രക്തം വർജി​ക്കാൻ നമ്മെ സഹായി​ക്കു​ന്ന​തി​നുള്ള പുതിയ കരുതൽ

ഡ്യൂറ​ബിൾ പവർ ഓഫ്‌ അറ്റോർണി (ഡിപിഎ) രേഖയു​ടെ​യും മുൻകൂർ വൈദ്യ നിർദേശം/വിമു​ക്ത​മാ​ക്കൽ കാർഡി​ന്റെ​യും മുഖ്യ ഭാഗങ്ങൾ സംയോ​ജി​പ്പിച്ച്‌ നിയമ​പ​ര​മായ ഒറ്റ രേഖയാ​ക്കു​ന്ന​തിന്‌ ഭരണസം​ഘം അനുവാ​ദം നൽകി​യി​രി​ക്കു​ന്നു. ഇത്‌ ഡിപിഎ കാർഡ്‌ എന്നായി​രി​ക്കും അറിയ​പ്പെ​ടുക.

ഡിപിഎ കാർഡ്‌ എല്ലാക്കാ​ല​ത്തേ​ക്കു​മു​ള്ള​താണ്‌. നിങ്ങൾ മറ്റു രാജ്യ​ങ്ങ​ളിൽ ചെന്നാ​ലും നിങ്ങളു​ടെ താത്‌പ​ര്യ​ങ്ങൾ സംബന്ധിച്ച ഒരു പ്രസ്‌താ​വ​ന​യെന്ന നിലയിൽ അതിനു സാധു​ത​യുണ്ട്‌. ഭാവി​യിൽ (1) നിങ്ങളു​ടെ താത്‌പ​ര്യ​ങ്ങൾക്കു മാറ്റം വരുക​യോ നിങ്ങളു​ടെ ആരോഗ്യ-പരിപാ​ലന പ്രതി​നി​ധി​കളെ മാറ്റു​ക​യോ മേൽവി​ലാ​സ​മോ ടെലി​ഫോൺ നമ്പറോ മാറു​ക​യോ (2) നിങ്ങളു​ടെ ഡിപിഎ കാർഡ്‌ നഷ്ടപ്പെ​ടു​ക​യോ മുഷിഞ്ഞു കീറി​പ്പോ​കു​ക​യോ ചെയ്യു​മ്പോൾ മാത്രമേ ഒരു പുതിയ ഡിപിഎ കാർഡ്‌ പൂരി​പ്പി​ക്കേ​ണ്ട​തു​ള്ളൂ.

ഡിപിഎ കാർഡ്‌ സംബന്ധിച്ച്‌ നിങ്ങൾ പ്രാർഥ​നാ​പൂർവം പരിചി​ന്തി​ക്കു​ക​യും വീട്ടിൽവെച്ച്‌ ശ്രദ്ധാ​പൂർവം പൂരി​പ്പി​ക്കു​ക​യും വേണം. എന്നാൽ കാർഡിൽ ഒപ്പിടു​ന്ന​തി​നു​മുമ്പ്‌, നിയമ​പ​ര​മായ നടപടി​ക്ര​മങ്ങൾ കർശന​മാ​യി പാലി​ച്ചി​രി​ക്കണം. ദൃഷ്ടാ​ന്ത​ത്തിന്‌, നിങ്ങൾ ഒപ്പിടു​ന്നത്‌ രണ്ടു സാക്ഷി​ക​ളു​ടെ സാന്നി​ധ്യ​ത്തിൽ ആയിരി​ക്ക​ണ​മെന്ന്‌ കാർഡിൽ പറഞ്ഞി​ട്ടു​ണ്ടെ​ങ്കിൽ നിങ്ങൾ ഒപ്പിടു​മ്പോൾ അവർ സന്നിഹി​ത​രാ​യി​രി​ക്കണം. പുതിയ കാർഡ്‌ പൂരി​പ്പി​ച്ചി​ട്ടി​ല്ലാ​ത്ത​വർക്ക്‌ സഹായം ആവശ്യ​മു​ണ്ടോ​യെന്ന്‌ പുസ്‌ത​കാ​ധ്യ​യന മേൽവി​ചാ​ര​കന്‌ ഇടയ്‌ക്കി​ടെ പരി​ശോ​ധി​ക്കാ​വു​ന്ന​താണ്‌.

ഡിപിഎ കാർഡ്‌ മടക്കു​ന്ന​തി​നു​മുമ്പ്‌ നിങ്ങളു​ടെ ഡോക്ടർക്കും നിങ്ങളു​ടെ സ്വന്തം ആവശ്യ​ത്തി​നും വേണ്ടി ഗുണനി​ല​വാ​ര​മുള്ള ഫോ​ട്ടോ​ക്കോ​പ്പി​ക​ളെ​ടു​ക്കുക. നിങ്ങളു​ടെ കുടും​ബാം​ഗ​ങ്ങൾക്കും സഭാ സെക്ര​ട്ട​റി​ക്കും വേണ്ടി പകർപ്പെ​ടു​ക്കാ​നും നിങ്ങൾ ആഗ്രഹി​ച്ചേ​ക്കാം. പകർപ്പു​കൾ സ്റ്റാൻഡേർഡ്‌ സൈസ്‌ പേപ്പറിൽ (8 1/2” x 11” അഥവാ A-4) എടുക്കുക. പേപ്പറി​ന്റെ ഒരു വശത്തു മാത്രമേ പകർപ്പെ​ടു​ക്കാ​വൂ. ഡിപിഎ കാർഡ്‌ പേജിന്റെ മധ്യഭാ​ഗത്തു വരത്തക്ക​വി​ധം വേണം പകർപ്പെ​ടു​ക്കാൻ. കാർഡി​ന്റെ ഫോ​ട്ടോ​ക്കോ​പ്പി​യല്ല, മറിച്ച്‌ അസ്സൽതന്നെ എപ്പോ​ഴും നിങ്ങളു​ടെ കൈവശം ഉണ്ടായി​രി​ക്കണം.

സാക്ഷി​ക​ളാ​യ മാതാ​പി​താ​ക്ക​ളു​ടെ സ്‌നാ​പ​ന​മേ​റ്റി​ട്ടി​ല്ലാത്ത മക്കൾക്കു​വേ​ണ്ടി​യു​ളള, 3/99 എന്ന അച്ചടി തീയതി​യുള്ള തിരി​ച്ച​റി​യൽ കാർഡി​നു മാറ്റമില്ല. പ്രായ​പൂർത്തി​യെ​ത്താത്ത ഓരോ കുട്ടി​ക്കും കൃത്യ​മാ​യി പൂരി​പ്പിച്ച്‌ ഒപ്പിട്ട ഒരു കാർഡ്‌ ഉണ്ടെന്നും ഉചിത​മായ സമയങ്ങ​ളിൽ അതു കൈവ​ശ​മു​ണ്ടെ​ന്നും മാതാ​പി​താ​ക്കൾ ഉറപ്പു​വ​രു​ത്തണം.

സ്‌നാ​പ​ന​മേ​റ്റി​ട്ടി​ല്ലാത്ത പ്രസാ​ധ​കർക്ക്‌ തങ്ങൾക്കും മക്കൾക്കും വേണ്ടി ഡിപിഎ കാർഡി​ന്റെ​യും തിരി​ച്ച​റി​യൽ കാർഡി​ന്റെ​യും ശൈലി​യിൽ ആരോഗ്യ-പരിപാ​ലന നിർദേ​ശങ്ങൾ എഴുതി​യു​ണ്ടാ​ക്കാ​വു​ന്ന​താണ്‌. നടപ്പു​വർഷം സ്‌നാ​പ​ന​മേൽക്കുന്ന എല്ലാ പ്രസാ​ധ​കർക്കും സെക്ര​ട്ടറി ഒരു ഡിപിഎ കാർഡ്‌ നൽകേ​ണ്ട​താണ്‌.