നിങ്ങളു​ടെ ജീവി​ത​ത്തിൽ എന്തിനാണ്‌ മുൻഗണന?

¹ വിദ്യാഭ്യാസ സ്ഥാപന​ങ്ങ​ളും ആശുപ​ത്രി​ക​ളും നിർമി​ക്കു​ന്ന​തു​പോ​ലുള്ള ധർമ​പ്ര​വൃ​ത്തി​കൾക്ക്‌ നിരവധി മതസം​ഘ​ട​നകൾ ഊന്നൽ നൽകുന്നു. യഹോ​വ​യു​ടെ സാക്ഷികൾ ‘നന്മ ചെയ്യാ​നും അവർക്കു​ള്ളവ പങ്കുവ​യ്‌ക്കാ​നും മറക്കു​ന്നി​ല്ലെ​ങ്കി​ലും’ ആളുകളെ ആത്മീയ​മാ​യി സഹായി​ക്കു​ന്ന​തി​നാണ്‌ അവർ മുൻഗണന നൽകു​ന്നത്‌.—എബ്രാ. 13:16, ഓശാന ബൈബിൾ.

² ഒന്നാം നൂറ്റാ​ണ്ടി​ലെ മാതൃക: യേശു തന്റെ ഭൗമിക ശുശ്രൂ​ഷ​ക്കാ​ലത്ത്‌ ധാരാളം നന്മപ്ര​വൃ​ത്തി​കൾ ചെയ്‌തു. എന്നാൽ സത്യത്തി​നു സാക്ഷ്യം വഹിക്കുക എന്നതാ​യി​രു​ന്നു അവന്റെ പ്രമുഖ വേല. (ലൂക്കൊ. 4:43; യോഹ. 18:37; പ്രവൃ. 10:38) “ആകയാൽ നിങ്ങൾ പുറ​പ്പെട്ടു, . . . ഉപദേ​ശി​ച്ചും​കൊ​ണ്ടു സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ” എന്ന്‌ യേശു തന്റെ ശിഷ്യ​ന്മാ​രോ​ടു കൽപ്പിച്ചു. (മത്താ. 28:19, 20) തന്നിൽ വിശ്വാ​സം അർപ്പി​ക്കു​ന്നവർ താൻ തുടങ്ങി​വെച്ച വേല അധികം വിപു​ല​മായ അളവിൽ ചെയ്യു​മെന്ന്‌ യേശു സൂചി​പ്പി​ച്ചു. (യോഹ. 14:12) യേശു മുൻഗണന നൽകി​യത്‌ പ്രസം​ഗ​വേ​ല​യ്‌ക്കാണ്‌, കാരണം രക്ഷാമാർഗം കണ്ടെത്താൻ അത്‌ ആളുകളെ സഹായി​ക്കു​ന്നു.—യോഹ. 17:3.

³ പ്രസംഗ പ്രവർത്ത​ന​ത്തിൽ ഏർപ്പെ​ടാ​നുള്ള “നിർബന്ധം” തന്റെമേൽ കിടക്കു​ന്നു എന്ന്‌ അപ്പൊ​സ്‌ത​ല​നായ പൗലൊസ്‌ പറഞ്ഞു. അവഗണി​ച്ചു കളയരു​താത്ത ഒരു കർത്തവ്യ​മാ​യി അവൻ അതിനെ വീക്ഷിച്ചു. (1 കൊരി. 9:16, 17) തന്റെ ശുശ്രൂഷ നിറ​വേ​റ്റു​ന്ന​തി​നാ​യി എന്തു ത്യാഗം ചെയ്യാ​നും പീഡനം സഹിക്കാ​നും പ്രതി​കൂല സാഹച​ര്യ​ങ്ങളെ നേരി​ടാ​നും അവൻ സന്നദ്ധനാ​യി​രു​ന്നു. (പ്രവൃ. 20:22-24) സമാന​മായ ഒരു മനോ​ഭാ​വം തന്നെയാ​യി​രു​ന്നു അപ്പൊ​സ്‌ത​ല​നായ പത്രൊ​സി​നും അവന്റെ സഹകാ​രി​കൾക്കും ഉണ്ടായി​രു​ന്നത്‌. തടവും മർദന​വും അവരെ തളർത്തി​യില്ല, അവർ “വിടാതെ ഉപദേ​ശി​ക്ക​യും യേശു​വി​നെ ക്രിസ്‌തു എന്നു സുവി​ശേ​ഷി​ക്ക​യും ചെയ്‌തു​കൊ​ണ്ടി​രു​ന്നു.”—പ്രവൃ. 5:40-42.

⁴ നമ്മെ സംബന്ധി​ച്ചോ? രാജ്യ സുവാർത്താ ഘോഷ​ണ​ത്തി​നും ശിഷ്യ​രാ​ക്കൽ വേലയ്‌ക്കും ജീവി​ത​ത്തിൽ നാം മുൻഗണന നൽകു​ന്നു​ണ്ടോ? ആളുകളെ “ഇടയനി​ല്ലാത്ത ആടുക​ളെ​പ്പോ​ലെ കുഴഞ്ഞ​വ​രും ചിന്നി​യ​വ​രു​മാ​യി” കാണു​മ്പോൾ യേശു​വി​നെ​പ്പോ​ലെ നമുക്കും അവരിൽ യഥാർഥ താത്‌പ​ര്യം തോന്നു​ന്നു​ണ്ടോ? (മത്താ. 9:36) ഈ ദുഷ്ടവ്യ​വ​സ്ഥി​തിക്ക്‌ ഇനി അധിക​നാൾ ശേഷി​ച്ചി​ട്ടില്ല എന്ന്‌ ഇപ്പോ​ഴത്തെ ലോക​സം​ഭ​വ​ങ്ങ​ളും ബൈബിൾ പ്രവച​ന​വും വളരെ വ്യക്തമാ​യി സൂചി​പ്പി​ക്കു​ന്നു. പ്രസംഗ പ്രവർത്ത​ന​ത്തി​ന്റെ പ്രാധാ​ന്യം മനസ്സിൽ അടുപ്പി​ച്ചു​നി​റു​ത്തു​ന്നത്‌ സതീക്ഷ്‌ണം പ്രസംഗം തുടരു​ന്ന​തി​നു നമ്മെ പ്രേരി​പ്പി​ക്കും.

⁵ നിങ്ങളുടെ സാഹച​ര്യ​ങ്ങൾ വിലയി​രു​ത്തുക: വ്യക്തി​പ​ര​മായ സാഹച​ര്യ​ങ്ങൾക്കു കൂടെ​ക്കൂ​ടെ മാറ്റം വരാവു​ന്ന​തു​കൊണ്ട്‌ പ്രസം​ഗ​വേ​ല​യി​ലെ നമ്മുടെ പങ്കു വർധി​പ്പി​ക്ക​ത്ത​ക്ക​വണ്ണം പൊരു​ത്ത​പ്പെ​ടു​ത്ത​ലു​കൾ വരുത്താൻ കഴിയു​മോ എന്ന്‌ ഇടയ്‌ക്കി​ടെ പരിചി​ന്തി​ക്കു​ന്നതു നല്ലതാ​യി​രി​ക്കും. 1950-കൾ മുതൽ 70-കൾ വരെയുള്ള കാലഘ​ട്ട​ത്തിൽ സാധാരണ പയനി​യ​റാ​യി സേവിച്ച ഒരു സഹോ​ദ​രിക്ക്‌ അനാ​രോ​ഗ്യം നിമിത്തം പയനി​യ​റിങ്‌ നിറു​ത്തേ​ണ്ടി​വന്നു. എന്നിരു​ന്നാ​ലും കുറെ കഴിഞ്ഞ​പ്പോൾ സഹോ​ദ​രി​യു​ടെ ആരോ​ഗ്യം മെച്ച​പ്പെട്ടു. അടുത്ത​യി​ടെ സഹോ​ദരി തന്റെ സാഹച​ര്യം പുനർവി​ചി​ന്തനം ചെയ്യു​ക​യും പയനി​യ​റിങ്‌ പുനരാ​രം​ഭി​ക്കു​ന്ന​തിന്‌ തീരു​മാ​നി​ക്കു​ക​യും ചെയ്‌തു. 90-ാം വയസ്സിൽ പയനിയർ സേവന​സ്‌കൂ​ളിൽ പങ്കെടു​ത്ത​പ്പോൾ സഹോ​ദ​രി​ക്കു​ണ്ടായ സന്തോ​ഷത്തെ കുറിച്ച്‌ ഒന്നു ചിന്തിച്ചു നോക്കൂ! നിങ്ങളെ സംബന്ധി​ച്ചോ? നിങ്ങൾക്ക്‌ ലൗകിക ജോലി​യിൽനി​ന്നു വിരമി​ക്കാ​നുള്ള സമയം അടുത്തു​വ​രി​ക​യാ​ണോ? അല്ലെങ്കിൽ ഉടൻതന്നെ നിങ്ങളു​ടെ ലൗകിക വിദ്യാ​ഭ്യാ​സം പൂർത്തി​യാ​കു​മോ? മാറി​വ​രുന്ന അത്തരം സാഹച​ര്യ​ത്തിൽ നിങ്ങൾക്കു പയനി​യ​റിങ്‌ ചെയ്യാൻ കഴിയു​മോ?

⁶ മാർത്ത ‘പലവിധ ശുശ്രൂ​ഷ​ക​ളിൽ മുഴു​കി​യി​രി​ക്കു​ന്നതു’ കണ്ടിട്ട്‌ കാര്യാ​ദി​കൾ ലളിത​മാ​ക്കി​യാൽ അവൾക്കു മഹത്തായ പ്രതി​ഫ​ലങ്ങൾ കൊയ്യാ​മെന്ന്‌ യേശു ദയാപൂർവം അവളോ​ടു പറഞ്ഞു. (ലൂക്കൊ. 10:40-42, പി.ഒ.സി. ബൈബിൾ) നിങ്ങൾക്കും ജീവിതം ലളിത​മാ​ക്കാൻ കഴിയു​മോ? വാസ്‌ത​വ​ത്തിൽ, ഭർത്താ​വി​നും ഭാര്യ​യ്‌ക്കും ഒരു ലൗകിക ജോലി​യു​ടെ ആവശ്യം ഉണ്ടോ? പൊരു​ത്ത​പ്പെ​ടു​ത്ത​ലു​കൾ വരുത്തി​യാൽ ഒരാളു​ടെ വരുമാ​നം​കൊണ്ട്‌ കുടും​ബ​ത്തി​നു ജീവി​ക്കാൻ കഴിയു​മോ? ശുശ്രൂ​ഷ​യിൽ കൂടു​ത​ലായ പങ്കുണ്ടാ​യി​രി​ക്കു​ന്ന​തിന്‌ പൊരു​ത്ത​പ്പെ​ടു​ത്ത​ലു​കൾ വരുത്തി​യതു നിമിത്തം അനേകർ ആത്മീയ​മാ​യി പ്രയോ​ജനം അനുഭ​വി​ച്ചി​ട്ടുണ്ട്‌.

⁷ യേശുവും അവന്റെ അപ്പൊ​സ്‌ത​ല​ന്മാ​രും വെച്ച മാതൃക നമുക്ക്‌ ഏവർക്കും പിൻപ​റ്റാം. രാജ്യ​ത്തി​ന്റെ സുവാർത്ത പ്രസം​ഗി​ക്കു​ക​യെന്ന ജീവത്‌പ്ര​ധാന വേലയിൽ പൂർണ​മായ പങ്കുണ്ടാ​യി​രി​ക്കാൻ നാം ചെലു​ത്തുന്ന ആത്മാർഥ ശ്രമങ്ങ​ളു​ടെ​മേൽ യഹോ​വ​യു​ടെ അനു​ഗ്രഹം ഉണ്ടായി​രി​ക്കു​മെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും.—ലൂക്കൊ. 9:57-62.