ശുശ്രൂ​ഷ​യി​ലാ​യി​രി​ക്കെ അന്യോ​ന്യം പ്രോ​ത്സാ​ഹി​പ്പി​ക്കുക

¹ ‘തക്കസമ​യത്തു പറയുന്ന’ പ്രോ​ത്സാ​ഹ​ജ​ന​ക​മായ വാക്കുകൾ വിലമ​തി​ക്കാ​ത്ത​വ​രാ​യി ആരും​ത​ന്നെ​യില്ല. (സദൃ. 25:11) മറ്റുള്ള​വ​രോ​ടൊ​പ്പം വയൽസേ​വ​ന​ത്തി​ലാ​യി​രി​ക്കെ, നമ്മുടെ വാക്കുകൾ അവർക്കു പ്രോ​ത്സാ​ഹനം പകരു​ന്നു​വെന്ന്‌ നമുക്ക്‌ എങ്ങനെ ഉറപ്പു​വ​രു​ത്താം?

² പ്രോ​ത്സാ​ഹനം പകരുന്ന വാക്കുകൾ: പ്രസം​ഗ​വേ​ല​യിൽ കൂടെ​പ്ര​വർത്തി​ക്കു​ന്ന​വ​രോട്‌ ആത്മീയ കാര്യ​ങ്ങ​ളെ​ക്കു​റിച്ച്‌ സംസാ​രി​ക്കു​ന്നത്‌ എത്ര പ്രോ​ത്സാ​ഹ​ന​ദാ​യ​ക​മാ​യി​രി​ക്കും! (സങ്കീ. 37:30) അവതര​ണ​ങ്ങ​ളോ അടുത്ത കാലത്ത്‌ വയലിൽ നമുക്കു​ണ്ടായ നല്ല അനുഭ​വ​ങ്ങ​ളോ സംസാ​ര​വി​ഷ​യ​മാ​ക്കാ​വു​ന്ന​താണ്‌. (പ്രവൃ. 15:3) വ്യക്തി​പ​ര​മായ ബൈബിൾവാ​യ​ന​യിൽനി​ന്നോ മാസി​ക​ക​ളിൽനി​ന്നോ സഭാ​യോ​ഗ​ങ്ങ​ളിൽനി​ന്നോ നാം പഠിച്ച വിവരങ്ങൾ അവരു​മാ​യി പങ്കു​വെ​ക്ക​രു​തോ? അതുമ​ല്ലെ​ങ്കിൽ, ഈയിടെ കേട്ട പരസ്യ​പ്ര​സം​ഗ​ത്തി​ലെ ആശയങ്ങ​ളെ​ക്കു​റിച്ച്‌ പറയരു​തോ?

³ വീട്ടു​കാ​രൻ ഉന്നയിച്ച ഒരു ചോദ്യ​ത്തിന്‌ ഉത്തരം കൊടു​ക്കാൻ കഴിയാ​തെ​വ​രു​മ്പോൾ നമുക്ക്‌ എന്തെന്നി​ല്ലാത്ത നിരാശ തോന്നി​യേ​ക്കാം. അവി​ടെ​നിന്ന്‌ അടുത്ത വീട്ടി​ലേക്കു പോകു​മ്പോൾ, ഭാവി​യിൽ അത്തര​മൊ​രു സാഹച​ര്യം ഉണ്ടാകു​ന്ന​പക്ഷം എങ്ങനെ കൈകാ​ര്യം ചെയ്യാ​നാ​കു​മെന്നു മറ്റേയാ​ളു​മാ​യി ചർച്ച ചെയ്യു​ന്നത്‌ വളരെ പ്രയോ​ജ​ന​പ്ര​ദ​മാ​യി​രി​ക്കും. ഒരുപക്ഷേ ന്യായ​വാ​ദം പുസ്‌തകം എടുത്തു​നോ​ക്കാ​നാ​കും. കൂടെ​യു​ള്ള​യാ​ളു​ടെ അവതര​ണ​ത്തിൽ നമുക്ക്‌ പ്രത്യേ​കാൽ ഇഷ്ടപ്പെട്ട എന്തെങ്കി​ലും ഉണ്ടെങ്കിൽ ആത്മാർഥ​മാ​യി അഭിന​ന്ദി​ച്ചു​കൊണ്ട്‌ പ്രോ​ത്സാ​ഹ​ന​മേ​കാൻ സാധി​ക്കും.

⁴ മുന്നി​ട്ടി​റ​ങ്ങുക: അടുത്ത​കാ​ല​ത്തെ​ങ്ങും നമ്മോ​ടു​കൂ​ടെ പ്രവർത്തി​ക്കാത്ത ആരെങ്കി​ലും പുസ്‌ത​കാ​ധ്യ​യ​ന​ക്കൂ​ട്ട​ത്തി​ലു​ണ്ടോ? ശുശ്രൂ​ഷ​യിൽ നമ്മോ​ടൊ​പ്പം വരാൻ അവരെ ക്ഷണിക്കു​ന്നത്‌ ഇരുകൂ​ട്ടർക്കും പ്രോ​ത്സാ​ഹ​ന​മേ​കും. (റോമ. 1:12, NW) സാധാ​ര​ണ​ഗ​തി​യിൽ അതിരാ​വി​ലെ​യോ വൈകു​ന്നേ​ര​മോ വയലിൽ പ്രസാ​ധകർ കുറവാ​യി​രി​ക്കും. ആ സമയത്ത്‌ ആരെങ്കി​ലും തങ്ങളോ​ടൊ​പ്പം പ്രവർത്തി​ക്കു​ന്നത്‌ സാധാരണ പയനി​യർമാ​രും സഹായ പയനി​യർമാ​രും വളരെ​യ​ധി​കം വിലമ​തി​ക്കും. നമുക്ക്‌ അവരെ പിന്തു​ണ​യ്‌ക്കാൻ സാധി​ക്കു​മോ? ഇനിയും, ആരോ​ഗ്യ​സ്ഥി​തി മോശ​മാ​യതു നിമിത്തം ശുശ്രൂ​ഷ​യിൽ കാര്യ​മാ​യി ഏർപ്പെ​ടാൻ സാധി​ക്കാത്ത പ്രസാ​ധ​കരെ നിങ്ങൾക്ക്‌ അറിയാ​മോ? അധ്യയ​ന​ത്തി​നോ മറ്റോ അവരെ നിങ്ങ​ളോ​ടൊ​പ്പം കൊണ്ടു​പോ​കു​ന്നത്‌ അവർക്കും നിങ്ങൾക്കും പ്രോ​ത്സാ​ഹ​ന​മേ​കും.—സദൃ. 27:17.

⁵ അനു​മോ​ദ​നങ്ങൾ എല്ലായ്‌പോ​ഴും പ്രോ​ത്സാ​ഹനം പകരും—ചെറിയ കാര്യ​ങ്ങ​ളി​ലാ​ണെ​ങ്കിൽപ്പോ​ലും. ശുശ്രൂ​ഷ​യിൽ മറ്റുള്ള​വ​രോ​ടൊ​പ്പം പ്രവർത്തി​ക്കു​മ്പോൾ അതു മനസ്സിൽപ്പി​ടി​ക്കണം. കാരണം, “തമ്മിൽ ആത്മിക​വർദ്ധന” വരുത്താ​നാണ്‌ നാമെ​ല്ലാം ആഗ്രഹി​ക്കു​ന്നത്‌.—1 തെസ്സ. 5:11.