ശുശ്രൂ​ഷ​യി​ലെ നമ്മുടെ വൈദ​ഗ്‌ധ്യം വർധി​പ്പി​ക്കുക—സഹായി​ക്കുന്ന പങ്കാളി​യാ​യി​രു​ന്നു​കൊണ്ട്‌

എന്തു​കൊ​ണ്ടു പ്രധാനം: പ്രസം​ഗ​വേ​ല​യിൽ ഒരു പങ്കാളി ഉണ്ടായി​രി​ക്കു​ന്ന​തി​ന്റെ മൂല്യം യേശു തിരി​ച്ച​റി​ഞ്ഞു. അതു​കൊ​ണ്ടാ​ണു ശിഷ്യ​ന്മാ​രിൽ 70 പേരെ തനിക്കു മുമ്പേ പ്രസം​ഗി​ക്കാൻ ജോഡി​യാ​യി അയച്ചത്‌. (ലൂക്കോ. 10:1) ഒരു പങ്കാളിക്ക്‌, വിഷമ​ക​ര​മായ സാഹച​ര്യ​ങ്ങ​ളി​ലും വീട്ടു​കാ​ര​നോട്‌ എങ്ങനെ ഉത്തരം പറയണം എന്നു നിശ്ചയ​മി​ല്ലാ​ത്ത​പ്പോ​ഴും, കൂടെ പ്രവർത്തി​ക്കുന്ന വ്യക്തിക്ക്‌ ആവശ്യ​മായ സഹായം നൽകാ​നാ​കും. (സഭാ. 4:9, 10) തന്റെ അനുഭ​വങ്ങൾ പങ്കു​വെ​ച്ചു​കൊ​ണ്ടും, ചില​പ്പോ​ഴൊ​ക്കെ നിർദേ​ശങ്ങൾ നൽകി​ക്കൊ​ണ്ടും പങ്കാളി​യെ ഫലപ്ര​ദ​നായ ഒരു സുവി​ശേ​ഷ​ക​നാ​യി​ത്തീ​രു​ന്ന​തി​നു സഹായി​ക്കാ​നാ​കും. (സദൃ. 27:17) ഒരു വീട്ടിൽനി​ന്നു മറ്റൊ​ന്നി​ലേക്കു പോകു​മ്പോൾ കെട്ടു​പ​ണി​ചെ​യ്യുന്ന സംഭാ​ഷ​ണ​ത്തി​ലൂ​ടെ​യും പ്രോ​ത്സാ​ഹി​പ്പി​ക്കാ​നാ​കും.—ഫിലി. 4:8.

ഇത്‌ എങ്ങനെ ചെയ്യാം:

• പങ്കാളി സാക്ഷീ​ക​രി​ക്കു​മ്പോൾ ശ്രദ്ധി​ക്കുക. (യാക്കോ. 1:19) തിരു​വെ​ഴു​ത്തു​കൾ വായി​ക്കു​മ്പോൾ സ്വന്തം ബൈബി​ളിൽ അത്‌ നോക്കുക. ആവശ്യ​മെ​ങ്കിൽ സഹായം നൽകാൻ ഇതൊക്കെ നിങ്ങളെ പ്രാപ്‌ത​രാ​ക്കും. വീടു​തോ​റു​മുള്ള ശുശ്രൂ​ഷ​യിൽ പങ്കാളി സംസാ​രി​ക്കു​മ്പോൾ ശ്രദ്ധാ​ശൈ​ഥി​ല്യം ഉണ്ടാക്കാ​തെ ചുറ്റു​പാ​ടു​കൾ നിരീ​ക്ഷി​ക്കുക. (മത്താ. 10:16) ചിലയാ​ളു​കൾ പ്രത്യേ​ക​മാ​യി ശ്രദ്ധി​ക്കു​ന്ന​താ​യോ, നിങ്ങളെ നോക്കി മൊ​ബൈൽ ഉപയോ​ഗി​ക്കു​ന്ന​താ​യോ കാണു​ന്നെ​ങ്കിൽ വിവേ​ച​ന​യോ​ടെ സംസാരം നിറുത്തി ശാന്തമാ​യി ആ സ്ഥലം വിട്ടു​പോ​കാൻ പങ്കാളി​യെ സഹായി​ക്കുക. —സദൃ. 17:14.

• സംഭാ​ഷ​ണ​ത്തിൽ ഉൾപ്പെ​ട​ണ​മോ വേണ്ടയോ എന്നും വേണ​മെ​ങ്കിൽ എപ്പോൾ എന്നും തീരു​മാ​നി​ക്കാൻ ന്യായ​ബോ​ധം ഉപയോ​ഗി​ക്കുക. (സദൃ. 25:11) മറ്റൊരു പ്രസാ​ധ​കന്റെ ബൈബി​ള​ധ്യ​യ​ന​ത്തി​നു കൂടെ​യാ​യി​രി​ക്കു​മ്പോൾ നിങ്ങളു​ടെ അവസ​രോ​ചി​ത​മായ അഭി​പ്രാ​യങ്ങൾ വിലമ​തി​ച്ചേ​ക്കാം. എന്നിരു​ന്നാ​ലും, വീടു​തോ​റു​മുള്ള പ്രസം​ഗ​വേ​ല​യിൽ പങ്കാളി​യു​ടെ ഊഴം വരു​മ്പോൾ നാം അദ്ദേഹത്തെ സംസാ​രി​ക്കാൻ അനുവ​ദി​ക്കു​മെന്നു പ്രതീ​ക്ഷി​ക്കും. അദ്ദേഹം പുതിയ പ്രസാ​ധ​ക​നാ​ണെ​ങ്കി​ലോ, ചോദ്യ​ത്തി​നോ​ടോ എതിർപ്പി​നോ​ടോ എങ്ങനെ പ്രതി​ക​രി​ക്ക​ണ​മെന്നു നിശ്ചയ​മി​ല്ലെ​ങ്കി​ലോ, നിങ്ങളു​ടെ സഹായം തീർച്ച​യാ​യും വിലമ​തി​ക്കും. എന്നാൽ ഒരു പ്രസാ​ധ​ക​നോ​ടൊ​പ്പം വീടു​തോ​റു​മുള്ള വേലയി​ലോ, മടക്കസ​ന്ദർശനം, ബൈബി​ള​ധ്യ​യനം എന്നിവ നടത്തു​മ്പോ​ഴോ ഇടയ്‌ക്കു​ക​യറി പറയു​ക​യോ, സംസാരം ഏറ്റെടു​ക്കു​ക​യോ, മറ്റൊരു വിഷയം അവതരി​പ്പി​ക്കു​ക​യോ അരുത്‌.

• സ്വന്തം അനുഭ​വങ്ങൾ പങ്കു​വെ​ക്കുക. ചില​പ്പോ​ഴൊ​ക്കെ, നിങ്ങ​ളോ​ടൊ​പ്പം പ്രവർത്തി​ക്കുന്ന പ്രസാ​ധ​കനു മെച്ച​പ്പെ​ടാ​നുള്ള നിർദേ​ശങ്ങൾ നൽകാ​നുള്ള അവസരം ലഭിക്കു​മ്പോൾ അതു കൊടു​ക്കാൻ മടികാ​ണി​ക്ക​രുത്‌. (സദൃ. 3:27) ഉചിത​മായ സമയത്ത്‌ നിങ്ങൾക്ക്‌ ഇപ്രകാ​രം പറയാം: “കഴിഞ്ഞ വീട്ടിലെ സംസാരം എങ്ങനെ ആയിരു​ന്നു,” “ഞാനൊ​രു നിർദേശം വയ്‌ക്കട്ടേ,” “ഇങ്ങനെ ചെയ്യാൻ ഞാൻ ശ്രമി​ച്ചു​കൊ​ണ്ടി​രി​ക്കു​ക​യാണ്‌.” വല്ലപ്പോ​ഴും നൽകുന്ന നിർദേശം വിലമ​തി​ക്കു​മെ​ങ്കി​ലും പിഴവു​ക​ളെ​ല്ലാം ശ്രദ്ധയിൽപെ​ടു​ത്തി​യാൽ നിരു​ത്സാ​ഹം തോന്നു​മെന്ന്‌ ഓർക്കുക.

മാസത്തി​ലു​ട​നീ​ളം ഇതു പരീക്ഷി​ക്കുക:

• ശുശ്രൂ​ഷ​യിൽ പ്രവർത്തിച്ച ശേഷം, കൂടെ പ്രവർത്തി​ച്ച​യാൾ പറഞ്ഞതോ ചെയ്‌ത​തോ ആയ ഇന്നയിന്ന കാര്യങ്ങൾ അദ്ദേഹത്തെ നല്ല പങ്കാളി​യാ​ക്കി​യെന്ന്‌ പറഞ്ഞ്‌ അഭിന​ന്ദി​ക്കുക.