നിങ്ങൾ അത്‌ നീട്ടി​വെ​ക്കു​ക​യാ​ണോ?

സ്‌നാ​ന​മേറ്റ സാക്ഷി​കൾക്കുള്ള ഡിപിഎ കാർഡ്‌ നിങ്ങൾ പൂരി​പ്പി​ച്ചി​ട്ടു​ണ്ടോ? അതോ അത്‌ നീട്ടി​വെ​ച്ചി​രി​ക്കു​ക​യാ​ണോ? “നാളെ​ത്തേതു നിങ്ങൾ അറിയു​ന്നി​ല്ല​ല്ലോ” എന്ന്‌ നമ്മുടെ ജീവി​ത​ത്തെ​ക്കു​റിച്ച്‌ യാക്കോബ്‌ പറഞ്ഞതു വളരെ സത്യമാണ്‌. അതു​കൊ​ണ്ടു​തന്നെ, ഒരു അടിയ​ന്തിര സാഹച​ര്യ​ത്തിൽ നിങ്ങൾക്കു സ്വീകാ​ര്യ​മാ​യി​രി​ക്കുന്ന വൈദ്യ​ന​ട​പ​ടി​ക​ളെ​യും ചികി​ത്സ​ക​ളെ​യും​കു​റിച്ച്‌ നേര​ത്തേ​തന്നെ എഴുതി​വെ​ക്കു​ന്നത്‌ അതി​പ്ര​ധാ​ന​മാണ്‌. (യാക്കോ. 4:14; പ്രവൃ. 15:28, 29) ഇക്കാര്യ​ത്തിൽ നിങ്ങളെ സഹായി​ക്കു​ന്ന​തി​നാണ്‌ രക്തപ്പകർച്ച​യ്‌ക്കു പകരമുള്ള ചികിത്സ—രോഗി​യു​ടെ ആവശ്യ​ങ്ങ​ളും അവകാ​ശ​ങ്ങ​ളും നിറ​വേ​റ്റു​ന്നു (ഇംഗ്ലീഷ്‌) എന്ന വീഡി​യോ നിർമി​ച്ചി​രി​ക്കു​ന്നത്‌. അതു കാണുക, എന്നിട്ട്‌ പഠിച്ച കാര്യങ്ങൾ പിൻവ​രുന്ന ചോദ്യ​ങ്ങ​ളു​ടെ സഹായ​ത്തോ​ടെ പ്രാർഥ​നാ​പൂർവം പുനര​വ​ലോ​കനം ചെയ്യുക.—കുറിപ്പ്‌: ശസ്‌ത്ര​ക്രി​യ​യു​ടെ ഹ്രസ്വ രംഗങ്ങൾ ഉൾപ്പെ​ടു​ത്തി​യി​ട്ടു​ള്ള​തി​നാൽ ഈ വീഡി​യോ കാണാൻ കൊച്ചു​കു​ട്ടി​കളെ അനുവ​ദി​ക്ക​ണ​മോ​യെന്ന്‌ മാതാ​പി​താ​ക്കൾ ചിന്തിച്ചു തീരു​മാ​നി​ക്കണം.

(1) വൈദ്യ​ശാ​സ്‌ത്ര രംഗത്തുള്ള ചിലർ രക്തപ്പകർച്ച​യെ​ക്കു​റിച്ച്‌ പുനർവി​ചി​ന്തനം ചെയ്യു​ന്നത്‌ എന്തു​കൊണ്ട്‌? (2) രക്തപ്പകർച്ച കൂടാതെ നടത്താ​വുന്ന സങ്കീർണ​മായ ശസ്‌ത്ര​ക്രി​യ​കൾക്ക്‌ മൂന്ന്‌ ഉദാഹ​ര​ണങ്ങൾ നൽകുക. (3) ലോക​വ്യാ​പ​ക​മാ​യി എത്ര ഡോക്ടർമാ​രും ശസ്‌ത്ര​ക്രി​യാ​വി​ദ​ഗ്‌ധ​രും രക്തപ്പകർച്ച കൂടാതെ രോഗി​കളെ ചികി​ത്സി​ക്കാ​നുള്ള മനസ്സൊ​രു​ക്കം പ്രകടി​പ്പി​ച്ചി​ട്ടുണ്ട്‌? അപ്രകാ​രം ചെയ്യാൻ അവർ സന്നദ്ധരാ​യി​രി​ക്കു​ന്നത്‌ എന്തു​കൊണ്ട്‌? (4) അടുത്ത​കാ​ലത്ത്‌ ആശുപ​ത്രി​ക​ളിൽ നടത്തിയ പഠനങ്ങൾ രക്തത്തിന്റെ ഉപയോ​ഗം സംബന്ധിച്ച്‌ എന്തു വെളി​പ്പെ​ടു​ത്തി​യി​രി​ക്കു​ന്നു? (5) രക്തപ്പകർച്ച​യോ​ടു ബന്ധപ്പെട്ട്‌ ഉണ്ടാ​യേ​ക്കാ​വുന്ന അപകടങ്ങൾ ഏവ? (6) രക്തപ്പകർച്ച​യ്‌ക്കു പകരമുള്ള ചികി​ത്സാ​രീ​തി​ക​ളു​ടെ പ്രയോ​ജ​നങ്ങൾ സംബന്ധിച്ച്‌ അനേകം വിദഗ്‌ധർ ഏതു നിഗമ​ന​ത്തിൽ എത്തി​ച്ചേർന്നി​രി​ക്കു​ന്നു? (7) എന്താണ്‌ വിളർച്ച​യ്‌ക്കു (anemia) കാരണം? മനുഷ്യർക്ക്‌ അത്‌ എത്ര​ത്തോ​ളം താങ്ങാൻ കഴിയും? ഈ കുറവു പരിഹ​രി​ക്കാൻ എന്തു ചെയ്യാ​നാ​കും? (8) ഒരു രോഗി​യു​ടെ ശരീര​ത്തിൽ അരുണ രക്താണു​ക്ക​ളു​ടെ ഉത്‌പാ​ദനം എങ്ങനെ ത്വരി​ത​പ്പെ​ടു​ത്താം? (9) ശസ്‌ത്ര​ക്രി​യ​യു​ടെ സമയത്തുള്ള രക്തനഷ്ടം കുറയ്‌ക്കാൻ എന്തെല്ലാം ചെയ്‌തു​വ​രു​ന്നു? (10) രക്തപ്പകർച്ച​യ്‌ക്കു പകരമുള്ള ചികി​ത്സാ​രീ​തി​കൾ, കുട്ടി​ക​ളി​ലും അതു​പോ​ലെ ജീവനു ഭീഷണി​യുള്ള അടിയ​ന്തിര സാഹച​ര്യ​ങ്ങ​ളി​ലും ഫലപ്ര​ദ​മാ​ണോ? (11) ഉത്തമ വൈദ്യ​ശു​ശ്രൂ​ഷ​യു​ടെ സുപ്ര​ധാന നൈതിക തത്ത്വങ്ങ​ളിൽ ഒന്ന്‌ എന്താണ്‌? (12) ക്രിസ്‌ത്യാ​നി​കൾ രക്തരഹിത ചികി​ത്സാ​രീ​തി​കൾ സംബന്ധിച്ച്‌ നേര​ത്തേ​തന്നെ തിര​ഞ്ഞെ​ടു​പ്പു നടത്തേ​ണ്ടതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? നമുക്ക്‌ ഇത്‌ എങ്ങനെ ചെയ്യാൻ കഴിയും?

ഈ വീഡി​യോ​യിൽ അവതരി​പ്പി​ച്ചി​രി​ക്കുന്ന ചികി​ത്സ​ക​ളിൽ ചിലത്‌ സ്വീക​രി​ക്ക​ണോ വേണ്ടയോ എന്നത്‌ ഓരോ വ്യക്തി​യു​ടെ​യും ബൈബിൾ പരിശീ​ലിത മനസ്സാ​ക്ഷി​യ​നു​സ​രി​ച്ചു തീരു​മാ​നി​ക്കേണ്ട സംഗതി​യാണ്‌. നിങ്ങൾക്കും മക്കൾക്കും​വേണ്ടി, ഏതു ചികി​ത്സാ​രീ​തി​കൾ സ്വീക​രി​ക്ക​ണ​മെ​ന്നതു സംബന്ധിച്ച്‌ നിങ്ങൾ ഒരു തീരു​മാ​ന​മെ​ടു​ത്തി​ട്ടു​ണ്ടോ? ഇത്തരം കാര്യ​ങ്ങ​ളെ​ക്കു​റിച്ച്‌ കൂടു​ത​ലാ​യി അറിയാൻ വീക്ഷാ​ഗോ​പു​ര​ത്തി​ന്റെ 2004 ജൂൺ 15, 2000 ഒക്ടോബർ 15 ലക്കങ്ങളി​ലെ “വായന​ക്കാ​രിൽനി​ന്നുള്ള ചോദ്യ​ങ്ങൾ” എന്ന പംക്തി​യും നമ്മുടെ രാജ്യ​ശു​ശ്രൂ​ഷ​യു​ടെ 2006 നവംബർ ലക്കത്തിലെ “രക്തത്തിന്റെ ഘടകാം​ശ​ങ്ങ​ളു​ടെ​യും എന്റെതന്നെ രക്തം ഉൾപ്പെ​ടുന്ന വൈദ്യ നടപടി​ക​ളു​ടെ​യും കാര്യ​ത്തിൽ ഞാൻ എന്തു തീരു​മാ​ന​മെ​ടു​ക്കണം?” എന്ന അനുബ​ന്ധ​വും കാണുക. നിങ്ങളു​ടെ ആരോഗ്യ-പരിപാ​ലന പ്രതി​നി​ധി​ക​ളെ​യും (Health-care agents) സാക്ഷി​ക​ള​ല്ലാത്ത കുടും​ബാം​ഗ​ങ്ങ​ളെ​യും നിങ്ങളു​ടെ തീരു​മാ​നങ്ങൾ അറിയി​ച്ചി​രി​ക്കണം.