ട്‌ ഭാര്യ​യെ​യും സഹോ​ദ​ര​പു​ത്ര​നെ​യും വൃദ്ധപി​താ​വായ തേരഹി​നെ​യും കൂട്ടി 1,000 കിലോ​മീ​റ്റർ താണ്ടി ഹാരാ​നി​ലേക്കു പോയി. (ഉല്‌പ. 11:32, 32; നെഹെ. 9:7) തേരഹ്‌ മരിച്ച ശേഷം യഹോവ അബ്രാ​മി​നോട്‌ ഹാരാ​നിൽനിന്ന്‌ തന്റെ ബന്ധുക്ക​ളെ​യെ​ല്ലാം വിട്ട്‌ ദൈവം അവനെ കാണി​ക്കാ​നി​രി​ക്കുന്ന ദേശ​ത്തേക്കു പോകാൻ കൽപ്പിച്ചു. അപ്പോൾ അവന്‌ 75 വയസ്സാ​യി​രു​ന്നു. അബ്രാ​മും സാറാ​യി​യും ലോത്തും “പുറ​പ്പെട്ടു.” (ഉല്‌പ. 12:1, 4, 5) തീർച്ച​യാ​യും അബ്രാം പോയത്‌ ശുശ്രൂ​ഷ​ക​രു​ടെ കൂടു​ത​ലായ ആവശ്യ​മു​ള്ളി​ടത്തു സേവി​ക്കു​ന്ന​തിന്‌ ആയിരു​ന്നില്ല. എന്നാൽ അവന്റെ ആ താമസ​മാ​റ്റ​ത്തിന്‌ ചിലത്‌ ആവശ്യ​മാ​യി​രു​ന്നു. എന്തായി​രു​ന്നു അത്‌?

³ അങ്ങനെ ചെയ്യു​ന്ന​തിന്‌ അബ്രാ​മി​നു ദൈവ​ത്തി​ലുള്ള വിശ്വാ​സ​വും ആശ്രയ​വും ആവശ്യ​മാ​യി​രു​ന്നു. അവന്റെ ചിന്താ​ഗ​തി​യി​ലും ജീവി​ത​രീ​തി​യി​ലും മാറ്റം വരു​ത്തേ​ണ്ട​തു​ണ്ടാ​യി​രു​ന്നു. ബന്ധുക്ക​ളോ​ടൊ​പ്പ​മുള്ള സുരക്ഷി​ത​മായ വാസം അവൻ ഉപേക്ഷി​ക്ക​ണ​മാ​യി​രു​ന്നു. എന്നാൽ, തന്നെയും കുടും​ബ​ത്തെ​യും യഹോവ പരിപാ​ലി​ക്കും എന്ന ഉറച്ച വിശ്വാ​സം അവനു​ണ്ടാ​യി​രു​ന്നു. സമാന​മായ വിധത്തിൽ ഇന്നും അനേകർ യഹോ​വ​യി​ലുള്ള തങ്ങളുടെ വിശ്വാ​സം പ്രകടി​പ്പി​ച്ചി​ട്ടുണ്ട്‌.

⁴ ഹ്രസ്വകാല നിയമ​നങ്ങൾ: ആർക്കും നിയമി​ച്ചു കൊടു​ത്തി​ട്ടി​ല്ലാത്ത പ്രദേ​ശത്തു പോയി പ്രവർത്തി​ക്കു​ന്ന​തി​ന്റെ സമൃദ്ധ​മായ അനു​ഗ്ര​ഹങ്ങൾ നിങ്ങൾ എപ്പോ​ഴെ​ങ്കി​ലും ആസ്വദി​ച്ചി​ട്ടു​ണ്ടോ? അത്‌ ആസ്വദി​ച്ചി​ട്ടു​ള്ള​വർക്ക്‌ വളരെ ദൂരം യാത്ര​ചെ​യ്യേണ്ടി വന്നിട്ടുണ്ട്‌. അത്‌ ശ്രമത്തി​നു തക്ക മൂല്യ​മു​ള്ള​താ​യി​രു​ന്നോ?

⁵ കാലിഫോർണിയയിൽനിന്ന്‌ യൂട്ടാ​യി​ലേക്കു പോയ ഒരു സഹോ​ദരൻ എഴുതി: “ഒരു കൂട്ട​ത്തെ​യും​കൊണ്ട്‌ ഏറെ പ്രവർത്തി​ച്ചി​ട്ടി​ല്ലാത്ത ഒരു പ്രദേ​ശ​ത്തേക്കു പോകു​ന്ന​തി​നെ കുറിച്ച്‌ ആദ്യം എന്നോടു പറഞ്ഞ​പ്പോൾ എനിക്കു മടിയാ​യി​രു​ന്നു. ഏതായാ​ലും ലഭിച്ച നിയമനം സ്വീക​രി​ക്കാൻതന്നെ ഞാൻ തീരു​മാ​നി​ച്ചു. ഞാൻ അതേക്കു​റിച്ച്‌ ഒരിക്ക​ലും ദുഃഖി​ച്ചി​ട്ടില്ല എന്നു മാത്രമല്ല അത്‌ എന്റെ ജീവി​ത​ത്തെ​ത്തന്നെ ആകെ മാറ്റി​മ​റി​ച്ചു. ഈ യാത്ര​യിൽ ഒരു പങ്കുണ്ടാ​യി​രി​ക്കാൻ ലഭിച്ച പദവി​യെ​പ്രതി ഞാൻ എന്നും യഹോ​വ​യ്‌ക്കു നന്ദി പറയുന്നു.” ഫ്‌ളോ​റി​ഡ​യിൽനി​ന്നും ടെനസീ​യി​ലേക്കു പോയ ഒരു സഹോ​ദരൻ പറയു​ന്നത്‌ താൻ സത്യത്തി​ലാ​യി​രുന്ന 20 വർഷക്കാ​ല​ത്തി​നി​ട​യി​ലെ ഏറ്റവും അനുസ്‌മ​ര​ണീയ അനുഭ​വ​മാ​യി​രു​ന്നു ഇത്‌ എന്നാണ്‌! കണെറ്റി​ക്ക​ട്ടിൽനി​ന്നും പശ്ചിമ വെർജി​നി​യ​യി​ലേക്കു പോയ ഒരു കൗമാര പ്രായ​ക്കാ​രൻ ഇപ്രകാ​രം പറഞ്ഞു: “എന്റെ ജീവി​ത​ത്തി​ലെ ഏറ്റവും നല്ല അനുഭ​വ​മാ​യി​രു​ന്നു ഇത്‌!” ഒരൽപ്പ​കാ​ല​ത്തേക്ക്‌ ആണെങ്കി​ലും ആവശ്യം അധിക​മു​ള്ളി​ടത്ത്‌ സേവി​ച്ചതു മൂലം ശുശ്രൂ​ഷ​യോ​ടുള്ള തങ്ങളുടെ വിലമ​തിപ്പ്‌ വർധി​ച്ച​താ​യി മിക്ക പ്രസാ​ധ​ക​രും സമ്മതി​ക്കു​ന്നു. ഇതു ചെയ്‌തി​ട്ടു​ള്ള​വ​രോ​ടു സംസാ​രി​ക്കുക. അവർ ആത്മീയ അഭിവൃ​ദ്ധി പ്രാപി​ച്ച​താ​യും അവസരം ലഭിച്ചാൽ വീണ്ടും അപ്രകാ​രം ചെയ്യാൻ ആഗ്രഹി​ക്കു​ന്ന​താ​യും നിങ്ങൾ കണ്ടെത്തും.

⁶ ആവശ്യം അധിക​മു​ള്ളി​ടത്തു സേവി​ക്കു​ന്ന​തിന്‌ ഒരു താത്‌കാ​ലിക നിയമനം സ്വീക​രി​ക്കു​ന്ന​തി​ലൂ​ടെ മറ്റൊരു ഉദ്ദേശ്യം സാധി​ക്കും. രാജ്യ​ത്തി​ന്റെ മറ്റൊരു ഭാഗ​ത്തേക്കു മാറി​ത്താ​മ​സി​ക്കു​ന്ന​തി​ന്റെ “ചിലവു കണക്കു​കൂ​ട്ടാൻ” സഹായ​ക​മായ പല വിവര​ങ്ങ​ളും കണ്ടെത്താൻ അത്‌ സഹായി​ക്കും.—ലൂക്കൊ. 14:28.

⁷ അന്ത്യം വരുന്ന​തി​നു മുമ്പായി “ഭൂലോ​ക​ത്തിൽ ഒക്കെയും” സുവാർത്ത ഘോഷി​ക്ക​പ്പെ​ടണം എന്നുള്ളത്‌ യഹോ​വ​യു​ടെ ദൃഢനി​ശ്ച​യ​മാണ്‌. (മത്താ. 24:14) ഇത്‌ അറിയാ​വു​ന്ന​തി​നാൽ, സാധി​ക്കു​ന്ന​പക്ഷം ആവശ്യം അധിക​മു​ള്ളി​ട​ത്തേക്കു മാറി​ത്താ​മ​സി​ക്കാൻ നിങ്ങൾ മനസ്സൊ​രു​ക്കം ഉള്ളവരാ​യി​രി​ക്കു​മോ? പല പ്രദേ​ശ​ങ്ങ​ളി​ലും ആവശ്യം നിലവി​ലുണ്ട്‌.

⁸ ആവശ്യം അധിക​മു​ള്ളി​ട​ത്തേക്കു മാറി​ത്താ​മ​സി​ക്കൽ: നിങ്ങൾ ജോലി​യിൽനി​ന്നു വിരമിച്ച ആളാണോ? നിങ്ങൾക്ക്‌ ഒരു നിശ്ചിത വരുമാ​നം ഉണ്ടോ? ഇല്ലെങ്കിൽ നിങ്ങൾക്ക്‌ സ്വയം​തൊ​ഴിൽ കണ്ടെത്താ​നാ​കു​മോ? എവി​ടെ​യാ​യി​രു​ന്നാ​ലും ടെലി​ഫോ​ണോ കമ്പ്യൂ​ട്ട​റോ ഉപയോ​ഗിച്ച്‌ നിങ്ങൾക്ക്‌ വരുമാ​ന​മാർഗം കണ്ടെത്താൻ കഴിയു​മോ? നിങ്ങൾക്ക്‌ മറ്റൊരു സ്ഥലത്തേക്കു മാറാൻ കഴിയി​ല്ലെ​ങ്കിൽ അപ്രകാ​രം ചെയ്യാൻ ഒരു കുടും​ബാം​ഗത്തെ സഹായി​ക്കാ​നാ​കു​മോ?

⁹ പ്രാർഥനാപൂർവകമായ പരിചി​ന്ത​ന​ത്തി​നു​ശേഷം, ആവശ്യം അധിക​മു​ള്ളി​ട​ത്തേക്കു മാറി​ത്താ​മ​സി​ക്കു​ന്ന​തി​ന്റെ വെല്ലു​വി​ളി ഏറ്റെടു​ക്കാൻ നിങ്ങൾക്കു കഴിയും എന്നു കരുതു​ന്നെ​ങ്കിൽ കുടും​ബാം​ഗ​ങ്ങ​ളു​മാ​യും സഭയിലെ മൂപ്പന്മാ​രു​മാ​യും കാര്യം ചർച്ച ചെയ്യുക. അതിനു​ശേഷം ഒരു കത്ത്‌ തയ്യാറാ​ക്കി മൂപ്പന്മാ​രു​ടെ കയ്യിൽ കൊടു​ക്കുക. അവർ അതിൽ തങ്ങളുടെ അഭി​പ്രാ​യ​ങ്ങ​ളും കൂടി ഉൾപ്പെ​ടു​ത്തി ബ്രാഞ്ച്‌ ഓഫീ​സി​ലേക്ക്‌ അയയ്‌ക്കും.

¹⁰ കത്തിൽ നിങ്ങൾ എന്തെഴു​തണം? നിങ്ങളു​ടെ പ്രായം, സ്‌നാപന തീയതി, സഭയിലെ ഉത്തരവാ​ദി​ത്വ​ങ്ങൾ, വിവാഹം കഴിച്ചി​ട്ടു​ണ്ടോ ഇല്ലയോ എന്നത്‌, പ്രായ​പൂർത്തി​യാ​കാത്ത കുട്ടികൾ ഉണ്ടോ എന്നത്‌. നിങ്ങളു​ടെ വ്യക്തി​പ​ര​മായ ആവശ്യ​ത്തി​നു ചേർച്ച​യിൽ നിങ്ങൾ പ്രവർത്തി​ക്കാൻ ഇഷ്ടപ്പെ​ടുന്ന സംസ്ഥാനം ഏതെന്നു വ്യക്തമാ​ക്കുക. ഉദാഹ​ര​ണ​ത്തിന്‌, ചൂടും ഈർപ്പ​വും കൂടു​ത​ലുള്ള പ്രദേ​ശത്തു നിങ്ങൾക്കു ജീവി​ക്കാൻ കഴിയു​മോ? കടുത്ത ശൈത്യം സഹിക്കാ​നാ​കു​മോ? സമു​ദ്ര​നി​ര​പ്പിൽനിന്ന്‌ വളരെ ഉയർന്ന പ്രദേ​ശത്തു നിങ്ങൾക്കു ജീവി​ക്കാ​നാ​കു​മോ? നിങ്ങൾക്ക്‌ ഏതെങ്കി​ലും പ്രാ​ദേ​ശിക ഭാഷ അറിയാ​മോ?

¹¹ നിങ്ങൾക്ക്‌ ഉത്സാഹ​വും മുൻകൈ എടുത്തു പ്രവർത്തി​ക്കുന്ന സ്വഭാ​വ​വും ഉണ്ടോ? ആവശ്യം അധിക​മു​ള്ളി​ടത്തു പ്രവർത്തി​ക്കു​ന്ന​തിന്‌ നിങ്ങളു​ടെ സാഹച​ര്യം അനുവ​ദി​ക്കു​ന്നു​ണ്ടോ? എങ്കിൽ ആത്മത്യാ​ഗ​ത്തി​ന്റെ ആത്മാവ്‌ പ്രകട​മാ​ക്കി​ക്കൊണ്ട്‌ തന്നിൽ ആശ്രയി​ക്കു​ന്ന​വ​രു​ടെ​മേൽ യഹോവ തുടർച്ച​യാ​യി സമൃദ്ധ​മായ അനു​ഗ്ര​ഹങ്ങൾ വർഷി​ക്കു​ന്നത്‌ എങ്ങനെ​യെന്ന്‌ നേരിൽ കാണുക.—സങ്കീ. 34:8; മലാ. 3:10.