വ്യക്തിഗത താത്‌പ​ര്യം കാണി​ക്കുക—കൃപയു​ള്ളവർ ആയിരു​ന്നു​കൊണ്ട്‌

¹ ‘യഹോവ കൃപയു​ള്ള​വ​നാണ്‌.’ (സങ്കീ. 145:8) അഖിലാണ്ഡ പരമാ​ധി​കാ​രി ആണെങ്കിൽപ്പോ​ലും, അപൂർണ മനുഷ്യ​രു​മാ​യി ഇടപെ​ടു​മ്പോൾ അവൻ ദയയും പരിഗ​ണ​ന​യും ആദരവും പ്രകട​മാ​ക്കു​ന്നു. (ഉല്‌പ. 13:14; 19:18-21, 29) കൃപാ​ലു​വായ നമ്മുടെ ദൈവത്തെ അനുക​രി​ക്കു​ന്ന​തി​ലൂ​ടെ സുവാർത്ത​യു​ടെ അവതര​ണ​ത്തി​നു മാറ്റു​കൂ​ട്ടാൻ നമുക്കു കഴിയും. (കൊ​ലൊ​സ്സ്യർ 4:6) എന്നാൽ സംസാ​ര​ത്തിൽ വിനയ​വും ആദരവും ഉണ്ടായി​രി​ക്കുക എന്നതു​മാ​ത്രമല്ല അതിൽ ഉൾപ്പെ​ട്ടി​രി​ക്കു​ന്നത്‌.

² വീടുതോറുമുള്ള പ്രവർത്ത​ന​ത്തിൽ: സൗകര്യ​പ്ര​ദ​മ​ല്ലാത്ത ഒരു സമയത്തോ വീട്ടു​കാ​രൻ വളരെ തിരക്കി​ലാ​യി​രി​ക്കു​മ്പോ​ഴോ ആണ്‌ നാം അദ്ദേഹത്തെ സന്ദർശി​ക്കു​ന്ന​തെ​ങ്കിൽ എന്തു ചെയ്യണം? സാഹച​ര്യം കണക്കി​ലെ​ടു​ത്തു​കൊണ്ട്‌ അവതരണം ഹ്രസ്വ​മാ​ക്കു​ക​യോ മറ്റൊരു സമയത്തു മടങ്ങി​വ​രാ​മെന്നു പറയു​ക​യോ വേണം. സാഹി​ത്യം സ്വീക​രി​ക്കാൻ താത്‌പ​ര്യ​മി​ല്ലാ​ത്ത​വരെ അതിനാ​യി നാം നിർബ​ന്ധി​ക്കു​ന്നില്ല. ആളുക​ളു​ടെ വസ്‌തു​വ​ക​ക​ളെ​പ്രതി പരിഗണന ഉള്ളവരാ​യി​രി​ക്കാൻ അവരോ​ടുള്ള താത്‌പ​ര്യം നമ്മെ പ്രേരി​പ്പി​ക്കു​ന്നു. ഗെയ്‌റ്റോ വേലി​യോ ഒക്കെ മറക്കാതെ അടയ്‌ക്കു​ന്നത്‌ ഇതിൽ ഉൾപ്പെ​ടു​ന്നു. ഇക്കാര്യ​ത്തിൽ മക്കളെ​യും നന്നായി പരിശീ​ലി​പ്പി​ക്കുക. ആളില്ലാ​ഭ​വ​ന​ങ്ങ​ളിൽ സാഹി​ത്യം ഇടുന്ന​പക്ഷം, അതു മറ്റുള്ള​വ​രു​ടെ ശ്രദ്ധയിൽപ്പെ​ടാത്ത ഒരു സ്ഥലത്താ​യി​രി​ക്കാൻ പ്രത്യേ​കം ശ്രദ്ധി​ക്കണം. മറ്റുള്ളവർ നമ്മോടു പെരു​മാ​റ​ണ​മെന്നു നാം ആഗ്രഹി​ക്കുന്ന അതേ വിധത്തിൽ അവരോ​ടും പെരു​മാ​റാൻ കൃപയും ആർദ്ര​ത​യും നമ്മെ പ്രചോ​ദി​പ്പി​ക്കും.—ലൂക്കൊസ്‌ 6:31.

³ തെരുവുസാക്ഷീകരണ വേളയിൽ: തെരു​വു​സാ​ക്ഷീ​ക​രണം നടത്തവേ, കാൽന​ട​യാ​ത്ര​ക്കാർക്കു തടസ്സം സൃഷ്ടി​ക്കു​ക​യോ കടകൾക്കും മറ്റും മുമ്പിൽ കൂടി​നിൽക്കു​ക​യോ ചെയ്യാ​തി​രി​ക്കാൻ ശ്രദ്ധി​ക്കേ​ണ്ട​തുണ്ട്‌. തിരക്കി​ട്ടു പോകു​ന്ന​വ​രോ​ടു സംസാ​രി​ക്കാൻ ശ്രമി​ക്കു​ന്ന​തി​നു​പ​കരം അൽപ്പസ​മയം ശ്രദ്ധി​ക്കാൻ സാവകാ​ശ​മു​ള്ള​വ​രോ​ടു നാം സാക്ഷീ​ക​രി​ക്കണം. സാഹച​ര്യം സൂക്ഷ്‌മ​മാ​യി വിലയി​രു​ത്തു​ന്നത്‌ ഇതിനു നമ്മെ സഹായി​ക്കും. പൊതു​സ്ഥ​ലത്തെ ബഹളം നിമിത്തം ചില​പ്പോ​ഴൊ​ക്കെ കുറച്ച്‌ ഉറക്കെ സംസാ​രി​ക്കേ​ണ്ടി​വ​ന്നേ​ക്കാം. എന്നിരു​ന്നാ​ലും മാന്യ​മാ​യും ചുറ്റു​മു​ള്ള​വ​രു​ടെ ശ്രദ്ധ ആകർഷി​ക്കാത്ത വിധത്തി​ലും ആയിരി​ക്കണം അങ്ങനെ ചെയ്യേ​ണ്ടത്‌.—മത്തായി 12:18.

⁴ ടെലിഫോൺ സാക്ഷീ​ക​ര​ണ​വേ​ള​യിൽ: ടെലി​ഫോ​ണി​ലൂ​ടെ സാക്ഷീ​ക​രി​ക്കു​മ്പോൾ നമുക്കു ചുറ്റും ശബ്ദകോ​ലാ​ഹ​ല​മൊ​ന്നു​മി​ല്ലെന്ന്‌ ഉറപ്പു​വ​രു​ത്താൻ മറ്റുള്ള​വ​രോ​ടുള്ള പരിഗണന നമ്മെ പ്രചോ​ദി​പ്പി​ക്കും. ആരംഭ​ത്തിൽത്തന്നെ സ്വയം പരിച​യ​പ്പെ​ടു​ത്തി​ക്കൊണ്ട്‌ ഫോൺ വിളി​ക്കാ​നു​ണ്ടായ കാരണ​ത്തെ​ക്കു​റി​ച്ചു വിശദീ​ക​രി​ക്കു​ന്നതു മര്യാ​ദ​യാണ്‌. ഫോൺ വായോ​ടു ചേർത്തു​പി​ടി​ച്ചു​കൊ​ണ്ടും ഹൃദ്യ​മായ ഒരു ശബ്ദത്തി​ലും സംസാ​രി​ക്കു​ന്നത്‌ പരിപു​ഷ്ടി​പ്പെ​ടു​ത്തുന്ന തിരു​വെ​ഴു​ത്തു ചർച്ചയിൽ ഏർപ്പെ​ടാൻ മറ്റുള്ള​വരെ സഹായി​ക്കും. (1 കൊരി​ന്ത്യർ 14:8, 9) ഈ വിധങ്ങ​ളിൽ ദയയും പരിഗ​ണ​ന​യും കൃപയും പ്രകട​മാ​ക്കു​മ്പോൾ കൃപാ​സ​മ്പ​ന്ന​നായ നമ്മുടെ ദൈവ​മായ യഹോ​വയെ നാം അനുക​രി​ക്കു​ക​യാ​ണു ചെയ്യു​ന്നത്‌.