വ്യക്തിഗത താത്‌പ​ര്യം പ്രകട​മാ​ക്കുക—നന്നായി തയ്യാറാ​യി​ക്കൊണ്ട്‌

¹ ശുശ്രൂഷയ്‌ക്കായി നന്നായി തയ്യാറാ​കു​ന്നത്‌ മറ്റുള്ള​വ​രിൽ വ്യക്തിഗത താത്‌പ​ര്യം പ്രകട​മാ​ക്കാൻ നമ്മെ സഹായി​ക്കു​ന്നു. എങ്ങനെ? നന്നായി തയ്യാറാ​കു​ന്നെ​ങ്കിൽ അവതര​ണ​ത്തിൽ മാത്രം ശ്രദ്ധ കേന്ദ്രീ​ക​രി​ക്കാ​തെ വീട്ടു​കാ​രനു കൂടുതൽ ശ്രദ്ധ നൽകാൻ നമുക്കു സാധി​ക്കും. കൂടാതെ പരി​ഭ്രമം തരണം​ചെ​യ്യു​ന്ന​തി​നും ഹൃദയം​തു​റന്നു സംസാ​രി​ക്കു​ന്ന​തി​നും തയ്യാറാ​കൽ സഹായി​ക്കു​ന്നു. എന്നാൽ നമുക്ക്‌ എങ്ങനെ ഫലകര​മായ ഒരു അവതരണം തയ്യാറാ​കാൻ കഴിയും?

² അനുയോജ്യമായ അവതരണം ഉപയോ​ഗി​ക്കുക: 2006 ജനുവരി ലക്കം നമ്മുടെ രാജ്യ ശുശ്രൂ​ഷ​യിൽനിന്ന്‌ നിങ്ങളു​ടെ പ്രദേ​ശ​ത്തി​നു യോജിച്ച ഒരു അവതരണം തിര​ഞ്ഞെ​ടു​ക്കുക, അത്‌ സ്വന്തം വാക്കു​ക​ളിൽ എങ്ങനെ അവതരി​പ്പി​ക്കാ​മെന്നു ചിന്തി​ക്കുക. അത്‌ നിങ്ങളു​ടെ പ്രദേ​ശ​ത്തിന്‌ ഇണങ്ങു​ന്ന​വി​ധ​ത്തി​ലു​ള്ള​താ​ക്കുക. ഉദാഹ​ര​ണ​ത്തിന്‌ ഏതെങ്കി​ലും പ്രത്യേക മതവി​ഭാ​ഗ​ത്തി​ലോ വംശീയ പശ്ചാത്ത​ല​ത്തി​ലോ പെട്ടവരെ നിങ്ങൾ കൂടെ​ക്കൂ​ടെ കണ്ടുമു​ട്ടു​ന്നെ​ങ്കിൽ നിങ്ങളു​ടെ അവതരണം അവർക്ക്‌ എങ്ങനെ താത്‌പ​ര്യ​ജ​ന​ക​മാ​ക്കാം എന്നതി​നെ​ക്കു​റി​ച്ചു ചിന്തി​ക്കുക. നിങ്ങൾ കണ്ടുമു​ട്ടുന്ന ആളുകൾക്കു യോജിച്ച വിധത്തിൽ അവതര​ണ​ത്തിൽ പൊരു​ത്ത​പ്പെ​ടു​ത്തൽ വരുത്തു​ന്നത്‌ അവരി​ലുള്ള ആത്മാർഥ​മായ താത്‌പ​ര്യം പ്രതി​ഫ​ലി​പ്പി​ക്കും.—1 കൊരി. 9:22.

³ അവതരണം ഉപയോ​ഗി​ച്ചു തുടങ്ങു​മ്പോൾ ആവശ്യ​മായ പൊരു​ത്ത​പ്പെ​ടു​ത്ത​ലു​കൾ വീണ്ടും വരുത്തുക. പ്രാരംഭ വാക്കുകൾ വിശേ​ഷാൽ പ്രധാ​ന​മാ​യ​തു​കൊണ്ട്‌ നിങ്ങൾ പറയുന്ന മുഖവു​ര​യോട്‌ ആളുകൾ എങ്ങനെ പ്രതി​ക​രി​ക്കു​ന്നു​വെന്നു ശ്രദ്ധി​ക്കുക. പറയുന്ന വിഷയം അവർക്കു താത്‌പ​ര്യ​മു​ള്ള​താ​ണോ? നിങ്ങൾ ചോദി​ക്കുന്ന ചോദ്യ​ങ്ങ​ളോട്‌ അവർ പ്രതി​ക​രി​ക്കു​ന്നു​ണ്ടോ? ഇല്ലെങ്കിൽ നിങ്ങളു​ടെ സമീപനം ഫലകര​മാ​കു​ന്ന​തു​വരെ ആവശ്യ​മായ പൊരു​ത്ത​പ്പെ​ടു​ത്ത​ലു​കൾ വരുത്തി​ക്കൊ​ണ്ടി​രി​ക്കുക.

⁴ ഓർമിക്കുന്നതിനുള്ള സഹായി​കൾ: വീട്ടു​വാ​തിൽക്കൽ ചെല്ലു​മ്പോൾ ഒരു അവതരണം ഓർത്തെ​ടു​ക്കുക പ്രയാ​സ​മാ​ണെന്ന്‌ അനേക​രും കണ്ടെത്തു​ന്നു. നിങ്ങളു​ടെ കാര്യ​ത്തിൽ അങ്ങനെ സംഭവി​ക്കു​ന്നെ​ങ്കിൽ അവതരണം മറ്റൊ​രാ​ളു​മാ​യി ഉച്ചത്തിൽ പറഞ്ഞു പരിശീ​ലി​ക്ക​രു​തോ? അങ്ങനെ ചെയ്യു​ന്നത്‌ ആശയങ്ങൾ വ്യക്തമാ​യി മനസ്സിൽ ഉണ്ടായി​രി​ക്കു​ന്ന​തി​നും ലളിത​വും യുക്തി​സ​ഹ​വു​മായ വിധത്തിൽ അവ അവതരി​പ്പി​ക്കു​ന്ന​തി​നും സഹായി​ക്കും. കൂടാതെ ആളുക​ളു​ടെ വ്യത്യസ്‌ത പ്രതി​ക​ര​ണങ്ങൾ കൈകാ​ര്യം ചെയ്യാ​നും അതു നിങ്ങളെ സജ്ജരാ​ക്കും.

⁵ അവതരണം ഓർത്തു​വെ​ക്കാ​നുള്ള മറ്റൊരു മാർഗം അതിന്റെ ഒരു സംഗ്രഹം ചെറിയ ഒരു കടലാ​സിൽ എഴുതി​വെ​ച്ചിട്ട്‌ വീട്ടു​വാ​തിൽക്ക​ലേക്കു ചെല്ലു​ന്ന​തി​നു തൊട്ടു​മുമ്പ്‌ അതൊന്ന്‌ ഓടിച്ചു നോക്കുക എന്നതാണ്‌. ഇങ്ങനെ അവതരണം ഓർമ​യി​ലേക്കു കൊണ്ടു​വ​രു​ന്നത്‌ പിരി​മു​റു​ക്കം കുറയ്‌ക്കു​ന്ന​തി​നും ആളുക​ളു​മാ​യി മെച്ചമായ വിധത്തിൽ സംഭാ​ഷ​ണ​ത്തിൽ ഏർപ്പെ​ടു​ന്ന​തി​നും സഹായ​ക​മാ​ണെന്നു ചിലർ കണ്ടെത്തു​ന്നു. ഈ വിധങ്ങ​ളിൽ നന്നായി തയ്യാറാ​കു​ന്നത്‌ മറ്റുള്ള​വ​രിൽ വ്യക്തിഗത താത്‌പ​ര്യം പ്രകട​മാ​ക്കു​ന്ന​തി​നും അങ്ങനെ സുവാർത്ത അവതരി​പ്പി​ക്കുന്ന വിധം മെച്ച​പ്പെ​ടു​ത്തു​ന്ന​തി​നും നമ്മെ സഹായി​ക്കും.