പുതിയ രാജ്യ​ഹാൾ ലൈ​ബ്രറി ക്രമീ​ക​ര​ണം

ദിവ്യാ​ധി​പത്യ ശുശ്രൂ​ഷാ​സ്‌കൂൾ ലൈ​ബ്രറി എന്ന്‌ മുമ്പ്‌ അറിയ​പ്പെ​ട്ടി​രുന്ന രാജ്യ​ഹാൾ ലൈ​ബ്ര​റി​യു​ടെ ഉപയോ​ഗ​ത്തിൽനിന്ന്‌ ലോക​വ്യാ​പ​ക​മാ​യുള്ള സഭകൾ വർഷങ്ങ​ളാ​യി പ്രയോ​ജനം നേടി​യി​ട്ടുണ്ട്‌. മുമ്പ്‌ ഓരോ സഭയ്‌ക്കും സ്വന്തം ലൈ​ബ്രറി ഉണ്ടായി​രി​ക്ക​ണ​മാ​യി​രു​ന്നു. എന്നിരു​ന്നാ​ലും, ഇന്ന്‌ പല രാജ്യ​ഹാ​ളു​ക​ളി​ലും ഒന്നില​ധി​കം സഭകൾ കൂടി​വ​രു​ന്നു. അവയിൽ ചിലത്‌ വ്യത്യസ്‌ത ഭാഷക​ളി​ലുള്ള സഭകളാണ്‌. ഈ സാഹച​ര്യ​ത്തിൽ, ഒരു രാജ്യ​ഹാ​ളിൽ കൂടി​വ​രുന്ന ഒരേ ഭാഷ സംസാ​രി​ക്കുന്ന ആളുകൾക്കെ​ല്ലാം​കൂ​ടി, നന്നായി സജ്ജീക​രിച്ച കാലാ​നു​സൃ​ത​മാ​യി പുതു​ക്കിയ, ഒരു രാജ്യ​ഹാൾ ലൈ​ബ്രറി മാത്രം ഉണ്ടായി​രി​ക്കു​ന്ന​താണ്‌ അഭികാ​മ്യം. ഒന്നില​ധി​കം ഓഡി​റ്റോ​റി​യ​ങ്ങ​ളുള്ള രാജ്യ​ഹാ​ളു​ക​ളിൽ, ഓരോ ഓഡി​റ്റോ​റി​യ​ത്തി​ലും അവിടെ കൂടി​വ​രുന്ന ഓരോ ഭാഷാ കൂട്ടത്തി​നും ഒരു ലൈ​ബ്രറി ഉണ്ടായി​രി​ക്കേ​ണ്ട​താണ്‌.

ഈ ക്രമീ​ക​രണം മുഖാ​ന്തരം സ്ഥലവും ചെലവും ലാഭി​ക്കാൻ കഴിയും. കൂടാതെ, ഒരേ ഭാഷ ഉപയോ​ഗി​ക്കുന്ന രണ്ടോ അതില​ധി​ക​മോ സഭകളു​ടെ ലൈ​ബ്ര​റി​കൾ ഒന്നിച്ചാ​ക്കു​മ്പോൾ സാധ്യ​ത​യ​നു​സ​രിച്ച്‌ കൂടുതൽ മെച്ചപ്പെട്ട ലൈ​ബ്ര​റി​കൾ രൂപീ​കൃ​ത​മാ​കു​ക​യും ചെയ്യും. ലൈ​ബ്ര​റി​കൾ ഇപ്രകാ​രം ഒന്നിപ്പി​ക്കു​മ്പോൾ പുസ്‌ത​ക​ങ്ങ​ളു​ടെ കൂടുതൽ വരുന്ന പ്രതികൾ സൂക്ഷി​ച്ചു​വെ​ച്ചിട്ട്‌ പുതിയ രാജ്യ​ഹാ​ളു​കൾ പണിയു​മ്പോൾ അവിടെ ഉപയോ​ഗി​ക്കാ​വു​ന്ന​താണ്‌. രാജ്യ​ഹാ​ളിൽ ഒരു കമ്പ്യൂ​ട്ട​റും അതിൽ സിഡി-റോമി​ലുള്ള വാച്ച്‌ടവർ ലൈ​ബ്ര​റി​യും ഉണ്ടെങ്കിൽ, ഈ ഗവേഷ​ണോ​പ​ക​ര​ണ​ത്തിൽനിന്ന്‌ പലരും പ്രയോ​ജനം നേടി​യേ​ക്കാം.

ഓരോ രാജ്യ​ഹാൾ ലൈ​ബ്ര​റി​യി​ലും, ഒരു സഹോ​ദരൻ ലൈ​ബ്രേ​റി​യ​നാ​യി സേവി​ക്കും, അത്‌ ദിവ്യാ​ധി​പത്യ ശുശ്രൂ​ഷാ​സ്‌കൂൾ മേൽവി​ചാ​ര​ക​ന്മാ​രിൽ ഒരാളാ​യി​രി​ക്കു​ന്ന​താണ്‌ ഏറ്റവും നല്ലത്‌. അദ്ദേഹം അനു​യോ​ജ്യ​മായ പ്രസി​ദ്ധീ​ക​ര​ണങ്ങൾ ക്രമാ​നു​ഗ​ത​മാ​യി ഗ്രന്ഥ​ശേ​ഖ​ര​ത്തോ​ടു ചേർക്കു​ക​യും ഓരോ​ന്നി​ന്റെ​യും പുറം​ച​ട്ട​യ്‌ക്ക​ക​ത്തുള്ള താളിൽ രാജ്യ​ഹാൾ ലൈ​ബ്ര​റി​യു​ടെ പ്രതി​യാണ്‌ അതെന്ന്‌ വൃത്തി​യാ​യി അടയാ​ള​പ്പെ​ടു​ത്തു​ക​യും വേണം. പ്രസി​ദ്ധീ​ക​ര​ണങ്ങൾ ഒന്നും കാണാ​താ​യി​ട്ടില്ല എന്നും അവയെ​ല്ലാം നല്ല അവസ്ഥയിൽത്തന്നെ സൂക്ഷി​ക്ക​പ്പെ​ടു​ന്നു​ണ്ടെ​ന്നും വർഷത്തിൽ ഒരിക്കൽ എങ്കിലും അദ്ദേഹം പരി​ശോ​ധിച്ച്‌ ഉറപ്പു​വ​രു​ത്തണം. ഈ ലൈ​ബ്ര​റി​ക​ളി​ലുള്ള പ്രസി​ദ്ധീ​ക​ര​ണങ്ങൾ ഒന്നും രാജ്യ​ഹാ​ളിൽനിന്ന്‌ എടുത്തു​കൊ​ണ്ടു​പോ​കാൻ പാടു​ള്ളതല്ല.

സഭയു​മാ​യി സഹവസി​ക്കുന്ന എല്ലാവ​രും രാജ്യ​ഹാൾ ലൈ​ബ്രറി ക്രമീ​ക​ര​ണ​ത്തോട്‌ തുടർന്നും വിലമ​തി​പ്പു​ള്ള​വ​രാ​യി​രി​ക്കും. ഈ ഗ്രന്ഥ​ശേ​ഖരം നന്നായി സൂക്ഷി​ച്ചു​കൊ​ണ്ടും “ദൈവ​പ​രി​ജ്ഞാ​നം” അന്വേ​ഷി​ച്ചു കണ്ടെത്തു​ന്ന​തിന്‌ അത്‌ ഉപയോ​ഗി​ച്ചു​കൊ​ണ്ടും നാം വ്യക്തി​പ​ര​മാ​യി ഈ കരുത​ലി​നെ വിലമ​തി​ക്കു​ന്നു എന്ന്‌ നമുക്കു തെളി​യി​ക്കാം.—സദൃ. 2:5.