നിങ്ങളു​ടെ ശുശ്രൂഷ വികസി​പ്പി​ക്കു​ന്ന​തി​നുള്ള മാർഗങ്ങൾ

¹ നാൽപ്പ​തി​ല​ധി​കം വർഷം മുമ്പ്‌, “നിങ്ങൾ നിങ്ങളു​ടെ പരമാ​വധി പ്രവർത്തി​ക്കു​ന്നു​ണ്ടോ?” എന്ന ശീർഷ​ക​ത്തിൽ ഒരു ലേഖനം 1955 ജനുവരി 15, വീക്ഷാ​ഗോ​പു​ര​ത്തിൽ (ഇംഗ്ലീഷ്‌) പ്രത്യ​ക്ഷ​പ്പെട്ടു. രാജ്യ​വേല വർധി​പ്പി​ക്കാൻ കഴിയ​ത്ത​ക്ക​വി​ധം ശുശ്രൂ​ഷ​യി​ലെ തങ്ങളുടെ വ്യക്തിഗത ശ്രമങ്ങൾ മെച്ച​പ്പെ​ടു​ത്താൻ യഹോ​വ​യു​ടെ ജനത്തിന്‌ എങ്ങനെ സാധ്യ​മാ​യേ​ക്കാം എന്ന്‌ അതു സ്‌നേ​ഹ​പു​ര​സ്സരം ചൂണ്ടി​ക്കാ​ട്ടി. നാം കൂടുതൽ അഭിവൃ​ദ്ധി വരുത്തു​ന്ന​തിൽ തുടരവേ ആ നല്ല ഉപദേശം ഇന്നും ബാധക​മാണ്‌.

² നമ്മുടെ എല്ലാ സേവന​ത്തി​ന്റെ​യും പ്രേര​ക​ഘ​ടകം ആയിരി​ക്കേ​ണ്ടത്‌ ഈ ഏറ്റവും വലിയ കൽപ്പന​യാണ്‌: “നിന്റെ ദൈവ​മായ കർത്താ​വി​നെ [“യഹോ​വയെ,” NW] നീ പൂർണ്ണ​ഹൃ​ദ​യ​ത്തോ​ടും പൂർണ്ണാ​ത്മാ​വോ​ടും പൂർണ്ണ​മ​ന​സ്സോ​ടും പൂർണ്ണ​ശ​ക്തി​യോ​ടും കൂടെ സ്‌നേ​ഹി​ക്കേണം.” (മർക്കൊ. 12:30) രാജ്യ​വേ​ലയെ ഉന്നമി​പ്പി​ക്കാൻ ലഭ്യമായ എല്ലാ അവസര​ങ്ങ​ളും പൂർണ​മാ​യി പ്രയോ​ജ​ന​പ്പെ​ടു​ത്തി​ക്കൊണ്ട്‌ യഹോ​വ​യോ​ടു സമ്പൂർണ സ്‌നേഹം നാം പ്രകട​മാ​ക്കു​ന്നു. നിങ്ങളു​ടെ ശുശ്രൂ​ഷയെ വികസി​പ്പി​ച്ചേ​ക്കാ​വുന്ന താഴെ പറയുന്ന വിധങ്ങൾ പരിചി​ന്തി​ക്കുക.

³ നിങ്ങളു​ടെ ഉത്തരവാ​ദി​ത്വ​മേൽക്കുക: സമർപ്പിത സഹോ​ദ​ര​ന്മാർക്കു ശുശ്രൂ​ഷാ​ദാ​സ​ന്മാ​രാ​യി യോഗ്യത പ്രാപി​ക്കു​ന്ന​തി​നും പിന്നീടു മൂപ്പന്മാ​രാ​യി സേവി​ക്കു​ന്ന​തി​നു പുരോ​ഗതി വരുത്തു​ന്ന​തി​നും പരി​ശ്ര​മി​ക്കാ​വു​ന്ന​താണ്‌. 1991 മെയ്‌ 1 ലക്കം വീക്ഷാ​ഗോ​പു​ര​ത്തി​ലെ “നിങ്ങൾ എത്തിപ്പി​ടി​ക്കു​ന്നു​വോ?,” “നിങ്ങൾ സേവി​ക്കാൻ യോഗ്യ​നോ?” എന്നീ ലേഖനങ്ങൾ സഭാ ഉത്തരവാ​ദി​ത്വ​ങ്ങൾക്കു തങ്ങളെ​ത്തന്നെ ലഭ്യരാ​ക്കാൻ അനേകം സഹോ​ദ​ര​ന്മാ​രെ പ്രേരി​പ്പി​ച്ചി​ട്ടുണ്ട്‌. എത്തിപ്പി​ടി​ക്കാ​നും യോഗ്യത നേടാ​നും ഉള്ള പ്രത്യേക നിർദേ​ശ​ങ്ങൾക്കാ​യി നിങ്ങൾക്കു നിങ്ങളു​ടെ സഭയിലെ മൂപ്പന്മാ​രോ​ടു ചോദി​ക്കാ​വു​ന്ന​താണ്‌.

⁴ ഏകാകി​ക​ളായ മൂപ്പന്മാ​രും ശുശ്രൂ​ഷാ​ദാ​സ​ന്മാ​രും ശുശ്രൂ​ഷാ പരിശീ​ലന സ്‌കൂ​ളിന്‌ അപേക്ഷി​ക്കു​ന്ന​തി​നെ​പ്പറ്റി ഗൗരവ​മാ​യി ചിന്തി​ക്കാൻ പ്രോ​ത്സാ​ഹി​പ്പി​ക്ക​പ്പെ​ട്ടി​രി​ക്കു​ന്നു. 1986-1995, 1996, 1997 എന്നീ വർഷങ്ങ​ളി​ലെ വാച്ച്‌ടവർ പ്രസി​ദ്ധീ​കരണ സൂചി​ക​ക​ളിൽ (ഇംഗ്ലീഷ്‌) “ശുശ്രൂ​ഷാ പരിശീ​ല​നസ്‌കൂൾ എന്നതിൻ കീഴിലെ പരാമർശങ്ങൾ വായി​ച്ചു​കൊണ്ട്‌ നിങ്ങൾക്ക്‌ ഈ സ്‌കൂ​ളി​നോ​ടു ബന്ധപ്പെട്ട വിവര​ങ്ങ​ളു​മാ​യി പരിചി​ത​രാ​കാ​വു​ന്ന​താണ്‌. മുമ്പിൽ തുറന്നു​കി​ട​ക്കുന്ന പ്രവർത്ത​ന​ത്തി​ന്റെ ‘വലിയ വാതിൽ’ നിങ്ങൾ കാണു​ന്നു​വോ? (1 കൊരി. 16:9എ) പ്രവർത്ത​ന​ത്തി​ന്റെ ഈ വലിയ വാതിൽ കടന്നെ​ത്തിയ പല സഹോ​ദ​ര​ന്മാ​രും ഇപ്പോൾ ആസ്വദി​ക്കുന്ന സേവന​പ​ദ​വി​കൾ എല്ലാ​മൊ​ന്നും തങ്ങൾക്കു ലഭിക്കു​മെന്നു ചിന്തി​ക്കുക പോലും ചെയ്‌തി​രു​ന്നില്ല. ഇന്ന്‌ അവർ ബെഥേ​ലിൽ സേവി​ക്കു​ന്നു, അല്ലെങ്കിൽ പ്രത്യേക പയനി​യർമാ​രാ​യോ മിഷന​റി​മാ​രാ​യോ സഞ്ചാര മേൽവി​ചാ​ര​ക​ന്മാ​രാ​യോ വയലിൽ സേവി​ക്കു​ന്നു.

⁵ മുഴു​സമയ സേവനം എത്തിപ്പി​ടി​ക്കുക: ഹൈസ്‌കൂൾ വിദ്യാ​ഭ്യാ​സം കഴിഞ്ഞ ചെറു​പ്പ​ക്കാർ, വീട്ടമ്മ​മാർ, ലൗകിക തൊഴി​ലിൽ നിന്നു വിരമി​ച്ചവർ എന്നിവർ പയനി​യ​റി​ങ്ങി​നെ​ക്കു​റി​ച്ചു ഗൗരവ​മാ​യി ചിന്തി​ക്കണം. 1998 ജൂ​ലൈ​യി​ലെ നമ്മുടെ രാജ്യ​ശു​ശ്രൂ​ഷ​യു​ടെ അനുബന്ധം പുനര​വ​ലോ​കനം ചെയ്യുക. എന്നിട്ട്‌ നിങ്ങളു​ടേ​തി​നു സമാന​മായ ജീവിത സാഹച​ര്യ​ങ്ങ​ളു​ണ്ടാ​യി​രുന്ന പയനി​യർമാ​രോ​ടു സംസാ​രി​ക്കുക. അവരെ​പ്പോ​ലെ പയനി​യ​റിങ്‌ ചെയ്‌തു​കൊണ്ട്‌ നിങ്ങളു​ടെ ശുശ്രൂഷ വികസി​പ്പി​ക്കാൻ നിങ്ങൾക്കു പ്രചോ​ദനം ലഭി​ച്ചേ​ക്കാം. (1 കൊരി. 11:1) നിങ്ങളു​ടെ പ്രവർത്തനം ഒരു മാസം 70 മണിക്കൂ​റാ​യി വർധി​പ്പി​ച്ചു​കൊണ്ട്‌ ഒരു സാധാരണ പയനിയർ ആയി സേവി​ക്കാൻ നിങ്ങൾക്കാ​കു​മോ?

⁶ 17,000-ത്തിൽ അധികം സഹോ​ദ​രങ്ങൾ ലോക​ത്തി​നു ചുറ്റു​മുള്ള ബ്രാഞ്ച്‌ ഓഫീ​സു​ക​ളി​ലും ബെഥേൽ ഭവനങ്ങ​ളി​ലു​മാ​യി ഇപ്പോൾ സേവി​ക്കു​ന്നുണ്ട്‌. അത്തരം സേവന​ത്തിന്‌ അപേക്ഷി​ക്കാൻ ആവശ്യ​മാ​യി​രി​ക്കു​ന്നത്‌ എന്തെന്ന്‌ 1995 നവംബ​റി​ലെ നമ്മുടെ രാജ്യ​ശു​ശ്രൂഷ ചർച്ച ചെയ്‌തി​ട്ടുണ്ട്‌. ബെഥേൽ സേവന​മെന്ന അതുല്യ പദവിക്കു യോഗ്യത നേടി​യേ​ക്കാ​വുന്ന ഒരുവ​നാ​ണോ നിങ്ങ​ളെന്നു തീരു​മാ​നി​ക്കാൻ ആ അനുബന്ധം വായി​ക്ക​രു​തോ?

⁷ ആവശ്യം അധിക​മു​ള്ളി​ടത്തു സേവി​ക്കുക: കൂടെ​ക്കൂ​ടെ പ്രവർത്തി​ക്കുന്ന സ്ഥലത്തോ വേലയിൽ വളരെ​യ​ധി​കം സഹോ​ദ​രങ്ങൾ പങ്കുപ​റ്റുന്ന സ്ഥലത്തോ ആണോ നിങ്ങൾ താമസി​ക്കു​ന്നത്‌? ആവശ്യം അധിക​മു​ള്ളി​ട​ത്തേക്കു മാറി​പ്പാർത്തു​കൊണ്ട്‌ ശുശ്രൂഷ വികസി​പ്പി​ക്കു​ന്ന​തി​നെ​ക്കു​റി​ച്ചു നിങ്ങൾ ചിന്തി​ച്ചി​ട്ടു​ണ്ടോ? ചില​പ്പോൾ മാറ്റം കൂടുതൽ വേലക്കാ​രെ ആവശ്യ​മുള്ള ഒരു സമീപ ഗ്രാമ​പ്ര​ദേ​ശ​ത്തേക്ക്‌ ആയിരി​ക്കാ​വു​ന്ന​താണ്‌. (മത്താ. 9:37, 38) ധൃതി കൂട്ടി അങ്ങനെ ചെയ്യരുത്‌. പ്രാർഥ​നാ​പൂർവ​ക​മായ പരിഗണന അതിനു കൊടു​ക്കണം. (ലൂക്കൊ. 14:28-30) നിങ്ങളു​ടെ സാഹച​ര്യം മൂപ്പന്മാ​രും സഞ്ചാര മേൽവി​ചാ​ര​ക​ന്മാ​രും ആയി ചർച്ച ചെയ്യുക. ഇപ്പോൾ അത്തരം ഒരു മാറ്റം ബുദ്ധി​പൂർവ​ക​മാ​ണോ അതോ ഭാവി​യിൽ അങ്ങനെ ചെയ്യാൻ ആസൂ​ത്രണം ചെയ്യു​ന്ന​താ​ണോ മെച്ച​മെന്നു കാണാൻ അവർ നിങ്ങളെ സഹായി​ക്കും. എങ്ങോട്ടു പോകാൻ കഴിയും എന്നതു സംബന്ധിച്ച നിർദേ​ശ​ത്തി​നാ​യി സൊ​സൈ​റ്റിക്ക്‌ എഴുതാൻ ആഗ്രഹി​ക്കു​ന്നെ​ങ്കിൽ നിങ്ങളു​ടെ കത്തിന്റെ കൂടെ സഭാ സേവന​ക്ക​മ്മി​റ്റി ഒപ്പിട്ട ഒരു കത്തും ഉണ്ടായി​രി​ക്കണം.

⁸ നിങ്ങളു​ടെ സേവന​ത്തി​ന്റെ ഗുണം മെച്ച​പ്പെ​ടു​ത്തുക: വയൽസേ​വ​ന​ത്തി​ന്റെ ഗുണം മെച്ച​പ്പെ​ടു​ത്തി​ക്കൊണ്ട്‌ നമു​ക്കെ​ല്ലാ​വർക്കും കൂടുതൽ തിക​വോ​ടെ ശുശ്രൂ​ഷ​യിൽ പങ്കുപ​റ്റാൻ സാധി​ക്കും. വീടു​തോ​റു​മുള്ള വേല, അനൗപ​ചാ​രിക സാക്ഷീ​ക​രണം, മടക്കസ​ന്ദർശനം, ബൈബി​ള​ധ്യ​യനം എന്നിങ്ങനെ വേലയു​ടെ എല്ലാ വശങ്ങളി​ലും നിങ്ങൾ പങ്കുപ​റ്റു​ന്നു​ണ്ടോ? നിങ്ങൾ ഒരു ബൈബി​ള​ധ്യ​യനം നടത്തു​ന്നു​ണ്ടെ​ങ്കിൽ, നിങ്ങളു​ടെ പഠിപ്പി​ക്കൽ കല മെച്ച​പ്പെ​ടു​ത്താൻ സാധി​ക്കു​മോ? സമർപ്പ​ണ​വും സ്‌നാ​പ​ന​വും എന്ന ഘട്ടത്തോ​ളം എത്താൻ നിങ്ങളു​ടെ അധ്യേ​താ​വി​നെ പ്രചോ​ദി​പ്പി​ക്കാൻ നിങ്ങൾക്ക്‌ ഉപയോ​ഗി​ക്കാ​വുന്ന നിർദേ​ശ​ങ്ങൾക്കാ​യി 1996 ജൂണിലെ നമ്മുടെ രാജ്യ ശുശ്രൂ​ഷ​യു​ടെ അനുബന്ധം പുനര​വ​ലോ​കനം ചെയ്യു​ന്നതു നന്നായി​രി​ക്കും.

⁹ നമ്മുടെ ശുശ്രൂഷ വികസി​പ്പി​ക്കു​ന്ന​തി​നും അഭിവൃ​ദ്ധി വരുത്തു​ന്ന​തി​നും ഉള്ള വിധങ്ങളെ സംബന്ധിച്ച കൂടുതൽ വിശദ​മായ ഒരു ചർച്ച നമ്മുടെ ശുശ്രൂഷ നിർവ​ഹി​ക്കാൻ സംഘടി​തർ എന്ന പുസ്‌ത​ക​ത്തി​ന്റെ 9-ാം അധ്യാ​യ​ത്തിൽ കാണാ​വു​ന്ന​താണ്‌. തീർച്ച​യാ​യും, ദൈവ​സേ​വ​ന​ത്തിൽ കഴിവി​ന്റെ പരമാ​വധി ചെയ്യാൻ നാമെ​ല്ലാ​വ​രും ശ്രമി​ക്കേ​ണ്ട​താണ്‌. നിങ്ങളു​ടെ ആത്മീയ ലക്ഷ്യങ്ങൾക്ക്‌ എന്തു​കൊണ്ട്‌ ഗൗരവ​മായ പരിഗണന കൊടു​ത്തു​കൂ​ടാ? 1 തിമൊ​ഥെ​യൊസ്‌ 4:15-ലെ ഉദ്‌ബോ​ധനം അനുസ​രി​ക്കുക: “നിന്റെ അഭിവൃ​ദ്ധി എല്ലാവർക്കും പ്രസി​ദ്ധ​മാ​യി​ത്തീ​രേ​ണ്ട​തി​ന്നു ഇതു കരുതുക, ഇതിൽ തന്നേ ഇരുന്നു​കൊൾക.”