യഹോ​വ​യ്‌ക്ക്‌ നാം എന്തു കൊടു​ക്കും?

¹ മനുഷ്യ​രായ നമുക്ക്‌ ദൈവ​ത്തിന്‌ എന്തെങ്കി​ലും കൊടു​ക്കാ​നാ​കു​മെന്ന്‌ നിങ്ങൾക്ക്‌ അറിയാ​മാ​യി​രു​ന്നോ? ഹാബെൽ മൃഗസ​മ്പ​ത്തിൽനിന്ന്‌ ഏറ്റവും മേത്തര​മാ​യ​വയെ യഹോ​വ​യ്‌ക്ക്‌ അർപ്പി​ച്ച​താ​യി തിരു​വെ​ഴു​ത്തു പറയുന്നു. നോഹ, ഇയ്യോബ്‌ എന്നിവ​രും സമാന​മായ യാഗങ്ങൾ അർപ്പി​ക്കു​ക​യു​ണ്ടാ​യി. (ഉല്‌പ. 4:4; 8:20; ഇയ്യോ. 1:5) ദൈവ​ത്തിന്‌ ഒന്നിനും കുറവി​ല്ലാ​ത്ത​തി​നാൽ, അത്തരം യാഗങ്ങൾ അവനെ ഒരു പ്രകാ​ര​ത്തി​ലും ധനിക​നാ​ക്കി​യില്ല എന്നു വ്യക്തം. പക്ഷേ, അത്തരം യാഗങ്ങൾ ആ വിശ്വസ്‌ത മനുഷ്യർക്ക്‌ ദൈവ​ത്തോ​ടുള്ള സ്‌നേ​ഹ​ത്തി​ന്റെ തെളി​വാ​യി ഉതകി. ഇന്ന്‌ ദൈവ​ത്തിന്‌ “സ്‌തോ​ത്ര​യാ​ഗം” അർപ്പി​ക്കാ​നാ​യി നമുക്ക്‌ സമയവും ഊർജ​വും ആസ്‌തി​ക​ളും ഉപയോ​ഗി​ക്കാ​നാ​കും.—എബ്രാ. 13:15.

² സമയം: ‘സമയം തക്കത്തിൽ ഉപയോ​ഗി​ക്കു​ന്നത്‌,’ മറ്റുവാ​ക്കു​ക​ളിൽ പറഞ്ഞാൽ, അപ്രധാന കാര്യ​ങ്ങൾക്കാ​യി നീക്കി​വെ​ച്ചി​രി​ക്കുന്ന സമയം ശുശ്രൂ​ഷ​യിൽ കൂടുതൽ പ്രവർത്തി​ക്കു​ന്ന​തി​നാ​യി വിനി​യോ​ഗി​ക്കു​ന്നത്‌ എത്ര പ്രശം​സ​നീ​യ​മാണ്‌! (എഫെ. 5:15, 16) കാര്യാ​ദി​കൾ ചിട്ട​പ്പെ​ടു​ത്തി​ക്കൊണ്ട്‌, വർഷത്തിൽ ഒന്നോ അതില​ധി​ക​മോ തവണ സഹായ​പ​യ​നി​യ​റിങ്‌ ചെയ്യാൻ നമുക്കാ​യേ​ക്കും. അതുമ​ല്ലെ​ങ്കിൽ ശ്രു​ശ്രൂ​ഷ​യിൽ പതിവി​ലേറെ പ്രവർത്തി​ക്കാൻ സാധി​ച്ചേ​ക്കും. ഓരോ ആഴ്‌ച​യും 30 മിനിട്ട്‌ കൂടുതൽ പ്രവർത്തി​ച്ചാൽ മാസാ​വ​സാ​ന​മാ​കു​മ്പോ​ഴേ​ക്കും കുറഞ്ഞ​പക്ഷം രണ്ടു മണിക്കൂർ കൂടുതൽ റിപ്പോർട്ടു ചെയ്യാ​നാ​കും!

³ ഊർജം: യഹോ​വ​യ്‌ക്ക്‌ നമ്മുടെ കഴിവി​ന്റെ പരമാ​വധി കൊടു​ക്കാൻ സാധി​ക്കാ​ത്ത​വി​ധ​ത്തിൽ നമ്മെ ക്ഷീണി​പ്പി​ക്കുന്ന വിനോ​ദ​വും തൊഴി​ലും ഒഴിവാ​ക്കി​യാ​ലേ ശുശ്രൂ​ഷ​യി​ലേർപ്പെ​ടാൻ നമുക്ക്‌ ഊർജം ഉണ്ടാകു​ക​യു​ള്ളൂ. നമ്മുടെ ‘മനസ്സി​ടി​ക്കുന്ന’ ആകുല​ത​ക​ളും ഉത്‌ക​ണ്‌ഠ​ക​ളും ഒഴിവാ​ക്കേ​ണ്ട​തും പ്രധാ​ന​മാണ്‌. കാരണം, അത്‌ ദൈവ​സേ​വ​ന​ത്തി​നു​വേ​ണ്ടി​യുള്ള നമ്മുടെ ഊർജം ചോർത്തി​ക്ക​ള​യും. (സദൃ. 12:25) നമ്മുടെ ഉത്‌കണ്‌ഠ ന്യായ​മാ​ണെ​ന്നു​ത​ന്നെ​യി​രി​ക്കട്ടെ. അപ്പോൾപ്പോ​ലും നമ്മുടെ ‘ഭാരം യഹോ​വ​യു​ടെ​മേൽ വെക്കു​ന്ന​തല്ലേ’ ഏറെ നല്ലത്‌?—സങ്കീ. 55:22; ഫിലി. 4:6, 7.

⁴ ആസ്‌തി​കൾ: പ്രസം​ഗ​വേ​ല​യു​ടെ ഉന്നമനാർഥം നമ്മുടെ ആസ്‌തി​ക​ളും വിനി​യോ​ഗി​ക്കാ​വു​ന്ന​താണ്‌. സഹായം ആവശ്യ​മു​ള്ള​വർക്കു​വേണ്ടി പതിവാ​യി എന്തെങ്കി​ലും നീക്കി​വെ​ക്കാൻ പൗലൊസ്‌ സഹക്രി​സ്‌ത്യാ​നി​കളെ പ്രോ​ത്സാ​ഹി​പ്പി​ക്കു​ക​യു​ണ്ടാ​യി. (1 കൊരി. 16:1, 2) സമാന​മാ​യി, പ്രാ​ദേ​ശിക സഭയ്‌ക്കും ലോക​വ്യാ​പക വേലയ്‌ക്കും വേണ്ടി ചെറി​യൊ​രു തുക നീക്കി​വെ​ക്കാൻ നമുക്കും സാധി​ച്ചേ​ക്കും. ഹൃദയ​പൂർവം നൽകു​ന്ന​തെ​ന്തും യഹോവ അങ്ങേയറ്റം വിലമ​തി​ക്കു​ന്നു, അതു നിസ്സാ​ര​മാ​ണെ​ങ്കിൽപ്പോ​ലും.—ലൂക്കൊ. 21:1-4.

⁵ യഹോവ നമുക്കു നൽകി​യി​രി​ക്കുന്ന കാര്യ​ങ്ങൾക്ക്‌ കയ്യും​ക​ണ​ക്കു​മില്ല. (യാക്കോ. 1:17) ദൈവത്തെ സേവി​ക്കാ​നാ​യി സമയവും ഊർജ​വും ആസ്‌തി​ക​ളും ഉദാര​മാ​യി ഉപയോ​ഗി​ക്കു​മ്പോൾ നാം നന്ദിയും വിലമ​തി​പ്പും കാണി​ക്കു​ക​യാണ്‌. അത്‌ യഹോ​വയെ പ്രസാ​ദി​പ്പി​ക്കും. കാരണം, “സന്തോ​ഷ​ത്തോ​ടെ കൊടു​ക്കു​ന്ന​വനെ ദൈവം സ്‌നേ​ഹി​ക്കു​ന്നു” എന്നു ബൈബിൾ പറയുന്നു.—2 കൊരി. 9:7.