നല്ല ശീലങ്ങൾ നട്ടുവ​ളർത്തുക, സമൃദ്ധ​മായ അനു​ഗ്ര​ഹങ്ങൾ കൊയ്യുക

1. നിങ്ങളു​ടെ ആത്മീയ ദിനചര്യ പരി​ശോ​ധി​ക്കു​ന്നതു പ്രയോ​ജ​ന​ക​ര​മാ​യി​രി​ക്കു​ന്നത്‌ എന്തു​കൊണ്ട്‌?

¹ ക്രിസ്‌ത്യാനിയായിത്തീർന്ന സമയത്ത്‌, ബൈബിൾ പഠനവും ക്രിസ്‌തീയ യോഗ​ങ്ങ​ളും വയൽശു​ശ്രൂ​ഷ​യും പ്രാർഥ​ന​യു​മൊ​ക്കെ ഉൾപ്പെട്ട വളരെ നല്ല ഒരു ആത്മീയ ദിനച​ര്യ​യോ​ടു പറ്റിനിൽക്കാൻ നിങ്ങൾ ഏറെ ശ്രമി​ച്ചി​ട്ടു​ണ്ടാ​കണം. അത്തരം ശ്രമങ്ങളെ യഹോവ അനു​ഗ്ര​ഹി​ച്ച​തി​ന്റെ ഫലമായി നിങ്ങൾ നല്ല ആത്മീയ പുരോ​ഗതി പ്രാപി​ച്ചു. നിങ്ങൾ സ്‌നാ​പ​ന​മേ​റ്റിട്ട്‌ ഇപ്പോൾ പല വർഷങ്ങൾ കഴിഞ്ഞി​ട്ടു​ണ്ടാ​കാം. ക്രിസ്‌തീയ ജീവി​ത​ത്തി​ന്റെ പ്രാരം​ഭ​നാ​ളു​ക​ളിൽ വളർത്തി​യെ​ടുത്ത ആ നല്ല ആത്മീയ ശീലങ്ങൾ ഇപ്പോ​ഴും നിങ്ങൾക്കു​ണ്ടോ?

2. ദൈനം​ദിന ബൈബിൾ വായന നമുക്ക്‌ എങ്ങനെ പ്രയോ​ജനം ചെയ്യുന്നു?

² ദിനചര്യ പരി​ശോ​ധി​ച്ചു നോക്കുക: ദിവസ​വും ദൈവ​വ​ച​ന​ത്തി​ലെ ഒരു ഭാഗം വായി​ക്കു​ക​യെ​ന്നതു നിങ്ങളു​ടെ ശീലമാ​ണോ? അങ്ങനെ ചെയ്യു​ന്ന​തി​ലൂ​ടെ എത്ര സമൃദ്ധ​മായ അനു​ഗ്ര​ഹ​ങ്ങ​ളാ​ണു നാം കൊയ്യു​ന്നത്‌! (യോശു. 1:8; സങ്കീ. 1:2, 3) പുരാതന ഇസ്രാ​യേ​ലി​ലെ ഓരോ രാജാ​വും “തന്റെ ആയുഷ്‌കാ​ലം ഒക്കെയും” ന്യായ​പ്ര​മാ​ണ​ത്തി​ന്റെ സ്വന്തം പ്രതി​യിൽനി​ന്നു വായി​ക്ക​ണ​മാ​യി​രു​ന്നു. അതിന്റെ പ്രയോ​ജ​നങ്ങൾ എന്തായി​രു​ന്നു? രാജാവ്‌ താഴ്‌മ​യുള്ള ഹൃദയ​മു​ള്ള​വ​നാ​യി​ത്തീ​രു​ക​യും യഹോ​വ​യു​ടെ കൽപ്പനകൾ ലംഘി​ക്കാ​തി​രി​ക്കേ​ണ്ട​തിന്‌ അവനെ ഭയപ്പെ​ടാൻ പഠിക്കു​ക​യും ചെയ്യു​മാ​യി​രു​ന്നു. (ആവ. 17:18-20) സമാന​മാ​യി, ദുഷ്ടത​യും വക്രത​യും നിറഞ്ഞ ഈ ലോക​ത്തിൽ അനിന്ദ്യ​രും നിഷ്‌ക​ള​ങ്ക​രു​മാ​യി നില​കൊ​ള്ളാൻ ദൈനം​ദിന ബൈബിൾ വായന നമ്മെ സഹായി​ക്കും. ശുശ്രൂഷ നിവർത്തി​ക്കാൻ പൂർണ സജ്ജരാ​യി​ത്തീ​രാ​നും അതു നമ്മെ സഹായി​ക്കു​ന്നു.—ഫിലി. 2:14; 2 തിമൊ. 3:16.

3. യോഗ​ങ്ങ​ളിൽ ക്രമമാ​യി സംബന്ധി​ക്കു​ന്ന​തി​ലൂ​ടെ നാം എന്തെല്ലാം അനു​ഗ്ര​ഹങ്ങൾ കൊയ്യു​ന്നു?

³ തിരുവെഴുത്തുകൾ ചർച്ച​ചെ​യ്യ​പ്പെ​ട്ടി​രുന്ന സിന​ഗോ​ഗിൽ പോകു​ന്നത്‌ യേശു​വി​ന്റെ ശീലമാ​യി​രു​ന്നു. (ലൂക്കൊ. 4:16) പിന്നീടു സഹി​ക്കേ​ണ്ടി​യി​രുന്ന പരി​ശോ​ധ​നകൾ നേരി​ടാൻ അതവനെ ശക്തീക​രി​ച്ചു​വെ​ന്ന​തി​നു സംശയ​മില്ല. സഭാ​യോ​ഗ​ങ്ങ​ളി​ലെ ആത്മീയ പ്രബോ​ധ​ന​വും പരിപു​ഷ്ടി​പ്പെ​ടു​ത്തുന്ന ‘പ്രോ​ത്സാ​ഹ​ന​ക്കൈ​മാ​റ്റ​വും’ നമ്മെയും ശക്തരാ​ക്കു​ന്നു. (റോമ. 1:12, NW) ഈ അന്ത്യനാ​ളു​ക​ളി​ലെ ബുദ്ധി​മു​ട്ടു​കൾ സഹിച്ചു​നിൽക്കാൻ സഹോ​ദ​ര​ങ്ങ​ളോ​ടൊ​പ്പ​മുള്ള കൂടി​വ​രവ്‌ നമ്മെ സഹായി​ക്കു​ന്നു. (എബ്രാ. 10:24, 25) എല്ലാ യോഗ​ങ്ങ​ളി​ലും സംബന്ധി​ക്കു​ന്നത്‌ ഇപ്പോ​ഴും നിങ്ങളു​ടെ ശീലമാ​ണോ?

4. ഓരോ ആഴ്‌ച​യി​ലും വയൽസേ​വ​ന​ത്തിൽ ഏർപ്പെ​ടു​ന്നത്‌ നമുക്ക്‌ എങ്ങനെ പ്രയോ​ജനം ചെയ്യുന്നു?

⁴ അപ്പൊസ്‌തലന്മാർ “ദിന​മ്പ്രതി ദൈവാ​ല​യ​ത്തി​ലും വീടു​തോ​റും” സുവാർത്ത പ്രസം​ഗി​ക്കു​ന്ന​തിൽ ഏർപ്പെ​ട്ടു​വെന്ന്‌ ബൈബിൾ നമ്മോടു പറയുന്നു. (പ്രവൃ. 5:42) ദിവസ​വും സുവാർത്താ പ്രസം​ഗ​ത്തിൽ ഏർപ്പെ​ടാൻ നമുക്കു കഴിയാ​തി​രു​ന്നേ​ക്കാ​മെ​ങ്കി​ലും, എല്ലാ ആഴ്‌ച​യി​ലും ഏതെങ്കി​ലു​മൊ​രു വിധത്തിൽ ശുശ്രൂ​ഷ​യിൽ പങ്കെടു​ക്കു​ക​യെ​ന്നത്‌ ഒരു ശീലമാ​ക്കാൻ നമുക്കു കഴിയു​മോ? അങ്ങനെ ചെയ്യു​മ്പോൾ, ദൈവ​വ​ചനം കൈകാ​ര്യം ചെയ്യു​ന്ന​തിൽ നാം കൂടുതൽ വൈദ​ഗ്‌ധ്യ​മു​ള്ള​വ​രാ​യി​ത്തീ​രും. കൂടാതെ, മറ്റുള്ള​വ​രു​മാ​യി ബൈബിൾ സത്യം പങ്കു​വെ​ക്കു​മ്പോൾ പ്രോ​ത്സാ​ഹ​ജ​ന​ക​മായ അനുഭ​വ​ങ്ങ​ളും നമുക്കു​ണ്ടാ​യേ​ക്കാം.

5. യഹോ​വ​യോ​ടു ക്രമമാ​യി പ്രാർഥി​ക്കു​ന്നതു സുപ്ര​ധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁵ ക്രമമായി പ്രാർഥി​ക്കുന്ന ശീലമു​ണ്ടാ​യി​രുന്ന ദാനീ​യേൽ പ്രവാ​ചകൻ ജീവി​ത​ത്തി​ലു​ട​നീ​ളം “ഇടവി​ടാ​തെ” യഹോ​വയെ സേവിച്ചു. അതിന്റെ ഫലമായി അവൻ സമൃദ്ധ​മാ​യി അനു​ഗ്ര​ഹി​ക്ക​പ്പെ​ടു​ക​യും ചെയ്‌തു. (ദാനീ. 6:10, 16, 20) സമാന​മാ​യി, ഹൃദയം​ഗ​മ​മായ പ്രാർഥ​ന​യിൽ ക്രമമാ​യി നാം യഹോ​വ​യി​ലേക്കു തിരി​യു​മ്പോൾ അവൻ പരിശു​ദ്ധാ​ത്മാ​വി​നെ നൽകി നമ്മെ അനു​ഗ്ര​ഹി​ക്കും. (ലൂക്കൊ. 11:9-13) തന്നെയു​മല്ല, പ്രാർഥ​ന​യ്‌ക്കുള്ള പ്രതി​ക​ര​ണ​മെന്ന നിലയിൽ അവൻ നമ്മോട്‌ അടുത്തു​വ​രു​ക​യും ചെയ്യും. അങ്ങനെ അവനു​മാ​യി ഒരു ഉറ്റബന്ധം ആസ്വദി​ക്കാൻ അവൻ നമുക്ക്‌ അവസരം തുറന്നു​ത​രു​ന്നു. (സങ്കീ. 25:14; യാക്കോ. 4:8) എത്ര മഹത്തായ പ്രതി​ഫലം! അതു​കൊണ്ട്‌ നമു​ക്കെ​ല്ലാം, നല്ല ആത്മീയ ദിനച​ര്യ​യു​ള്ള​വ​രാ​യി​രി​ക്കാൻ കഠിന​മാ​യി യത്‌നി​ക്കു​ക​യും യഹോ​വ​യിൽനി​ന്നുള്ള സമൃദ്ധ​മായ അനു​ഗ്ര​ഹങ്ങൾ കൊയ്യു​ക​യും ചെയ്യാം.