നിങ്ങളു​ടെ ടെല​ഫോൺ മര്യാ​ദകൾ എങ്ങനെ​യു​ള്ള​വ​യാണ്‌?

“ദയാപു​ര​സ്സ​ര​മായ സംഭാ​ഷ​ണ​ങ്ങ​ളെ​പ്പോ​ലെ മറ്റെ​ന്തെ​ങ്കി​ലും, കുടും​ബ​സ്‌നേഹം, ആരോ​ഗ്യം, ജോലി​യോ​ടുള്ള താത്‌പ​ര്യം എന്നിവ​യോ​ടൊ​പ്പം നമ്മുടെ ജീവി​ത​ത്തി​നു വളരെ​യ​ധി​കം ആനന്ദം പകരു​ക​യും നമ്മുടെ ആത്മാഭി​മാ​നത്തെ പുനഃ​സ്ഥി​തീ​ക​രി​ക്കു​ക​യും വർധി​പ്പി​ക്കു​ക​യും ചെയ്യു​ന്നു​ണ്ടോ?”

ആ ചോദ്യം ചോദി​ച്ചു​കൊണ്ട്‌ അടുത്ത​കാ​ലത്തെ ഒരു ഗ്രന്ഥകാ​രി​യും പ്രബോ​ധ​ക​യു​മായ ലൂസി ഇല്ലിയട്‌ കീലെർ, സൃഷ്ടി​പ്പി​ന്റെ സമയത്തു മനുഷ്യ​നു സ്‌നേ​ഹ​പൂർവം നൽകപ്പെട്ട, വാമൊ​ഴി​യാ​യി ആശയവി​നി​യമം നടത്താ​നുള്ള കഴിവ്‌ ഉപയോ​ഗി​ക്കു​ന്ന​തിൽനി​ന്നു ലഭിക്കാ​വുന്ന വ്യക്തി​പ​ര​മായ ഉല്ലാസ​ത്തി​നും സംതൃ​പ്‌തി​ക്കും ഉയർന്ന വില കൽപ്പിച്ചു.—പുറപ്പാ​ടു 4:11, 12.

അലക്‌സാ​ണ്ടർ ഗ്രഹാം ബെല്ലിന്റെ കണ്ടുപി​ടി​ത്ത​മായ ടെല​ഫോൺ കഴിഞ്ഞ 12 ദശകങ്ങ​ളാ​യി മനുഷ്യ​ന്റെ സംസാ​ര​ത്തി​ന്റെ ഒഴുക്ക്‌ വളരെ​യ​ധി​കം വർധി​പ്പി​ച്ചി​ട്ടുണ്ട്‌. ബിസി​ന​സി​നോ ഉല്ലാസ​ത്തി​നോ വേണ്ടി ഉപയോ​ഗി​ച്ചാ​ലും ടെല​ഫോൺ ഇന്ന്‌ ഭൂമി​യി​ലെ ശതകോ​ടി​ക്ക​ണ​ക്കി​നു നിവാ​സി​ക​ളു​ടെ ഇടയിൽ മനുഷ്യ​രെ പരസ്‌പരം ബന്ധിപ്പി​ക്കുന്ന ഒരു മർമ​പ്ര​ധാ​ന​മായ കണ്ണിയാ​യി വർത്തി​ക്കു​ന്നു.

ടെല​ഫോ​ണും നിങ്ങളും

ടെല​ഫോ​ണി​ന്റെ ഉപയോ​ഗം നിങ്ങളു​ടെ ജീവി​ത​ത്തി​ന്റെ ഗുണ​മേൻമ എത്ര​ത്തോ​ളം വർധി​പ്പി​ക്കു​ന്നു? ആ ചോദ്യ​ത്തി​നുള്ള നിങ്ങളു​ടെ ഉത്തരം ഉപകര​ണ​ത്തെ​ക്കാ​ളു​മ​ധി​കം ഉൾപ്പെ​ട്ടി​രി​ക്കുന്ന ആളുകളെ ആശ്രയി​ച്ചി​രി​ക്കു​ന്നു എന്നതി​നോ​ടു നിങ്ങൾ യോജി​ക്കു​ക​യി​ല്ലേ? നിങ്ങളു​ടെ ടെല​ഫോൺ മര്യാ​ദകൾ എങ്ങനെ​യു​ള്ള​വ​യാണ്‌? എന്നു ചോദി​ക്കു​ന്നതു തീർച്ച​യാ​യും സമയോ​ചി​ത​മാണ്‌.

ടെല​ഫോൺ മര്യാ​ദ​ക​ളിൽ മാനസി​ക​ഭാ​വം, സംഭാഷണ ഗുണം, ശ്രദ്ധി​ക്കാ​നുള്ള കഴിവ്‌ തുടങ്ങിയ മേഖലകൾ ഉൾപ്പെ​ടു​ന്നു. കൂടാതെ, ടെല​ഫോൺ ഉപയോ​ഗി​ക്കുന്ന രീതി​യും ശല്യക​ര​മായ വിളികൾ കൈകാ​ര്യം ചെയ്യാ​നുള്ള മാർഗ​ങ്ങ​ളും പ്രസക്ത​മാണ്‌.

മറ്റുള്ള​വ​രോ​ടുള്ള ചിന്താ​പൂർവ​ക​മായ പരിഗണന

മനുഷ്യ​രു​ടെ എല്ലാ കൈമാ​റ്റ​ങ്ങ​ളു​ടെ​യും കാര്യ​ത്തി​ലെ​ന്ന​പോ​ലെ നല്ല ടെല​ഫോൺ മര്യാ​ദകൾ സഹാനു​ഭൂ​തി​യിൽനിന്ന്‌ ഉടലെ​ടു​ക്കു​ന്ന​താണ്‌. അപ്പോ​സ്‌ത​ല​നായ പൗലോസ്‌ ഇപ്രകാ​രം എഴുതി: “നിങ്ങളു​ടെ സ്വന്തം താത്‌പ​ര്യം മാത്രമല്ല, അന്യോ​ന്യ​മുള്ള താത്‌പ​ര്യ​ങ്ങൾ നോക്കുക.”—ഫിലി​പ്യർ 2:4, ദ ന്യൂ ഇംഗ്ലീഷ്‌ ബൈബിൾ.

“മോശ​മായ ടെല​ഫോൺ മര്യാ​ദ​ക​ളിൽ ഏറ്റവും സാധാ​ര​ണ​മാ​യത്‌ ഏവയാണ്‌?” എന്നു പരിച​യ​സ​മ്പ​ന്ന​യായ ഒരു ടെല​ഫോൺ സ്വിച്ച്‌ബോർഡ്‌ ഓപ്പ​റേ​റ്റ​റോ​ടു ചോദി​ച്ച​പ്പോൾ, തന്റെ ലിസ്റ്റിൽ ഏറ്റവും മുകളിൽ വരുന്നത്‌, “‘ഇതു മേരി​യാണ്‌’ (എത്ര മേരി​മാ​രെ നിങ്ങൾക്ക​റി​യാം?) എന്നോ അതിലും മോശ​മാ​യി, ‘ഇതു ഞാനാണ്‌’ എന്നോ ‘ആരാണു സംസാ​രി​ക്കു​ന്ന​തെന്ന്‌ ഊഹി​ക്കുക’ എന്നോ ഫോൺ വിളി​ക്കു​ന്ന​യാൾ പറയു​ന്ന​താണ്‌” എന്ന്‌ അവർ മറുപടി നൽകി. സദു​ദ്ദേ​ശ്യ​പ​ര​മാ​യി​രു​ന്നേ​ക്കാ​മെ​ങ്കി​ലും അത്തരം ചിന്തയി​ല്ലാത്ത സമീപ​നങ്ങൾ അമ്പരപ്പും അക്ഷമയും ഉളവാ​ക്കി​യേ​ക്കാം. ആ ഓപ്പ​റേറ്റർ ഇപ്രകാ​രം തുടർന്നു: “നിങ്ങ​ളെ​ത്തന്നെ വ്യക്തമാ​യി തിരി​ച്ച​റി​യി​ച്ചു​കൊ​ണ്ടും ആരോ​ടാ​ണോ സംസാ​രി​ക്കു​ന്നത്‌ ആ വ്യക്തി​യോ​ടുള്ള പരിഗണന നിമിത്തം, സംസാ​രി​ക്കാൻ സൗകര്യ​മു​ണ്ടോ​യെന്നു ചോദി​ച്ചു​കൊ​ണ്ടും വിളിക്കു സന്തോ​ഷ​ക​ര​മായ ഒരു തുടക്ക​മി​ട്ടു കൂടേ?”

നിങ്ങളു​ടെ മുഖഭാ​വം കാണാൻ കഴിയി​ല്ലെ​ങ്കി​ലും മനോ​ഭാ​വം പ്രകട​മാ​ണെ​ന്നോർമി​ക്കുക. അതെങ്ങനെ? നിങ്ങളു​ടെ സംസാ​ര​രീ​തി​യി​ലൂ​ടെ. അക്ഷമ, വിരസത, കോപം, ഉദാസീ​നത, ആത്മാർഥത, ആഹ്ലാദം, സഹായ സന്നദ്ധത, ഊഷ്‌മളത ഇവയെ​ല്ലാം വെളി​വാ​കു​ന്നു. തടസ്സം സൃഷ്ടി​ക്ക​പ്പെ​ടു​മ്പോൾ ശല്യം തോന്നു​ന്നതു സ്വാഭാ​വിക പ്രതി​ക​ര​ണ​മാ​യി​രി​ക്കാ​മെ​ന്നതു സത്യം​തന്നെ. ഈ സാഹച​ര്യ​ത്തിൽ, നല്ല മര്യാ​ദ​ക​ളോ​ടുള്ള താത്‌പ​ര്യം​മൂ​ലം, മറുപടി നൽകു​ന്ന​തി​നു മുമ്പായി ഒന്നു നിർത്തി, നിങ്ങളു​ടെ ശബ്ദത്തിൽ ഒരു “പുഞ്ചിരി” തിരു​കുക. വിയോ​ജി​പ്പി​ന്റെ ധ്വനി​യി​ല്ലാ​തെ വിയോ​ജി​ക്കുക സാധ്യ​മാണ്‌.

ചിന്താ​പൂർവ​ക​മായ പരിഗ​ണ​ന​യും ഒരു പ്രസന്ന സംസാ​ര​രീ​തി​യും ഉണ്ടെങ്കിൽ “ആവശ്യ​മ​നു​സ​രി​ച്ചു കെട്ടു​പ​ണി​ചെ​യ്യാൻ ഉതകുന്ന” കാര്യങ്ങൾ പറയാ​നും “കേൾവി​ക്കാർക്ക്‌ അനുകൂ​ല​മായ” വിവരങ്ങൾ അറിയി​ക്കാ​നും കഴിയും.—എഫേസ്യർ 4:29, NW.

സംഭാഷണ ഗുണം

അതേ, നമ്മുടെ സംഭാ​ഷണം ഏതു തരത്തി​ലു​ള്ള​താ​ണെ​ന്നു​ള്ളതു പ്രധാ​ന​മാണ്‌. നിങ്ങൾ പിൻവ​രുന്ന നിയമ​ങ്ങ​ളോ​ടു യോജി​ക്കു​ക​യും അവ ബാധക​മാ​ക്കു​ക​യും ചെയ്യു​ന്നു​വോ? സ്വാഭാ​വി​ക​വും വ്യക്തവും വേർതി​രി​ച്ച​റി​യാ​വു​ന്ന​തു​മായ വിധത്തിൽ സംസാ​രി​ക്കുക. മന്ത്രി​ക്ക​രുത്‌. വളരെ ദൂരെ​നി​ന്നാ​ണു വിളി​ക്കു​ന്ന​തെ​ങ്കിൽപ്പോ​ലും വളരെ ഉച്ചത്തിൽ സംസാ​രി​ക്ക​രുത്‌. വാക്കുകൾ അവ്യക്ത​മാ​യി ഉച്ചരി​ക്ക​രുത്‌. പദാം​ഗങ്ങൾ ഹ്രസ്വ​മാ​യി ഉച്ചരി​ക്കു​ക​യോ വിഴു​ങ്ങി​ക്ക​ള​യു​ക​യോ ചെയ്യുന്ന അശ്രദ്ധ സംസാരം ഒഴിവാ​ക്കുക; അസ്വാ​സ്ഥ്യ​ജ​ന​ക​വും അസ്വാ​ര​സ്യം ഉളവാ​ക്കു​ന്ന​തു​മായ, “വികൃത ശബ്ദങ്ങളും” പിറ​കോ​ട്ടു​പോ​ക്കു​ക​ളും ഒഴിവാ​ക്കുക. ഒരേ സ്ഥായി​യി​ലുള്ള സ്വരം ഉപയോ​ഗി​ക്കാ​തി​രി​ക്കുക. ഉചിത​മായ അർഥം ഊന്നി​പ്പ​റ​യ​ലും ഉച്ചനീ​ച​ത്വ​വും സംഭാ​ഷ​ണത്തെ അർഥവ​ത്തും നിറപ്പ​കി​ട്ടു​ള്ള​തും നവോൻമേ​ഷ​പ്ര​ദ​വു​മാ​ക്കു​ന്നു. ടെല​ഫോൺ സംഭാ​ഷണം നടത്തി​ക്കൊ​ണ്ടി​രി​ക്കു​മ്പോൾ ഭക്ഷണം കഴിക്കു​ന്നതു സംഭാഷണ ഗുണം മെച്ച​പ്പെ​ടു​ത്തു​ക​യോ നല്ല മര്യാ​ദകൾ പ്രതി​ഫ​ലി​പ്പി​ക്കു​ക​യോ ചെയ്യു​ന്നി​ല്ലെ​ന്നും ഓർമി​ക്കുക.

വാക്കു​ക​ളു​ടെ തിര​ഞ്ഞെ​ടു​പ്പും പരിഗ​ണ​നാർഹ​മാണ്‌. വിവേചന ആവശ്യ​മാണ്‌. വേഗം മനസ്സി​ലാ​കുന്ന സാധാരണ, ലളിത പദങ്ങൾ ഉപയോ​ഗി​ക്കുക. വാക്കു​കൾക്കു വ്യംഗ്യാർഥ​ങ്ങ​ളുണ്ട്‌. അവയ്‌ക്കു ദയയു​ള്ള​തോ ക്രൂര​മോ, ആശ്വാ​സ​ദാ​യ​ക​മോ പരുഷ​മോ, പ്രോ​ത്സാ​ഹ​ജ​ന​ക​മോ നിരാ​ശാ​ജ​ന​ക​മോ ആയിരി​ക്കാൻ കഴിയും. കൂടാതെ, ഒരുവനു വ്രണ​പ്പെ​ടു​ത്തു​ന്ന​വ​നാ​യി​രി​ക്കാ​തെ നർമ​ബോ​ധ​മു​ള്ള​വ​നും, നിർവി​കാ​ര​നോ പരുക്ക​നോ ആയിരി​ക്കാ​തെ തുറന്നു പറയു​ന്ന​വ​നും, ഒഴിഞ്ഞു​മാ​റു​ന്ന​വ​നാ​യി​രി​ക്കാ​തെ നയമു​ള്ള​വ​നും ആയിരി​ക്കാൻ കഴിയും. “ദയവായി” “നന്ദി” എന്നിങ്ങ​നെ​യുള്ള മര്യാ​ദ​യുള്ള പദപ്ര​യോ​ഗങ്ങൾ എല്ലായ്‌പോ​ഴും സ്വീകാ​ര്യ​മാണ്‌. “ഒരോ​രു​ത്ത​നോ​ടു നിങ്ങൾ എങ്ങനെ ഉത്തരം പറയേണം എന്നു അറി​യേ​ണ്ട​തി​ന്നു നിങ്ങളു​ടെ വാക്കു എപ്പോ​ഴും കൃപ​യോ​ടു​കൂ​ടി​യ​തും ഉപ്പിനാൽ രുചി​വ​രു​ത്തി​യ​തും ആയിരി​ക്കട്ടെ” എന്ന്‌ അപ്പോ​സ്‌ത​ല​നായ പൗലോസ്‌ എഴുതി​യ​പ്പോൾ അവന്റെ മനസ്സി​ലു​ണ്ടാ​യി​രു​ന്നത്‌ ദയയുള്ള, പരിഗ​ണ​ന​യുള്ള, ഇമ്പമുള്ള വാക്കു​ക​ളാ​യി​രു​ന്നു.—കൊ​ലൊ​സ്സ്യർ 4:6.

ഒരു നല്ല ശ്രോ​താ​വാ​യി​രി​ക്കുക

ഒരു നല്ല സംഭാ​ഷ​ണ​വി​ദ​ഗ്‌ധ​നാ​യി​രി​ക്കുന്ന​തി​ന്റെ രഹസ്യ​മെ​ന്താ​ണെന്നു തന്റെ പിതാ​വി​നോ​ടു ചോദിച്ച ഒരു യുവാ​വി​നെ​പ്പറ്റി ഒരു കഥയുണ്ട്‌. “എന്റെ മകനേ, ശ്രദ്ധി​ക്കുക” എന്നായി​രു​ന്നു മറുപടി. “ഞാൻ ശ്രദ്ധി​ക്കു​ന്നുണ്ട്‌. എന്നോടു കൂടുതൽ കാര്യങ്ങൾ പറയൂ,” യുവാവു പറഞ്ഞു. “ഇനി ഒന്നും പറയാ​നില്ല,” പിതാവു മറുപടി നൽകി. താത്‌പ​ര്യ​വും അനുക​മ്പ​യു​മുള്ള ഒരു ശ്രോ​താ​വാ​യി​രി​ക്കു​ന്ന​താണ്‌ നല്ല ടെല​ഫോൺ മര്യാ​ദ​ക​ളു​ടെ പാചക​ക്കു​റി​പ്പി​ലെ ഒരു പ്രധാന ചേരുവ.

ഒരു നിസ്സാര നിയമം ആചരി​ക്കു​ന്ന​തി​ലെ പരാജയം, ആളുകൾ നിങ്ങളെ ഒരു ടെല​ഫോൺ മുഷി​പ്പ​നാ​യി വീക്ഷി​ക്കു​ന്ന​തി​നി​ട​യാ​ക്കി​യേ​ക്കാം. ആ നിയമം ഏതാണ്‌? സംഭാ​ഷ​ണ​ത്തി​ന്റെ കുത്തക ഏറ്റെടു​ക്ക​രുത്‌. ഉദാഹ​ര​ണ​ത്തിന്‌, നിങ്ങൾ ഉൾപ്പെട്ട ഏതെങ്കി​ലു​മൊ​രു നിസ്സാ​ര​മായ സംഭാ​ഷ​ണ​ത്തെ​ക്കു​റി​ച്ചോ നിങ്ങൾക്കു​ണ്ടായ നിസ്സാ​ര​മായ ആരോ​ഗ്യ​പ്ര​ശ്‌ന​ങ്ങ​ളെ​ക്കു​റി​ച്ചോ നീട്ടി​പ്പി​ടി​ച്ചുള്ള, അവസാ​നി​ക്കാത്ത, പദാനു​പദ വിവരണം നടത്തു​ന്ന​തിൽ മുഴു​ക​രുത്‌. ഒരിക്കൽക്കൂ​ടി പ്രാ​യോ​ഗി​ക​വും സംക്ഷി​പ്‌ത​വു​മായ ഒരു ബൈബിൾ നിയമം നമുക്കുണ്ട്‌. ഈ പ്രാവ​ശ്യം അതു ശിഷ്യ​നായ യാക്കോ​ബിൽനി​ന്നാണ്‌, “ശ്രദ്ധി​ക്കാൻ വേഗത​യു​ള്ള​വ​രും സംസാ​രി​ക്കാൻ സാവകാ​ശ​മു​ള്ള​വ​രും ആയിരി​പ്പിൻ.”—യാക്കോബ്‌ 1:19, യെരു​ശ​ലേം ബൈബിൾ.

അവസാന പരിഗ​ണ​ന​കൾ

ടെല​ഫോൺ മര്യാ​ദ​ക​ളിൽ ഉൾപ്പെ​ടുന്ന അവസാ​നത്തെ രണ്ടു ചോദ്യ​ങ്ങ​ളി​ലേക്ക്‌ നമുക്കി​പ്പോൾ ശ്രദ്ധ തിരി​ക്കാം. ടെല​ഫോൺ ഉപയോ​ഗി​ക്കുന്ന രീതി​യെ​ക്കു​റിച്ച്‌ എന്തു പറയാൻ കഴിയും? സ്വീകാ​ര്യ​മ​ല്ലാത്ത ടെല​ഫോൺ വിളികൾ കൈകാ​ര്യം ചെയ്യു​ന്ന​തിൽ ചില മാർഗ​നിർദേ​ശങ്ങൾ നിർദേ​ശി​ക്ക​പ്പെ​ടു​ന്നു​ണ്ടോ?

ടെല​ഫോ​ണിൽ സംസാ​രി​ച്ചു​കൊ​ണ്ടി​രി​ക്കു​മ്പോൾ ലൈനി​ന്റെ മറ്റേ അറ്റത്തു​ള്ള​യാ​ളു​ടെ ശബ്ദം ഇടയ്‌ക്കി​ട​യ്‌ക്ക്‌ കുറഞ്ഞു​കു​റഞ്ഞു പോകു​ന്ന​താ​യി നിങ്ങൾ എപ്പോ​ഴെ​ങ്കി​ലും ശ്രദ്ധി​ച്ചി​ട്ടു​ണ്ടോ? മൗത്ത്‌പീസ്‌ നിങ്ങളു​ടെ ചുണ്ടു​ക​ളിൽനിന്ന്‌ ഏകദേശം രണ്ടു സെൻറി​മീ​റ്റർ അകലത്തിൽ പിടി​ച്ചു​കൊണ്ട്‌ അതി​ലേക്കു സംസാ​രി​ക്കു​ന്ന​കാ​ര്യം ഇതു നിങ്ങളെ ഓർമി​പ്പി​ക്കേ​ണ്ട​തുണ്ട്‌. കൂടാതെ, ചുറ്റു​പാ​ടു​മുള്ള ശബ്ദം നിയ​ന്ത്രി​ക്കു​ന്ന​തും മര്യാ​ദ​യാണ്‌. റോങ്‌ നമ്പർ ലഭിക്കു​ന്നത്‌ ഒഴിവാ​ക്കാ​നാ​യി നിങ്ങൾ ഫോൺവി​ളി​ക്കുന്ന സമയത്തു ശ്രദ്ധാ​പൂർവം ഡയൽ ചെയ്യുക; വിളി​ച്ചു​ക​ഴി​യു​മ്പോൾ റിസീവർ അതിന്റെ സ്ഥാനത്തു പതുക്കെ വയ്‌ക്കുക.

നിങ്ങൾ ശല്യക​ര​മായ ഫോൺവി​ളി​കൾക്കു വിധേ​യ​നാ​യി​ട്ടു​ണ്ടോ? അവ വർധി​ച്ചു​കൊ​ണ്ടി​രി​ക്കു​ന്ന​താ​യി കാണു​ന്നതു ദുഃഖ​ക​ര​മാണ്‌. മര്യാ​ദ​യി​ല്ലാ​ത്ത​തോ ശൃംഗാര ധ്വനി​യു​ള്ള​തോ അശ്ലീല​മോ ആയ ഭാഷ ഒരേ ഒരു പ്രതി​ക​ര​ണമേ അർഹി​ക്കു​ന്നു​ള്ളൂ—ഫോൺ വെച്ചു​ക​ള​യുക. (എഫെസ്യർ 5:3, 4 താരത​മ്യം ചെയ്യുക.) വിളി​ക്കു​ന്ന​യാൾ തന്നെത്തന്നെ തിരി​ച്ച​റി​യി​ക്കാൻ വിസമ്മ​തി​ക്കു​മ്പോ​ഴും ഇതുതന്നെ ചെയ്യാം. ഒരു ഫോൺവി​ളി​യെ​പ്പറ്റി സംശയം​തോ​ന്നാൻ നിങ്ങൾക്കു കാരണ​മു​ണ്ടെ​ങ്കിൽ “‘ആരാണു സംസാ​രി​ക്കു​ന്നത്‌?’ എന്ന്‌ ഒരു അപരി​ചിത ശബ്ദം ചോദി​ക്കു​ന്നെ​ങ്കിൽ ഉത്തരം പറയരു​തെ”ന്നും നിങ്ങളു​ടെ പദ്ധതികൾ ഒരു അപരി​ചി​ത​നു​മാ​യി ചർച്ച​ചെ​യ്യ​രു​തെ​ന്നും മെച്ചമാ​യി എഴുതു​ക​യും സംസാ​രി​ക്കു​ക​യും ചെയ്യുന്ന വിധം (ഇംഗ്ലീഷ്‌) എന്ന പ്രസി​ദ്ധീ​ക​രണം ശുപാർശ​ചെ​യ്യു​ന്നു.

നല്ല ടെല​ഫോൺ മര്യാ​ദകൾ നടപ്പി​ലാ​ക്കു​ന്നത്‌ ആത്യന്തി​ക​മായ നിയമ​ങ്ങ​ളു​ടെ​യോ നിയ​ന്ത്ര​ണ​ങ്ങ​ളു​ടെ​യോ ഒരു നീണ്ട പട്ടിക ആവശ്യ​മാ​ക്കി​ത്തീർക്കു​ന്നി​ല്ലെന്ന്‌ അറിയു​ന്നത്‌ എത്രയോ നല്ലതാണ്‌! മനുഷ്യ​രു​ടെ​യി​ട​യി​ലെ എല്ലാ ഇടപെ​ട​ലു​ക​ളും പോ​ലെ​തന്നെ, സന്തോ​ഷ​ക​ര​വും പ്രതി​ഫ​ല​ദാ​യ​ക​വു​മായ ബന്ധങ്ങളും ഉണ്ടാകു​ന്നതു സുവർണ നിയമം എന്നു സാധാ​ര​ണ​മാ​യി അറിയ​പ്പെ​ടു​ന്നതു ബാധക​മാ​ക്കു​ന്ന​തിൽനി​ന്നാണ്‌. “മനുഷ്യർ നിങ്ങൾക്കു ചെയ്യേണം എന്നു നിങ്ങൾ ഇച്ഛിക്കു​ന്നതു ഒക്കെയും നിങ്ങൾ അവർക്കും ചെയ്‌വിൻ” എന്ന്‌ യേശു​ക്രി​സ്‌തു പറഞ്ഞു. (മത്തായി 7:12) സംസാരം എന്ന ദാനം മനുഷ്യ​നു നൽകിയ ഒരുവനെ പ്രസാ​ദി​പ്പി​ക്കാ​നുള്ള ആഗ്രഹ​വും ക്രിസ്‌ത്യാ​നി​കൾക്കുണ്ട്‌. “എന്റെ പാറയും എന്റെ വീണ്ടെ​ടു​പ്പു​കാ​ര​നു​മായ യഹോവേ, എന്റെ വായിലെ വാക്കു​ക​ളും എന്റെ ഹൃദയ​ത്തി​ലെ ധ്യാന​വും നിനക്കു പ്രസാ​ദ​മാ​യി​രി​ക്കു​മാ​റാ​കട്ടെ” എന്നു സങ്കീർത്ത​ന​ക്കാ​രൻ പ്രാർഥി​ച്ചു.—സങ്കീർത്തനം 19:14.