ചോദ്യ​പ്പെ​ട്ടി

◼ ബെഥേൽ ഭവനങ്ങ​ളും ബ്രാഞ്ച്‌ സൗകര്യ​ങ്ങ​ളും സന്ദർശി​ക്കു​മ്പോൾ നമ്മുടെ വസ്‌ത്ര​ധാ​ര​ണ​വും ചമയവും എങ്ങനെ​യു​ള്ള​താ​യി​രി​ക്കണം?

ബെഥേൽ സൗകര്യ​ങ്ങ​ളോ അവിടുള്ള ആരെ​യെ​ങ്കി​ലു​മോ കാണാ​നാ​യി നാം ബെഥേൽ സന്ദർശി​ക്കു​മ്പോൾ, “നമ്മുടെ വേഷവും ചമയവും നടത്തയും രാജ്യ​ഹാ​ളിൽ ആരാധ​നയ്‌ക്കാ​യുള്ള യോഗ​ങ്ങ​ളിൽ ഹാജരാ​കു​മ്പോൾ നമ്മിൽനി​ന്നു പ്രതീ​ക്ഷി​ക്കു​ന്ന​തി​നോ​ടു സമാന​മാ​യി​രി​ക്കണം.” (om-MY 131) എന്നിരു​ന്നാ​ലും, ബ്രാഞ്ച്‌ ഓഫീ​സു​കൾ സന്ദർശി​ക്കുന്ന ചില സഹോ​ദ​രീ​സ​ഹോ​ദ​ര​ന്മാർ സന്ദർഭ​ത്തിന്‌ ഒട്ടും യോജി​ക്കാത്ത വസ്‌ത്രങ്ങൾ ധരിക്കു​ന്ന​താ​യി ശ്രദ്ധി​ക്ക​പ്പെ​ട്ടി​ട്ടുണ്ട്‌. അത്‌ ഒട്ടും ഉചിതമല്ല. യഹോ​വ​യാം ദൈവ​ത്തി​ന്റെ ദാസന്മാർക്കു ചേർന്ന മാന്യ​ത​യും അന്തസ്സും പ്രതി​ഫ​ലി​പ്പി​ക്കുന്ന വിധത്തിൽ മാതൃ​കാ​പ​ര​വും ഉചിത​വും വിനയ​ത്തോ​ടെ​യു​ള്ള​തും ആയിരി​ക്കണം നമ്മുടെ വസ്‌ത്ര​ധാ​ര​ണ​വും ചമയവും.—1 തിമൊ. 2:9, 10.

ബെഥേൽ ഭവനങ്ങ​ളോ ബ്രാഞ്ച്‌ സൗകര്യ​ങ്ങ​ളോ സന്ദർശി​ക്കു​മ്പോൾ ഇതു പ്രത്യേ​കാൽ സത്യമാണ്‌. കാരണം, സാക്ഷി​ക​ള​ല്ലാത്ത അനേക​മാ​ളു​കൾ ഈ സന്ദർശ​കരെ നിരീ​ക്ഷി​ക്കും. അത്തരം നിരീ​ക്ഷകർ തങ്ങൾ കാണു​ന്ന​തി​ന്റെ അടിസ്ഥാ​ന​ത്തിൽ ദൈവ​ജ​ന​ത്തെ​യും അവന്റെ സംഘട​ന​യെ​യും വിലയി​രു​ത്തി​യേ​ക്കാം. അതു​കൊണ്ട്‌, ബെഥേൽ സന്ദർശി​ക്കുന്ന നമ്മുടെ ബൈബിൾ വിദ്യാർഥി​ക​ളു​മാ​യും മറ്റുള്ള​വ​രു​മാ​യും ഈ വിഷയ​ത്തെ​ക്കു​റി​ച്ചു സംസാ​രി​ക്കു​ന്ന​തും ഉചിത​മായ വസ്‌ത്ര​ധാ​ര​ണ​വും ചമയവും ഉണ്ടായി​രി​ക്കേ​ണ്ട​തി​ന്റെ പ്രാധാ​ന്യ​ത്തെ​ക്കു​റിച്ച്‌ അവരെ ഓർമി​പ്പി​ക്കു​ന്ന​തും നല്ലതാ​യി​രി​ക്കും. ഇക്കാര്യ​ത്തി​ലുള്ള നിങ്ങളു​ടെ സഹകരണം ബെഥേൽ കുടും​ബം വിലമ​തി​ക്കും.

നമ്മുടെ വസ്‌ത്ര​ധാ​ര​ണ​വും ചമയവും യാതൊ​രു ഇടർച്ചയ്‌ക്കും കാരണ​മാ​കാ​തി​രി​ക്കാൻ ക്രിസ്‌തീയ ശുശ്രൂ​ഷ​ക​രെന്ന നിലയിൽ നാം ശ്രദ്ധയു​ള്ളവർ ആയിരി​ക്കണം. (2 കൊരി. 6:3, 4) പകരം, ഉചിത​മായ വസ്‌ത്ര​ധാ​ര​ണ​ത്താൽ നമുക്ക്‌ എല്ലായ്‌പോ​ഴും “നമ്മുടെ രക്ഷിതാ​വായ ദൈവ​ത്തി​ന്റെ ഉപദേ​ശത്തെ സകലത്തി​ലും അലങ്കരി”ക്കാം.—തീത്തൊ. 2:9.