വയൽസേ​വ​ന​ത്തി​ലാ​യി​രി​ക്കു​മ്പോൾ മററു​ള​ള​വരെ സഹായി​ക്കൽ

¹ ക്രിസ്‌തീ​യസഭ അതിന്റെ തുടക്കം​മു​തൽതന്നെ സുവി​ശേ​ഷ​ക​രു​ടെ ഒരു സ്ഥാപന​മാ​യി​ട്ടാ​ണി​രു​ന്നി​ട്ടു​ള​ളത്‌. യേശു വ്യക്തി​പ​ര​മാ​യി തന്റെ ശിഷ്യൻമാ​രെ പ്രസം​ഗ​പ്ര​വർത്ത​ന​ത്തിൽ പരിശീ​ലി​പ്പി​ക്കു​ക​യും “ഈരണ്ടാ​യി അവരെ അയച്ചു​തു​ട​ങ്ങു​ക​യും​ചെ​യ്‌തു.” (മർക്കോ. 6:7; ലൂക്കോ. 8:1) ‘സുവാർത്ത​യിൽ തന്നോടു ഒത്തുനിന്ന്‌ കഠിന​പോ​രാ​ട്ടം നടത്തിയ’ തന്റെ “കൂട്ടു​വേ​ല​ക്കാ​രെ”ക്കുറിച്ച്‌ അപ്പോ​സ്‌ത​ല​നായ പൗലോസ്‌ പറഞ്ഞു. (ഫിലി. 4:3) ശുശ്രൂ​ഷ​യിൽ എല്ലായ്‌പ്പോ​ഴും ഒരു പങ്കാളി ഉണ്ടായി​രി​ക്കേ​ണ്ട​താ​വ​ശ്യ​മ​ല്ലെ​ങ്കി​ലും മററു​ള​ളവർ കൂടെ​പോ​രു​ന്നത്‌ നമ്മിൽ മിക്കവ​രും വിലമ​തി​ക്കു​ന്നു. (സഭാ. 4:9) ആ സ്ഥിതിക്ക്‌ നമുക്ക്‌ നാം പ്രസം​ഗി​ക്കു​മ്പോൾ അന്യോ​ന്യം പ്രോൽസാ​ഹി​പ്പി​ക്കു​ന്ന​വ​രും സഹായി​ക്കു​ന്ന​വ​രു​മാ​യി​രി​ക്കാൻ എങ്ങനെ കഴിയും?

² വയൽസേ​വ​ന​ത്തി​നു​വേ​ണ്ടി​യു​ളള നമ്മുടെ യോഗ​ങ്ങ​ളു​ടെ ഉദ്ദേശ്യ​ങ്ങ​ളി​ലൊന്ന്‌ പുതി​യ​വ​രും പരിച​യം​കു​റ​ഞ്ഞ​വ​രു​മായ പ്രസാ​ധ​കർക്ക്‌ സഹായം കൊടു​ക്കു​ക​യെ​ന്ന​താണ്‌. (ശുശ്രൂഷ പേ. 77, 97) പുതു​താ​യി നിയമി​ക്ക​പ്പെട്ട പയനി​യർമാർപോ​ലും കൂടുതൽ പരിച​യ​സ​മ്പ​ന്ന​രായ പ്രസാ​ധ​ക​രോ​ടു​കൂ​ടെ​യോ ഒരു മൂപ്പ​നോ​ടു​കൂ​ടെ​യോ ശുശ്രൂ​ഷാ​ദാ​സ​നോ​ടു​കൂ​ടെ​യോ പ്രവർത്തി​ക്കാ​നാ​ഗ്ര​ഹി​ച്ചേ​ക്കാം. “പ്രോൽസാ​ഹ​ന​ത്തി​ന്റെ ഒരു കൈമാ​റ​റ​ത്തിന്‌” എത്ര നല്ല അവസരം!—റോമ. 1:12.

³ സുരക്ഷി​ത​ത്വ​ത്തി​നു​വേണ്ടി ചില പ്രദേ​ശ​ങ്ങ​ളിൽ പ്രസാ​ധകർ ഒരുമി​ച്ചു പ്രവർത്തി​ക്കു​ന്നത്‌ ബുദ്ധി​പൂർവ​ക​മാ​യി​രി​ക്കാം. അല്ലെങ്കിൽ ചില സമയങ്ങ​ളിൽ വയൽസേ​വ​ന​യോ​ഗ​ത്തി​നു വന്നിരി​ക്കുന്ന പരിച​യം​കു​റഞ്ഞ പ്രസാ​ധ​കരെ സഹായി​ക്കു​ന്ന​തിന്‌ മറെറാ​രാ​ളോ​ടു​കൂ​ടെ പ്രവർത്തി​ക്കാൻ നേരത്തെ ചെയ്‌തി​രുന്ന ആസൂ​ത്ര​ണ​ങ്ങൾക്ക്‌ മാററം വരു​ത്തേ​ണ്ട​താ​വ​ശ്യ​മാ​യി​രി​ക്കാം. അങ്ങനെ ചെയ്യാൻ നമ്മോട്‌ ആവശ്യ​പ്പെ​ടു​ന്നു​വെ​ങ്കിൽ, നാം പതിവാ​യി ഒരു പ്രത്യേക കൂട്ടാ​ളി​യോ​ടു​കൂ​ടെ പ്രവർത്തി​ച്ചേ​ക്കാ​മെ​ങ്കി​ലും, “ദുർബ​ലരെ സഹായി​ക്കു​ന്ന​തിന്‌” ആവശ്യ​മായ ഏതു പൊരു​ത്ത​പ്പെ​ടു​ത്ത​ലും വരുത്തു​ന്നത്‌ തീർച്ച​യാ​യും സ്‌നേ​ഹ​ത്തി​ന്റെ വഴിയാ​യി​രി​ക്കും.—പ്രവൃ. 20:35.

യോജി​പ്പിൽ പ്രവർത്തി​ക്കു​ക

⁴ നാം വയൽസേ​വ​ന​ത്തിന്‌ മററു​ള​ള​വ​രോ​ടു​കൂ​ടെ പോകു​മ്പോ​ഴൊ​ക്കെ നാം ഒരു ററീമാ​യി യോജി​പ്പിൽ പ്രവർത്തി​ക്കാ​നാ​ഗ്ര​ഹി​ക്കു​ന്നു. (1 കൊരി​ന്ത്യർ 3:6, 9 താരത​മ്യം​ചെ​യ്യുക.) സാക്ഷ്യം കൊടു​ക്കു​ന്ന​തിൽ ഇരുവർക്കും പങ്കെടു​ക്കാൻക​ഴി​യും, ഒരുപക്ഷേ വീട്ടു​വാ​തിൽക്കൽ മാറി​മാ​റി സംഭാ​ഷണം തുടങ്ങി​ക്കൊ​ണ്ടു​തന്നെ. നമ്മുടെ പങ്കാളി സംസാ​രി​ച്ചു​കൊ​ണ്ടി​രി​ക്കു​മ്പോൾ നാം മര്യാ​ദാ​പൂർവ​വും ശ്രദ്ധാ​പൂർവ​വും കേൾക്ക​ണ​മെന്ന്‌ നല്ല ശീലങ്ങൾ ആവശ്യ​പ്പെ​ടു​ന്നു.

⁵ ചില സമയങ്ങ​ളിൽ നമ്മുടെ പങ്കാളി നേതൃ​ത്വം വഹിക്കു​മ്പോൾ ചർച്ചയിൽ ചേരു​ന്നത്‌ ഉചിത​മാ​ണെ​ങ്കി​ലും ഇതിന്‌ നല്ല വിവേചന ആവശ്യ​മാണ്‌. നല്ല ഫലത്തോ​ടെ വീട്ടു​കാ​ര​നു​മാ​യി നടത്തുന്ന ഒരു ന്യായ​വാ​ദത്തെ തടസ്സ​പ്പെ​ടു​ത്താൻ നാം ആഗ്രഹി​ക്കു​ന്നില്ല. തീർച്ച​യാ​യും പരിച​യ​ക്കു​റ​വു​ളള സഹോ​ദ​രന്‌ തടസ്സവാ​ദത്തെ കൈകാ​ര്യം​ചെ​യ്യു​ന്ന​തിൽ പ്രയാസം അനുഭ​വ​പ്പെ​ട്ടു​തു​ട​ങ്ങു​ന്നു​വെ​ങ്കിൽ നന്നായി നയിക്ക​പ്പെ​ടുന്ന സഹായത്തെ അയാൾ വിലമ​തി​ക്കു​മെ​ന്നു​ള​ള​തിന്‌ സംശയ​മില്ല.—സഭാ. 4:12.

⁶ നമ്മുടെ അവതര​ണത്തെ മെച്ച​പ്പെ​ടു​ത്താ​വുന്ന മാർഗ്ഗങ്ങൾ ചർച്ച​ചെ​യ്യു​ന്ന​തിന്‌ സന്ദർശ​ന​ങ്ങൾക്കി​ട​ക്കു​ളള സമയത്തെ നമുക്ക്‌ നന്നായി ഉപയോ​ഗി​ക്കാൻക​ഴി​യും. ഒരുപക്ഷേ ന്യായ​വാ​ദം പുസ്‌ത​ക​ത്തി​ലെ മുഖവു​ര​ക​ളി​ലൊന്ന്‌ അല്ലെങ്കിൽ നമ്മുടെ രാജ്യ​ശു​ശ്രൂ​ഷ​യിൽ വിവരി​ച്ചി​രി​ക്കുന്ന ഒരു നിർദ്ദേശം ഉപയോ​ഗി​ക്കു​ന്നത്‌ കൂടുതൽ ഫലകര​മെന്നു തെളി​യും. ഒരുമി​ച്ചു​ളള പ്രവർത്തനം അന്യോ​ന്യം അറിയു​ന്ന​തി​നും നമ്മുടെ ക്രിസ്‌തീയ സാഹോ​ദ​ര്യ​ബ​ന്ധ​ങ്ങളെ ബലിഷ്‌ഠ​മാ​ക്കു​ന്ന​തി​നു​മു​ളള അവസര​വും പ്രദാ​നം​ചെ​യ്യു​ന്നു.

⁷ നമ്മുടെ ശുശ്രൂഷ തീർച്ച​യാ​യും അതിയാ​യി വിലമ​തി​ക്ക​പ്പെ​ടുന്ന ഒരു നിക്ഷേ​പ​മാണ്‌. (2 കൊരി. 4:1, 7) വയൽസേ​വ​ന​ത്തിൽ മററു​ള​ള​വ​രു​മാ​യി പ്രവർത്തി​ക്കാൻ നമുക്ക്‌ അവസരം ലഭിക്കു​മ്പോൾ, നമുക്ക്‌ അന്യോ​ന്യം നമ്മുടെ വിശു​ദ്ധ​പ്ര​വർത്ത​ന​ത്തോട്‌ ആഴമായ വിലമ​തിപ്പ്‌ കെട്ടു​പ​ണി​ചെ​യ്യാൻ കഴിയും. അതേസ​മയം, നമുക്ക്‌ പ്രോൽസാ​ഹനം ലഭിക്കു​ക​യും നാം മററു​ള​ള​വ​രിൽനിന്ന്‌ പഠിക്കു​ക​യും ചെയ്യും. ഫലം വർദ്ധിച്ച സന്തോ​ഷ​വും സാക്ഷ്യം കൊടു​ക്കു​ന്ന​തി​ലെ കൂടു​ത​ലായ ഫലപ്ര​ദ​ത്വ​വും നമ്മുടെ സഹോ​ദ​രീ​സ​ഹോ​ദ​രൻമാ​രോ​ടു​ളള ഐക്യ​ത്തി​ന്റെ സംതൃ​പ്‌തി​ക​ര​മായ ബോധ​വു​മാ​യി​രി​ക്കും.—സങ്കീ. 133:1