യുവജ​ന​ങ്ങളേ, ഭാവി​ക്കാ​യി നല്ല ഒരു അടിസ്ഥാ​നം ഇടുവിൻ

1. ക്രിസ്‌തീയ യുവജ​നങ്ങൾ ശക്തമായ വിശ്വാ​സം വളർത്തി​യെ​ടു​ക്കേ​ണ്ടത്‌ എന്തു​കൊണ്ട്‌?

¹ നിങ്ങൾ ഏറ്റവു​മ​ധി​കം പ്രാധാ​ന്യം നൽകു​ന്നത്‌ എന്തിനാണ്‌? നിങ്ങളു​ടെ ചിന്ത എന്തിനെ കുറി​ച്ചാണ്‌? നിങ്ങളു​ടെ മുഖ്യ താത്‌പ​ര്യ​ങ്ങൾ വർത്തമാ​ന​കാല കാര്യ​ങ്ങ​ളിൽ കേന്ദ്രീ​ക​രി​ച്ചി​രി​ക്കു​ന്നു​വോ അതോ അവ ഭാവി​യി​ലേക്കു കടന്നു​ചെന്ന്‌ ദൈവം വാഗ്‌ദാ​നം ചെയ്‌തി​ട്ടുള്ള കാര്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കു​ന്നു​ണ്ടോ? (മത്താ. 6:24, 31-33; ലൂക്കൊ. 8:14) അബ്രാ​ഹാ​മി​ന്റെ​യും മോ​ശെ​യു​ടെ​യും കാര്യ​ത്തിൽ കാണാ​വു​ന്ന​തു​പോ​ലെ, ദൈവ​ത്തി​ന്റെ വാഗ്‌ദാ​ന​ങ്ങ​ളിൽ ആശ്രയി​ച്ചു പ്രവർത്തി​ക്കു​ന്ന​തിന്‌ ശക്തമായ വിശ്വാ​സം ആവശ്യ​മാണ്‌. (എബ്രാ. 11:8-10, 24-26) അത്തരം വിശ്വാ​സം വളർത്തി​യെ​ടു​ക്കാ​നും “വരും​കാ​ല​ത്തേക്കു നല്ലോരു അടിസ്ഥാ​നം” ഇടാനും നിങ്ങൾക്ക്‌ എങ്ങനെ സാധി​ക്കും?—1 തിമൊ. 6:19.

2. യോശീ​യാ രാജാ​വി​ന്റെ മാതൃ​ക​യിൽനിന്ന്‌ നാം എന്തു പഠിക്കു​ന്നു?

² യഹോവയെ അന്വേ​ഷി​ക്കുക: നിങ്ങൾ കുടും​ബ​ത്തോ​ടൊ​പ്പം ആത്മീയ പ്രവർത്ത​ന​ങ്ങ​ളിൽ ക്രമമാ​യി പങ്കെടു​ക്കു​ന്നു​ണ്ടെ​ങ്കിൽ അതു ശ്ലാഘനീ​യ​മാണ്‌. എങ്കിലും അത്തരം ഒരു ചര്യ സ്വാഭാ​വി​ക​മാ​യി ശക്തമായ വിശ്വാ​സം ഉത്‌പാ​ദി​പ്പി​ച്ചു​കൊ​ള്ളും എന്നു കരുത​രുത്‌. “ദൈവ​പ​രി​ജ്ഞാ​നം” കണ്ടെത്തു​ന്ന​തിന്‌, നിങ്ങൾ വ്യക്തി​പ​ര​മാ​യി യഹോ​വയെ അന്വേ​ഷി​ക്കണം. (സദൃ. 2:3-5; 1 ദിന. 28:9) യുവരാ​ജാ​വായ യോശീ​യാവ്‌ അപ്രകാ​രം ചെയ്‌തു. ആത്മീയ വളർച്ച​യ്‌ക്ക്‌ അനുകൂ​ല​മ​ല്ലാഞ്ഞ ചുറ്റു​പാ​ടി​ലാണ്‌ വളർന്ന​തെ​ങ്കി​ലും, 15 വയസ്സാ​യ​പ്പോൾ “അവൻ തന്റെ പിതാ​വായ ദാവീ​ദി​ന്റെ ദൈവത്തെ അന്വേ​ഷി​ച്ചു​തു​ടങ്ങി.”—2 ദിന. 34:3.

3. ഇന്നത്തെ യുവ ക്രിസ്‌ത്യാ​നി​കൾക്ക്‌ എങ്ങനെ യഹോ​വയെ അന്വേ​ഷി​ക്കാൻ കഴിയും?

³ നിങ്ങൾക്ക്‌ എങ്ങനെ യഹോ​വയെ അന്വേ​ഷി​ക്കാൻ കഴിയും? നിങ്ങൾ വിശ്വ​സി​ക്കുന്ന കാര്യ​ങ്ങളെ ശ്രദ്ധാ​പൂർവം പരി​ശോ​ധി​ച്ചു​കൊ​ണ്ടും അത്‌ യഥാർഥ​ത്തിൽ സത്യമാ​ണെന്ന്‌ ‘സ്വയം ഉറപ്പു​വ​രു​ത്തി’ക്കൊണ്ടും. (റോമ. 12:2, NW) ദൃഷ്ടാ​ന്ത​ത്തിന്‌, രക്തത്തെ കുറിച്ച്‌ ബൈബിൾ എന്തു പറയുന്നു എന്നു വിശദീ​ക​രി​ക്കാ​നോ, ദൈവ​രാ​ജ്യം 1914-ൽ സ്വർഗ​ത്തിൽ വാഴ്‌ച ആരംഭി​ച്ചു എന്നു തെളി​യി​ക്കാ​നോ നിങ്ങൾക്കു കഴിയു​മോ? ‘സത്യത്തി​ന്റെ സൂക്ഷ്‌മ​പ​രി​ജ്ഞാ​നം’ നേടു​ന്നത്‌ ഭാവി​ക്കാ​യി ഒരു നല്ല അടിസ്ഥാ​നം ഇടുന്ന​തിൽ സുപ്ര​ധാന പങ്കുവ​ഹി​ക്കു​ന്നു.—1 തിമൊ. 2:3, 4.

4. സ്‌നാ​പ​ന​മേ​റ്റി​ട്ടി​ല്ലാത്ത പ്രസാ​ധ​കർക്ക്‌ തങ്ങളുടെ അഭിവൃ​ദ്ധി എങ്ങനെ പ്രകട​മാ​ക്കാൻ കഴിയും?

⁴ ദൈവത്തിനായുള്ള യോശീ​യാ​വി​ന്റെ അന്വേ​ഷ​ണ​ത്തിന്‌ നല്ല ഫലം ഉണ്ടായി. അവന്‌ 20 വയസ്സ്‌ തികയു​ന്ന​തി​നു മുമ്പു​തന്നെ, ദേശത്തു​നി​ന്നു വ്യാജാ​രാ​ധന തുടച്ചു​നീ​ക്കാൻ അവൻ ധീരത​യോ​ടെ നടപടി സ്വീക​രി​ച്ചു. (2 ദിന. 34:3-7) സമാന​മാ​യി, നിങ്ങളു​ടെ ആത്മീയ അഭിവൃ​ദ്ധി നിങ്ങളു​ടെ പ്രവർത്ത​ന​ത്തിൽ ദൃശ്യ​മാ​യി​ത്തീ​രും. (1 തിമൊ. 4:15) നിങ്ങൾ സ്‌നാ​പ​ന​മേ​റ്റി​ട്ടി​ല്ലാത്ത ഒരു പ്രസാ​ധകൻ ആണെങ്കിൽ, നിങ്ങളു​ടെ ശുശ്രൂ​ഷ​യു​ടെ ഗുണമേന്മ വർധി​പ്പി​ക്കാൻ പരി​ശ്ര​മി​ക്കുക. കേവലം സാഹി​ത്യം സമർപ്പി​ക്കു​ന്ന​തു​കൊണ്ട്‌ തൃപ്‌തി​പ്പെ​ട​രുത്‌. ബൈബിൾ ഉപയോ​ഗി​ക്കാ​നും ആളുക​ളു​മാ​യി ന്യായ​വാ​ദം ചെയ്യാ​നും കണ്ടെത്തിയ താത്‌പ​ര്യം വളർത്തി​യെ​ടു​ക്കാ​നും ലക്ഷ്യം​വെ​ക്കുക. (റോമ. 12:7) ആത്മീയ​മാ​യി വളരാൻ ഇതു നിങ്ങളെ സഹായി​ക്കും.

5. സ്‌നാ​പ​ന​മേറ്റ ക്രിസ്‌ത്യാ​നി​കൾക്ക്‌ തങ്ങളുടെ ശുശ്രൂഷ വിപു​ല​പ്പെ​ടു​ത്താൻ എന്തെല്ലാം അവസര​ങ്ങ​ളുണ്ട്‌?

⁵ ഏറ്റവും നല്ലത്‌ യഹോ​വ​യ്‌ക്കു നൽകുക: സ്‌നാ​പ​ന​മേ​റ്റു​കൊണ്ട്‌ യഹോ​വ​യ്‌ക്കുള്ള നിങ്ങളു​ടെ സമർപ്പണം പ്രതീ​ക​പ്പെ​ടു​ത്തു​മ്പോൾ, നിങ്ങൾ ദൈവ​ത്തി​ന്റെ ഒരു നിയമിത ശുശ്രൂ​ഷകൻ ആയിത്തീ​രു​ന്നു. (2 കൊരി. 3:5, 6) യഹോ​വയെ മുഴു​സ​മയം സേവി​ക്കാ​നുള്ള അവസരങ്ങൾ ഇതു നിങ്ങൾക്കു തുറന്നു​ത​രു​ന്നു. ഇതിൽ പയനി​യ​റിങ്‌, ബെഥേൽ സേവനം, സഞ്ചാര​വേല എന്നിവ ഉൾപ്പെ​ടു​ന്നു. കൂടാതെ, മറ്റൊരു ഭാഷ പഠി​ച്ചെ​ടു​ക്കു​ന്ന​തോ ആവശ്യം അധിക​മു​ള്ളി​ടത്തു സേവി​ക്കു​ന്ന​തി​നാ​യി മാറി​ത്താ​മ​സി​ക്കു​ന്ന​തോ നിങ്ങളു​ടെ ശുശ്രൂഷ വിപു​ല​പ്പെ​ടു​ത്തു​ന്ന​തി​നുള്ള മറ്റു മാർഗ​ങ്ങ​ളാണ്‌.

6. ഭാവി​യി​ലേക്ക്‌ നല്ല ഒരു അടിസ്ഥാ​നം ഇടാൻ നമു​ക്കെ​ല്ലാം എങ്ങനെ സാധി​ക്കും?

⁶ ഈ സേവന പദവി​കൾക്കാ​യി തങ്ങളെ​ത്തന്നെ ലഭ്യമാ​ക്കാൻ എല്ലാവർക്കും സാധി​ക്കു​ക​യില്ല എന്നതു ശരിയാണ്‌. എങ്കിലും നമുക്ക്‌ ഓരോ​രു​ത്തർക്കും നമ്മുടെ ഏറ്റവും നല്ലത്‌ യഹോ​വ​യ്‌ക്കു നൽകാൻ സാധി​ക്കും. (മത്താ. 22:37) നിങ്ങളു​ടെ സാഹച​ര്യം എന്തുതന്നെ ആയിരു​ന്നാ​ലും, യഹോ​വയെ സേവി​ക്കു​ന്നത്‌ നിങ്ങളു​ടെ ജീവി​ത​ത്തി​ന്റെ കേന്ദ്ര​മാ​ക്കുക. (സങ്കീ. 16:5) അങ്ങനെ ചെയ്യു​ക​വഴി ഭാവി​യി​ലേക്ക്‌ ഒരു നല്ല അടിസ്ഥാ​നം ഇടുക​യാ​യി​രി​ക്കും നിങ്ങൾ ചെയ്യു​ന്നത്‌.