“പരീക്ഷ സഹിക്കുന്ന മനുഷ്യൻ സന്തുഷ്ടൻ”

¹ എല്ലാ ക്രിസ്‌ത്യാ​നി​ക​ളും പരീക്ഷകൾ നേരി​ടേ​ണ്ടി​യി​രി​ക്കു​ന്നു. (2 തിമൊ. 3:12) അവ അനാ​രോ​ഗ്യം, സാമ്പത്തിക പ്രതി​സന്ധി, പ്രലോ​ഭനം, പീഡനം എന്നിവ​യോ മറ്റെ​ന്തെ​ങ്കി​ലു​മോ ആയിരി​ക്കാം. നമ്മെ മന്ദീഭ​വി​പ്പി​ക്കു​ന്ന​തി​നോ നാം നമ്മുടെ ക്രിസ്‌തീയ ശുശ്രൂഷ അവഗണി​ക്കു​ന്ന​തി​നോ ദൈവ​സേ​വ​ന​ത്തിൽനി​ന്നു നമ്മെ പിന്തി​രി​പ്പി​ക്കു​ന്ന​തി​നോ വേണ്ടി മെന​ഞ്ഞെ​ടു​ത്ത​വ​യാണ്‌ സാത്താൻ കൊണ്ടു​വ​രുന്ന പരീക്ഷകൾ. (ഇയ്യോ. 1:9-11) പരീക്ഷ സഹിക്കു​ന്നത്‌ സന്തോ​ഷ​ത്തി​നി​ട​യാ​ക്കു​ന്നത്‌ എങ്ങനെ​യാണ്‌?—2 പത്രൊ. 2:9

² പരീക്ഷയ്‌ക്കു സജ്ജരാ​കുക: യേശു​വി​ന്റെ ജീവച​രി​ത്ര​വും പഠിപ്പി​ക്ക​ലും അടങ്ങുന്ന തന്റെ സത്യവ​ചനം യഹോവ നമുക്കു നൽകി​യി​രി​ക്കു​ന്നു. യേശു​വി​ന്റെ മൊഴി​കൾ കേട്ടനു​സ​രി​ക്കു​ന്ന​പക്ഷം ഒരു ദൃഢമായ അടിസ്ഥാ​ന​മി​ട്ടു​കൊണ്ട്‌ പരീക്ഷകൾ നേരി​ടാൻ നാം സജ്ജരാ​യി​ത്തീ​രും. (ലൂക്കൊ. 6:47-49) ക്രിസ്‌തീയ സഹോ​ദ​രങ്ങൾ, സഭാ​യോ​ഗങ്ങൾ, വിശ്വ​സ്‌ത​നും വിവേ​കി​യു​മായ അടിമ പ്രദാനം ചെയ്യുന്ന ബൈബി​ള​ധി​ഷ്‌ഠിത പ്രസി​ദ്ധീ​ക​ര​ണങ്ങൾ എന്നിവ​യും നമ്മെ ബലപ്പെ​ടു​ത്താ​നുള്ള കരുത​ലു​ക​ളാണ്‌. പ്രാർഥ​ന​യെന്ന ദിവ്യ​ദാ​ന​വും നമുക്ക്‌ കൂടെ​ക്കൂ​ടെ പ്രയോ​ജ​ന​പ്പെ​ടു​ത്താ​നാ​കും.—മത്താ. 6:13.

³ യഹോവ നമുക്ക്‌ ഒരു പ്രത്യാ​ശ​യും നൽകി​യി​രി​ക്കു​ന്നു. അവന്റെ വാഗ്‌ദാ​ന​ങ്ങ​ളിൽ നാം ശക്തമായ വിശ്വാ​സം വളർത്തി​യെ​ടു​ക്കു​മ്പോൾ “ഈ പ്രത്യാശ നമ്മുടെ ആത്മാവി​ന്റെ സുനി​ശ്ചി​ത​വും അചഞ്ചല​വു​മായ നങ്കൂര”മായി​ത്തീ​രു​ന്നു. (എബ്രാ. 6:19, ഓശാന ബൈബിൾ) ബൈബിൾ കാലങ്ങ​ളിൽ, കടൽ ശാന്തമാ​യി​രി​ക്കു​മ്പോൾ പോലും നങ്കൂര​മി​ല്ലാ​തെ ഒരു കപ്പലും യാത്ര പുറ​പ്പെ​ടു​മാ​യി​രു​ന്നില്ല. കടൽ പെട്ടെന്നു പ്രക്ഷു​ബ്ധ​മാ​യാൽ നങ്കൂര​മി​റ​ക്കി​ക്കൊണ്ട്‌, കപ്പൽ പാറ​ക്കെ​ട്ടു​ക​ളിൽ ചെന്നി​ടി​ക്കു​ന്നതു തടയാ​നാ​കു​മാ​യി​രു​ന്നു. സമാന​മാ​യി, ഇപ്പോൾ ദൈവ​ത്തി​ന്റെ വാഗ്‌ദാ​ന​ങ്ങ​ളിൽ വിശ്വാ​സം വളർത്തി​യെ​ടു​ക്കു​ന്നത്‌ പ്രക്ഷുബ്ധ സാഹച​ര്യ​ങ്ങ​ളിൽ ഉറച്ചു​നിൽക്കാൻ നമ്മെ സഹായി​ക്കും. ക്ഷണനേ​ര​ത്തിൽ പ്രതി​സ​ന്ധി​കൾ ഉയർന്നു​വ​ന്നേ​ക്കാം. പൗലൊ​സി​ന്റെ​യും ബർന്നബാ​സി​ന്റെ​യും പ്രസംഗം ലുസ്‌ത്ര​യി​ലു​ള്ളവർ ആദ്യം സന്തോ​ഷ​ത്തോ​ടെ കേട്ടെ​ങ്കി​ലും യഹൂദ എതിരാ​ളി​കൾ വന്നതോ​ടെ സാഹച​ര്യം പെട്ടെന്നു വഷളായി.—പ്രവൃ. 14:8-19.

⁴ സഹിഷ്‌ണുത സന്തോഷം കൈവ​രു​ത്തു​ന്നു: എതിർപ്പി​ന്മ​ധ്യെ​യും ശുശ്രൂ​ഷ​യിൽ ഉറച്ചു​നിൽക്കു​ന്നത്‌ മനസ്സമാ​ധാ​നം നൽകുന്നു. ക്രിസ്‌തു​വി​നു​വേണ്ടി നിന്ദ സഹിക്കാൻ യോഗ്യ​രാ​യി എണ്ണപ്പെ​ടു​ന്ന​തിൽ നാം സന്തോ​ഷി​ക്കു​ന്നു. (പ്രവൃ. 5:40, 41) പരീക്ഷ സഹിക്കു​ന്ന​തി​ലൂ​ടെ താഴ്‌മ, അനുസ​രണം, സഹിഷ്‌ണുത എന്നീ ഗുണങ്ങ​ളിൽ നാം തികവു​റ്റ​വ​രാ​യി​ത്തീ​രും. (ആവ. 8:16; എബ്രാ. 5:8; യാക്കോ. 1:2, 3) യഹോ​വ​യിൽ ആശ്രയി​ക്കാ​നും അവന്റെ വാഗ്‌ദാ​ന​ങ്ങ​ളിൽ വിശ്വാ​സം അർപ്പി​ക്കാ​നും അവനെ സങ്കേത​മാ​ക്കാ​നും പരീക്ഷ​ക​ളി​ലൂ​ടെ നാം പഠിക്കു​ന്നു.—സദൃ. 18:10.

⁵ പരീക്ഷകൾ താത്‌കാ​ലി​ക​മാ​ണെന്നു നമുക്ക​റി​യാം. (2 കൊരി. 4:17, 18) യഹോ​വ​യോ​ടു നമുക്ക്‌ എത്ര​ത്തോ​ളം സ്‌നേ​ഹ​മു​ണ്ടെന്നു തെളി​യി​ക്കാൻ, പരീക്ഷി​ക്ക​പ്പെ​ടു​മ്പോൾ നമുക്ക്‌ അവസരം ലഭിക്കു​ന്നു. സാത്താന്റെ ആരോ​പ​ണ​ങ്ങൾക്ക്‌ ഉത്തരം നൽകാ​നും ഇതു നമ്മെ സഹായി​ക്കു​ന്നു. അതു​കൊണ്ട്‌, നാം മടുത്തു പിന്മാ​റില്ല! “പരീക്ഷ സഹിക്കുന്ന മനുഷ്യൻ ഭാഗ്യ​വാൻ [“സന്തുഷ്ടൻ,” NW]; അവൻ കൊള്ളാ​കു​ന്ന​വ​നാ​യി തെളിഞ്ഞ ശേഷം . . . ജീവകി​രീ​ടം പ്രാപി​ക്കും.”— യാക്കോ. 1:12.