അടിയ​ന്തി​ര​ചി​കി​ത്സ​യ്‌ക്കാ​യി ഇപ്പോൾത്തന്നെ തയ്യാറായിരിക്കുക

തയ്യാറാ​യി​രി​ക്കേ​ണ്ടത്‌ എന്തു​കൊണ്ട്‌? ജീവൻ അപകട​ത്തി​ലാ​കുന്ന സാഹച​ര്യ​ത്തിൽ നമ്മൾ പെട്ടെന്നു ചികിത്സ തേടേ​ണ്ടി​വ​രും. അതു​കൊണ്ട്‌ ഒരു അടിയ​ന്തി​ര​സാ​ഹ​ച​ര്യം ഉണ്ടാകു​ന്ന​തി​നു മുമ്പ്‌ ഇപ്പോൾത്തന്നെ ചിന്തിച്ച്‌ കാര്യങ്ങൾ ചെയ്യുക, ഏറ്റവും നല്ല ചികിത്സ ലഭിക്കു​ന്ന​തിന്‌ നമുക്കു കിട്ടി​യി​രി​ക്കുന്ന കരുത​ലു​കൾ പരമാ​വധി പ്രയോ​ജ​ന​പ്പെ​ടു​ത്തുക. അങ്ങനെ ചെയ്യു​മ്പോൾ നിങ്ങൾ ജീവ​നോ​ടും രക്തം സംബന്ധിച്ച യഹോ​വ​യു​ടെ നിയമ​ത്തോ​ടും ആദരവ്‌ കാണി​ക്കു​ക​യാണ്‌.—പ്രവൃ 15:28, 29.

നിങ്ങൾക്ക്‌ എങ്ങനെ തയ്യാറാ​കാം?

• രക്തപ്പകർച്ച ഒഴിവാ​ക്കാ​നുള്ള ഫാറം (ഡിപിഎ) ശ്രദ്ധിച്ച്‌ പ്രാർഥ​നാ​പൂർവം പൂരി​പ്പി​ക്കുക.a സ്‌നാ​ന​മേറ്റ പ്രചാ​ര​കർക്ക്‌ സാഹി​ത്യ​ദാ​സ​നിൽനിന്ന്‌ ഈ ഫോമും അതു​പോ​ലെ തങ്ങളുടെ പ്രായ​പൂർത്തി​യാ​കാത്ത കുട്ടി​കൾക്കു​വേ​ണ്ടി​യുള്ള തിരി​ച്ച​റി​യൽ കാർഡും (ic) വാങ്ങാവുന്നതാണ്‌

• നിങ്ങൾ ഗർഭി​ണി​യാ​ണെ​ങ്കിൽ, അമ്മയാ​കാൻപോ​കു​ന്ന​വർക്കുള്ള വിവരങ്ങൾ (S-401) എന്ന ഫാറം മൂപ്പന്മാ​രോ​ടു ചോദി​ക്കുക. ഗർഭകാ​ല​ത്തും പ്രസവ​ത്തി​ന്റെ സമയത്തും ഉണ്ടാകാൻ ഇടയുള്ള ചികി​ത്സാ​പ​ര​മായ പ്രശ്‌ന​ങ്ങ​ളിൽ നല്ല തീരു​മാ​ന​ങ്ങ​ളെ​ടു​ക്കാൻ ഇതു നിങ്ങളെ സഹായിക്കും

• രക്തം ഉൾപ്പെ​ടുന്ന ഒരു വൈദ്യ​ന​ട​പടി ആവശ്യ​മാ​യി വരുക​യോ ആശുപ​ത്രി​യിൽ കഴി​യേ​ണ്ടി​വ​രു​ക​യോ ചെയ്യു​ന്നെ​ങ്കിൽ ആ കാര്യം മൂപ്പന്മാ​രെ അറിയി​ക്കുക. യഹോ​വ​യു​ടെ സാക്ഷി​ക​ളു​ടെ ഒരു പ്രതി​നി​ധി സന്ദർശി​ക്കു​ന്ന​തി​നെ നിങ്ങൾ സ്വാഗതം ചെയ്യു​മെന്ന്‌ ആശുപ​ത്രി അധികൃ​ത​രെ​യും അറിയിക്കുക

മൂപ്പന്മാർക്ക്‌ എങ്ങനെ സഹായി​ക്കാം? ഡിപിഎ കാർഡ്‌ പൂരി​പ്പി​ക്കാൻ അവർ നിങ്ങളെ സഹായി​ക്കും. പക്ഷേ മൂപ്പന്മാർ ചികി​ത്സാ​പ​ര​മായ വിഷയ​ങ്ങ​ളിൽ നിങ്ങൾക്കു​വേണ്ടി തീരു​മാ​ന​മെ​ടു​ക്കില്ല, വ്യക്തി​പ​ര​മാ​യി തീരു​മാ​ന​മെ​ടു​ക്കേണ്ട കാര്യ​ങ്ങ​ളിൽ സ്വന്തം അഭി​പ്രാ​യം പറയു​ക​യും ഇല്ല. (റോമ 14:12; ഗല 6:5) രക്തം ഉൾപ്പെ​ടുന്ന ചികിത്സ ആവശ്യ​മാ​യി​വ​ന്നേ​ക്കാ​വുന്ന സാഹച​ര്യ​ങ്ങ​ളിൽ അവർ ഉടനെ​തന്നെ ആശുപ​ത്രി ഏകോ​പ​ന​സ​മി​തി​യു​മാ​യി (എച്ച്‌എൽസി) ബന്ധപ്പെ​ടും.

എച്ച്‌എൽസി-ക്ക്‌ എങ്ങനെ സഹായി​ക്കാം? രക്തം സംബന്ധിച്ച നമ്മുടെ മതപര​മായ നിലപാ​ടി​നെ​ക്കു​റിച്ച്‌ വൈദ്യ​ശാ​സ്‌ത്ര​മേ​ഖ​ല​യിൽ ഉള്ളവ​രോ​ടും നിയമ​മേ​ഖ​ല​യിൽ ഉള്ളവ​രോ​ടും സംസാ​രി​ക്കാൻ പരിശീ​ലനം കിട്ടി​യ​വ​രാണ്‌ എച്ച്‌എൽസി-യിലെ സഹോ​ദ​രങ്ങൾ. രക്തപകർച്ച ഒഴിവാ​ക്കി​ക്കൊ​ണ്ടുള്ള ചികി​ത്സാ​രീ​തി​ക​ളെ​ക്കു​റിച്ച്‌ അവർ നിങ്ങളു​ടെ ഡോക്ട​റു​മാ​യി സംസാ​രി​ക്കും. ആവശ്യ​മെ​ങ്കിൽ നമ്മളോ​ടു സഹകരി​ക്കുന്ന ഒരു ഡോക്ടറെ കണ്ടെത്താൻ അവർ സഹായി​ക്കും.

ചികിത്സ—രക്തം ഉപയോ​ഗി​ക്കേ​ണ്ടി​വ​രുന്ന സാഹച​ര്യ​ങ്ങ​ളിൽ . . . എന്ന വീഡി​യോ കാണുക. എന്നിട്ട്‌ പിൻവ​രുന്ന ചോദ്യ​ത്തിന്‌ ഉത്തരം കണ്ടെത്തുക:

• രക്തം ഉൾപ്പെ​ടുന്ന ഒരു അടിയ​ന്തി​ര​ചി​കിത്സ ആവശ്യ​മാ​യി​വ​രു​മ്പോൾ തയ്യാറാ​യി​രി​ക്കാൻ സഹായി​ക്കുന്ന എന്തെല്ലാ​മാണ്‌ ഈ വീഡി​യോ​യിൽനിന്ന്‌ പഠിച്ചത്‌?

  നിങ്ങളുടെ ഉത്തരം