ദൈവ​വ​ചനം ശരിയാ​യി കൈകാ​ര്യം ചെയ്യുക

¹ ഒരു ഉദ്യോ​ഗ​സ്ഥ​നോ​ടു സാക്ഷീ​ക​രി​ക്കവേ, ‘ഫിലി​പ്പൊസ്‌ [ഒരു പ്രത്യേക] തിരു​വെ​ഴുത്ത്‌ ആധാര​മാ​ക്കി അവനോ​ടു യേശു​വി​നെ​ക്കു​റി​ച്ചുള്ള സുവി​ശേഷം അറിയി​പ്പാൻ തുടങ്ങി.’ (പ്രവൃ. 8:35) ഫിലി​പ്പൊസ്‌ ‘സത്യത്തി​ന്റെ വചനം ശരിയാ​യി കൈകാ​ര്യം ചെയ്യുക’യായി​രു​ന്നു. (2 തിമൊ. 2:15, NW) എന്നാൽ ഇക്കാലത്ത്‌ സാക്ഷീ​കരണ വേലയിൽ പല പ്രസാ​ധ​ക​രും ബൈബിൾ അപൂർവ​മാ​യേ ഉപയോ​ഗി​ക്കു​ന്നു​ള്ളു​വെന്ന്‌ സഞ്ചാര​മേൽവി​ചാ​ര​ക​ന്മാർ നിരീ​ക്ഷി​ച്ചി​രി​ക്കു​ന്നു. ശുശ്രൂ​ഷ​യിൽ നിങ്ങൾ ബൈബിൾ ഉപയോ​ഗി​ക്കാ​റു​ണ്ടോ?

² നാം വിശ്വ​സി​ക്കു​ക​യും പഠിപ്പി​ക്കു​ക​യും ചെയ്യുന്ന സകല കാര്യ​ങ്ങ​ളു​ടെ​യും ഉറവിടം ബൈബി​ളാണ്‌. (2 തിമൊ. 3:16, 17) അതാണ്‌ ആളുകളെ യഹോ​വ​യി​ലേക്ക്‌ ആകർഷി​ക്കു​ക​യും ജീവനു​വേണ്ടി അവരെ അഭ്യസി​പ്പി​ക്കു​ക​യും ചെയ്യു​ന്നത്‌. അതു​കൊ​ണ്ടാണ്‌ ശുശ്രൂ​ഷ​യിൽ ആയിരി​ക്കെ, നമുക്കു താത്‌പ​ര്യ​മുള്ള ഏതെങ്കി​ലും വിഷയം സംസാ​രി​ക്കു​ന്ന​തി​നു പകരം നാം ബൈബിൾ ഉപയോ​ഗി​ക്കു​ന്നതു പ്രധാ​ന​മാ​യി​രി​ക്കു​ന്നത്‌. (എബ്രാ. 4:12) മിക്കയാ​ളു​കൾക്കും ബൈബി​ളി​നെ കുറിച്ചു കാര്യ​മാ​യൊ​ന്നും അറിയി​ല്ലാ​ത്ത​തി​നാൽ, നാം അതിൽനിന്ന്‌ അവരെ വായിച്ചു കേൾപ്പി​ക്കണം. അങ്ങനെ, അതു നൽകുന്ന പ്രാ​യോ​ഗിക മാർഗ​നിർദേ​ശ​ങ്ങ​ളെ​യും മനുഷ്യ​വർഗ​ത്തി​നു വെച്ചു​നീ​ട്ടുന്ന ഭാവി​യെ​യും കുറിച്ചു മനസ്സി​ലാ​ക്കാൻ അവർക്കു കഴിയും.

³ ബൈബിളിൽനിന്നു നേരിട്ടു വായി​ക്കുക: ഒരു വലിയ പുസ്‌തക ബാഗ്‌ ഇല്ലാ​തെ​തന്നെ വയൽസേ​വ​ന​ത്തി​നു പോകു​ന്നത്‌ നിങ്ങൾക്ക്‌ ഒന്നു പരീക്ഷി​ച്ചു നോക്കാ​വു​ന്ന​താണ്‌. സമർപ്പി​ക്കാൻ ആഗ്രഹി​ക്കുന്ന സാഹി​ത്യ​ങ്ങൾ ഒരു ചെറിയ ബാഗിൽ വെച്ചിട്ട്‌, ബൈബിൾ കയ്യിൽ പിടി​ച്ചു​കൊ​ണ്ടു പോകാൻ സാധി​ക്കും. എന്നിട്ട്‌, ആരോ​ടെ​ങ്കി​ലും സംസാ​രി​ക്കു​മ്പോൾ ബൈബി​ളിൽനിന്ന്‌ ഒരു പ്രസംഗം നടത്തുന്നു എന്ന തോന്നൽ ഉളവാ​ക്കാ​തെ തന്നെ നിങ്ങൾക്ക്‌ സ്വാഭാ​വി​ക​മാ​യി ബൈബി​ളി​ലേക്കു ശ്രദ്ധതി​രി​ക്കാൻ കഴിയും. വാക്യം വായി​ക്കു​മ്പോൾ കേൾവി​ക്കാ​ര​നും കൂടി കാണാ​വുന്ന വിധത്തിൽ ബൈബിൾ പിടി​ക്കുക. ഒരുപക്ഷേ ഒരു വാക്യം അയാ​ളെ​ക്കൊണ്ട്‌ ഉച്ചത്തിൽ വായി​പ്പി​ക്കാ​വു​ന്ന​താണ്‌. ബൈബിൾ പറയു​ന്നത്‌ നിങ്ങളിൽനി​ന്നു കേൾക്കു​ന്ന​തി​നു പകരം നേരിട്ടു കാണു​മ്പോൾ അത്‌ അയാളിൽ കൂടുതൽ മതിപ്പ്‌ ഉളവാ​ക്കും. വായി​ക്കുന്ന വാക്യ​ത്തി​ന്റെ ആശയം മനസ്സി​ലാ​ക്കാൻ വ്യക്തിയെ സഹായി​ക്കു​ന്ന​തിന്‌ അതു വ്യക്തമാ​ക്കുന്ന പദങ്ങൾക്ക്‌ ഊന്നൽ നൽകുക.

⁴ ഒരു തിരു​വെ​ഴു​ത്തു മാത്രം ഉപയോ​ഗി​ച്ചുള്ള അവതരണം: നിങ്ങളെ പരിച​യ​പ്പെ​ടു​ത്തിയ ശേഷം ഇപ്രകാ​രം പറയാ​വു​ന്ന​താണ്‌: “തങ്ങളുടെ ജീവി​ത​ത്തിൽ മാർഗ​നിർദേ​ശ​ത്തി​നാ​യി ആളുകൾ വ്യത്യസ്‌ത ഉറവി​ട​ങ്ങ​ളി​ലേക്കു തിരി​യു​ന്നു. എന്നാൽ, നിങ്ങളു​ടെ അഭി​പ്രാ​യ​ത്തിൽ പ്രാ​യോ​ഗിക സഹായം നൽകുന്ന ഏറ്റവും നല്ല ഉറവ്‌ ഏതാണ്‌? [പ്രതി​ക​രി​ക്കാൻ അനുവ​ദി​ക്കുക.] ആകട്ടെ, ഇവിടെ പറഞ്ഞി​രി​ക്കുന്ന ഈ കാര്യത്തെ കുറിച്ചു നിങ്ങൾക്ക്‌ എന്തു തോന്നു​ന്നു? [സദൃശ​വാ​ക്യ​ങ്ങൾ 2:6, 7 വായി​ച്ചിട്ട്‌ പ്രതി​ക​രി​ക്കാൻ അനുവ​ദി​ക്കുക.] മാനു​ഷ​ജ്ഞാ​നം അങ്ങേയറ്റം അപര്യാ​പ്‌ത​മാ​ണെന്നു വ്യക്തമാ​യി​രി​ക്കു​ന്നു, അത്‌ അനേകരെ നിരാ​ശ​യി​ലേക്കു തള്ളിവി​ട്ടി​രി​ക്കു​ന്നു. എന്നാൽ ദൈവ​ത്തി​ന്റെ ജ്ഞാനം എക്കാല​വും ആശ്രയ​യോ​ഗ്യ​വും പ്രയോ​ജ​ന​ക​ര​വും എന്ന്‌ തെളി​ഞ്ഞി​രി​ക്കു​ന്നു.” ഇങ്ങനെ പറഞ്ഞിട്ട്‌ അവതരി​പ്പി​ക്കുന്ന പ്രസി​ദ്ധീ​ക​രണം കാണി​ക്കുക, അതിൽനിന്ന്‌ ദൈവ​ത്തി​ന്റെ പ്രാ​യോ​ഗിക ജ്ഞാനത്തി​ന്റെ ഒരു ഉദാഹ​രണം എടുത്തു​കാ​ട്ടുക.

⁵ ആത്മാർഥഹൃദയരെ സഹായി​ക്കാൻ യേശു തിരു​വെ​ഴു​ത്തു​കൾ ഉപയോ​ഗി​ച്ചു. (ലൂക്കൊ. 24:32) പൗലൊ​സും താൻ പഠിപ്പിച്ച കാര്യങ്ങൾ തിരു​വെ​ഴു​ത്തു​ക​ളിൽനി​ന്നു തെളി​യി​ച്ചു. (പ്രവൃ. 17:2, 3) ദൈവ​വ​ചനം ശരിയാ​യി കൈകാ​ര്യം ചെയ്യു​ന്ന​തിൽ നാം കൂടുതൽ വൈദ​ഗ്‌ധ്യം നേടു​മ്പോൾ ശുശ്രൂ​ഷ​യി​ലെ നമ്മുടെ ആത്മവി​ശ്വാ​സ​വും സന്തോ​ഷ​വും പൂർവാ​ധി​കം വർധി​ക്കും.