വീട്ടു​വാ​തിൽക്കൽ ഒരു ഉത്തമ സഹായി ആയിരി​ക്കു​ക

1. ശുശ്രൂ​ഷ​യിൽ മറ്റൊ​രാ​ളോ​ടൊ​പ്പം പ്രവർത്തി​ക്കു​ന്ന​തു​കൊണ്ട്‌ എന്തെല്ലാം പ്രയോ​ജ​ന​ങ്ങ​ളുണ്ട്‌?

¹ ഒരിക്കൽ യേശു 70 ശിഷ്യ​ന്മാ​രെ പ്രസം​ഗ​വേ​ല​യ്‌ക്കാ​യി അയച്ചു. അവൻ ‘അവരെ ഈരണ്ടാ​യാണ്‌ അയച്ചത്‌.’ (ലൂക്കോ. 10:1) ശുശ്രൂ​ഷ​യിൽ ഏർപ്പെ​ടവെ, അന്യോ​ന്യം സഹായി​ക്കാ​നും പ്രോ​ത്സാ​ഹി​പ്പി​ക്കാ​നും ഈ ക്രമീ​ക​രണം ഉതകി. മറ്റൊരു പ്രസാ​ധ​ക​നോ​ടൊ​പ്പം പ്രസം​ഗ​വേ​ല​യിൽ ഏർപ്പെ​ടു​മ്പോൾ നമുക്ക്‌ എങ്ങനെ ഒരു സഹായി​യാ​യി വർത്തി​ക്കാൻ കഴിയും?

2. കൂടെ​യു​ള്ള​യാൾ സംസാ​രി​ക്കു​മ്പോൾ നാം എന്തു ചെയ്യണം, എന്തു​കൊണ്ട്‌?

² നന്നായി ശ്രദ്ധി​ച്ചു​കൊണ്ട്‌: കൂടെ​യു​ള്ള​യാൾ വീട്ടു​കാ​ര​നോ​ടു സംസാ​രി​ക്കു​മ്പോൾ ശ്രദ്ധി​ച്ചു​കേൾക്കുക. (യാക്കോ. 1:19) തിരു​വെ​ഴു​ത്തു വായി​ക്കു​മ്പോൾ അത്‌ എടുത്തു നോക്കുക. സംസാ​രി​ക്കു​ന്നത്‌ നിങ്ങളു​ടെ കൂടെ​യുള്ള ആളോ വീട്ടു​കാ​ര​നോ ആയിരു​ന്നാ​ലും അയാളെ നോക്കുക. നിങ്ങൾ സംഭാ​ഷണം ശ്രദ്ധി​ക്കു​ന്നതു കാണു​മ്പോൾ അങ്ങനെ ചെയ്യാൻ വീട്ടു​കാ​ര​നും പ്രേരി​ത​നാ​കും. പ്രശ്‌ന​സാ​ധ്യ​ത​യുള്ള ഒരു പ്രദേ​ശ​ത്താണ്‌ പ്രവർത്തി​ക്കു​ന്ന​തെ​ങ്കിൽ ചുറ്റു​പാ​ടും നിരീ​ക്ഷി​ക്കാൻ നിങ്ങൾക്കു കഴിയണം, അങ്ങനെ​യാ​കു​മ്പോൾ ആരെങ്കി​ലും ആളുകളെ വിളി​ച്ചു​കൂ​ട്ടു​ന്ന​താ​യോ മറ്റോ ശ്രദ്ധയിൽപ്പെ​ട്ടാൽ കൂടെ​യുള്ള ആൾക്ക്‌ സൂചന​കൊ​ടു​ക്കാ​നും പെട്ടെ​ന്നു​തന്നെ അവി​ടെ​നി​ന്നു പോരാ​നും നിങ്ങൾക്കു കഴിയും.

3. ഏതൊക്കെ സാഹച​ര്യ​ങ്ങ​ളിൽ നാം സംസാ​രി​ക്കു​ന്നത്‌ നമ്മോ​ടൊ​പ്പ​മു​ള്ള​യാൾക്ക്‌ സ്വീകാ​ര്യ​മാ​യി​രു​ന്നേ​ക്കാം?

³ എപ്പോൾ സംസാ​രി​ക്ക​ണ​മെന്ന്‌ വിവേ​ചി​ച്ചു​കൊണ്ട്‌: കൂടെ​യു​ള്ള​യാൾ വീട്ടു​കാ​ര​നോ​ടു സംസാ​രി​ക്കു​മ്പോൾ ഇടയ്‌ക്കു​ക​യറി സംസാ​രി​ക്ക​രുത്‌. സംഭാ​ഷ​ണ​ത്തി​ന്റെ ഗതിയെ നിയ​ന്ത്രി​ക്കാൻ അദ്ദേഹത്തെ അനുവ​ദി​ക്കുക. അതുവഴി അദ്ദേഹത്തെ ബഹുമാ​നി​ക്കു​ക​യാ​യി​രി​ക്കും നാം. (റോമ. 12:10) എന്നാൽ അദ്ദേഹ​ത്തി​നു സംഭാ​ഷണം മുന്നോ​ട്ടു​കൊ​ണ്ടു​പോ​കാൻ കഴിയാ​തെ വരു​ന്നെ​ങ്കി​ലോ? അല്ലെങ്കിൽ വീട്ടു​കാ​രൻ ഉന്നയി​ക്കുന്ന തടസ്സവാ​ദ​മോ ചോദ്യ​മോ എങ്ങനെ കൈകാ​ര്യം ചെയ്യണ​മെന്ന്‌ അറിയി​ല്ലെ​ങ്കി​ലോ? അദ്ദേഹം ആവശ്യ​പ്പെ​ടു​ന്ന​പക്ഷം സഹായി​ക്കാ​വു​ന്ന​താണ്‌. ആ സന്ദർഭ​ത്തിൽ പുതി​യൊ​രു വിഷയം അവതരി​പ്പി​ക്കാ​തെ അദ്ദേഹം പറഞ്ഞു നിറു​ത്തി​യ​തി​ന്റെ ബാക്കി​യാ​യി സംസാ​രി​ക്കാൻ ശ്രമി​ക്കുക. (സദൃ. 16:23; സഭാ. 3:1, 7) അതുവരെ പറഞ്ഞു​കൊ​ണ്ടി​രുന്ന കാര്യ​ങ്ങളെ പിന്താ​ങ്ങുന്ന വിധത്തി​ലാ​യി​രി​ക്കണം നമ്മുടെ സംസാരം.—1 കൊരി. 14:8.

4. നമു​ക്കെ​ങ്ങനെ ശുശ്രൂ​ഷ​യിൽ സന്തോ​ഷ​വും വിജയ​വും കണ്ടെത്താ​നാ​കും?

⁴ യേശു അയച്ച ആ 35 ജോഡി ശിഷ്യ​ന്മാർ പ്രസം​ഗ​നി​യോ​ഗം പൂർത്തി​യാ​ക്കി​യിട്ട്‌ “സന്തോ​ഷ​ത്തോ​ടെ മടങ്ങി​വന്നു.” (ലൂക്കോ. 10:17) മറ്റുള്ള​വ​രോ​ടൊ​പ്പം പ്രവർത്തി​ക്കു​മ്പോൾ നന്നായി ശ്രദ്ധി​ക്കു​ക​യും എപ്പോൾ സംസാ​രി​ക്ക​ണ​മെന്ന്‌ വിവേ​ചി​ച്ച​റി​യു​ക​യും ചെയ്യു​ന്നെ​ങ്കിൽ നമുക്കും ശുശ്രൂ​ഷ​യിൽ സന്തോ​ഷ​വും വിജയ​വും കണ്ടെത്താ​നാ​കും.