ചോദ്യ​പ്പെ​ട്ടി

◼ ടെലി​ഫോ​ണി​ലൂ​ടെ സാക്ഷീ​ക​രി​ക്കു​മ്പോൾ സംഭാവന ക്രമീ​ക​ര​ണത്തെ കുറിച്ച്‌ പറയേ​ണ്ട​തു​ണ്ടോ?

വ്യക്തി​കളെ നേരിൽ കണ്ട്‌ സാക്ഷ്യം നൽകു​മ്പോൾ, യഹോ​വ​യു​ടെ സാക്ഷി​ക​ളു​ടെ ലോക​വ്യാ​പക ബൈബിൾ വിദ്യാ​ഭ്യാ​സ വേല മുഴു​വ​നാ​യും സ്വമേ​ധയാ സംഭാ​വ​ന​ക​ളാ​ലാണ്‌ പിന്തു​ണ​യ്‌ക്ക​പ്പെ​ടു​ന്നത്‌ എന്നും അത്തരം സംഭാ​വ​നകൾ സ്വീക​രി​ക്കാൻ നമ്മൾ സന്തോ​ഷ​മു​ള്ള​വ​രാ​ണെ​ന്നും പറയുക സാധ്യ​മാ​യി​രു​ന്നേ​ക്കാം. എന്നിരു​ന്നാ​ലും, ടെലി​ഫോ​ണി​ലൂ​ടെ സാക്ഷീ​ക​രി​ക്കു​മ്പോൾ സംഭാ​വ​ന​കളെ കുറി​ച്ചോ സംഭാവന ക്രമീ​ക​ര​ണത്തെ കുറി​ച്ചോ യാതൊ​ന്നും പരാമർശി​ക്ക​രുത്‌. കാരണം, അത്‌ ടെലി​ഫോ​ണി​ലൂ​ടെ​യുള്ള ഒരുതരം പണാഭ്യർഥ​ന​യാ​യി വ്യാഖ്യാ​നി​ക്ക​പ്പെ​ട്ടേ​ക്കാം. യഹോ​വ​യു​ടെ സാക്ഷി​ക​ളു​ടെ ശുശ്രൂഷ യാതൊ​രു പ്രകാ​ര​ത്തി​ലും വാണി​ജ്യ​പ​രമല്ല.—2 കൊരി. 2:17, പി.ഒ.സി. ബൈബിൾ.

◼ നാം ടെലി​ഫോ​ണി​ലൂ​ടെ സാക്ഷീ​ക​രി​ക്കു​മ്പോൾ, യഹോ​വ​യു​ടെ സാക്ഷികൾ മേലാൽ തനിക്ക്‌ ഫോൺചെ​യ്യ​രു​തെന്ന്‌ ഒരു വ്യക്തി പറയു​ന്നെ​ങ്കിൽ എന്തു ചെയ്യണം?

ആ വ്യക്തി​യു​ടെ താത്‌പ​ര്യ​ങ്ങളെ നാം മാനി​ക്കണം. പ്രസാ​ധകർ ഭാവി​യിൽ ആ നമ്പരിൽ വിളി​ക്കു​ന്നത്‌ ഒഴിവാ​ക്കാൻ ആ വ്യക്തി​യു​ടെ പേരെ​ഴു​തിയ ഒരു കുറിപ്പ്‌, തീയതി രേഖ​പ്പെ​ടു​ത്തി ടെറി​ട്ടറി എൻവല​പ്പിൽ വെക്കണം. ഫോൺ ചെയ്യരുത്‌ എന്ന്‌ ആവശ്യ​പ്പെട്ട ആളുക​ളു​ടെ പട്ടിക വർഷത്തിൽ ഒരിക്കൽ പുനഃ​പ​രി​ശോ​ധി​ക്കുക. അവരുടെ ഇപ്പോ​ഴത്തെ മനോ​ഭാ​വം എന്താണ്‌ എന്ന്‌ കണ്ടുപി​ടി​ക്കു​ന്ന​തി​നാ​യി അവരു​മാ​യി ബന്ധപ്പെ​ടാൻ സേവന മേൽവി​ചാ​ര​കന്റെ മാർഗ​നിർദേ​ശ​ത്തിൻ കീഴിൽ അനുഭവ പരിച​യ​മുള്ള, നയപൂർവം ഇടപെ​ടുന്ന പ്രസാ​ധ​കരെ നിയമി​ക്കാൻ കഴിയും.—1998 മേയ്‌ ലക്കം നമ്മുടെ രാജ്യ ശുശ്രൂ​ഷ​യി​ലെ ചോദ്യ​പ്പെട്ടി കാണുക.