കുറ​ച്ചെ​ങ്കി​ലും താത്‌പ​ര്യം കാണി​ക്കു​ന്ന​വ​രു​ടെ അടുത്ത്‌ മടങ്ങി​ച്ചെ​ല്ലു​ക

¹ നമ്മിൽ പലരും ഇന്നു സത്യത്തി​ലാ​യി​രി​ക്കു​ന്നത്‌, രാജ്യ​സ​ന്ദേ​ശ​ത്തോ​ടുള്ള നമ്മുടെ അനുകൂല പ്രതി​ക​രണം ശ്രദ്ധി​ച്ചിട്ട്‌ അത്‌ വളർത്തി​യെ​ടു​ക്കാൻ വേണ്ടി ആരെങ്കി​ലും നമ്മുടെ അടു​ത്തേക്കു ക്ഷമാപൂർവം മടങ്ങി​വ​ന്ന​തു​കൊ​ണ്ടല്ലേ, ഒരുപക്ഷേ പലതവണ? അതു​പോ​ലെ, കുറ​ച്ചെ​ങ്കി​ലും താത്‌പ​ര്യം കാണി​ക്കു​ന്ന​വ​രു​ടെ അടുത്ത്‌ നാം ഉറപ്പായി മടങ്ങി​ച്ചെ​ല്ലണം. തീർച്ച​യാ​യും, ‘ശിഷ്യ​രാ​ക്കാ​നുള്ള’ നിയോ​ഗ​ത്തിൽ മടക്കസ​ന്ദർശ​ന​വും ഉൾപ്പെ​ടു​ന്നുണ്ട്‌.—മത്താ. 28:19, 20.

² താത്‌പര്യം തിരി​ച്ച​റി​യുക: ഒരാൾ സാഹി​ത്യം സ്വീക​രി​ക്കു​ന്നി​ല്ലെ​ങ്കിൽപ്പോ​ലും, മുഖഭാ​വ​വും സംസാ​ര​രീ​തി​യും വാക്കു​ക​ളു​മൊ​ക്കെ അദ്ദേഹ​ത്തി​നു രാജ്യ​സ​ന്ദേ​ശ​ത്തോ​ടുള്ള താത്‌പ​ര്യം വെളി​വാ​ക്കി​യേ​ക്കാം. അതിന്റെ അടിസ്ഥാ​ന​ത്തിൽ നമുക്കു മടക്കസ​ന്ദർശനം നടത്താ​നാ​കും. സാഹി​ത്യ​മൊ​ന്നും സ്വീക​രി​ക്കാ​തി​രുന്ന ഒരു വ്യക്തിക്ക്‌ ഒരു സഹോ​ദരൻ തുടർച്ച​യായ അഞ്ച്‌ ആഴ്‌ച​ക​ളിൽ മടക്കസ​ന്ദർശനം നടത്തി. ആറാമത്തെ ആഴ്‌ച അദ്ദേഹം സാഹി​ത്യം സ്വീക​രി​ച്ചു, ഒടുവിൽ ഒരു ബൈബി​ള​ധ്യ​യനം ആരംഭി​ക്കു​ക​യും ചെയ്‌തു.

³ താത്‌പര്യം കണ്ടാൽ, കൃത്യ​മാ​യി മടങ്ങി​ച്ചെ​ല്ലുക, ഒരുപക്ഷേ ഏതാനും ദിവസ​ങ്ങൾക്കു​ള്ളിൽ. ആ വ്യക്തി​യു​ടെ ഹൃദയ​ത്തിൽ വിതയ്‌ക്ക​പ്പെ​ട്ടത്‌ എടുത്തു​ക​ള​യാൻ ‘ദുഷ്ടന്‌’ ഒരവസരം കൊടു​ക്ക​രുത്‌. (മത്താ. 13:19) ഒരു ക്ലിപ്‌ത സമയത്തു മടങ്ങി​ച്ചെ​ല്ലു​മെന്നു പറഞ്ഞാൽ ആ വാക്കു പാലി​ക്കുക.—മത്താ. 5:37.

⁴ തെരുവു സാക്ഷീ​ക​ര​ണ​ത്തിൽ: തെരുവു സാക്ഷീ​ക​ര​ണ​ത്തി​ലും അനൗപ​ചാ​രിക സാക്ഷീ​ക​ര​ണ​ത്തി​ലും കണ്ടെത്തുന്ന താത്‌പ​ര്യം പിന്തു​ട​രാൻ നിങ്ങൾ ശ്രമി​ക്കാ​റു​ണ്ടോ? സംഭാ​ഷ​ണ​ത്തി​ന്റെ ഒടുവിൽ ഒരുപക്ഷേ നിങ്ങൾക്ക്‌ ഇങ്ങനെ പറയാൻ സാധി​ക്കും: “താങ്ക​ളോ​ടു സംസാ​രി​ക്കാൻ കഴിഞ്ഞ​തിൽ സന്തോഷം. വീണ്ടും സംസാ​രി​ക്ക​ണ​മെന്ന്‌ എനിക്ക്‌ ആഗ്രഹ​മുണ്ട്‌. നമുക്ക്‌ എവിടെ കാണാൻ കഴിയും?” അനു​യോ​ജ്യ സന്ദർഭ​ങ്ങ​ളിൽ, ചില പ്രസാ​ധകർ തങ്ങളുടെ ഫോൺനമ്പർ താത്‌പ​ര്യ​ക്കാർക്കു കൊടു​ക്കാ​റുണ്ട്‌, അല്ലെങ്കിൽ ഫോൺന​മ്പ​രു​കൾ അന്യോ​ന്യം കൈമാ​റാൻ സാധി​ക്കു​മോ എന്നു ചോദി​ക്കാ​റുണ്ട്‌. തെരുവു സാക്ഷീ​ക​ര​ണ​ത്തിൽ നിങ്ങളെ ക്രമമാ​യി ഒരു പ്രത്യേ​ക​സ്ഥ​ലത്ത്‌ കാണാ​റു​ണ്ടെ​ങ്കിൽ ഫോൺന​മ്പ​രോ അഡ്രസ്സോ തരാൻ അവർ മടികാ​ണി​ച്ചേ​ക്കില്ല. ഇനി അഥവാ അവ തരാൻ വിമുഖത കാണി​ച്ചാൽപ്പോ​ലും, അടുത്ത​തവണ അവരെ തെരു​വിൽ കണ്ടുമു​ട്ടു​മ്പോൾ അവരുടെ താത്‌പ​ര്യം വളർത്താൻ നിങ്ങൾക്കു ശ്രമി​ക്കാ​വു​ന്ന​താണ്‌.

⁵ നാം വെള്ള​മൊ​ഴിച്ച്‌ വളർത്തുന്ന ചെടികൾ തഴച്ചു​വ​ള​രു​ന്നത്‌ നമുക്കു സന്തോഷം കൈവ​രു​ത്തും. അതു​പോ​ലെ മടക്കസ​ന്ദർശ​നങ്ങൾ നടത്തി ആത്മീയ​മാ​യി പുരോ​ഗ​മി​ക്കാൻ ആളുകളെ സഹായി​ക്കു​ന്നത്‌ വളരെ​യ​ധി​കം സന്തോ​ഷ​മു​ള​വാ​ക്കുന്ന കാര്യ​മാണ്‌. (1 കൊരി. 3:6) കുറ​ച്ചെ​ങ്കി​ലും താത്‌പ​ര്യം കാണി​ക്കു​ന്ന​വ​രു​ടെ അടുക്കൽ മടങ്ങി​ച്ചെ​ല്ലു​മെ​ന്നു​ള്ളതു നിങ്ങളു​ടെ തീരു​മാ​ന​മാ​യി​രി​ക്കട്ടെ.