വെളി​പാട്‌ —അതിന്റെ മഹത്തായ പാരമ്യം സമീപി​ച്ചി​രി​ക്കു​ന്നു!

¹ “ഈ പ്രവച​ന​ത്തി​ന്റെ വാക്കു​കളെ വായിച്ചു കേൾപ്പി​ക്കു​ന്ന​വ​നും കേൾക്കു​ന്ന​വ​രും അതിൽ എഴുതി​യി​രി​ക്കു​ന്നതു പ്രമാ​ണി​ക്കു​ന്ന​വ​രും ഭാഗ്യ​വാ​ന്മാർ; സമയം അടുത്തി​രി​ക്കു​ന്നു.” (വെളി. 1:3) ഈ വാക്കുകൾ ബൈബി​ളി​ലെ വെളി​പ്പാ​ടു പുസ്‌ത​ക​ത്തി​ന്റെ മൂല്യം എടുത്തു​കാ​ണി​ക്കു​ന്നു. ഇതിലെ അനേകം പ്രവച​ന​ങ്ങ​ളു​ടെ നിവൃ​ത്തി​ക്കാ​യി നിശ്ചയി​ക്ക​പ്പെ​ട്ടി​രി​ക്കുന്ന കാലത്തു നാം ജീവി​ക്കു​ന്ന​തി​നാൽ വിശേ​ഷാൽ ഇതു നമുക്കു മൂല്യ​വ​ത്താണ്‌. അതു​കൊ​ണ്ടു​തന്നെ, 2007 ജനുവരി 8-ന്‌ ആരംഭി​ക്കുന്ന വാരം മുതൽ പുസ്‌ത​കാ​ധ്യ​യ​ന​ത്തിൽ വെളി​പാട്‌—അതിന്റെ മഹത്തായ പാരമ്യം സമീപി​ച്ചി​രി​ക്കു​ന്നു! പുസ്‌തകം നാം പഠിക്കു​ന്ന​താ​യി​രി​ക്കും.

² വെളിപാട്‌—അതിന്റെ മഹത്തായ പാരമ്യം സമീപി​ച്ചി​രി​ക്കു​ന്നു! പുസ്‌തകം നാം കഴിഞ്ഞ പ്രാവ​ശ്യം പുസ്‌ത​കാ​ധ്യ​യ​ന​ത്തിൽ പഠിച്ച​തി​നു​ശേഷം ലോക​ത്തി​ന്റെ രൂപം പല വിധങ്ങ​ളിൽ മാറി​യി​രി​ക്കു​ന്നു. (1 കൊരി. 7:31) മാത്രമല്ല, സുവാർത്താ​ഘോ​ഷ​ക​രു​ടെ അണിക​ളി​ലേക്കു ചേർന്നി​രി​ക്കുന്ന അനേക​രും ബൈബി​ളി​ലെ വെളി​പ്പാ​ടു പുസ്‌ത​ക​ത്തി​ന്റെ വാക്യാ​നു​വാ​ക്യ പരിചി​ന്ത​ന​ത്തിൽനി​ന്നു പ്രയോ​ജനം നേടി​യി​ട്ടില്ല. ഭാവി​യിൽ നടക്കാ​നി​രി​ക്കുന്ന കാര്യങ്ങൾ സംബന്ധിച്ച്‌ ഉണർവു​ള്ള​വ​രാ​യി​രി​ക്കാൻ നമ്മെ​യെ​ല്ലാ​വ​രെ​യും വെളി​പാട്‌—അതിന്റെ മഹത്തായ പാരമ്യം സമീപി​ച്ചി​രി​ക്കു​ന്നു! പുസ്‌ത​ക​ത്തി​ന്റെ പഠനം സഹായി​ക്കണം.—വെളി. 16:15.

³ ഓരോ ആഴ്‌ച​യി​ലെ​യും അധ്യയ​ന​ത്തിന്‌ ഹാജരാ​കാൻ ദൃഢനി​ശ്ചയം ചെയ്യുക. ജാഗരൂ​കർ ആയിരി​ക്കാൻ പഠനഭാ​ഗം നമ്മെ സഹായി​ക്കും എന്നതിനു സംശയ​മില്ല. മാത്രമല്ല, ഏഴു സഭകൾക്ക്‌ യേശു​വിൽനി​ന്നു ലഭിച്ച സന്ദേശങ്ങൾ നമ്മുടെ ആത്മീയ​ത​യെ​യും ശുശ്രൂ​ഷ​യി​ലെ പങ്കി​നെ​യും വിപരീ​ത​മാ​യി ബാധി​ച്ചേ​ക്കാ​വുന്ന സാഹച​ര്യ​ങ്ങ​ളെ​യും ചുറ്റു​പാ​ടു​ക​ളെ​യും ഒഴിവാ​ക്കു​ന്ന​തി​നു നമ്മെ സഹായി​ക്കും.—വെളി. 1:11, 19.

⁴ നന്നായി തയ്യാറാ​കുക: ഓരോ അധ്യയ​ന​ത്തി​നും മുമ്പ്‌, പരിചി​ന്തി​ക്കുന്ന ഭാഗം ബൈബി​ളിൽനി​ന്നു വായി​ക്കുക. ഈ വാക്യ​ങ്ങ​ളു​ടെ വിശദീ​ക​ര​ണ​ത്തി​നാ​യി നൽകി​യി​രി​ക്കുന്ന തിരു​വെ​ഴു​ത്ത​ധി​ഷ്‌ഠിത ന്യായ​വാ​ദങ്ങൾ ശ്രദ്ധി​ക്കുക. നിങ്ങളെ പ്രചോ​ദി​പ്പി​ക്കും​വി​ധം മുഖ്യാ​ശ​യങ്ങൾ മനസ്സി​ലാ​ക്കാൻ ശ്രമി​ക്കുക (നെഹെ. 8:8, 12) ധ്യാനി​ക്കു​ന്ന​തി​നും പിൻവ​രു​ന്ന​പ്ര​കാ​രം ചോദി​ക്കു​ന്ന​തി​നും സമയ​മെ​ടു​ക്കുക: ‘യഹോ​വ​യെ​ക്കു​റി​ച്ചും അവന്റെ ഉദ്ദേശ്യ സാക്ഷാ​ത്‌ക​ര​ണ​ത്തെ​ക്കു​റി​ച്ചും ഇത്‌ എന്നോട്‌ എന്താണു പറയു​ന്നത്‌? അവന്റെ ഉദ്ദേശ്യ​ത്തി​നു ചേർച്ച​യിൽ പ്രവർത്തി​ക്കാ​നും മറ്റുള്ള​വരെ സഹായി​ക്കാ​നും എനി​ക്കെ​ങ്ങനെ കഴിയും?’

⁵ 1914-ൽ ആരംഭിച്ച ‘കർത്തൃ​ദി​വസം’ ഇപ്പോൾ 92 വർഷങ്ങൾ പിന്നി​ട്ടി​രി​ക്കു​ന്നു. (വെളി. 1:10) വെളി​പ്പാ​ടു പുസ്‌ത​ക​ത്തിൽ മുൻകൂ​ട്ടി​പ്പ​റ​ഞ്ഞി​രി​ക്കുന്ന ഭീതി​ദ​മായ കാര്യങ്ങൾ പെട്ടെ​ന്നു​തന്നെ സംഭവി​ക്കാ​നി​രി​ക്കു​ക​യാണ്‌. വെളി​പാട്‌—അതിന്റെ മഹത്തായ പാരമ്യം സമീപി​ച്ചി​രി​ക്കു​ന്നു! പുസ്‌ത​ക​ത്തി​ന്റെ പഠനം നമ്മുടെ മനസ്സി​നും ഹൃദയ​ത്തി​നും നവോ​ന്മേഷം പകരു​ക​യും “സർവ്വശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധ”വും പുതിയ ലോക​വും സമീപി​ച്ചി​രി​ക്കു​ന്നു എന്ന നമ്മുടെ വിശ്വാ​സത്തെ സുദൃ​ഢ​മാ​ക്കു​ക​യും ചെയ്യും.—വെളി. 16:14; 21:4, 5.