ടെലി​ഫോൺ സാക്ഷീ​ക​രണം ഫലകര​മാ​യി നടത്താ​നാ​കും

1. നമ്മുടെ ശുശ്രൂ​ഷ​യിൽ ടെലി​ഫോൺ സാക്ഷീ​ക​രണം ഒരു പ്രധാന പങ്കുവ​ഹി​ച്ചേ​ക്കാ​വു​ന്നത്‌ എന്തു​കൊണ്ട്‌?

¹ നമ്മുടെ ശുശ്രൂ​ഷ​യിൽ ടെലി​ഫോൺ സാക്ഷീ​ക​രണം ഉൾപ്പെ​ടു​ത്തു​ന്ന​തി​നെ​ക്കു​റിച്ച്‌ ചിന്തി​ക്കേ​ണ്ടത്‌ എന്തു​കൊണ്ട്‌? രക്ഷനേ​ടാൻ ആവശ്യ​മായ പരിജ്ഞാ​നം മറ്റുള്ള​വർക്കു പകർന്നു​കൊ​ടു​ക്കാൻ കഴിയുന്ന മറ്റൊരു വിധമാ​ണിത്‌. (2 പത്രോ. 3:9) ദൈവ​രാ​ജ്യ സുവാർത്ത ഘോഷി​ക്കു​ന്ന​തി​നുള്ള മുഖ്യ​മാർഗം വീടു​തോ​റു​മുള്ള സാക്ഷീ​ക​ര​ണ​മാ​ണെ​ങ്കി​ലും വീട്ടിൽ കണ്ടെത്താൻ കഴിയാ​ത്ത​വ​രു​ടെ അടുത്ത്‌ സുവാർത്ത എത്തിക്കാൻ സാധ്യ​മായ എല്ലാ മാർഗ​ങ്ങ​ളും നാം സ്വീക​രി​ക്കും.—മത്താ. 24:14; ലൂക്കോ. 10:1-7; വെളി. 14:6.

2. ടെലി​ഫോൺ സാക്ഷീ​ക​രണം എങ്ങനെ​യാണ്‌ ക്രമീ​ക​രി​ച്ചി​രി​ക്കു​ന്നത്‌?

² ക്രമീ​ക​രി​ച്ചി​രി​ക്കുന്ന വിധം: വീടു​തോ​റു​മുള്ള ശുശ്രൂ​ഷ​യു​ടെ കാര്യ​ത്തി​ലെ​ന്ന​പോ​ലെ ടെലി​ഫോൺ സാക്ഷീ​ക​ര​ണ​ത്തി​നുള്ള പ്രദേ​ശ​വും പ്രസാ​ധ​കർക്ക്‌ നിയമി​ച്ചു​കൊ​ടു​ക്കു​ന്നു. ഒറ്റയ്‌ക്കോ അല്ലെങ്കിൽ രണ്ടോ മൂന്നോ പേർ ചേർന്നോ ടെലി​ഫോൺ സാക്ഷീ​ക​രണം നടത്താ​വു​ന്ന​താണ്‌. അനു​യോ​ജ്യ​മായ ശാന്തമായ ഒരിടം ഇതിനാ​യി തിര​ഞ്ഞെ​ടു​ക്കണം. ഒരു മേശയ്‌ക്ക​രു​കി​ലി​രുന്ന്‌, സാധാ​ര​ണ​ഗ​തി​യിൽ വീടു​തോ​റു​മുള്ള ശുശ്രൂ​ഷ​യ്‌ക്കാ​യി കരുതു​ന്ന​തെ​ല്ലാം സഹിതം ടെലി​ഫോൺ സാക്ഷീ​ക​രണം നടത്തു​ന്നത്‌ ഫലപ്ര​ദ​മാ​ണെന്ന്‌ പലരും കണ്ടെത്തി​യി​ട്ടുണ്ട്‌.

3. ടെലി​ഫോ​ണി​ലൂ​ടെ സാക്ഷീ​ക​രി​ക്കു​മ്പോൾ എന്തെല്ലാം കാര്യങ്ങൾ മനസ്സിൽപ്പി​ടി​ക്കണം?

³ ടെലി​ഫോ​ണി​ലൂ​ടെ എങ്ങനെ സാക്ഷീ​ക​രി​ക്കാം? ടെലി​ഫോ​ണി​ലൂ​ടെ സാക്ഷീ​ക​രി​ക്കു​മ്പോൾ നമ്മുടെ അവതരണം സംഭാ​ഷ​ണ​ശൈ​ലി​യിൽ ആയിരി​ക്കണം. ഇക്കാര്യ​ത്തിൽ പരിച​യ​ക്കു​റ​വു​ള്ളവർ ഒരു അവതരണം എഴുതി​വെച്ച്‌ വായി​ച്ചേ​ക്കാം; എന്നാൽ അത്‌ സംഭാ​ഷ​ണ​ശൈ​ലി​യിൽ ആയിരി​ക്കണം എന്നുമാ​ത്രം. ന്യായ​വാ​ദം പുസ്‌തകം, നമ്മുടെ രാജ്യ ശുശ്രൂഷ, സത്യം—അത്‌ അറിയാൻ നിങ്ങൾ ആഗ്രഹി​ക്കു​ന്നു​വോ? എന്ന ലഘുലേഖ എന്നിവ​യി​ലുള്ള മുഖവു​രകൾ ഉപയോ​ഗി​ക്കാ​വു​ന്ന​താണ്‌. സ്വന്തമാ​യി അവതരണം തയ്യാറാ​കു​മ്പോൾ ഒരു വിഷയം തിര​ഞ്ഞെ​ടു​ക്കുക, അതി​നോ​ടു ബന്ധപ്പെട്ട ഒരു ചോദ്യ​വും അതിന്‌ ഉത്തരം നൽകുന്ന ഏതാനും തിരു​വെ​ഴു​ത്തു​ക​ളും കണ്ടെത്തുക. സംഭാ​ഷണം തുടര​ണ​മോ എന്നു തീരു​മാ​നി​ക്കു​ന്ന​തി​നാ​യി വ്യക്തി​യു​ടെ മറുപടി നന്നായി ശ്രദ്ധി​ക്കുക. വീടു​തോ​റും പോകു​മ്പോൾ സമർപ്പി​ക്കുന്ന അതേ പ്രസി​ദ്ധീ​ക​ര​ണങ്ങൾ സാധാ​ര​ണ​ഗ​തി​യിൽ ഫോണി​ലൂ​ടെ പരിച​യ​പ്പെ​ടു​ത്താ​നാ​കും. പിൻവ​രുന്ന ഓർമി​പ്പി​ക്ക​ലു​കൾ മനസ്സിൽപ്പി​ടി​ക്കുക: ഭയംകൂ​ടാ​തെ സാവധാ​നം സംസാ​രി​ക്കുക. ആദര​വോ​ടും ക്ഷമയോ​ടും സൗഹൃ​ദ​ഭാ​വ​ത്തി​ലും ആയിരി​ക്കണം സംസാ​രി​ക്കു​ന്നത്‌; ഫോണി​ലൂ​ടെ​യാ​ണെ​ങ്കി​ലും വീട്ടു​കാ​രന്‌ അത്‌ മനസ്സി​ലാ​ക്കാ​നാ​കും. അദ്ദേഹം പറയു​ന്നത്‌ ശ്രദ്ധി​ച്ചു​കേൾക്കുക, അദ്ദേഹ​ത്തി​ന്റെ അഭി​പ്രാ​യത്തെ മാനി​ക്കുക. സംഭാ​വ​നാ​ക്ര​മീ​ക​ര​ണത്തെ ടെലി​ഫോ​ണി​ലൂ​ടെ​യുള്ള പണപ്പി​രി​വാ​യി തെറ്റി​ദ്ധ​രി​ച്ചേ​ക്കാ​വു​ന്ന​തി​നാൽ അതേക്കു​റി​ച്ചു പറയരുത്‌. വീട്ടു​കാ​രന്‌ താത്‌പ​ര്യ​മി​ല്ലെന്നു മനസ്സി​ലാ​യാൽ നയപൂർവം സംഭാ​ഷണം അവസാ​നി​പ്പി​ക്കുക.

4. നമ്മുടെ നിയമിത പ്രദേ​ശത്ത്‌ സാക്ഷ്യം നൽകു​ന്ന​തിൽ ടെലി​ഫോൺ സാക്ഷീ​ക​രണം എന്തു പങ്കുവ​ഹി​ക്കു​ന്നു?

⁴ ടെലി​ഫോ​ണി​ലൂ​ടെ നിങ്ങൾ സംസാ​രി​ക്കു​ന്നത്‌, രോഗ​മോ മറ്റോ നിമിത്തം പുറത്തി​റ​ങ്ങാൻ പറ്റാത്ത ഒരാ​ളോ​ടോ ജോലി​നി​മി​ത്തം വീടു​തോ​റു​മുള്ള വേലയിൽ കണ്ടുമു​ട്ടാൻ സാധ്യ​ത​യി​ല്ലാത്ത ഒരാ​ളോ​ടോ ആയിരി​ക്കാം. പ്രവേ​ശനം നിയ​ന്ത്രി​ച്ചി​രി​ക്കുന്ന അപ്പാർട്ടു​മെ​ന്റു​ക​ളി​ലോ ഹൗസിങ്‌ കോം​പ്ല​ക്‌സു​ക​ളി​ലോ താമസി​ക്കു​ന്ന​വ​രാ​യി​രി​ക്കാം മറ്റു ചിലർ. അതു​കൊണ്ട്‌, ശുശ്രൂഷ സമഗ്ര​മാ​യി നിർവ​ഹി​ക്കു​ന്ന​തിന്‌ ടെലി​ഫോൺ സാക്ഷീ​ക​രണം നമുക്ക്‌ ഫലകര​മാ​യി ഉപയോ​ഗി​ക്കാം.