അധ്യയ​നങ്ങൾ തുടങ്ങു​ന്ന​തിന്‌ ഒരു പുതിയ ഉപകരണം!

¹ ചെറിയ ഒരു അമ്പലത്തി​ലെ പൂജാ​രി​യാ​യി​രു​ന്നു രാജേ​ന്ദ്രൻ. അദ്ദേഹം ക്രമമാ​യി അവിടെ പൂജ നടത്തി​യി​രു​ന്നു. വാര​ന്തോ​റും ഒരു യുവസ​ഹോ​ദരൻ ബൈബിൾ അധ്യയ​നങ്ങൾ നടത്തു​ന്ന​തി​നാ​യി തന്റെ പ്രദേ​ശ​ത്തുള്ള വീടു​ക​ളിൽ പോകു​ന്നത്‌ അദ്ദേഹം നിരീ​ക്ഷി​ച്ചി​രു​ന്നു. ക്രമമായ ഈ സന്ദർശ​നങ്ങൾ അദ്ദേഹ​ത്തി​ന്റെ ജിജ്ഞാ​സയെ ഉണർത്തി. അങ്ങനെ​യി​രി​ക്കെ ഒരു ദിവസം സഹോ​ദ​ര​ന്മാർ ഒരു സാമൂ​ഹിക കൂടി​വ​ര​വിൽ വെച്ച്‌ രാജേ​ന്ദ്രനെ കണ്ടുമു​ട്ടാ​നി​ട​യാ​യി. അവസരം പാഴാ​ക്കാ​തെ അവർ രാജേ​ന്ദ്രന്‌ ഒരു ബൈബിൾ അധ്യയനം വാഗ്‌ദാ​നം ചെയ്‌തു. ബൈബി​ളി​നെ കുറിച്ച്‌ അറിയാൻ അതീവ താത്‌പ​ര്യം ഉണ്ടായി​രുന്ന അദ്ദേഹം നന്ദിപൂർവം അതിനു സമ്മതിച്ചു. ഈ അനുഭവം നമ്മെ എന്താണു പഠിപ്പി​ക്കു​ന്നത്‌? ഒരു സൗജന്യ ബൈബിൾ പഠന പരിപാ​ടി​യിൽ പങ്കു​ചേ​രാൻ സാധ്യ​ത​യു​ള്ളത്‌ ആരാ​ണെന്നു നമുക്ക​റി​യില്ല എന്നുതന്നെ.—സഭാ. 11:6.

² താത്‌പര്യമുള്ള ആരോ​ടൊ​പ്പ​വും ബൈബിൾ പഠിക്കാൻ നാം മനസ്സൊ​രു​ക്കം ഉള്ളവരാ​ണെന്ന്‌ ആളുക​ളോ​ടു പറയാൻ നിങ്ങൾ എപ്പോ​ഴെ​ങ്കി​ലും മടി കാണി​ച്ചി​ട്ടു​ണ്ടോ? ഇങ്ങനെ​യൊ​രു സൗജന്യ ക്രമീ​ക​രണം ഉണ്ട്‌ എന്ന കാര്യം നിങ്ങളു​ടെ പ്രദേ​ശ​ത്തുള്ള എല്ലാവർക്കും അറിയാ​മോ? അവർക്ക്‌ അത്‌ അറിയാ​മെന്നു നമുക്ക്‌ എങ്ങനെ ഉറപ്പു​വ​രു​ത്താം? ഒരു പുതിയ ഉപകരണം ഉപയോ​ഗ​പ്പെ​ടു​ത്തി​ക്കൊണ്ട്‌! ആറു പേജുള്ള ആകർഷ​ക​മായ ഒരു ലഘു​ലേ​ഖ​യാ​ണത്‌. ബൈബി​ളി​നെ കുറിച്ച്‌ കൂടുതൽ അറിയാൻ നിങ്ങൾ ആഗ്രഹി​ക്കു​ന്നു​വോ? എന്നാണ്‌ അതിന്റെ പേര്‌. ഈ ലഘു​ലേ​ഖ​യു​ടെ ഓരോ ഉപശീർഷ​ക​വും പരിചി​ന്തി​ച്ചു​കൊണ്ട്‌ നമുക്ക്‌ ഇതൊന്ന്‌ അടുത്തു പരി​ശോ​ധി​ക്കാം.

³ “ബൈബിൾ വായി​ക്കേ​ണ്ടത്‌ എന്തു​കൊണ്ട്‌?”: ഈ ലഘുലേഖ നൽകുന്ന കാരണങ്ങൾ വളരെ ഹൃദ്യ​മാണ്‌. “ദൈവ​ത്തിൽ നിന്നുള്ള സ്‌നേ​ഹ​പൂർവ​ക​മായ മാർഗ​നിർദേ​ശ​ങ്ങ​ളാണ്‌” ബൈബി​ളിൽ അടങ്ങി​യി​രി​ക്കു​ന്നത്‌ എന്ന്‌ അതു വിശദീ​ക​രി​ക്കു​ന്നു. അതായത്‌, പ്രാർഥ​ന​യിൽ അവനെ എങ്ങനെ സമീപി​ക്കണം, നിത്യ​ജീ​വൻ എന്ന അവന്റെ സമ്മാനം ലഭിക്കാൻ എന്തു ചെയ്യണം എന്നെല്ലാം അതു വ്യക്തമാ​ക്കു​ന്നു. (1 തെസ്സ. 2:13) മരണാ​ന​ന്തരം നമുക്ക്‌ എന്തു സംഭവി​ക്കു​ന്നു, ഭൂമി​യിൽ ഇത്രയ​ധി​കം പ്രശ്‌നങ്ങൾ ഉള്ളത്‌ എന്തു​കൊണ്ട്‌ എന്നിങ്ങനെ നമ്മെ “പ്രബു​ദ്ധ​രാ​ക്കുന്ന” നിരവധി ബൈബിൾ “സത്യങ്ങൾ” ഈ ലഘു​ലേ​ഖ​യിൽ പരാമർശി​ക്കു​ന്നു. ബാധക​മാ​ക്കു​ന്നെ​ങ്കിൽ, നമുക്കു ശാരീ​രിക പ്രയോ​ജ​നങ്ങൾ കൈവ​രു​ത്തു​ന്ന​തും സന്തുഷ്ടി​യും പ്രത്യാ​ശ​യും ആകർഷ​ക​മായ പല ഗുണങ്ങ​ളും ഉന്നമി​പ്പി​ക്കു​ന്ന​തു​മായ “ബൈബി​ളിൽ കാണുന്ന ദൈവിക തത്ത്വങ്ങ”ളെ കുറി​ച്ചും അതു വിശദീ​ക​രി​ക്കു​ന്നു. ബൈബിൾ വായി​ക്കു​ന്ന​തി​നുള്ള കൂടു​ത​ലായ ഒരു കാരണത്തെ കുറി​ച്ചും ലഘുലേഖ പരാമർശി​ക്കു​ന്നു—നമ്മുടെ തൊട്ടു മുമ്പിൽ എന്താണു​ള്ളത്‌ എന്നു കാണി​ച്ചു​ത​രുന്ന ഭാവിയെ സംബന്ധിച്ച പ്രവച​നങ്ങൾ.—വെളി. 21:3-5.

⁴ “ബൈബിൾ മനസ്സി​ലാ​ക്കാൻ സഹായം”: ലഘുലേഖ ഇപ്രകാ​രം പ്രസ്‌താ​വി​ക്കു​ന്നു: “ദൈവ​വ​ചനം ഗ്രഹി​ക്കു​ന്ന​തിന്‌ നമുക്ക്‌ എല്ലാവർക്കും സഹായം ആവശ്യ​മാണ്‌.” തുടർന്ന്‌, നാം ബൈബിൾ പഠിപ്പി​ക്കുന്ന രീതി അതു വിവരി​ക്കു​ന്നു: “സാധാ​ര​ണ​ഗ​തി​യിൽ ബൈബി​ളി​ന്റെ അടിസ്ഥാന പഠിപ്പി​ക്ക​ലു​ക​ളിൽ തുടങ്ങി ക്രമാ​നു​ഗ​ത​മാ​യി പഠിക്കു​ന്ന​താണ്‌ ഉത്തമം.” “ബൈബി​ളാണ്‌ ആധികാ​രിക ഗ്രന്ഥം” എന്നു വ്യക്തമാ​ക്കു​മ്പോൾത്തന്നെ, “വ്യത്യസ്‌ത വിഷയങ്ങൾ സംബന്ധിച്ച തിരു​വെ​ഴു​ത്തു വിവരങ്ങൾ ഗ്രഹി​ക്കാൻ” വിദ്യാർഥി​യെ സഹായി​ക്കുന്ന ഒന്നായി ലഘുലേഖ ആവശ്യം ലഘുപ​ത്രി​കയെ വിശേ​ഷ​വ​ത്‌ക​രി​ക്കു​ന്നു. അടുത്ത ഉപശീർഷകം പ്രധാ​ന​പ്പെട്ട ഒരു ചോദ്യം ഉന്നയി​ക്കു​ന്നു.

⁵ “ബൈബിൾ മനസ്സി​ലാ​ക്കാൻ വാരം​തോ​റും അൽപ്പസ​മയം ചെലവ​ഴി​ക്കാൻ നിങ്ങൾ സന്നദ്ധനാ​ണോ?”: വിദ്യാർഥി​യു​ടെ സമയവും സൗകര്യ​വും കണക്കി​ലെ​ടുത്ത്‌ ബൈബിൾ പഠിക്കു​ന്ന​തി​നുള്ള ക്രമീ​ക​രണം ചെയ്യാ​വു​ന്ന​താ​ണെന്ന്‌ ലഘുലേഖ വിശദീ​ക​രി​ക്കു​ന്നു. അത്‌ വീട്ടിൽവെ​ച്ചോ ടെലി​ഫോ​ണി​ലൂ​ടെ​യോ ആകാം. ചർച്ചയിൽ ആർക്കു പങ്കെടു​ക്കാ​വു​ന്ന​താണ്‌? ലഘുലേഖ ഉത്തരം നൽകുന്നു: “നിങ്ങളു​ടെ മുഴു കുടും​ബ​ത്തി​നും. നിങ്ങളു​ടെ സുഹൃ​ത്തു​ക്കളെ ക്ഷണിക്കാൻ നിങ്ങൾ ആഗ്രഹി​ക്കു​ന്നെ​ങ്കിൽ അവർക്കും. ഇനി, നിങ്ങൾ ഒറ്റയ്‌ക്കാണ്‌ പഠിക്കാൻ ഇഷ്ടപ്പെ​ടു​ന്ന​തെ​ങ്കിൽ അങ്ങനെ​യും ആകാവു​ന്ന​താണ്‌.” ഒരാൾ എത്ര സമയം പഠിക്കണം? അതു വിശദീ​ക​രി​ക്കു​ന്നു: “ബൈബിൾ പഠിക്കു​ന്ന​തിന്‌ അനേക​രും വാരം​തോ​റും ഒരു മണിക്കൂർ വീതം മാറ്റി​വെ​ക്കു​ന്നു. നിങ്ങൾക്ക്‌ അതിൽ കൂടുതൽ സമയം ചെലവ​ഴി​ക്കാൻ സാധി​ക്കു​മെ​ങ്കിൽ, ഇനി അതല്ല ഓരോ വാരത്തി​ലും അതിൽ കുറഞ്ഞ സമയമേ ചെലവ​ഴി​ക്കാൻ നിങ്ങൾക്കു കഴിയു​ന്നു​ള്ളു​വെ​ങ്കിൽ പോലും, യാതൊ​രു പ്രശ്‌ന​വു​മില്ല. നിങ്ങളെ സഹായി​ക്കാൻ യഹോ​വ​യു​ടെ സാക്ഷികൾ തയ്യാറാ​യി​രി​ക്കും.” അതാണു മുഖ്യ സംഗതി! ഓരോ വിദ്യാർഥി​യു​ടെ​യും സാഹച​ര്യ​ങ്ങൾക്ക്‌ അനുസൃ​ത​മാ​യി ആവശ്യ​മായ പൊരു​ത്ത​പ്പെ​ടു​ത്ത​ലു​കൾ വരുത്താൻ നാം മനസ്സൊ​രു​ക്കം ഉള്ളവരാണ്‌.

⁶ “പഠിക്കാ​നുള്ള ക്ഷണം”: ലഘു​ലേ​ഖ​യിൽ ഒരു കൂപ്പൺ നൽകി​യി​ട്ടുണ്ട്‌. അത്‌ ഉപയോ​ഗിച്ച്‌ ഒന്നുകിൽ ആവശ്യം ലഘുപ​ത്രി​കയെ സംബന്ധിച്ച കൂടുതൽ വിവര​ങ്ങൾക്കു വേണ്ടി അല്ലെങ്കിൽ സൗജന്യ ബൈബിൾ പഠന പരിപാ​ടി​യെ കുറിച്ചു വിശദീ​ക​രി​ക്കു​ന്ന​തിന്‌ ആരെങ്കി​ലും തന്നെ സന്ദർശി​ക്കു​ന്ന​തി​നു വേണ്ടി ലഘുലേഖ ലഭിക്കുന്ന വ്യക്തിക്ക്‌ ആവശ്യ​പ്പെ​ടാ​വു​ന്ന​താണ്‌. ആവശ്യം ലഘുപ​ത്രി​ക​യു​ടെ പുറംചട്ട മുഴു വർണത്തിൽ കൊടു​ത്തി​രി​ക്കു​ന്നു. ആത്മാർഥ ഹൃദയ​രായ കൂടുതൽ ആളുകളെ നമ്മുടെ സഹായം സ്വീക​രി​ക്കാൻ, ഈ ലഘുലേഖ എന്തു​കൊ​ണ്ടു പ്രോ​ത്സാ​ഹി​പ്പി​ക്കും എന്നു കാണാൻ നിങ്ങൾക്കു കഴിയു​ന്നി​ല്ലേ? നമുക്ക്‌ എങ്ങനെ ഈ ഉപകരണം പരമാ​വധി പ്രയോ​ജ​ന​പ്പെ​ടു​ത്താ​നാ​കും?

⁷ ഈ ലഘുലേഖ ആർക്കു നൽകാ​വു​ന്ന​താണ്‌? ആളുകളെ നേരിട്ടു കണ്ട്‌ ഈ ലഘുലേഖ നൽകാം; അല്ലെങ്കിൽ ആളില്ലാ ഭവനങ്ങ​ളിൽ ഇത്‌ ഇട്ടിട്ടു പോരാ​വു​ന്ന​താണ്‌. വീടു​തോ​റു​മോ തെരു​വി​ലോ ബിസി​നസ്‌ മേഖല​ക​ളി​ലോ ഇതു വിതരണം ചെയ്യാ​വു​ന്ന​താണ്‌. ആളുകൾ നമ്മുടെ സാഹി​ത്യം സ്വീക​രി​ച്ചാ​ലും ഇല്ലെങ്കി​ലും ഇതു കൊടു​ക്കുക. സമർപ്പി​ക്കുന്ന മാസി​ക​യ്‌ക്കു​ള്ളി​ലോ മറ്റു പ്രസി​ദ്ധീ​ക​ര​ണ​ങ്ങൾക്കു​ള്ളി​ലോ ഇതു വെച്ചു നൽകുക. കത്തുകൾ അയയ്‌ക്കു​മ്പോൾ ഇതും കൂടി ഉള്ളിൽ വെക്കുക. ടെലി​ഫോ​ണിൽ നിങ്ങൾ ബന്ധപ്പെ​ടുന്ന ആളുകൾക്ക്‌ ഇതിന്റെ ഒരു പ്രതി അയച്ചു​കൊ​ടു​ക്കാ​മെന്നു പറയുക. സാധനം വാങ്ങാൻ പോകു​മ്പോ​ഴും പൊതു വാഹന​ത്തിൽ യാത്ര ചെയ്യു​മ്പോ​ഴും അനൗപ​ചാ​രി​ക​മാ​യി സാക്ഷീ​ക​രി​ക്കു​മ്പോ​ഴു​മെ​ല്ലാം വിതരണം ചെയ്യാൻ തക്കവണ്ണം ഇതിന്റെ പ്രതികൾ എല്ലായ്‌പോ​ഴും കൈവശം ഉണ്ടായി​രി​ക്കുക. നിങ്ങളു​ടെ വീട്ടിൽ വരുന്ന എല്ലാവർക്കും അതു​പോ​ലെ​തന്നെ നിങ്ങളു​ടെ ബന്ധുക്കൾക്കും അയൽക്കാർക്കും സഹപ്ര​വർത്ത​കർക്കും സഹപാ​ഠി​കൾക്കും മറ്റു പരിച​യ​ക്കാർക്കും ഇതു നൽകുക. കണ്ടുമു​ട്ടുന്ന ഏതൊ​രാൾക്കും ഈ ലഘു​ലേ​ഖ​യു​ടെ ഒരു പ്രതി നൽകാൻ ശ്രമം​ചെ​യ്യുക! എന്നിട്ടോ?

⁸ പെട്ടെന്നുതന്നെ പ്രതി​ക​രി​ക്കു​ന്നെ​ങ്കിൽ: ബൈബിൾ പഠിക്കാൻ താത്‌പ​ര്യ​മുണ്ട്‌ എന്നു പറഞ്ഞ്‌ ചിലർ ഉടൻതന്നെ പ്രതി​ക​രി​ച്ചേ​ക്കാം. അതു​കൊണ്ട്‌, വയൽസേ​വ​ന​ത്തിൽ ഏർപ്പെ​ടു​മ്പോ​ഴെ​ല്ലാം ആവശ്യം ലഘുപ​ത്രി​ക​യു​ടെ രണ്ടു പ്രതികൾ കൈവശം ഉണ്ടായി​രി​ക്കാൻ ശ്രദ്ധി​ക്കുക—ഒന്നു നിങ്ങളു​ടെ വിദ്യാർഥി​ക്കും മറ്റൊന്നു നിങ്ങൾക്കും. വ്യക്തിക്കു സമ്മതമാ​ണെ​ങ്കിൽ അപ്പോൾത്തന്നെ അധ്യയനം തുടങ്ങുക. രണ്ടാം പേജി​ലേക്കു മറിച്ച്‌ “ഈ ലഘുപ​ത്രിക ഉപയോ​ഗി​ക്കേണ്ട വിധം” എന്ന ഭാഗം വായി​ക്കുക. എന്നിട്ട്‌ 1-ാം പാഠത്തിൽനിന്ന്‌ അധ്യയനം നടത്തുന്ന വിധം പ്രകടി​പ്പി​ച്ചു കാണി​ക്കുക. എന്താ, ഈ സമീപനം വളരെ എളുപ്പ​മല്ലേ?

⁹ ശ്രോതാവിന്‌ ആലോ​ചി​ക്കാൻ സമയം വേണ​മെ​ങ്കിൽ: ഏറെ വൈകാ​തെ​തന്നെ വ്യക്തിയെ വീണ്ടും കാണാൻ ശ്രമം ചെയ്യുക. അപ്പോൾ ആവശ്യം ലഘുപ​ത്രിക കൈവശം ഉണ്ടെന്ന്‌ ഉറപ്പു​വ​രു​ത്തുക. രണ്ടാം പേജിലെ ഉള്ളടക്ക​പ്പ​ട്ടിക ആ വ്യക്തിയെ കാണി​ക്കുക. അതിൽനിന്ന്‌ തനിക്ക്‌ ഏറ്റവും താത്‌പ​ര്യ​ജ​ന​ക​മെന്നു തോന്നുന്ന ഒരു വിഷയം അദ്ദേഹം തിര​ഞ്ഞെ​ടു​ക്കട്ടെ. അദ്ദേഹം തിര​ഞ്ഞെ​ടുത്ത വിഷയം ലഘുപ​ത്രി​ക​യിൽനി​ന്നു ചർച്ച ചെയ്യുക.

¹⁰ മാസിക സമർപ്പി​ച്ചി​ടത്ത്‌ മടങ്ങി​ച്ചെ​ല്ലു​മ്പോൾ: മാസി​ക​ക​ളോ​ടൊ​പ്പ​മാണ്‌ ഈ ലഘുലേഖ നൽകി​യ​തെ​ങ്കിൽ മടങ്ങി​ച്ചെ​ല്ലു​മ്പോൾ നിങ്ങൾക്ക്‌ ഇപ്രകാ​രം പറയാ​വു​ന്ന​താണ്‌: “കഴിഞ്ഞ പ്രാവ​ശ്യം വന്നപ്പോൾ വീക്ഷാ​ഗോ​പു​ര​ത്തി​ന്റെ ഒരു പ്രതി ഞാൻ നിങ്ങൾക്കു തന്നിരു​ന്നു. ഒരുപക്ഷേ ആ മാസി​ക​യു​ടെ മുഴുവൻ പേര്‌ നിങ്ങൾ ശ്രദ്ധിച്ചു കാണും, അത്‌ വീക്ഷാ​ഗോ​പു​രം യഹോ​വ​യു​ടെ രാജ്യത്തെ പ്രസി​ദ്ധ​മാ​ക്കു​ന്നു എന്നാണ്‌. ഈ രാജ്യം എന്താ​ണെ​ന്നും അത്‌ നിങ്ങൾക്കും നിങ്ങളു​ടെ കുടും​ബ​ത്തി​നും എന്തർഥ​മാ​ക്കു​മെ​ന്നും ഞാൻ ഒന്നു വിശദീ​ക​രി​ക്കട്ടെ.” എന്നിട്ട്‌ ആവശ്യം ലഘുപ​ത്രി​ക​യു​ടെ 6-ാം പാഠം എടുക്കുക. വീട്ടു​കാ​രന്റെ സമയം അനുസ​രിച്ച്‌, ഒന്നാം ഖണ്ഡിക മുതൽ വായിച്ചു ചർച്ച ചെയ്യുക. എന്നിട്ട്‌ മറ്റൊരു ദിവസം മടങ്ങി​ച്ചെന്ന്‌ ആ പാഠം പൂർത്തി​യാ​ക്കു​ന്ന​തി​നുള്ള ക്രമീ​ക​രണം ചെയ്യുക.

¹¹ വേണ്ടത്ര ലഘുലേഖ ഇല്ലാതി​രി​ക്ക​രുത്‌: ബൈബി​ളി​നെ കുറിച്ച്‌ അറിയാൻ ലഘു​ലേ​ഖ​യു​ടെ വേണ്ടത്ര ശേഖരം എല്ലായ്‌പോ​ഴും സഭയിൽ ഉണ്ടായി​രി​ക്കാൻ സേവന മേൽവി​ചാ​ര​ക​നും സാഹി​ത്യം കൈകാ​ര്യം ചെയ്യുന്ന സഹോ​ദ​ര​നും ആഗ്രഹി​ക്കും. നിങ്ങളു​ടെ പോക്ക​റ്റിൽ അല്ലെങ്കിൽ പേഴ്‌സിൽ, കാറിൽ, ജോലി സ്ഥലത്ത്‌, സ്‌കൂ​ളിൽ, വീട്ടിലെ സ്വീക​ര​ണ​മു​റി​യിൽ—സൗകര്യ​പൂർവം എടുക്കാൻ പറ്റിയ എവി​ടെ​യും—അവയുടെ പ്രതികൾ സൂക്ഷി​ക്കുക. ബൈബി​ളി​നെ കുറിച്ചു നമുക്കു സംസാ​രി​ക്കാൻ കഴിയുന്ന ആരെ​യെ​ങ്കി​ലും കണ്ടുമു​ട്ടു​മ്പോൾ നൽകു​ന്ന​തി​നാ​യി നിങ്ങളു​ടെ സാക്ഷീ​കരണ ബാഗി​ലും അവയുടെ പ്രതികൾ സൂക്ഷി​ക്കുക.

¹² നമ്മുടെ ശ്രമങ്ങളെ യഹോവ അനു​ഗ്ര​ഹി​ക്കട്ടെ: മറ്റുള്ള​വരെ സത്യം പഠിപ്പി​ക്കുക എന്നതാണ്‌ എല്ലാ ക്രിസ്‌ത്യാ​നി​ക​ളു​ടെ​യും ലക്ഷ്യം, തികച്ചും അഭികാ​മ്യ​മായ ഒന്നാണത്‌. (മത്താ. 28:19, 20) നിങ്ങൾ ഇപ്പോൾത്തന്നെ ഒരു ബൈബിൾ അധ്യയനം നടത്തു​ന്നു​ണ്ടോ? എങ്കിൽ, നിങ്ങളു​ടെ പ്രതി​വാര പട്ടിക​യിൽ ഒരെണ്ണ​ത്തി​നും കൂടി സമയം കണ്ടെത്താ​നാ​കു​മോ? നിങ്ങൾക്ക്‌ ഇപ്പോൾ ഒരു അധ്യയനം ഇല്ലെങ്കിൽ, ഒരെണ്ണം നടത്താൻ നിങ്ങൾ ആഗ്രഹി​ക്കു​മെ​ന്ന​തി​നു സംശയ​മില്ല. ബൈബിൾ പഠിപ്പി​ക്കാൻ തക്കവണ്ണം ആരെ​യെ​ങ്കി​ലും കണ്ടെത്താ​നുള്ള നിങ്ങളു​ടെ ശ്രമത്തി​ന്മേൽ യഹോ​വ​യു​ടെ അനു​ഗ്ര​ഹ​ത്തി​നാ​യി പ്രാർഥി​ക്കുക. എന്നിട്ട്‌ ആ പ്രാർഥ​ന​യ്‌ക്കു ചേർച്ച​യിൽ പ്രവർത്തി​ക്കുക.—1 യോഹ. 5:14, 15.

¹³ അധ്യയനങ്ങൾ തുടങ്ങു​ന്ന​തിന്‌ നമുക്ക്‌ ഒരു പുതിയ ഉപകരണം ലഭിച്ചി​രി​ക്കു​ന്നു! അതു വായിച്ച്‌ അതിന്റെ ഉള്ളടക്കം നന്നായി മനസ്സി​ലാ​ക്കുക. അതു വിതരണം ചെയ്യു​ന്ന​തിൽ യാതൊ​രു പിശു​ക്കും കാട്ടാ​തി​രി​ക്കുക. “നന്മ ചെയ്‌വാ​നും സൽപ്ര​വൃ​ത്തി​ക​ളിൽ സമ്പന്നരാ​യി ദാനശീ​ല​രും” ദൈവ​വ​ച​നത്തെ കുറിച്ചു നിങ്ങൾ പഠിച്ച​തൊ​ക്കെ​യും പങ്കു​വെ​ക്കു​ന്ന​തിൽ “ഔദാ​ര്യ​മു​ള്ളവ”രുമാ​യി​രി​ക്കാൻ നിങ്ങളാൽ ആവുന്ന​തെ​ല്ലാം ചെയ്യുക.—1 തിമൊ. 6:18.

[4-ാം പേജിലെ ചതുരം]

ലഘുലേഖ വിതരണം ചെയ്യു​ന്ന​തി​നുള്ള അവസരങ്ങൾ

◼ അനുദിന സംഭാ​ഷ​ണ​ങ്ങൾക്കി​ട​യിൽ

◼ ആരെങ്കി​ലും നമ്മുടെ സാഹി​ത്യം സ്വീക​രി​ക്കു​മ്പോൾ

◼ ആളില്ലാ ഭവനങ്ങ​ളിൽ

◼ മടക്കസ​ന്ദർശ​നങ്ങൾ നടത്തു​മ്പോൾ

◼ തെരുവു സാക്ഷീ​ക​ര​ണ​ത്തിൽ ആരെ​യെ​ങ്കി​ലും കണ്ടുമു​ട്ടു​മ്പോൾ

◼ ബിസി​നസ്‌ മേഖല​യിൽ സാക്ഷീ​ക​രി​ക്കു​മ്പോൾ

◼ അനൗപ​ചാ​രിക സാക്ഷീ​ക​രണം നടത്തു​മ്പോൾ

◼ കത്തുകൾ എഴുതു​മ്പോൾ

◼ പൊതു വാഹന​ത്തിൽ യാത്ര ചെയ്യു​മ്പോൾ

◼ ആരെങ്കി​ലും നമ്മുടെ വീട്ടിൽ വരു​മ്പോൾ

◼ ബന്ധുക്ക​ളോ​ടും അയൽക്കാ​രോ​ടും സഹപ്ര​വർത്ത​ക​രോ​ടും സഹപാ​ഠി​ക​ളോ​ടും മറ്റു പരിച​യ​ക്കാ​രോ​ടും സംസാ​രി​ക്കു​മ്പോൾ