“എന്റെ ഓർമ്മെ​ക്കാ​യി ഇതു ചെയ്‌വിൻ”

യേശുവിന്റെ മരണത്തി​ന്റെ സ്‌മാ​ര​കാ​ച​രണം ഏപ്രിൽ 2-ന്‌

1. 2007 ഏപ്രിൽ 2-ന്റെ പ്രാധാ​ന്യ​മെന്ത്‌?

¹ യേശുവിന്റെ ബലിമ​ര​ണ​ത്തി​ന്റെ സ്‌മാ​ര​കാ​ച​ര​ണ​ത്തി​നാ​യി 2007 ഏപ്രിൽ 2-ന്‌ ലോക​വ്യാ​പ​ക​മാ​യി ദശലക്ഷ​ക്ക​ണ​ക്കി​നാ​ളു​കൾ കൂടി​വ​രും. തന്റെ സ്വർഗീയ പിതാ​വി​ന്റെ പരമാ​ധി​കാ​രത്തെ പിന്തു​ണ​ച്ച​തി​നാ​ലാണ്‌ യേശു മരിച്ചത്‌. അങ്ങനെ, മനുഷ്യർ ദൈവത്തെ സേവി​ക്കു​ന്നത്‌ സ്വാർഥ​ല​ക്ഷ്യ​ങ്ങ​ളാൽ മാത്ര​മാ​ണെന്ന പിശാ​ചായ സാത്താന്റെ ആരോ​പണം വ്യാജ​മാ​ണെന്ന്‌ അവൻ തെളി​യി​ച്ചു. (ഇയ്യോ. 2:1-5) മാത്രമല്ല, പാപര​ഹി​ത​നും പൂർണ​നു​മായ ഒരു മനുഷ്യ​നെന്ന നിലയിൽ മരിച്ച​തി​ലൂ​ടെ യേശു “അനേകർക്കു വേണ്ടി തന്റെ ജീവനെ മറുവി​ല​യാ​യി കൊടു”ത്തുവെന്ന്‌ കർത്താ​വി​ന്റെ സന്ധ്യാ​ഭ​ക്ഷണം നമ്മെ ഓർമി​പ്പി​ക്കു​ന്നു. (മത്താ. 20:28) അതു​കൊണ്ട്‌ യേശു തന്റെ ശിഷ്യ​ന്മാ​രോ​ടു ഇപ്രകാ​രം കൽപ്പിച്ചു: “എന്റെ ഓർമ്മെ​ക്കാ​യി ഇതു ചെയ്‌വിൻ” (ലൂക്കൊസ്‌ 22:19) സ്‌നേ​ഹ​ത്തി​ന്റെ ആ അതി​ശ്രേഷ്‌ഠ പ്രകടനം സ്‌മരി​ക്കു​ന്ന​തി​നാ​യി ഒരുങ്ങി​ത്തു​ട​ങ്ങാൻ ദൈവ​ത്തി​ന്റെ ഈ അമൂല്യ ദാന​ത്തോ​ടുള്ള വിലമ​തിപ്പ്‌ നിങ്ങളെ പ്രേരി​പ്പി​ച്ചി​രി​ക്കു​ന്നു​വോ?—യോഹ. 3:16.

2. സ്‌മാ​ര​കാ​ച​ര​ണ​ത്തി​നാ​യി നമുക്ക്‌ എങ്ങനെ മനസ്സിനെ ഒരുക്കാം?

² നിങ്ങളുടെ മനസ്സിനെ ഒരുക്കുക: ഈ സ്‌മാ​ര​കാ​ച​ര​ണ​ത്തി​നാ​യി നമ്മുടെ മനസ്സിനെ ഒരുക്കാൻ, യേശു​വി​ന്റെ ഭൗമിക ജീവി​ത​ത്തി​ന്റെ അവസാന ദിനങ്ങ​ളിൽ നടന്ന സംഭവങ്ങൾ പരിചി​ന്തി​ക്കു​ന്നതു സഹായ​ക​മാ​കും. (എസ്രാ 7:10) ഇക്കാര്യ​ത്തിൽ നമ്മെ സഹായി​ക്കാൻ, തിരു​വെ​ഴു​ത്തു​കൾ ദൈനം​ദി​നം പരി​ശോ​ധി​ക്കൽ—2007-ലും കലണ്ടർ—2007-ലും ഒരു പ്രത്യേക ബൈബിൾ വായനാ പട്ടിക നൽകി​യി​ട്ടുണ്ട്‌. യേശു​വി​ന്റെ മരണ​ത്തോ​ട​നു​ബ​ന്ധിച്ച്‌ ഓരോ ദിവസ​വും നടന്ന സംഭവങ്ങൾ ഇന്ന്‌ നാം ഉപയോ​ഗി​ക്കുന്ന കലണ്ടറു​മാ​യി പരമാ​വധി ഒത്തുവ​രും വിധമാണ്‌ ഈ പട്ടിക ക്രമീ​ക​രി​ച്ചി​രി​ക്കു​ന്നത്‌. ബൈബിൾ വിവര​ണ​ത്തിൽ കാണുന്ന തീയതി​യും ദിവസ​വും യഹൂദ കലണ്ടർ അനുസ​രി​ച്ചു​ള്ള​താണ്‌. അതിൻപ്ര​കാ​രം സൂര്യാ​സ്‌ത​മയം മുതൽ സൂര്യാ​സ്‌ത​മയം വരെ ആയിരു​ന്നു ഒരു ദിവസം. ഈ വ്യത്യാ​സം കണക്കി​ലെ​ടു​ത്തു​കൊ​ണ്ടാണ്‌ ബൈബിൾ വായനാ പട്ടിക തയ്യാറാ​ക്കി​യി​രി​ക്കു​ന്നത്‌. വായനാ ഭാഗത്തെ വിവരങ്ങൾ വിശക​ലനം ചെയ്യു​ന്ന​തും ദൈവ​സ്‌നേ​ഹ​ത്തി​ന്റെ ആഴത്തെ​ക്കു​റി​ച്ചു പ്രാർഥ​നാ​പൂർവം ധ്യാനി​ക്കു​ന്ന​തും സ്‌മാ​ര​കാ​ച​ര​ണ​ത്തിൽനി​ന്നു പൂർണ പ്രയോ​ജനം നേടാൻ നമ്മെ സഹായി​ക്കും.

3. സ്‌മാ​ര​കാ​ച​ര​ണ​ത്തിൽനി​ന്നു പ്രയോ​ജനം അനുഭ​വി​ക്കാൻ താത്‌പ​ര്യ​ക്കാ​രെ​യും നിഷ്‌ക്രി​യ​രെ​യും നമു​ക്കെ​ങ്ങനെ സഹായി​ക്കാം?

³ ഹാജരാകാൻ മറ്റുള്ള​വരെ ക്ഷണിക്കുക: ഈ സുപ്ര​ധാന ആചരണ​ത്തിൽ സംബന്ധി​ക്കാൻ ആളുകളെ ക്ഷണിക്കു​ന്ന​തി​നുള്ള ഒരു പ്രത്യേക പരിപാ​ടി​യെ​ക്കു​റിച്ച്‌ ഫെബ്രു​വ​രി​യി​ലെ നമ്മുടെ രാജ്യ ശുശ്രൂ​ഷ​യു​ടെ അനുബന്ധം പ്രസ്‌താ​വി​ച്ചി​രു​ന്നു. ഈ പ്രത്യേക പരിപാ​ടി​യിൽ ഒരു നല്ല പങ്കുണ്ടാ​യി​രി​ക്കാൻ ആവശ്യ​മായ ക്രമീ​ക​ര​ണങ്ങൾ നിങ്ങൾ ചെയ്‌തി​ട്ടു​ണ്ടോ? ക്ഷണിക്കാൻ ആഗ്രഹി​ക്കുന്ന വ്യക്തി​ക​ളു​ടെ ഒരു പട്ടിക തയ്യാറാ​ക്കി​യോ? അവരെ ക്ഷണിച്ചു​തു​ട​ങ്ങി​യോ? നിങ്ങൾ ക്ഷണിച്ച​വ​രെ​യും മറ്റു താത്‌പ​ര്യ​ക്കാ​രെ​യും സ്വാഗതം ചെയ്യാ​നാ​യി സ്‌മാ​ര​ക​ത്തിന്‌ മുന്ന​മേ​തന്നെ എത്തി​ച്ചേ​രു​ന്ന​തി​നു ക്രമീ​ക​രണം ചെയ്യുക. ഒരുപക്ഷേ, അവരോ​ടൊ​പ്പം ഇരിക്കാ​നും അവർക്കു ബൈബി​ളും പാട്ടു​പു​സ്‌ത​ക​വും കാണി​ച്ചു​കൊ​ടു​ക്കാ​നും നിങ്ങൾക്കു കഴിയും. സഭയിലെ മറ്റുള്ള​വരെ പരിച​യ​പ്പെ​ടു​ത്തുക. അവരുടെ ചോദ്യ​ങ്ങൾക്ക്‌ ഉത്തരം നൽകാൻ പരിപാ​ടി​ക്കു ശേഷം നിങ്ങൾ അവിടെ ഉണ്ടായി​രി​ക്കുക. ഏപ്രിൽ 15-ന്‌ നടത്ത​പ്പെ​ടുന്ന പ്രത്യേക പരസ്യ പ്രസം​ഗ​ത്തിന്‌ അവരെ ക്ഷണിക്കുക. നമ്മോ​ടൊ​പ്പം സഹവസി​ച്ചി​രുന്ന, എന്നാൽ പിന്നീടു നിഷ്‌ക്രി​യ​രാ​യി​പ്പോ​യ​വരെ സ്‌മാ​ര​കാ​ച​ര​ണ​ത്തി​നും പ്രത്യേക പരസ്യ പ്രസം​ഗ​ത്തി​നും ക്ഷണിക്കു​ന്നു​വെന്ന്‌ പ്രത്യേ​കാൽ മൂപ്പന്മാർ ഉറപ്പു​വ​രു​ത്തും.

4. സ്‌മാ​ര​കാ​ചരണ ശേഷം ആത്മീയ​മാ​യി പുരോ​ഗ​മി​ച്ചു​കൊ​ണ്ടേ​യി​രി​ക്കാൻ നമുക്ക്‌ ആളുകളെ എങ്ങനെ സഹായി​ക്കാ​നാ​കും?

⁴ നിഷ്‌ക്രിയരെയും പുതിയ താത്‌പ​ര്യ​ക്കാ​രെ​യും പുരോ​ഗ​മി​ക്കാൻ സഹായി​ക്കുക: സ്‌മാരക പ്രസം​ഗകൻ ബൈബി​ള​ധ്യ​യന ക്രമീ​ക​ര​ണ​ത്തെ​ക്കു​റി​ച്ചു ചെറി​യൊ​രു വിശദീ​ക​രണം നൽകു​ക​യും യഹോ​വ​യെ​പ്പ​റ്റി​യുള്ള പരിജ്ഞാ​നം നേടു​ന്ന​തിൽ തുടരാൻ പുതിയ താത്‌പ​ര്യ​ക്കാ​രെ പ്രോ​ത്സാ​പ്പി​ക്കു​ക​യും ചെയ്യും. പ്രസം​ഗ​കന്റെ ഈ വാക്കു​കളെ അടിസ്ഥാ​ന​പ്പെ​ടു​ത്തി, സ്‌മാ​ര​ക​ത്തി​നു ക്ഷണിച്ച​വർക്കു കൂടു​ത​ലായ ആത്മീയ സഹായം നൽകാൻ നിങ്ങൾക്കു കഴിയും. അവർ ഇപ്പോൾ ബൈബിൾ പഠിക്കു​ന്നി​ല്ലെ​ങ്കിൽ താമസം​വി​നാ അവരെ സന്ദർശിച്ച്‌ ബൈബി​ള​ധ്യ​യനം പ്രകടി​പ്പി​ച്ചു കാണി​ക്കുക. ആത്മീയ പുരോ​ഗതി കൈവ​രി​ക്കു​ന്ന​തിന്‌ അവർ സഭാ​യോ​ഗ​ങ്ങ​ളി​ലും സംബന്ധി​ക്കേ​ണ്ടി​യി​രി​ക്കു​ന്നു. (എബ്രാ. 10:24, 25) ഇതു മനസ്സിൽ പിടി​ച്ചു​കൊണ്ട്‌ ക്രമമാ​യി യോഗ​ങ്ങൾക്കു ഹാജരാ​കാൻ അവരെ പ്രോ​ത്സാ​ഹി​പ്പി​ക്കുക. പ്രസം​ഗ​ത്തിൽ അവതരി​പ്പിച്ച വിവര​ങ്ങ​ളോ​ടു വിലമ​തി​പ്പു വളർത്തി​യെ​ടു​ക്കാ​നാ​യി, സ്‌മാ​ര​ക​ത്തി​നു ഹാജരായ നിഷ്‌ക്രി​യരെ സന്ദർശി​ക്കാൻ മൂപ്പന്മാർ ക്രമീ​ക​രി​ക്കും. സഭയോ​ടൊ​പ്പ​മുള്ള പ്രവർത്തനം പുനരാ​രം​ഭി​ക്കാൻ ഇത്‌ അവരെ പ്രോ​ത്സാ​ഹി​പ്പി​ച്ചേ​ക്കാം.

5. സ്‌മാ​ര​കാ​ച​രണം നമ്മിൽ എന്തു ഫലമു​ള​വാ​ക്കി​യേ​ക്കാം?

⁵ യഹോവയും യേശു​വും നമുക്കാ​യി ചെയ്‌തി​രി​ക്കു​ന്ന​തി​നെ​ക്കു​റിച്ച്‌ സഗൗരവം ധ്യാനി​ക്കാ​നുള്ള ഒരു അവസര​മാണ്‌ സ്‌മാ​ര​കാ​ച​രണം. അത്തരം ധ്യാനം അവരോ​ടുള്ള നമ്മുടെ സ്‌നേഹം വർധി​പ്പി​ക്കും, നമ്മുടെ പെരു​മാ​റ്റത്തെ അത്‌ സ്വാധീ​നി​ക്കു​ക​യും ചെയ്യും. (2 കൊരി. 5:14, 15; 1 യോഹ. 4:11) ‘കർത്താ​വി​ന്റെ മരണത്തെ പ്രസ്‌താ​വി​ക്കുന്ന’ ഈ സുപ്ര​ധാന വേളയ്‌ക്കാ​യി നമുക്ക്‌ ഇപ്പോഴേ തയ്യാ​റെ​ടു​പ്പു​കൾ തുടങ്ങാം, താത്‌പ​ര്യ​ക്കാ​രെ​യും അതിനാ​യി പ്രോ​ത്സാ​ഹി​പ്പി​ക്കാം.—1 കൊരി. 11:26.