ഫലപ്ര​ദ​മാ​യി ആശയവി​നി​മയം നടത്തുക!

¹ പ്രസം​ഗി​ക്കാ​നും ശിഷ്യരെ ഉളവാ​ക്കാ​നു​മുള്ള നിയോ​ഗം നിറ​വേ​റ്റു​ന്ന​തിന്‌ നാം മറ്റുള്ള​വർക്കു വിവരങ്ങൾ പകർന്നു കൊടു​ക്കേ​ണ്ട​തുണ്ട്‌. (മത്താ. 24:14; 28:19, 20) സുഹൃ​ത്തു​ക്കൾക്ക്‌ ഇടയിൽപ്പോ​ലും ആശയവി​നി​മയം ബുദ്ധി​മു​ട്ടുള്ള ഒരു സംഗതി​യാ​യി​രി​ക്കാൻ കഴിയും. ഫലപ്ര​ദ​മായ ആശയവി​നി​മ​യ​ത്തി​ലൂ​ടെ അപരി​ചി​ത​രു​ടെ പക്കൽ സുവാർത്ത എത്തിക്കാൻ നമ്മെ എന്തു സഹായി​ക്കും?

² അപരി​ചി​ത​നാ​യല്ല, സുഹൃ​ത്താ​യി കാണാൻ സഹായി​ക്കുക: ശുശ്രൂ​ഷ​യിൽ ആയിരി​ക്കെ കണ്ടുമു​ട്ടുന്ന വ്യക്തി​യു​ടെ സ്ഥാനത്തു നിങ്ങളെ ആക്കി​വെ​ക്കാൻ ശ്രമി​ക്കുക. ഇക്കാലത്ത്‌, ചിലർ അപരി​ചി​തരെ സംശയി​ക്കു​ക​യോ ഭയപ്പെ​ടുക പോലു​മോ ചെയ്‌തേ​ക്കാം എന്നതു മനസ്സി​ലാ​ക്കാ​വു​ന്ന​തേ​യു​ള്ളൂ. ഇത്‌ ആശയവി​നി​മ​യ​ത്തിന്‌ ഒരു വിലങ്ങു​തടി ആയേക്കാം. നിങ്ങൾ കണ്ടുമു​ട്ടുന്ന ആളുകൾക്ക്‌ ആദ്യം തോന്നുന്ന ഭയം ഒഴിവാ​ക്കാൻ നിങ്ങൾക്കെ​ങ്ങനെ കഴിയും? സംസാരം തുടങ്ങു​ന്ന​തി​നു മുമ്പു പോലും നമ്മുടെ വ്യക്തി​പ​ര​മായ ആകാര​ത്തി​ലൂ​ടെ നമുക്ക്‌ ആശയവി​നി​മയം നടത്താൻ കഴിയും. യോഗ്യ​മായ വസ്‌ത്ര​ധാ​ര​ണ​വും മാന്യ​മായ പെരു​മാ​റ്റ​വും അവരുടെ ആശങ്ക കുറയ്‌ക്കാൻ സഹായി​ക്കും.—1 തിമൊ. 2:9, 10.

³ ആശയവി​നി​മ​യ​ത്തി​നുള്ള മറ്റൊരു സഹായം ശാന്തമായ, സൗഹാർദ​പ​ര​മായ ഭാവമാണ്‌. അതു മറ്റുള്ള​വ​രു​ടെ പരി​ഭ്രമം അകറ്റു​ക​യും അവർ ശ്രദ്ധി​ക്കാൻ കൂടുതൽ ചായ്‌വു​ള്ള​വ​രാ​കു​ക​യും ചെയ്യുന്നു. ഇതിനു നല്ല തയ്യാറാ​കൽ ആവശ്യ​മാണ്‌. പറയാൻ പോകുന്ന കാര്യങ്ങൾ നമ്മുടെ മനസ്സിൽ വ്യക്തമാ​യി ഉണ്ടെങ്കിൽ, നമുക്കു സമചിത്തത ഉള്ളവരാ​യി​രി​ക്കാൻ കഴിയും. ഈ ശാന്തഭാ​വ​ത്തി​നു നമ്മുടെ സന്ദേശ​ത്തി​ലേക്കു മറ്റുള്ള​വരെ ആകർഷി​ക്കാ​നാ​കും. ഒരു സാക്ഷി തന്നെ സന്ദർശി​ച്ച​തി​നെ കുറിച്ച്‌ ഒരു സ്‌ത്രീ ഇങ്ങനെ പറഞ്ഞു: “അവരുടെ പുഞ്ചിരി തൂകുന്ന മുഖത്തു നിഴലിച്ച ശാന്തത​യാ​ണു ഞാൻ ഓർക്കു​ന്നത്‌. അത്‌ എന്നെ ആകർഷി​ച്ചു.” ആ സ്‌ത്രീ സുവാർത്ത കേൾക്കു​ന്ന​തിന്‌ അതു വഴി​യൊ​രു​ക്കി.

⁴ ആകർഷ​ക​മായ ഗുണങ്ങൾ: നാം മറ്റുള്ള​വ​രിൽ ആത്മാർഥ​മായ വ്യക്തിഗത താത്‌പ​ര്യം എടു​ക്കേ​ണ്ട​തുണ്ട്‌. (ഫിലി. 2:4) അതിനുള്ള ഒരു വിധം സംഭാ​ഷ​ണ​ത്തിൽ മേധാ​വി​ത്വം പുലർത്താ​തി​രി​ക്കുക എന്നതാണ്‌. വാസ്‌ത​വ​ത്തിൽ, മറ്റുള്ള​വർക്കു പറയാ​നു​ള്ളതു ശ്രദ്ധിച്ചു കേൾക്കു​ന്നത്‌ സംഭാ​ഷ​ണ​ത്തിൽ ഉൾപ്പെ​ടു​ന്നു. ശ്രോ​താ​ക്കളെ അഭി​പ്രാ​യം പറയാൻ ക്ഷണിക്കു​ക​യും അവർ പറയു​ന്നതു ശ്രദ്ധിച്ചു കേൾക്കു​ക​യും ചെയ്യു​മ്പോൾ, നാം പരിഗണന ഉള്ളവരാ​ണെന്ന്‌ അവർ മനസ്സി​ലാ​ക്കും. അതു​കൊണ്ട്‌, നിങ്ങളു​ടെ ശ്രോ​താ​ക്കൾ സംസാ​രി​ക്കു​മ്പോൾ, നിങ്ങൾ പഠിച്ചു​വെ​ച്ചി​രി​ക്കുന്ന അവതരണം തുടരു​ന്ന​തി​നു ധൃതി കൂട്ടരുത്‌. നിങ്ങൾക്ക്‌ ആത്മാർഥ​മാ​യി അവരെ അഭിന​ന്ദി​ക്കാൻ കഴിയു​മെ​ങ്കിൽ അങ്ങനെ ചെയ്യു​ക​യും നിങ്ങളു​ടെ ആശയങ്ങളെ അവർ പറയുന്ന കാര്യ​ങ്ങ​ളു​മാ​യി പൊരു​ത്ത​പ്പെ​ടു​ത്തി​യെ​ടു​ക്കാൻ ശ്രമി​ക്കു​ക​യും ചെയ്യുക. അവർ എന്തി​നെ​ക്കു​റി​ച്ചെ​ങ്കി​ലും ഉത്‌കണ്‌ഠ​പ്പെ​ടു​ന്ന​താ​യി അവരുടെ വാക്കു​ക​ളിൽനി​ന്നു മനസ്സി​ലാ​കു​ന്നെ​ങ്കിൽ അതി​ലേക്കു ശ്രദ്ധ തിരി​ച്ചു​കൊണ്ട്‌ നിങ്ങളു​ടെ അവതര​ണ​ത്തിൽ പൊരു​ത്ത​പ്പെ​ടു​ത്തൽ വരുത്തുക.

⁵ എളിമ​യും താഴ്‌മ​യും ആശയവി​നി​മ​യത്തെ സുഗമ​മാ​ക്കി​ത്തീർക്കു​ന്നു. (സദൃ. 11:2, NW; പ്രവൃ. 20:19, NW) യേശു ‘സൗമ്യ​ത​യും താഴ്‌മ​യും ഉള്ളവ’നായി​രു​ന്ന​തി​നാൽ ആളുകൾ അവനി​ലേക്ക്‌ ആകൃഷ്ട​രാ​യി. (മത്താ. 11:29) അതേസ​മയം, വലിയ​വ​നാ​ണെന്ന ഭാവം ആളുകളെ നമ്മിൽനിന്ന്‌ അകറ്റുന്നു. അതു​കൊണ്ട്‌ നമ്മുടെ പക്കൽ സത്യമു​ണ്ടെന്നു നമുക്ക്‌ ഉറച്ച ബോധ്യ​മു​ണ്ടെ​ങ്കി​ലും, കടും​പി​ടി​ത്തം കാട്ടാ​തി​രി​ക്കാൻ നാം ജ്ഞാനപൂർവം ശ്രമി​ക്കു​ന്നു.

⁶ ഒരു വ്യക്തി​യു​ടെ അഭി​പ്രാ​യങ്ങൾ ബൈബിൾ ഉപദേ​ശ​ങ്ങൾക്കു വിരു​ദ്ധ​മായ വിശ്വാ​സ​ങ്ങളെ പ്രതി​ഫ​ലി​പ്പി​ക്കു​ന്നെ​ങ്കി​ലോ? അയാളെ തിരു​ത്താ​നുള്ള കടമ നമുക്കു​ണ്ടോ? ഉണ്ട്‌, ആദ്യ സന്ദർശ​ന​ത്തിൽ അതു വേണ​മെ​ന്നില്ല. പകരം ക്രമേണ അതു ചെയ്യാ​വു​ന്ന​താണ്‌. ശ്രോ​താ​ക്കൾക്കു ഗ്രഹി​ക്കാൻ കൂടുതൽ ബുദ്ധി​മു​ട്ടുള്ള ബൈബിൾ ഉപദേ​ശങ്ങൾ പങ്കു​വെ​ക്കു​ന്ന​തി​നു മുമ്പ്‌, ഇരുകൂ​ട്ട​രും പൊതു​വേ യോജി​ക്കുന്ന ആശയങ്ങളെ കുറിച്ചു സംസാ​രി​ക്കു​ന്ന​താണ്‌ മിക്ക​പ്പോ​ഴും പ്രയോ​ജ​ന​പ്രദം. ഇതിനു ക്ഷമയും നയവും ആവശ്യ​മാണ്‌. അരയോ​പ​ഗ​സി​ലെ ന്യായാ​ധി​പ​ന്മാ​രോ​ടു സാക്ഷീ​ക​രി​ച്ച​പ്പോൾ പൗലൊസ്‌ ഇക്കാര്യ​ത്തിൽ നല്ല മാതൃക വെച്ചു.—പ്രവൃ. 17:18, 22-31.

⁷ സർവോ​പരി, ഫലപ്ര​ദ​മാ​യി ആശയവി​നി​മയം നടത്താൻ നമ്മെ സഹായി​ക്കു​ന്നത്‌ നിസ്വാർഥ സ്‌നേഹം ആണ്‌. “ഇടയനി​ല്ലാത്ത ആടുക​ളെ​പ്പോ​ലെ കുഴഞ്ഞ​വ​രും ചിന്നി​യ​വ​രു​മായ” ആളുക​ളോട്‌ യേശു​വി​നു തോന്നി​യതു പോലെ നമുക്കും മനസ്സലി​വു തോന്നണം. (മത്താ. 9:36) അവർക്കു സുവാർത്ത എത്തിച്ചു​കൊ​ടു​ക്കാ​നും ജീവന്റെ പാതയി​ലേക്കു വരാൻ അവരെ സഹായി​ക്കാ​നും ഇതു നമ്മെ പ്രേരി​പ്പി​ക്കു​ന്നു. നമ്മുടെ പക്കലു​ള്ളത്‌ സ്‌നേ​ഹ​ത്തി​ന്റെ ഒരു സന്ദേശ​മാണ്‌, അതു​കൊണ്ട്‌ നമുക്ക്‌ സ്‌നേ​ഹ​പൂർവം ഇതു മറ്റുള്ള​വ​രു​മാ​യി പങ്കു​വെ​ക്കു​ന്ന​തിൽ തുടരാം. അങ്ങനെ ചെയ്യു​മ്പോൾ, ഈ അഖിലാ​ണ്ഡ​ത്തിൽ ഏറ്റവും മികച്ച വിധത്തിൽ ആശയവി​നി​മയം നടത്തുന്ന യഹോ​വ​യാം ദൈവ​ത്തെ​യും യേശു​ക്രിസ്‌തു​വി​നെ​യും നാം അനുക​രി​ക്കുക ആയിരി​ക്കും.