നിങ്ങൾ കൂടുതൽ ചെയ്യാൻ ആഗ്രഹി​ക്കു​ന്നു​വോ?

¹ യേശു രാജ്യത്തെ അമൂല്യ​മായ ഒരു നിധി​യോട്‌ ഉപമിച്ചു. (മത്താ. 13:44-46) രാജ്യ​സു​വാർത്ത പ്രചരി​പ്പി​ക്കുന്ന വേലയും അമൂല്യ​മായ ഒരു നിധി​യാണ്‌. ഈ ശുശ്രൂ​ഷ​യിൽ പൂർണ​മായ ഒരു പങ്ക്‌ ഉണ്ടായി​രി​ക്കാൻ ഒരള​വോ​ളം ആത്മത്യാ​ഗം ആവശ്യ​മാ​ണെ​ങ്കി​ലും, അതിനാ​യി​രി​ക്കണം നമ്മുടെ ജീവി​ത​ത്തിൽ പ്രഥമ സ്ഥാനം. (മത്താ. 6:19-21) രാജ്യ​സേ​വ​ന​ത്തിൽ കൂടുതൽ ചെയ്യാൻ നിങ്ങൾ ആഗ്രഹി​ക്കു​ന്നു​വോ?

² ഈ അവശ്യ കാര്യങ്ങൾ പരിചി​ന്തി​ക്കുക: ശുശ്രൂ​ഷ​യി​ലെ നമ്മുടെ വ്യക്തി​പ​ര​മായ പങ്ക്‌ വർധി​പ്പി​ക്കു​ന്ന​തി​നു പല സംഗതി​കൾ ആവശ്യ​മാണ്‌: (1) രാജ്യ താത്‌പ​ര്യ​ങ്ങൾ ജീവി​ത​ത്തിൽ ഒന്നാമതു വെക്കാൻ ദൃഢചി​ത്ത​രാ​യി​രി​ക്കണം (മത്താ. 6:33); (2) വിശ്വാ​സം പ്രകട​മാ​ക്കു​ക​യും യഹോ​വ​യിൽ ആശ്രയി​ക്കു​ക​യും വേണം (2 കൊരി. 4:1, 7); (3) ആത്മാർഥ​വും നിരന്ത​ര​വു​മായ പ്രാർഥ​ന​യി​ലൂ​ടെ ദൈവ​ത്തി​ന്റെ സഹായം തേടണം (ലൂക്കൊ. 11:8-10); (4) പ്രാർഥ​ന​യ്‌ക്കു ചേർച്ച​യിൽ പ്രവർത്തി​ക്കണം.—യാക്കോ. 2:14, 17.

³ നമ്മുടെ ശുശ്രൂഷ വികസി​പ്പി​ക്കു​ന്ന​തി​നുള്ള മാർഗങ്ങൾ: ഓരോ മാസവും ക്രമമാ​യി ശുശ്രൂ​ഷ​യിൽ കുറച്ചു സമയം ചെലവ​ഴി​ക്കുക എന്ന അടിസ്ഥാന ലക്ഷ്യം നമു​ക്കെ​ല്ലാം ഉണ്ടായി​രി​ക്കാ​വു​ന്ന​താണ്‌. എന്നാൽ അനൗപ​ചാ​രിക സാക്ഷീ​ക​ര​ണ​ത്തി​നുള്ള എല്ലാ അവസര​ങ്ങ​ളും ഉപയോ​ഗ​പ്പെ​ടു​ത്തു​ന്ന​തി​നെ​യും അവതര​ണങ്ങൾ കൂടുതൽ അർഥവ​ത്താ​ക്കു​ന്ന​തി​നെ​യും മടക്കസ​ന്ദർശ​ന​ങ്ങ​ളു​ടെ ഫലപ്ര​ദ​ത്വം വർധി​പ്പി​ക്കു​ന്ന​തി​നെ​യും പുരോ​ഗ​മ​നാ​ത്മ​ക​മായ ഭവന ബൈബി​ള​ധ്യ​യ​നങ്ങൾ നടത്താൻ ശ്രമി​ക്കു​ന്ന​തി​നെ​യും കുറിച്ച്‌ നിങ്ങൾ ചിന്തി​ച്ചി​ട്ടു​ണ്ടോ? നിങ്ങൾക്ക്‌ സഹായ പയനി​യ​റിങ്‌ അല്ലെങ്കിൽ സാധാരണ പയനി​യ​റിങ്‌ നടത്താ​നോ ആവശ്യം അധിക​മു​ള്ളി​ടത്തു സേവി​ക്കാ​നോ കഴിയു​മോ? നിങ്ങൾ സ്‌നാ​പ​ന​മേറ്റ ഒരു സഹോ​ദ​ര​നാ​ണെ​ങ്കിൽ ഒരു ശുശ്രൂ​ഷാ ദാസനോ മൂപ്പനോ ആയിത്തീ​രു​ന്ന​തി​നുള്ള യോഗ്യ​ത​യിൽ എത്തി​ച്ചേ​രാ​നാ​കു​മോ? (1 തിമൊ. 3:1, 10) രാജ്യ ശുശ്രൂ​ഷാ സ്‌കൂ​ളിൽ പങ്കെടു​ക്കു​ന്ന​തിന്‌ അപേക്ഷി​ച്ചു​കൊണ്ട്‌ നിങ്ങൾക്കു ശുശ്രൂഷ വികസി​പ്പി​ക്കാ​നാ​കു​മോ?—ലൂക്കൊ. 10:2.

⁴ സ്‌പോർട്‌സിൽ വളരെ​യ​ധി​കം സമയം ചെലവ​ഴി​ച്ചി​രുന്ന മുഴു​സമയ ജോലി​ക്കാ​ര​നായ ഒരു സഹോ​ദ​രനെ സാധാരണ പയനി​യ​റിങ്‌ ഏറ്റെടു​ക്കാൻ പ്രോ​ത്സാ​ഹി​പ്പി​ക്കു​ക​യു​ണ്ടാ​യി. അദ്ദേഹം സഹായ പയനി​യ​റിങ്‌ തുടങ്ങി, തുടർന്ന്‌ തന്റെ കാര്യാ​ദി​കൾ ക്രമീ​ക​രി​ച്ചു​കൊണ്ട്‌ മുഴു​സമയ ശുശ്രൂഷ ഏറ്റെടു​ത്തു. അദ്ദേഹം പിന്നീട്‌ രാജ്യ ശുശ്രൂ​ഷാ സ്‌കൂ​ളിൽ പങ്കെടു​ത്തു, അത്‌ അദ്ദേഹം ഇപ്പോൾ ആസ്വദി​ക്കുന്ന സർക്കിട്ട്‌ മേൽവി​ചാ​രക നിയമനം ഏറ്റെടു​ക്കാൻ അദ്ദേഹത്തെ സഹായി​ച്ചു. ലഭിച്ച പ്രോ​ത്സാ​ഹ​ന​ത്തോട്‌ അനുകൂ​ല​മാ​യി പ്രതി​ക​രി​ച്ച​തിൽ അദ്ദേഹം ഇപ്പോൾ വളരെ സന്തുഷ്ട​നാണ്‌. രാജ്യ​സേ​വ​ന​ത്തിൽ കൂടുതൽ ചെയ്യാ​നുള്ള തന്റെ തീരു​മാ​നം തന്നെ ഏറെ സന്തുഷ്ട​നാ​ക്കി​യെന്ന്‌ അദ്ദേഹം പറയുന്നു.

⁵ തങ്ങളെത്തന്നെ ലഭ്യമാ​ക്കു​ന്ന​വരെ യഹോവ അനു​ഗ്ര​ഹി​ക്കു​ന്നു. (യെശ. 6:8) നിങ്ങളു​ടെ ശുശ്രൂഷ വികസി​പ്പി​ക്കു​ന്ന​തിൽനി​ന്നും തത്‌ഫ​ല​മാ​യി ഉണ്ടാകുന്ന വർധിച്ച സംതൃ​പ്‌തി​യും നവോ​ന്മേ​ഷ​വും ആസ്വദി​ക്കു​ന്ന​തിൽനി​ന്നും യാതൊ​ന്നും നിങ്ങളെ തടയാ​തി​രി​ക്കട്ടെ.