ശുശ്രൂ​ഷ​യിൽ ക്രിസ്‌തു​വി​നെ അനുക​രി​ക്കു​ക

¹ നമുക്ക്‌ അനുക​രി​ക്കാ​നാ​യി ശുശ്രൂ​ഷ​യിൽ യേശു നല്ലൊരു മാതൃ​ക​വെച്ചു. ദൈവ​ത്തോ​ടും മനുഷ്യ​രോ​ടു​മുള്ള ആഴമായ സ്‌നേഹം നിരവധി സന്ദർഭ​ങ്ങ​ളി​ലും വിധങ്ങ​ളി​ലും അവൻ പ്രകട​മാ​ക്കി. അവൻ സൗമ്യരെ സത്യം പഠിപ്പി​ക്കു​ക​യും സ്‌നേ​ഹ​പൂർവം പല ദയാ​പ്ര​വൃ​ത്തി​ക​ളും ചെയ്‌തു​കൊണ്ട്‌ ക്ലേശി​ത​രെ​യും പീഡി​ത​രെ​യും സഹായി​ക്കു​ക​യും ചെയ്‌തു.—മത്താ. 9:35.

² യേശുവിന്റെ മാതൃ​ക​യും ഉപദേ​ശ​ങ്ങ​ളും: രാഷ്‌ട്രീയ കാര്യാ​ദി​ക​ളിൽ ഏർപ്പെ​ട്ടു​കൊ​ണ്ടോ സമൂഹ​ത്തി​ന്റെ ഉന്നമന​ത്തി​നാ​യുള്ള മനുഷ്യ​ക്ഷേമ പ്രവർത്ത​ന​ങ്ങ​ളിൽ മുഴു​കി​ക്കൊ​ണ്ടോ യേശു തന്റെ ലക്ഷ്യത്തിൽനി​ന്നു വ്യതി​ച​ലി​ച്ചില്ല. സദു​ദ്ദേ​ശ്യ​ത്തോ​ടെ​യുള്ള മറ്റേ​തെ​ങ്കി​ലും പ്രവർത്ത​ന​ങ്ങ​ളും തന്റെ മുഖ്യ​വേ​ല​യെ​ക്കാൾ പ്രാധാ​ന്യ​മു​ള്ള​താ​യി​ത്തീ​രാൻ അവൻ അനുവ​ദി​ച്ചില്ല. (ലൂക്കൊ. 8:1) മനുഷ്യ​വർഗ​ത്തി​ന്റെ പ്രശ്‌ന​ങ്ങൾക്കുള്ള നിലനിൽക്കുന്ന ഏക പരിഹാ​രം ദൈവ​രാ​ജ്യ​മാ​ണെന്ന സുവാർത്ത പ്രസം​ഗി​ക്കു​ന്ന​തിൽ അവൻ ശ്രദ്ധ​കേ​ന്ദ്രീ​ക​രി​ച്ചു. യേശു​വി​നു പ്രധാ​ന​പ്പെട്ട ഒരു വേലയാ​ണു ചെയ്യാ​നു​ണ്ടാ​യി​രു​ന്നത്‌, അതിനുള്ള സമയം പരിമി​ത​വു​മാ​യി​രു​ന്നു. യേശു തങ്ങളോ​ടൊ​പ്പം കുറെ​ക്കാ​ലം​കൂ​ടെ ഉണ്ടായി​രു​ന്നെ​ങ്കി​ലെന്ന്‌ കഫർന്ന​ഹൂ​മി​ലു​ള്ളവർ ആഗ്രഹി​ച്ചെ​ങ്കി​ലും അവൻ ശിഷ്യ​ന്മാ​രോട്‌ ഇങ്ങനെ പറഞ്ഞു: “ഞാൻ അടുത്ത ഊരു​ക​ളി​ലും പ്രസം​ഗി​ക്കേ​ണ്ട​തി​നു നാം അവി​ടേക്കു പോക; ഇതിന്നാ​യി​ട്ട​ല്ലോ ഞാൻ പുറ​പ്പെട്ടു വന്നിരി​ക്കു​ന്നത്‌.”—മർക്കൊ. 1:38.

³ ശിഷ്യന്മാർക്കു പരിശീ​ലനം നൽകി​യ​ശേഷം “സ്വർഗ്ഗ​രാ​ജ്യം സമീപി​ച്ചി​രി​ക്കു​ന്നു എന്നു ഘോഷി​പ്പിൻ” എന്ന വ്യക്തമായ നിർദേശം കൊടു​ത്തു​കൊണ്ട്‌ യേശു അവരെ പറഞ്ഞയച്ചു. (മത്താ. 10:7) രാജ്യ​താ​ത്‌പ​ര്യ​ങ്ങൾക്കു ജീവി​ത​ത്തിൽ പ്രഥമ​സ്ഥാ​നം നൽകണ​മെന്ന്‌ അവൻ തന്റെ അനുഗാ​മി​കളെ പഠിപ്പി​ച്ചു. (മത്താ. 6:33) സ്വർഗാ​രോ​ഹ​ണ​ത്തി​നു തൊട്ടു​മു​മ്പുള്ള അവന്റെ വാക്കുകൾ, ശിഷ്യ​ന്മാർ ചെയ്യേ​ണ്ടി​യി​രു​ന്നത്‌ എന്താ​ണെന്നു വ്യക്തമാ​ക്കി. “ആകയാൽ നിങ്ങൾ പുറ​പ്പെട്ടു, . . . സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ,” അവൻ പറഞ്ഞു.—മത്താ. 28:19, 20.

⁴ ദൈവരാജ്യത്തിന്റെ പ്രാധാ​ന്യം: യേശു​വി​ന്റെ മുഖ്യ ചർച്ചാ​വി​ഷയം ദൈവ​രാ​ജ്യ​മാ​യി​രു​ന്നു; ആ മാതൃക പിൻപ​റ്റാൻ അവൻ ശിഷ്യ​ന്മാ​രെ ഉദ്‌ബോ​ധി​പ്പി​ക്കു​ക​യും ചെയ്‌തു. പ്രശ്‌നങ്ങൾ പരിഹ​രി​ക്കാ​നുള്ള മനുഷ്യ​ശ്ര​മ​ങ്ങൾക്കു വിജയി​ക്കാ​നാ​വില്ല. (യിരെ. 10:23) ദൈവ​നാ​മം വിശു​ദ്ധീ​ക​രി​ക്കാ​നും മനുഷ്യ​വർഗ​ത്തി​നു നിലനിൽക്കുന്ന ആശ്വാസം കൈവ​രു​ത്താ​നും ദൈവ​രാ​ജ്യ​ത്തി​നു മാത്രമേ കഴിയൂ. (മത്താ. 6:9, 10) “സകല​മ്ലേ​ച്ഛ​ത​ക​ളും​നി​മി​ത്തം നെടു​വീർപ്പി​ട്ടു കരയുന്ന” ആളുകളെ രാജ്യ​സ​ത്യ​ങ്ങൾ പഠിപ്പി​ക്കു​ന്നത്‌, ഇപ്പോൾ സന്തുഷ്ട​വും വിജയ​പ്ര​ദ​വു​മായ ഒരു ജീവിതം നയിക്കാ​നും ആശ്രയ​യോ​ഗ്യ​വും സുനി​ശ്ചി​ത​വു​മായ ഒരു ഭാവി പ്രത്യാശ ഉണ്ടായി​രി​ക്കാ​നും അവരെ സഹായി​ക്കും.—യെഹെ. 9:4.

⁵ ദൈവരാജ്യത്തിന്റെ സുവാർത്താ പ്രസം​ഗ​ത്തിൽ യേശു ഇപ്പോ​ഴും സജീവ​പങ്കു വഹിക്കു​ന്നു, അക്കാര്യ​ത്തിൽ തന്റെ പിന്തു​ണ​യു​ണ്ടെന്നു നമുക്ക്‌ ഉറപ്പു​നൽകു​ക​യും ചെയ്യുന്നു. (മത്താ. 28:20) നമ്മുടെ ശുശ്രൂഷ യേശു നമുക്കാ​യി വെച്ച മാതൃ​ക​യു​മാ​യി എത്ര​ത്തോ​ളം യോജി​പ്പി​ലാണ്‌? (1 പത്രൊ. 2:21) ശുശ്രൂ​ഷ​യിൽ അവൻ വെച്ച മാതൃ​ക​യോട്‌ അടുത്തു​പ​റ്റി​നിൽക്കാൻ നിർണാ​യ​ക​മായ ഈ അന്ത്യനാ​ളു​ക​ളിൽ നമുക്കു കഴിവി​ന്റെ പരമാ​വധി പ്രവർത്തി​ക്കാം!