നമുക്കുള്ള പദവികൾ നാം വിലമ​തി​ക്കു​ന്നു!

¹ മനുഷ്യ ചരി​ത്ര​ത്തി​ലു​ട​നീ​ളം യഹോവ തന്റെ ദാസന്മാർക്കു പലവിധ പദവികൾ നൽകി​യ​തി​ന്റെ ദൃഷ്ടാ​ന്തങ്ങൾ കാണാ​നാ​കും. അവരുടെ ലിംഗ​മോ പ്രായ​മോ നിലയോ ഗണ്യമാ​ക്കാ​തെ​യാണ്‌ അവൻ അത്തരം അനു​ഗ്ര​ഹ​ങ്ങ​ളും വരങ്ങളു​മൊ​ക്കെ നൽകി​യി​ട്ടു​ള്ളത്‌. (ലൂക്കൊ. 1:41, 42; പ്രവൃ. 7:46; ഫിലി. 1:29) ഇന്ന്‌ എന്തെല്ലാം പദവി​ക​ളാണ്‌ അവൻ നമുക്കു നൽകു​ന്നത്‌?

² പദവികളിൽ ചിലത്‌: യഹോ​വ​യാൽ പഠിപ്പി​ക്ക​പ്പെ​ടു​ന്ന​തി​നുള്ള പദവി നമുക്കുണ്ട്‌. (മത്താ. 13:11, 14) സഭാ​യോ​ഗ​ങ്ങ​ളിൽ യഹോ​വയെ സ്‌തു​തി​ക്കുന്ന പദവി​യും നാം ആസ്വദി​ക്കു​ന്നു. (സങ്കീ. 35:18) അവസരം ലഭിക്കു​മ്പോൾ നാം ഉത്സാഹ​പൂർവം അഭി​പ്രാ​യങ്ങൾ പറയുന്നു. സമാന​മാ​യി സഭയിലെ ഓരോ നിയമ​ന​വും ഒരു ബഹുമ​തി​യാ​യി കരുതു​ന്നെ​ങ്കിൽ കഴിയു​ന്നത്ര നന്നായി നാം അതു നിർവ​ഹി​ക്കും. രാജ്യ​ഹാൾ ശുചി​യാ​യും നല്ല നിലയി​ലും സൂക്ഷി​ക്കു​ന്ന​തി​നുള്ള വിലപ്പെട്ട അവസരം നിങ്ങൾ മുടങ്ങാ​തെ ഉപയോ​ഗ​പ്പെ​ടു​ത്താ​റു​ണ്ടോ?

³ ദൈവം തങ്ങളുടെ പ്രാർഥന കേൾക്കു​ന്നു​ണ്ടോ എന്ന്‌ ദശലക്ഷങ്ങൾ സംശയി​ക്കു​മ്പോൾ, അഖിലാ​ണ്ഡ​ത്തി​ന്റെ പരമാ​ധി​കാ​രി നമ്മുടെ പ്രാർഥന കേൾക്കു​ന്നു എന്നത്‌ നമുക്ക്‌ ആസ്വദി​ക്കാൻ കഴിയുന്ന വലി​യൊ​രു പദവി​യല്ലേ? (സദൃ. 15:29) തന്റെ ദാസന്മാ​രു​ടെ പ്രാർഥന യഹോവ വ്യക്തി​പ​ര​മാ​യി കേൾക്കു​ന്നു. (1 പത്രൊ. 3:12) എത്ര കൂടെ​ക്കൂ​ടെ നമുക്ക്‌ അവനെ സമീപി​ക്കാം എന്നതു സംബന്ധിച്ച്‌ അവൻ യാതൊ​രു നിയ​ന്ത്ര​ണ​വും വെക്കു​ന്നില്ല. “ഏതു നേരത്തും” പ്രാർഥി​ക്കാൻ നമുക്കു കഴിയും; ഒരു അമൂല്യ സമ്മാനം​തന്നെ!—എഫെ. 6:18.

⁴ “ദൈവ​ത്തി​ന്റെ കൂട്ടു​വേ​ല​ക്കാർ”: “ദൈവ​ത്തി​ന്റെ കൂട്ടു​വേ​ല​ക്കാർ” എന്നനി​ല​യിൽ ദൈവ​രാ​ജ്യ സുവാർത്ത ഘോഷി​ക്കു​ന്ന​താണ്‌ നാം ആസ്വദി​ക്കുന്ന ശ്രേഷ്‌ഠ പദവി​ക​ളി​ലൊന്ന്‌. (1 കൊരി. 3:9) സംതൃ​പ്‌തി​യും നവോ​ന്മേ​ഷ​വും നൽകുന്ന ഒരു വേലയാ​ണത്‌. (യോഹ. 4:34) യഹോ​വ​യ്‌ക്കു തന്റെ വേല നിർവ​ഹി​ക്കാൻ മനുഷ്യ​രെ ഉപയോ​ഗി​ക്കേണ്ട കാര്യ​മില്ല. എങ്കിലും തന്റെ സ്‌നേ​ഹ​ത്തി​ന്റെ പ്രകട​ന​മെന്ന നിലയിൽ അവൻ നമുക്ക്‌ ഈ നിയമനം നൽകി​യി​രി​ക്കു​ന്നു. (ലൂക്കൊ. 19:39, 40) എന്നാൽ യഹോവ ഈ പദവി ആർക്കെ​ങ്കി​ലു​മൊ​ക്കെ നൽകു​കയല്ല ചെയ്യു​ന്നത്‌. പരസ്യ​ശു​ശ്രൂ​ഷ​യിൽ ഏർപ്പെ​ടു​ന്നവർ ചില ആത്മീയ യോഗ്യ​ത​ക​ളിൽ എത്തി​ച്ചേ​രു​ക​യും അവ നിലനി​റു​ത്തു​ക​യും ചെയ്യേ​ണ്ട​താണ്‌. (യെശ. 52:11) ശുശ്രൂ​ഷയെ പ്രതി​വാര പട്ടിക​യു​ടെ ഒരു സുപ്ര​ധാന ഭാഗമാ​ക്കി​ക്കൊണ്ട്‌ ആ പദവി നിങ്ങൾ വിലമ​തി​ക്കു​ന്നു​വെന്നു പ്രകട​മാ​ക്കു​ന്നു​ണ്ടോ?

⁵ യഹോവ നൽകുന്ന പദവികൾ നമ്മുടെ ജീവിതം ധന്യമാ​ക്കു​ന്നു. (സദൃ. 10:22) അവയെ ഒരിക്ക​ലും നിസ്സാ​ര​മാ​യി കാണരുത്‌! നമുക്കുള്ള സേവന പദവികൾ വിലമ​തി​ക്കു​ന്നു എന്നു തെളി​യി​ച്ചു​കൊണ്ട്‌, “എല്ലാ നല്ല ദാനവും തികഞ്ഞ വരം ഒക്കെയും” പ്രദാ​നം​ചെ​യ്യുന്ന നമ്മുടെ സ്വർഗീയ പിതാ​വി​നെ നമുക്കു സന്തോ​ഷി​പ്പി​ക്കാം.—യാക്കോ. 1:17.