യേശു​വി​ന്റെ മാനസി​ക​ഭാ​വം പകർത്തുക

¹ ദൈവപുത്രനെ നാം ഒരിക്ക​ലും കണ്ടിട്ടി​ല്ലെ​ങ്കി​ലും യേശു​വി​ന്റെ ജീവി​ത​ത്തി​ന്റെ​യും ശുശ്രൂ​ഷ​യു​ടെ​യും ലിഖിത രേഖയി​ലൂ​ടെ നാം യഥാർഥ​ത്തിൽ അവനെ സ്‌നേ​ഹി​ക്കാൻ ഇടവന്നി​രി​ക്കു​ന്നു. (1 പത്രൊ. 1:8) തന്റെ പിതാ​വി​നെ അനുസ​രി​ച്ചു​കൊണ്ട്‌ അവൻ ഉന്നതമായ സ്വർഗീയ പദവി ഉപേക്ഷിച്ച്‌ ഭൂമി​യി​ലേക്കു വന്നു. ഒരു മനുഷ്യൻ എന്ന നിലയിൽ അവൻ നിസ്സ്വാർഥം മറ്റുള്ള​വർക്ക്‌ ശുശ്രൂഷ ചെയ്യു​ക​യും മനുഷ്യ​രാ​ശി​ക്കു​വേണ്ടി തന്റെ ജീവൻ നൽകു​ക​യും ചെയ്‌തു. (മത്താ. 20:28) ദൈവ​വ​ചനം നമ്മെ ഇങ്ങനെ ഉദ്‌ബോ​ധി​പ്പി​ക്കു​ന്നു: “ക്രിസ്‌തു​യേ​ശു​വി​ലുള്ള ഭാവം [“മാനസി​ക​ഭാ​വം,” NW] തന്നേ നിങ്ങളി​ലും ഉണ്ടായി​രി​ക്കട്ടെ.” നമുക്ക്‌ അവന്റെ ആത്മത്യാഗ മനോ​ഭാ​വം എങ്ങനെ പകർത്താൻ കഴിയും?—ഫിലി. 2:5-8.

² ക്ഷീണം തോന്നു​മ്പോൾ: പൂർണ​നാ​യി​രു​ന്നെ​ങ്കി​ലും യേശു​വി​നും ക്ഷീണം അനുഭ​വ​പ്പെട്ടു. ‘വഴി നടന്നു ക്ഷീണി​ച്ചി​രുന്ന’ ഒരവസ​ര​ത്തിൽ അവൻ ഒരു ശമര്യ​ക്കാ​രി സ്‌ത്രീ​ക്കു നല്ലൊരു സാക്ഷ്യം നൽകി. (യോഹ. 4:6) ക്രിസ്‌ത്യാ​നി​ക​ളിൽ പലരും ഇന്ന്‌ സമാന​മായ ഒരു വെല്ലു​വി​ളി​യെ അഭിമു​ഖീ​ക​രി​ക്കു​ന്നു. അഞ്ചോ ആറോ ദിവസത്തെ ആയാസ​ക​ര​മായ ജോലി​ക്കു ശേഷം വാരാ​ന്ത​ത്തിൽ പ്രസം​ഗ​വേ​ല​യിൽ ഏർപ്പെ​ടാ​നുള്ള ശക്തി തങ്ങൾക്കില്ല എന്നു തോന്നി​യേ​ക്കാം. എന്നാൽ നാം ക്രമമാ​യി ക്രിസ്‌തീയ ശുശ്രൂ​ഷ​യിൽ ഏർപ്പെ​ടു​ന്നെ​ങ്കിൽ അത്‌ ആത്മീയ നവോ​ന്മേഷം പ്രദാനം ചെയ്യു​ന്ന​താ​യി നാം കണ്ടെത്തും.—യോഹ. 4:32-34.

³ മറ്റൊരു സന്ദർഭ​ത്തിൽ യേശു​വും ശിഷ്യ​ന്മാ​രും അൽപ്പം വിശ്ര​മി​ക്കാ​നാ​യി ഒരു വിജന പ്രദേ​ശ​ത്തേക്കു പോയി. എന്നാൽ ഇതറിഞ്ഞ്‌ ഒരു വലിയ ജനക്കൂട്ടം അവർക്കു മുമ്പെ അവിടെ എത്തി​ച്ചേർന്നു. ഈർഷ്യ തോന്നു​ന്ന​തി​നു പകരം യേശു “അവരിൽ മനസ്സലി​ഞ്ഞു പലതും ഉപദേ​ശി​ച്ചു​തു​ടങ്ങി.” (മർക്കൊ. 6:30-34) സമാന​മായ മനോ​ഭാ​വം ഉണ്ടായി​രി​ക്കു​ന്നത്‌ ബൈബി​ള​ധ്യ​യ​നങ്ങൾ തുടങ്ങു​ക​യും തുടരു​ക​യും ചെയ്യു​ന്ന​തിന്‌ ആവശ്യ​മാണ്‌. അതിനു സ്ഥിരോ​ത്സാ​ഹ​ത്തോ​ടു കൂടിയ പരി​ശ്ര​മ​വും ആളുക​ളോ​ടു യഥാർഥ സ്‌നേ​ഹ​വും വേണം. നിങ്ങൾക്ക്‌ ഇപ്പോൾ ഒരു ബൈബി​ള​ധ്യ​യനം ഇല്ലെങ്കിൽ ഒരെണ്ണം കണ്ടെത്തു​ന്ന​തി​നുള്ള ശ്രമം ഉപേക്ഷി​ച്ചു​ക​ള​യ​രുത്‌.

⁴ ആത്മീയ താത്‌പ​ര്യ​ങ്ങൾ ഒന്നാമ​തു​വെ​ക്കുക: സഹായ പയനി​യ​റിങ്‌ ചെയ്യു​ന്നത്‌ ആത്മീയ കാര്യ​ങ്ങ​ളിൽ കൂടുതൽ ശ്രദ്ധ കേന്ദ്രീ​ക​രി​ക്കാൻ നമ്മെ സഹായി​ക്കും. ഒരു യുവസ​ഹോ​ദരി എഴുതി: “എന്റെ കൂട്ടു​കാ​രി​ക​ളിൽ ഒരാളു​ടെ അമ്മ ഒരു മാസ​ത്തേക്ക്‌ അവരോ​ടൊ​പ്പം സഹായ പയനി​യ​റിങ്‌ ചെയ്യാൻ ഞങ്ങൾ ഇരുവ​രെ​യും പ്രോ​ത്സാ​ഹി​പ്പി​ച്ചു. അങ്ങനെ ചെയ്‌ത​തിൽ ഞാൻ വളരെ സന്തുഷ്ട​യാണ്‌. സഹോ​ദ​ര​ങ്ങളെ കൂടുതൽ അടുത്ത​റി​യാൻ കഴിഞ്ഞു എന്നതാ​യി​രു​ന്നു ഒരു നേട്ടം, പെട്ടെ​ന്നു​തന്നെ അവർ എനിക്കു കുടും​ബാം​ഗ​ങ്ങ​ളെ​പ്പോ​ലെ ആയിത്തീർന്നു. അതോ​ടൊ​പ്പം യഹോ​വയെ കുറിച്ചു മറ്റുള്ള​വ​രോ​ടു സംസാ​രി​ക്കാ​നും അത്ഭുത​ക​ര​മായ രാജ്യ സത്യത്തെ കുറിച്ച്‌ അവരെ പഠിപ്പി​ക്കാ​നും ലഭിച്ച കൂടു​ത​ലായ അവസര​ങ്ങ​ളും ഞാൻ ആസ്വദി​ച്ചു. ഇതെല്ലാം എന്നെ യഹോ​വ​യോ​ടും അവന്റെ സംഘട​ന​യോ​ടും കൂടുതൽ അടുപ്പി​ച്ചു.”—സങ്കീ. 34:8.

⁵ നമ്മുടെ അപൂർണ ജഡവും യഹോ​വയെ പ്രസാ​ദി​പ്പി​ക്കാ​നുള്ള ആഗ്രഹ​വും തമ്മിൽ നടക്കുന്ന പോരാ​ട്ടത്തെ നാമെ​ല്ലാം അഭിമു​ഖീ​ക​രി​ക്കു​ന്നു. (റോമ. 7:21-23) തനിക്കു ബുദ്ധി​മുട്ട്‌ വരുത്തുന്ന യാതൊ​ന്നും ചെയ്യാൻ തയ്യാറല്ല എന്ന ലോക​ത്തി​ലെ ആളുക​ളു​ടെ മനോ​ഭാ​വം നാം തീർച്ച​യാ​യും ഒഴിവാ​ക്കണം. (മത്താ. 16:22, 23) ഇക്കാര്യ​ത്തിൽ വിജയി​ക്കു​ന്ന​തി​നു തന്റെ പരിശു​ദ്ധാ​ത്മാ​വി​നാൽ നമ്മെ സഹായി​ക്കാൻ യഹോ​വ​യ്‌ക്കു കഴിയും. (ഗലാ. 5:16, 17) ദൈവ​ത്തി​ന്റെ നീതി​നി​ഷ്‌ഠ​മായ പുതിയ ലോക​ത്തി​ലേ​ക്കുള്ള നമ്മുടെ വിടു​ത​ലി​നാ​യി കാത്തി​രി​ക്കവേ, രാജ്യ താത്‌പ​ര്യ​ങ്ങ​ളും മറ്റുള്ള​വ​രു​ടെ താത്‌പ​ര്യ​ങ്ങ​ളും നമ്മുടെ താത്‌പ​ര്യ​ങ്ങൾക്കു​പരി വെച്ചു​കൊണ്ട്‌, നമു​ക്കെ​ല്ലാം യേശു​വി​ന്റെ മാനസി​ക​ഭാ​വം പകർത്തു​ന്ന​വ​രാ​യി​രി​ക്കാം.—മത്താ. 6:33; റോമ. 15:1-3.

[അധ്യയന ചോദ്യ​ങ്ങൾ]

1. യേശു എന്തു മാനസി​ക​ഭാ​വ​മാണ്‌ പ്രകട​മാ​ക്കി​യത്‌?

2. പല ക്രിസ്‌ത്യാ​നി​ക​ളും ഏതു വെല്ലു​വി​ളി നേരി​ടു​ന്നു, അതിനെ അതിജീ​വി​ക്കാൻ എന്തിന്‌ അവരെ സഹായി​ക്കാൻ കഴിയും?

3. പഠിപ്പി​ക്കു​ന്ന​തി​ലുള്ള യേശു​വി​ന്റെ മനസ്സൊ​രു​ക്കം നമുക്ക്‌ എങ്ങനെ പകർത്താം?

4. യേശു​വി​ന്റെ മാനസി​ക​ഭാ​വം അനുക​രി​ക്കാൻ സഹായ പയനി​യ​റി​ങ്ങിന്‌ സഹായി​ക്കാൻ കഴിയു​ന്ന​തെ​ങ്ങനെ?

5. യേശു​വി​ന്റെ മാനസി​ക​ഭാ​വം പകർത്താൻ നാം തുടർച്ച​യാ​യി പരി​ശ്ര​മി​ക്കേ​ണ്ടത്‌ എന്തു​കൊണ്ട്‌?