ശുശ്രൂ​ഷ​യിൽ പുരോ​ഗ​മി​ക്കു​ക

¹ ദിവ്യ​പാ​ത​യിൽ നടക്കാ​നും അതിൽ ‘ഇനിയും അധികം വർധി​ച്ചു​വ​രാ​നും’ പൗലൊസ്‌ അപ്പൊ​സ്‌തലൻ ക്രിസ്‌ത്യാ​നി​കളെ ഉദ്‌ബോ​ധി​പ്പി​ച്ചു. (1 തെസ്സ. 4:1) ഇതു നമുക്ക്‌ എന്തർഥ​മാ​ക്കു​ന്നു? “ശുശ്രൂഷ നിറപ​ടി​യാ​യി നിവർത്തിക്ക” എന്ന ലക്ഷ്യത്തിൽ, ആത്മീയ പ്രവർത്ത​ന​ങ്ങ​ളിൽ പൂർവാ​ധി​കം ഏർപ്പെ​ടാൻ നാം വഴികൾ തേടണം.—2 തിമൊ. 4:5.

² ആന്തരം: സ്രഷ്ടാ​വി​നെ കൂടുതൽ മെച്ചമാ​യി സേവി​ക്കാ​നുള്ള ആഗ്രഹ​മാണ്‌ ശുശ്രൂ​ഷ​യിൽ പുരോ​ഗ​മി​ക്കാൻ നമ്മെ പ്രചോ​ദി​പ്പി​ക്കു​ന്നത്‌. അതു​കൊണ്ട്‌ ആത്മീയ​മാ​യി വളരാൻ നാം ആഗ്രഹി​ക്കു​ന്നു, ശുശ്രൂ​ഷ​യു​ടെ ഗുണമേന്മ വർധി​പ്പി​ക്കാ​നും നാം ശ്രമി​ക്കു​ന്നു. ശരിയായ ആന്തര​ത്തോ​ടെ​യുള്ള നല്ലൊരു ദിനചര്യ ദിവ്യാ​ധി​പത്യ ലാക്കു​ക​ളി​ലെ​ത്താൻ നമ്മെ സഹായി​ക്കും.—സങ്കീ. 1:1, 2; ഫിലി. 4:6; എബ്രാ. 10:24, 25.

³ ശുശ്രൂഷ വികസി​പ്പി​ക്കാൻ ആത്മത്യാ​ഗ​ത്തോ​ടെ​യുള്ള കൊടു​ക്കൽമ​നോ​ഭാ​വം നാം വളർത്തി​യെ​ടു​ക്കണം. യേശു​വി​ന്റെ ഉത്തമ മാതൃ​ക​യെ​ക്കു​റി​ച്ചു പ്രാർഥ​നാ​പൂർവം ധ്യാനി​ക്കു​ന്ന​തി​ലൂ​ടെ നമുക്ക​തി​നു കഴിയും. (മത്താ. 20:28) തന്റെ ശുശ്രൂ​ഷ​ക്കാ​ല​ത്തു​ട​നീ​ളം, മറ്റുള്ള​വരെ സേവി​ച്ച​തി​ന്റെ മഹാസ​ന്തോ​ഷം യേശു​വിന്‌ ആസ്വദി​ക്കാ​നാ​യി. (പ്രവൃ. 20:35) മറ്റുള്ള​വ​രിൽ വ്യക്തി​പ​ര​മായ താത്‌പ​ര്യം കാണി​ച്ചു​കൊ​ണ്ടും ശുശ്രൂ​ഷ​യിൽ പുരോ​ഗ​മി​ക്കാ​നുള്ള അവസരങ്ങൾ തത്‌ക്ഷണം പ്രയോ​ജ​പ്പെ​ടു​ത്തി​ക്കൊ​ണ്ടും നമുക്ക​വനെ അനുക​രി​ക്കാൻ കഴിയും.—യെശ. 6:8.

⁴ മാതാ​പി​താ​ക്ക​ളു​ടെ പങ്ക്‌: മറ്റുള്ള​വരെ സേവി​ക്കാ​നും ശുശ്രൂഷ വികസി​പ്പി​ക്കാ​നു​മുള്ള ആഗ്രഹം ചെറു​പ്പ​ത്തിൽത്തന്നെ മക്കളിൽ ഉൾനടാ​നാ​കും. കുടും​ബാം​ഗ​ങ്ങ​ളു​ടെ ഉത്സാഹ​വും ശുശ്രൂഷ വികസി​പ്പി​ക്കാ​നുള്ള ആത്മാർഥ​ശ്ര​മ​വും കുട്ടി​ക​ളിൽ പ്രഭാ​വം​ചെ​ലു​ത്തും. വല്യപ്പ​നോ​ടൊ​പ്പം ദിവ്യാ​ധി​പത്യ പ്രവർത്ത​ന​ങ്ങ​ളിൽ ഏർപ്പെ​ട്ട​തി​ന്റെ ഫലമായി കുഞ്ഞു​ന്നാ​ളിൽത്തന്നെ ശുശ്രൂ​ഷ​യിൽ പുരോ​ഗ​തി​വ​രു​ത്താൻ ഒരു സഹോ​ദരൻ പ്രേരി​ത​നാ​യി. വല്യപ്പന്റെ ഉത്സാഹ​വും സന്തോ​ഷ​വും, സഹോ​ദ​ര​ങ്ങളെ സേവി​ക്കാ​നുള്ള അവസരങ്ങൾ കണ്ടെത്താൻ അവനെ പ്രേരി​പ്പി​ച്ചു. ഇപ്പോൾ അദ്ദേഹ​മൊ​രു ശുശ്രൂ​ഷാ​ദാ​സ​നാണ്‌.

⁵ ഒരു ആഗോള ആവശ്യം: “ഒരുവൻ അദ്ധ്യക്ഷ​സ്ഥാ​നം കാംക്ഷി​ക്കു​ന്നു എങ്കിൽ നല്ലവേല ആഗ്രഹി​ക്കു​ന്നു.” (1 തിമൊ. 3:1) യഹോ​വ​യു​ടെ സംഘട​ന​യിൽ കൂടു​ത​ലായ സേവന​പ​ദ​വി​കൾ എത്തിപ്പി​ടി​ക്കാൻ ഈ വാക്കുകൾ സഹോ​ദ​ര​ന്മാ​രെ പ്രോ​ത്സാ​ഹി​പ്പി​ക്കു​ന്നു. അതിനു പ്രത്യേക വൈദ​ഗ്‌ധ്യ​ങ്ങ​ളോ അസാധാ​രണ കഴിവു​ക​ളോ ആവശ്യ​മില്ല. മറിച്ച്‌, പുരോ​ഗ​മി​ക്കാൻ ആഗ്രഹി​ക്കു​ന്നവർ, മുമ്പേ രാജ്യം അന്വേ​ഷി​ക്കു​ക​യും ശുശ്രൂ​ഷ​യിൽ സതീക്ഷ്‌ണം ഏർപ്പെ​ടു​ക​യും ചെയ്യും. (മത്താ. 6:33; 2 തിമൊ. 4:5) മറ്റുള്ള​വർക്കു നല്ല മാതൃ​ക​യാ​യി​രി​ക്കാൻ അവർ ശ്രമി​ക്കും.

⁶ യഹോവ തന്റെ ജനത്തിന്റെ കൂട്ടി​ച്ചേർപ്പ്‌ ത്വരി​ത​പ്പെ​ടു​ത്തു​ക​യാണ്‌. (യെശ. 60:22) യേശു​വി​ന്റെ കാൽച്ചു​വടു പിൻപ​റ്റു​ന്ന​വ​രെ​ല്ലാം ശുശ്രൂ​ഷ​യിൽ പുരോ​ഗ​മി​ക്കേ​ണ്ടത്‌ അടിയ​ന്തി​ര​മാണ്‌. സേവന​വർഷം 2006-ൽ 2,48,327 പേർ—ദിവസ​വും ശരാശരി 680-ലധികം പേർ—സ്‌നാ​ന​മേ​റ്റ​താ​യി നമ്മുടെ ലോക​വ്യാ​പക റിപ്പോർട്ട്‌ കാണി​ക്കു​ന്നു! ശുശ്രൂ​ഷ​യിൽ ഇനിയു​മ​ധി​കം പുരോ​ഗ​മി​ക്കാൻ നമു​ക്കെ​ല്ലാം തുടർന്നും പരി​ശ്ര​മി​ക്കാം.